bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
Acts 12
Acts 12
Lugbara (E’yo Siza Alatararu Munguniri BIBLIA)
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 13 →
1
O’du nde ’diyi ma eselia opi Herode ’ba ’ba kanisani azini ’diyi inza okporu i drisi.
2
Eri fu Yakobo adripi Yohananiri seisi;
3
ka ndre ’ba Yahudini ovu ani ayikosi eri ’ye Peteroni bi vuni indi. ’Diri ovu o’du ’ba Yahudini mikate akufi kokoruri nyazu ’diyi ma eselia.
4
Eri ka eri bi ’bo, eri ’ba eri arujoa, fe eri asikari mudri drini azia ’diyi dri ageini tezu su su; eri ega eri ofuzu amve ’ba ma drilia omu Agaza ’ba drilesiri ka i de raria.
5
’Dini yi te Petero ma agei arujoa; te ’ba kanisani ’diyi ri Mungu zi eri dri asi driasi.
6
Ini nde Herodeni ’yezu eri ofuzu amverisi, Petero ovupi otizaru anziriku irisirini o’du koria asikari iri eselia, isu de asikari pa sopi jotilea ’diyi yi arujo agei te;
7
mi ndre, malaika Opini so pa eri ageia, te diza aza angu jo aliza nderi alia; eri sa Peteroni ejea eri oruzu, kini, Mi nga mbele! Anziriku eri dri otizuri nga di ayi va.
8
Malaika ’yo eri tia kini, Mi a’di mi opile, mi su enyiriko mini mi paa. Eri ’ye ’dinile. Eri ’yo tinia, Mi ’be bongo mini mi ruaa, mi emu di ma vutisi.
9
Eri efu ra, mu eri vutisi; te eri nini ku kani e’yo malaikani ’yeleri ovu adaru kani yo, eri ega i ndre afa ndrezani.
10
Yini asikari arujo agei tepi esele okori agaria iriri be ’boria, yi eca kalitile ayaru ’bani efuzu aku amboruriaria. Kalitile nderi zi i ceni, yi fu amve aga geri ariti alu; coti malaika ku eri ra.
11
Petero ma asi ka emvi ’bo eri ’yo kini, Curu’do ma ni adaru Opi epe malaika ini ma ti ma pazu Herode ma driani, azini e’yo dria ’ba Yahudini egale ’yele ma vuri ma alia indi.
12
Eri ka e’yo ’di iyiki ra, eri mu ca Maria vile akua, eri Yohana yini omvele ru azinisi Marako’iri ma andri’i, pari ’ba kakauni yi okuzu Mungu zizuria.
13
Eri ka jotile kpo ra, zamva runi Roda’i emu eri alu.
14
Erini niria eri Petero ma o’duko, eri zini jotile ayiko dri ku, te eri fi ongusi, ’yo ra Petero so pa amve jotilea ’daa!
15
Yi ’yo eri tia kini, Mi aza aza. Te eri ’yo yi tia ’dani okposi kini eri ’dini. Awa’dini yi ’yo ra, Eri ovu malaika erini!
16
Te Petero ri jotile kpo ’dani; te yini ziria yi ndre eri, yi ovu taisi.
17
Te eri oga drisi yi dri e’yo ’yoko si, eri ece yi dri e’yo Opini eri ofuzu arujoari. Eri ’yo kini, Emi olu e’yo ’diri Yakobo pi dri adripi be indi. Eri ko dri muzu pari azinia.
18
Anguni atiria ’boria, o’yona ovu asikari ma eselia ambo Peteroni muzu ngoa yari ma e’yosi.
19
Herode ka eri nda ti, eri ozi asikari arujo agei tepi ’diyi e’yo yini lizu, eri azi yi ofuzu. Te eri enga Yudiaa sizu Kaisariaa, eri te ’dale.
20
Asi Herodeni ovu adrasi ’ba Turoa azini ’ba Sidonia ’diyi be; yi eca eri vu asi alusi, azini yi ka Blasito ’ba azi ngapi opi vile joa ’diyi ma driliari ’ba yi agyiru ’bo, yi a’i asi anzuru adra dezu, a’disiku ’ba yi vile angua ’diyi adri nyaka yini isu opi vile angua.
21
O’du pelerisi Herode su bongo ini opiniri, erini riria va oguna dria e’yo aziria yi tia.
22
’Ba ongulumuru yi otre o’duko urusi kini, ’Di o’duko munguni, ’baniri yo!
23
Coti malaika Opini co eri ra, a’disiku eri feni diza Mungu dri ku; o’bu nya aleni, dra ra.
24
Te e’yo Munguni zo dika, ezu tre.
25
Baranaba pi emvi engazu Yerusalemuarisi Saulo be, yi ka azi yini de ’bo; yi e’du Yohana yini omvele ru azinisi Marako’iri emvizu yi be.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 13 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28