Acts 13

Lugbara (E’yo Siza Alatararu Munguniri BIBLIA)

← Chapter 12 Jump to: Chapter 14 →

1Isu kanisa Antiokiaari ma alia nabi azini ’ba ’ba imbapi ’diyi indi, Baranaba pi, Simeoni yini omvele Nigeriruri pie, Lukio ’ba Kureneari pie, Manaeni adripi zopi tualu Herode beri pie, Saulo pie.

2Yini azi ngaria Opi dri azini yini i nyaka ’daria, Orindi Alatararu ’yo ra, Emi pe Baranaba pi ndu Saulo be, yi ma nga azi mani yi omvezuri’i.

3Yini nyaka ’daria azini Mungu ziria ’boria, yi ti dri yi dria, ku yi muzu.

4’Dini, yini ovule ti pezaru Orindi Alatararusirisi, yi si Selukiaa; engazu ’dale yi mu ogurusi Kuporoa.

5Yini ovuria Salamisia, yi olu e’yo Munguni pari ’ba Yahudini yi okuzu ’diyi ma alia. Yohana ovu yi be yi aza kozu indi.

6Yini agaria angu nde i lipi miri ma aliari ma eselesi dria cazu kpere Pafoa ’boria, yi isu agu alu oleouru, nabi inzoru ’ba Yahudini, runi Bara-Yesu’i.

7Eri ovu tualu Serigio Paulo opi ’ba Rumia ’diyini pele azi ngazu angu nderiari be. Opi nderi ’ba onduaruni, eri omve Baranaba pi i vu Saulo be, le e’yo Mungurii erizu.

8Te Eluria ’ba oleouru nderi (ru erini ma efi ’dini) aru yi dri agatasi, lezu opini ojazu kazu a’izu ku.

9Te Saulo ’bani omvele Paulo, gapi Orindi Alatararusi treri, eri su mile ruania okporu,

10eri ’yo ra kini, Lokiri ga mi alia tre e’yo onzi dria be, mi mva Satanini Mi ari’bo e’yo onyiruni dria, mi kuni geri kililiru Opiniri ojazu ku ya?

11Curu’do mi ne, dri Opini ovu mi ruaa, mi mileni nga dra ra, mi ngani eco etu ndrezaru cazu o’du azinisi ku. Coti apurusa azini angu iniru ’ba yi asu eri dria, eri mu ’ba ndazu i sezu drisi.

12Te opini e’yo i ’yepiri ndreria eri a’i ra, eri ovu taisi tu imbata Opinisi.

13-Te Paulo ’ba acipi eri be ’diyi be, yi fi oguru alia engazu Pafoa cazu Perigaa angu Pamfuliania. Te Yohana eri ku yi ra, da dri vile mvizu Yerusalemua;

14te yi aga engazu Perigaa cazu Antiokia angu Pisidianima aliaria. Te o’dusabatonisi yi fi pari ’ba Yahudini yi okozoria, yi ri va.

15Yini buku azitaniri laria nabini be ’boria, ’ba amboru ovupi jo ’bani okuzuri drilia ’diyi yi pe ’ba ti yi vu, yi ’yo ra, Adripi, emi ka ovu e’yo asi omizani be imbazu ’ba dri, emi ’yo.

16Paulo eri enga, erini yi ogaria drisi eri ’yo kini: Emi agupi Israelini azini emi ’ba Mungu rupi ’diyi, emi eri.

17Mungu suru ’diri Israeliniri ope ndra ama a’bipi, eri ’ba suru nde uru ewu yini adrizu angu Misiriniarisi, ofu ndra yi wu okporu inirisi.

18Te ekile eli kali su ’dipi ma alia dria eri mba yi ma ta asi tezasi roko dria.

19Eri ka suru jururu aziri angu Kananini ma alia ’diyi ma dri ja ’bo, eri fe angu ’ba nde ’diyini yi dri ovuzu yiniru ekile eli turu su drini kali towile,

20E’yo ’diri ma vutia, eri fe ’ba e’yo olipi ’diyi yi dri ecazu nabi Samueli vu.

21Vilerisi yi zi opi; azini Mungu fe yi dri Saulo Kisimvi, ’ba suru Benyaminini, eli kali suo

22Eri ka eri nze ra, eri enga Daudini ovuzu opi yini; eri nze eri ma e’yo eti ’yozu kini, Ma isu Daudi Yese mvini, eri ’ba ma asini lele ngapi e’yo dria mani leleri ’yepiri’i.

23Engazu agu ’di ma ori ma alia, Mungu eji Israeli vu ’Ba ’ba Papiri Yesu, ekile erini azile ndrarile.

24De eri ecani ku, Yohana olu baputizi asi ojazani ma e’yo ’ba, Israelini ’diyi dri dria.

25Yohana ka ’ye acita erini de, eri ’yo, Emi ega ma a’di’i ya? Ma eri’i yo. Te emi ne, ’ba azini nga emu ma vutia, mani dri fuzu onyisi enyiriko eri ma paari ayuzu kuri’i.

