bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
2 Kings 21
2 Kings 21
Krio (Krio Fɔs Oli Baybul)
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 22 →
1
Manasɛ bin ol twɛlv ia we i bi kiŋ na Juda ɛn i rul na Jerusɛlɛm fɔ fifti-fayv ia. In mama nem Ɛpziba.
2
Na bad tin dɛn in du bifo PAPA GƆD in yay; i bin de falamakata dɛn ɔda neshɔn dɛn we PAPA GƆD bin drɛb kɔmɔt bifo di Izrɛlayt dɛn pan di bad we dɛn bin de du.
3
Dɛn ples dɛn we in papa Ɛzikaya bin brok we na de dɛn bin de wɔship lay lay gɔd, na dɛn in bil bak; i bil ɔlta fɔ de mek sakrifays to Beal, dɔn i mek da gɔd we nem Ashɛra in imej, jɛs lɛkɛ aw Kiŋ Eab na Izrɛl bin du. Pantap dat, i bin de wɔship di sta dɛn.
4
I bil ɔlta dɛn insay PAPA GƆD in os fɔ de wɔship lay lay gɔd, di ples we i dɔn se na de fɔ de wɔship am.
5
I bil ɔlta dɛn fɔ de wɔship di sta dɛn insay di kɔmpawnd na PAPA GƆD in os;
6
i tek in bɔypikin sakrifays am na faya, i bigin fɔ de lukgrɔn ple majik ɛn de ple wit ɔlkayn dɛbul. Di bad we i du so bɔku dat i mek PAPA GƆD vɛks bad bad wan.
7
I tek di Ashɛra pol we i mek put am insay Papa in os, ɛn PAPA GƆD bin dɔn tɛl Devid ɛn in bɔypikin Sɔlɔmɔn se nainsay da os de na Jerusɛlɛm we in dɔn pik pan ɔl dɛn fambul dɛn na Izrɛl na de dɛn go de wɔship am sote go.
8
PAPA GƆD bin dɔn se in nɔ go mek di Izrɛlayt dɛn de wirɔn wirɔn igen ɛn kɔmɔt na di land we i dɔn gi dɛn fɔstɛm-papa dɛn, if nɔmɔ dɛn tek tɛm du ɔl wetin i tɛl dɛn ɛn go akɔdin to di lɔ we in savant Mozis gi dɛn.
9
Di pipul dɛn nɔ lisin, bifo dat dɛn fala Manasɛ fɔ de du dɛn bad bad tin dɛn te dɛn du wetin pas di ɔda neshɔn dɛnsɛf bin dɔn du we mek PAPA GƆD drɛb dɛn kɔmɔt bifo di Izrɛlayt dɛn.
10
PAPA GƆD bin tɛl dɛn prɔfɛt we nain savant dɛn se,
11
Kiŋ Manasɛ na Juda dɔn du ɔl dɛn bad bad tin ya, ɛn i dɔn kɔmit sin pas di Amɔrayt dɛn we bin de bifo am, ɛn i dɔn mek Juda jɔyn am pan di bad we i mek di wanol kɔntri wɔship lay lay gɔd.
12
So, PAPA GƆD we na PAPA GƆD fɔ Izrɛl se in go mek big big dombolo fɔdɔm na Jerusɛlɛm ɛn Juda so dat ɛnibɔdi we yɛri in bɔtɔm bɛlɛ go bwɛl.
13
PAPA GƆD se in go dil wit Jerusɛlɛm lɛkɛ aw i dil wit Sameria we i pwɛl di siti kpatakpata wit Eab ɛn ɔl in jɛnareshɔn. I se wan pɔsin nɔ go lɛf na Jerusɛlɛm, in go klin Jerusɛlɛm lɛkɛ aw pɔsin de shayn plet ɛn tɔn am oba.
14
I se di wan dɛn we nɔ day in go mek dɛn ɛnimi dɛn kech dɛn ɛn tek ɔl wetin dɛn gɛt,
15
bikɔs dɛn dɔn du bad bad tin; ɛn dɛn dɔn de fɛn in plaba frɔm di de we dɛn fɔstɛm-papa dɛn lɛf Ijipt.
16
Fɔ ad pan di bad tin dɛn we Manasɛ bin de du, i shɛd inosɛnt blɔd ɛn de kil mɔtalman fitifata. I mek di wanol Jerusɛlɛm bin de smɛl blɔd, ɛn mek di kɔntri kɔmit sin to PAPA GƆD.
17
As fɔ di ɔda tin dɛn we Manasɛ du, we i bin de rul, miks wit di bad bad tin dɛn we i du, dɛn ɔl rayt na di istri buk bɔt dɛn kiŋ na Juda.
18
Manasɛ day dɔn dɛn bɛr am na di gadin nain os, we Uza bin mek nain os. Dɔn in bɔypikin Emɔn bi di kiŋ.
19
Emɔn bin ol twɛnti-tu ia we i bi kiŋ, ɛn i rul na Jerusɛlɛm fɔ tu ia. In mama nem Mɛshulɛmɛth we na Aruz in gyal pikin, ɛn na Jotba i kɔmɔt.
20
Emɔn insɛf du bad tin na PAPA GƆD in yay jɛs lɛkɛ aw in papa Manasɛ bin du.
21
Na soso in papa in futstɛp i fala; i wɔship di lay lay gɔd dɛn we in papa bin de wɔship.
22
I nɔ braskitul PAPA GƆD we na di PAPA GƆD we i fɔstɛm-papa dɛn bin de wɔship, ɛn nɔ du wetin PAPA GƆD se.
23
Emɔn in ɔfisa dɛn mek ku pan am ɛn kil am nain os.
24
Dɔn di pipul dɛnsɛf kil ɔl dɛn wan we bin mek ku pan Kiŋ Emɔn ɛn mek in bɔypikin Josaya kiŋ.
25
As fɔ di ɔda tin dɛn we Emɔn du wɛn i bin de rul, dɛn ɔl rayt na di istri buk bɔt dɛn kiŋ na Juda.
26
Dɛn bɛr am nain grev na di gadin we Uza bin mek. In pikin Josaya tek in ples ɛn bi di kiŋ.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25