bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
2 Kings 19
2 Kings 19
Krio (Krio Fɔs Oli Baybul)
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 20 →
1
Wɛn Kiŋ Ɛzikaya yɛri wetin di man dɛn se, i chɛr in klos ɛn wɛr saklɔth, dɔn i go insay PAPA GƆD in os.
2
I mek Ilayakim we na di kiŋ in administretɔ wit Shɛbna we na sɛktri ɛn di bigman dɛn pan di man dɛn we de mek sakrifays fɔ pipul sin wɛr saklɔth, ɛn sɛn dɛn to Prɔfɛt Ayzaya we na Emɔz in bɔypikin.
3
Dɛn tɛl Ayzaya se Ɛzikaya se da de de na de wit waala, shem ɛn disgres, we tan lɛk we uman wan bɔn, dɔn i nɔ ebul fɔ bɔn.
4
Dɛn se sɔntɛm Ayzaya in Gɔd, we na PAPA GƆD dɔn yɛri ɔl di wɔd we di kiŋ na Asiria in fil kɔmanda dɔn wes pan PAPA GƆD ɛn provok am, ɛn so PAPA GƆD go dil wit am fɔ dat, dɔn lɛ i pre fɔ di wan dɛn we lɛf naw pan di Izrɛlayt dɛn.
5
Wɛn Kiŋ Ɛzikaya in ɔfisa dɛn rich to Ayzaya,
6
i tɛl dɛn se lɛ dɛn tɛl di kiŋ se PAPA GƆD se lɛ i nɔ fred, lɛ i nɔ yɛk sɛf, pan ɔl we di kiŋ na Asiria in bɔbɔ dɔn tɔk bad bɔt am.
7
I se PAPA GƆD se in go put wan kanaba spirit pan am we go mek di wantɛm nyuz we i go yɛri, na dat go mek i rɔn go bak nain kɔntri we na de dɛn de go kil am.
8
Wɛn di fil kɔmanda yɛri se di kiŋ na Asiria dɔn kɔmɔt na Lakish ɛn de fɛt Libna, i go mit am de.
9
Wɔd rich Sɛnakarib se Kiŋ Tiraka da Kushayt kiŋ na Ijipt dɔn mach in ami fɔ go fɛt am. Wɛn i yɛri dis kayn mɛsej, i sɛn go bak to Kiŋ Ɛzikaya na Juda se,
10
lɛ i nɔ abop pan di gɔd we de mek am ful se Jerusɛlɛm nɔ go fɔdɔm na di kiŋ na Asiria in trap bikɔs in no se
11
Ɛzikaya fɔ dɔn yɛri bɔt ɔl wetin dɛn kiŋ dɛn na Asiria dɔn de du to ɔl dɛn ɔda kɔntri dɛn, we dɛn dɔn nyamanyama dɛn kpatakpata; ɛn if in fil se in go ebul kɔmɔt nain an.
12
I se if di gɔd dɛn we dɛn ɔda neshɔn dɛn de sav bin ebul fɔ pul di kɔntri dɛn nain fɔstɛm-papa dɛn an dat na di gɔd dɛn na Gozan, Aran, Rɛzɛf ɛn dɛn pipul dɛn we kɔmɔt Idɛn we bin de na Tɛl Asa.
13
I se usay di kiŋ dɛn fɔ Amath, Apad, Sɛfavaim, Ɛna ɛn Iva dɛn bin de.
14
We Ɛzikaya gɛt di kiŋ in lɛta, i rid am dɔn i kɛr am go na PAPA GƆD in os ɛn le am bifo PAPA GƆD.
15
Dɔn i pre to PAPA GƆD se, “E PAPA GƆD, Izrɛl in PAPA GƆD, yu de ay wan midul dɛn Chɛryubim. Na yu wangren na PAPA GƆD pantap ɔl dɛn kindɔm na wɔl, na yu mek ɛvin ɛn ath.
16
PAPA GƆD duya opin yu yes ɛn lisin; PAPA GƆD duya, opin yu yay lɛ yu si; luk wetin Sɛnakarib dɔn rayt we i kɔs yu, yu we na PAPA GƆD we gɛt layf.
17
PAPA GƆD, na tru se di Asirian dɛn dɔn dɔnawe kpatakpata wit dɛn ɔda neshɔn dɛn,
18
dɛn dɔn trowe dɛn gɔd dɛn na faya ɛn bɔn dɛn, bɔt infakt sɛf nɔto gɔd dɛn na ɛmti tik ɛn ston we na mɔtalman an dɛn tek mek dɛn.