26Adripi, a’bianzi Iburahimuni azini ’ba Mungu rupi ovupi emi eselia ’diyi, epe pata ’diri ma e’yo ma ti ama vu ’boo

27Te ’ba ovupi Yerusalemua ’diyi ’ba yi dri cepi, diyi be, yini ’ba ’did nile kurisi azini yini o’duko nabini ovupi lazaru sabato dria vusi ’diyi vale kurisi indi, yi fe e’yo ’diyi ma ’ye yi trotro, yini eri ndele e’yo lizasirisi,

28Yi isuni e’yo efi eri alia eri fuzuri ku, te ’ti yi a’i Pilato ma fu eri.

29Te yi ka fe e’yo ovupi sizaru eri ma e’yosi ’diyi dria ma ’ye yi trotro ’bo, yi tru eri pati ruaasi, yi sa eri ’bilia.

30Te; Mungu enga eri ’ba draza ma eseliasi ra;

31eri e’da i o’du kakau ’ba engapi Galilia emupi eri be Yerusalemua ’diyi dri, ’ba ’diyi ovu curu’do ’ba e’yo erini ma eti nzepi ’ba dri ’diyiru.

32Te ama olu e’yo bari emi dri aziza Munguni azile ndra ama a’bipi driri’i;

33eri fe aziza nderi ma ’ye i ama’i anzi yini dri erini Yesu engalerisi; ekile ovupi sizaru zaburi iriri ma aliarile indi, Mi ma Mvi’i, andru ma ti mi ra.

34E’yo erini eri engazu ’ba draza: ma eselia erini ngazu mvizu mazu dika kuri, e’yo nderisi eri ’yo ’dinile, Ma nga e’yo onyiru Daudini alatararu azini adaru ’diyi fe mi dri.

35E’yo ’dirisi eri ’yo zaburi azini ma alia indi, Mi ngani fe ’Ba Alatararu miniri ma ma ku.

36Te Daudi ka ndra azi nga a’bianzi ewu erinisi ’diyi dri ekile Munguni edelerile ’boria, eri ko o’du ra, sa eri tualu a’bipi erini ’diyi be, ma ra;

37te eri’i Munguni engale ’ba draza ma eseliari, ’ba nderi mani ku.

38Agupi ma adripiru ’diyi la, emi ma ni di e’yo ’diri ani, ama olu emi tia kini e’yo onzi ovu wuzaru ’ba nde ’deri ma e’yosi,

39te ’ba ’dirisi yi la ’ba dria eri a’ipi ’diyi kililiru, e’yo dria emini ecole ovuzaru lazaru kililiru azita Musanisi ku ’diyi ma alia.

40E’yo ’disi emi ma netonyiru, e’yo nabini ’yoleri kazu ecazu emi vu ku:

41Emi ne, emi ’ba e’yo onzopi afusi ’diyi, emi ma ovu taisi, emi ma ali ra; a’disiku ma ’ye ’yeta ewu eminisi, ’ yeta nderi emi ngani a’i aluni ku, ’ba ka tro olu emi dri ti.

42’Bani efuria, yi ’ba matu yi vu yi ma olu e’yo ’diyi yi tia sabato ecapirisi.

43’Ba okezaa ’diyini yi ere u ’borisi, ’ba Yahudini kakau azin, ’ba Mungu rupi engazu suru azinia yi olapi ’ba Yahudiniru ’diyi yi bi Paulo pi ma vuti Baranaba be; te yi’i, yi ’yo yi be yi asi imbazu yi ma ebi yi asi ndriza Munguni be ’dani.

44Sabato ecapirisi ’ba aku amboru nderi ma alia ’diyi eca ekile dria e’yo Munguni erizu.

45Te ’ba Yahudini yi ka ’ba ongulumuru ndre, yi ovu ma’yalasi tre, yi ’ba agata ga e’yo Pauloni olulerisi, yi eri o’da o’da.

46Te Paulo pi Baranaba be yi ’yo e’yo uri kokoru, ’yozu kini, Adani, e’yo Munguni ma ovu oluzaru emi dri oko raka, Te ’dini emini e’yo nderi zele ’dalerisi, emini egale kini sini emi idri ’dani ’dani isuzu kurisi, emi ne, ama oja ama ’ba Jururu ’diyi vu.

47Opini azita fele ama dri ’dinirisi, Ma ’ba mi ovuzu dizale ’ba Jururu ’diyi dri, ’dini mi ma ji e’yo patani wudrikuru ma kalatini asiria.

48’Ba Juruni yi ka e’yo nderi eri ra, yi ovu ayikosi, yi inzi e’yo Opini; te ’ba dria opele idri ’dani ’dani isuzu ra ’diyi, yi a’i ra.

49E’yo Opini eri ku wakaka angu nderia dria.

50Te ’ba Yahudini yi mu oku ’wara inzita yini ma vuti bipi avasi ’diyi vu, azini agupi amboru aku nderia ’diyi vu indi, yi esu yi bile inzata fezu Paulo pi dri Baranaba be, dro yi angu yini ma eseliasi ra.

51Te ’ba ’diyi yi we irifura yi ma paari va yi vu, yi mu Ikoniaa.

52’Ba Yesu vuti bipi ’diyi yi ga ayikosi tre, Orindi Alatararurisi indi.

← Chapter 12 Jump to: Chapter 14 →