bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
2 Kings 18
2 Kings 18
Krio (Krio Fɔs Oli Baybul)
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 19 →
1
Di ia we mek Ila in bɔypikin we na Oshia tri ia as kiŋ na Izrɛl, na da ia de Eaz in bɔypikin Ɛzikaya bi kiŋ na Juda.
2
Na twɛnti-fayv ia i bin ol we i bi kiŋ ɛn i rul fɔ twɛnti-nayn ia na Jerusɛlɛm. In mama na Zɛkaraya in gyal pikin we na Abija.
3
Ɛzikaya du wetin rayt na PAPA GƆD in yay lɛkɛ aw nɔmɔ Devid insɛf bin du.
4
I pwɛl pwɛl ɔl dɛn ay ples we dɛn mek fɔ de wɔship lay lay gɔd, ɛn brok da gɔd we nem Ashɛra in lay lay gɔd. I brok da bras snek we Mozis bin mek bikɔs pipul dɛn bin de bɔn insɛns to am. Dɛn bin de kɔl di snek Nɛshutan
5
Ɛzikaya in bin put in op ɛn trɔs pan PAPA GƆD, Izrɛl in PAPA GƆD. Nɔn kiŋ nɔ ɛva rul Juda we tan lɛk Ɛzikaya; dɛn wan we bin de bifo am o, ɔ dɛn wan sɛf we kam afta am.
6
I bin de wit PAPA GƆD tigi tigi wan; i bin de fala di lɔ we PAPA GƆD gi Mozis;
7
ɛn na so PAPA GƆD insɛf bin de wit am. Ɛnitin we i put an pan bin de bɛtɛ. I barɔf pan di kiŋ na Asiria ɛn nɔ gri pe taks to am.
8
I fɛt ɔl di Filistin dɛn frɔm di Wɔch Tawa te rich to di siti we dɛn bil wɔl rawnd, te rich to di bawndri fɔ go Gaza ɛn di siti dɛn we de rawnd am.
9
Di ia we mek Ɛzikaya fo ia as kiŋ, we na da sem ia de mek Oshia insɛf sɛvin ia as kiŋ na Izrɛl, Kiŋ Shalmanɛsa na Asiria mach go na Sameria ɛn le ambush de.
10
Na we tri ia dɔn di Asirian dɛn kapchɔ di siti. Dɛn kapchɔ Sameria di ia we mek Ɛzikaya siks ia we i bi kiŋ na Juda, ɛn Oshia nayn ia as kiŋ na Izrɛl.
11
Di kiŋ na Asiria kech di pipul dɛn na Izrɛl kɛr dɛn go na Ala, Gozan we de nia Riva Abɔ, wit dɛn siti dɛn we de na Mɛdia.
12
Ɔl dis bin bi bikɔs di pipul dɛn nɔ obe PAPA GƆD ɛn brok di Kɔvinant we de bitwin in ɛn dɛn, ɛn nɔ gri du ɔl wetin Mozis tɛl dɛn fɔ du. Wan wɔd dɛn nɔ yɛri.
13
Di ia we mek Kiŋ Ɛzikaya fotin ia we i bin rul as kiŋ, na da ia de Kiŋ Sɛnakarib na Asiria atak ɔl di siti dɛn we gɛt wɔl na Juda ɛn kapchɔ dɛn.
14
So Ɛzikaya sɛn mɛsej to di kiŋ na Asiria na Lakish se in dɔn du rɔŋ, so lɛ i sɔri fɔ am, in go pe ɛnitin we i aks fɔ. Di kiŋ na Asiria aks Ɛzikaya fɔ gi am tɛn tawzin kilo silva ɛn wan tawzin kilo gold.
15
Ɛzikaya gi am ɔl di gold ɛn silva dɛn we bin de na PAPA GƆD in os ɛn insɛf yon os.
16
Dɔn igen Ɛzikaya pul ɔl di gold we i bin dɔn put na di do dɛn ɛn dɛn frem na PAPA GƆD in os, ɛn gi ɔl to di kiŋ na Asiria.
17
Di kiŋ na Asiria tɛl in ami kɔmanda wit di chif ɔfisa ɛn di fil kɔmanda se lɛ dɛn lɛf Lakish wit wan bataliɔn fɔ go na Jerusɛlɛm to Kiŋ Ɛzikaya. Dɛn ɔl lɛf fɔ go. Wɛn dɛn rich, dɛn telem na di jɔnkshɔn usay dɛn wan we de mek klos de wok, nia usay wata kin de gɛda.
18
Dɛn sɛn kɔl di kiŋ, na Ikayakim we na Ilkaya di administretɔ in bɔypikin wit Shɛbna we na di sɛktri ɛn Esaf in bɔypikin we na Joa we na klak, na dɛn go mit dɛn.
19
Di fil kɔmanda gi dɛn mɛsej fɔ di kiŋ. I se, “Dis na wɔd we kɔmɔt frɔm di gret kiŋ, di kiŋ na Asiria. Na wetin una gɛt we de lift una ɔp we mek una de blɔf so?