19
Duya PAPA GƆD, yu na wi PAPA GƆD, pul wi nain an fɔ lɛ ɔl dɛn kindɔm na wɔl go no se na yu wangren nɔmɔ PAPA GƆD na PAPA GƆD.”
20
Emɔz in bɔypikin we na Ayzaya sɛn mɛsej to Ɛzikaya. I se, “Dis na wetin PAPA GƆD, Izrɛl in PAPA GƆD se. I se in dɔn yɛri yu prea kɔnsanin Kiŋ Sɛnakarib na Asiria,
21
so na dis i gɛt fɔ se bɔt am; Sɛnakarib, di yɔŋgyal dɛn na Zayɔn de laf yu ɛn provok yu, di uman dɛn na Jerusɛlɛm de laf yu we yu de rɔn.
22
Na udat yu tink se yu de kɔs ɛn fityay? Na udat yu tink se yu de tɔk bad bɔt ɛn de kak pan? Na pan mi we na Izrɛl dɛn PAPA GƆD?
23
Yu sɛn mɛsenja dɛn fɔ fityay mi, dɔn yu de blɔf se yu dɔn yuz yu karej dɛn fɔ go ɔp ɔp dɛn ay ay mawnten dɛn fa fa insay Libanɔn; A dɔn kɔt ɔl dɛn laŋa timba tik dɛn di fayn fayn sayprɛs dɛn; A go insay insay di tik tik fɔrɛst.
24
Yu de se yu dɔn dig wɛl dɛn, ɛn drink di wata we de de, yu ami dɔn mas mas di wata dɛn na Ijipt ɛn mek ɔl di wata de dray.”
25
Yu nɔ bin dɔn yɛri yet ɛn? Lɔntɛm nain a dɔn plan dat fɔ bi. Na mi se na so i fɔ bi, fɔ lɛ yu nyakanyaka di kɔntri to grabul ɛn na so i bi.
26
Di pipul dɛn nɔ ebul shek; dɛn bin jɛs damu ɛn mumu. Dɛn bin tan lɛk gras we de gro na bush, ɔ dɛn gras we de gro pantap ruf we san kin bɔn am bifo i de bigin fɔ gro.
27
“Natin nɔ de we a nɔ no bɔt yu, aw yu de go ɛn kam, a no se yu de agens mi.
28
Fɔseka we yu dɔn tɔn pan mi, ɛn de kak pantap dat, a go put uk na yu nos ɛn rop na yu mɔt lɛkɛ aw dɛn kin du ɔs, ɛn mek yu go bak usay yu kɔmɔt.”
29
Na de Ayzaya tɛl Kiŋ Ɛzikaya se i gɛt fɔ si wan sayn. Di sayn na da ia de i go it wetin bɔs na grɔn fɔ insɛf di nɛks ia na wetin lɛf pan di tin dɛn we bin bɔs i go it; dɔn di ɔda ia i go plant ɛn avɛst kɔn, vayn ɛn grep we i go it.
30
I se di pipul dɛn we lɛf na Juda go frɛsh lɛkɛ nyu plant we in rut de go dɔŋ ɛn bia frut.
31
I se PAPA GƆD go mek pipul dɛn de na Jerusɛlɛm ɛn Mawnt Zayɔn.
32
Ayzaya se PAPA GƆD se, as fɔ di Kiŋ na Asiria, i nɔ go mas in fut sɛf na di siti ɔ shut wan aro de. I se nɔn sojaman sɛf we gɛt big shild nɔ go go nia de ɛn nɔbɔdi nɔ go le ambush rawnd am.
33
PAPA GƆD se di kiŋ na Asiria go yuz di sem rod we i tek kam go bak, ɛn i nɔ go nia di siti. I se wetin in dɔn tɔk go bi.
34
PAPA GƆD se fɔ in yon sek ɛn fɔseka in savant Devid, in go fɛt fɔ di siti ɛn protɛkt am.
35
Da vɛri nɛt de PAPA GƆD in enjɛl go na di Asirian dɛn kamp ɛn kil wan ɔndrɛd ɛn eti-fayv tawzin man dɛn. Wɛn pipul dɛn wek na mɔnin, na soso dedebɔdi dɛn dɛn si.
36
So Kiŋ Sɛnakarib na Asiria tɔn bak go na Ninivɛ ɛn tap de.
37
Wande we i de nain gɔd Nisrɔk in os de wɔship am, in bɔypikin dɛn dat na Adramɛlɛk ɛn Sharɛza go mit am de kil am wit sɔd, dɔn dɛn rɔnawe go na Ararat. In ɔda bɔypikin we nem Ɛzaadɔn tek in ples ɛn bi kiŋ.
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25