20
Una de blɔf se una gɛt ɔlkayn militri tatiks ɛn wɛpɔn; na big tɔk nɔmɔ una gɛt. Na udat una abop pan ba we mek una tɔn rebɛl pan mi?
21
Una luk nɔ, una se una abop pan Ijipt fɔ ɛp una, we a go se dɛn fiba brumtik, we if una nɔ kiaful i go brok na una an ɛn chuk una. Di kiŋ na Ijipt nɔ bɛtɛ, i tan lɛk una. Ɔl udat abop pan am na brumtik.
22
Ɛn if una tɛl mi sɛf se na PAPA GƆD una PAPA GƆD una abop pan, nɔto in ɔlta dɛn ɛn dɛn ay ples fɔ wɔship am na Juda ɛn Jerusɛlɛm Ɛzikaya pwɛl, pwɛl?”
23
“Una kam mek agrimɛnt wit mi masta, we na di kiŋ na Asiria: a go gi una tu tawzin ɔs dɛn if una gɛt pipul dɛn fɔ rayd dɛn.
24
Una ɔl nɔ du sɛf fɔ chalenj wangren ɔfisa na Asiria bikɔs, na Ijipt una abop pan fɔ gi una karej ɛn di man dɛn we de rayd ɔs.
25
Dɔn igen una min se a go jɛs kam nɔmɔ fɔ kam pwɛl ya if nɔto PAPA GƆD tɛl mi se fɔ du dat? Na PAPA GƆD insɛf sɛf tɛl mi se lɛ a mach kam insay dis siti ɛn pwɛl am.”
26
Na de Ilayakim we na Ilkaya in bɔypikin ɛn Shɛbna ɛn Joa tɛl di fil kɔmanda se lɛ i tɔk to dɛn na Arameik bikɔs dɛn de ɔndastand da laŋwej de; dɛn se lɛ i nɔ tɔk to dɛn na Ibru bikɔs di pipul dɛn we tap oba di wɔl de yɛri wetin dɛn de tɔk.
27
Bɔt di kɔmanda aks dɛn se if dɛn fil se na to dɛn ɛn dɛn masta nɔmɔ di kiŋ sɛn am wit da mɛsej de. I se if dɛn nɔ fil se di mɛsej na fɔ dɛn ɔl wit di ɔda man dɛn we sidɔm pantap di wɔl we na dɛn ɔl go gɛt fɔ it dɛn shit ɛn drink dɛn pis.
28
Na de di kɔmanda tinap ɛn tɔk lawd wan na Ibru se, “Una lisin to di gret kiŋ, di kiŋ na Asiria!
29
“Dis na di kiŋ na Asiria de tɔk: Una nɔ mek Ɛzikaya ful una. I nɔ go ebul pul una na mi an.
30
Una nɔ lɛ Ɛzikaya mek una chenj una maynd fɔ trɔs pan PAPA GƆD we i de tɛl una se PAPA GƆD go mɔs pul una na di kiŋ in an, i nɔ go mek di kiŋ na Asiria kapchɔ di siti.
31
Una nɔ lisin to Ɛzikaya o! Mi di kiŋ na Asiria de tɛl una naw se mek una mek pis wit mi ɛn jɔyn mi. If una du dat ɔlman go it di frut we in vayn tik ɛn fig tik de bia ɛn drink wata nain yon wɛl,
32
te a go kam kam pul una kɔmɔt de kɛr una na land we tan lɛk una yon, land we gɛt bɔku it, nyu wayn, bred, vayn gadin, land we gɛt ɔliv tik dɛn ɛn ɔni. Una pik layf, una nɔ pik fɔ day!” “Una nɔ lisin to Ɛzikaya bikɔs na ful i de mek una we i de tɛl una se PAPA GƆD go sev una.
33
Ɛni kɔntri de na wɔl we in gɔd dɔn sev da kɔntri de na di kiŋ na Asiria in an?
34
We di gɔd dɛn we na dɛn Amath ɛn Apad de wɔship? We di gɔd dɛn we na dɛn Sɛfavaim, Ena ɛn Iva de wɔship? Dɛn bin ebul pul Sameria kɔmɔt na mi an we a ɔndaswɛt dɛn?
35
Uswan pan ɔl dɛn gɔd dɛn na dɛn kɔntri dɛn de dɔn ebul fɔ pul in kɔntri na mi an? Wetin mek una tink se PAPA GƆD go ebul pul Jerusɛlɛm kɔmɔt na mi an?”
36
Kiŋ Ɛzikaya bin dɔn tɛl di pipul dɛn se lɛ dɛn nɔ ansa wan wɔd, so dɛnsɛf nɔ se fiŋ.
37
Ilkaya in bɔypikin we na di administretɔ na di kiŋ in os in bɔypikin we na Ilayakim wit Shɛbna we na sɛktri ɛn Joa we na Esaf we de rayt in bɔypikin go to Kiŋ Ɛzikaya wit chɛr-chɛr klos ɛn tɛl am ɔl wetin di fil kɔmanda na Asiria se.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25