bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
Exodus 25
Exodus 25
Lugbara (E’yo Siza Alatararu Munguniri BIBLIA)
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 26 →
1
Yehova ’yo Musa tia kini,
2
Mi ’yo anzi Israelini tia, yi ma a’i mani afa feza awa’diforuri; emi ma a’i afa feza mani ’ba dria lepi fepi asisi ’diyi dri.
3
Afa feza emini ngale a’ile yi dri ’diyi yi ’di: mele pi, dahabu pie, mola pie,
4
bongo blururi pie, bongo okalakokalari pie, ekaruri pie, mile be nyiriri pie, ndri podo pie,
5
kabiloago ma enyi ojale wura ekarusi ’diyi pie, yianya ma enyi pie, asarau pati pie,
6
tala odu pie, afa aji be arikariru odu efiza pi edezu obiese vele veri beri pie,
7
oni onikiru piyi oni osule osu ’diyi be, yini ngale osule koti alinari pi ma ruaa bongo sule agatiari be ’diyi.
8
Mi fe yi ma ede pari alatararu ma dri, ’dini ma ma adri yi ma eselia ani.
9
Ekile afa dria mani ecele mi dri ’diyile, wura bereni pi afa alenia ’diyini be dria, emi ede yi ’dini.
10
Yi ma ede sanduku asarau patisi; oconi alazari ovu wuale iri ali be, walani wuale alu ali be, oconi wuale alu ali be.
11
Mi ma a’bu ruani dria dria mele alarusi, mi ma a’bu ruani alialeru azini amvemveleru indi, azini mi ma ede ekilaza melesi, drinia kalaniasi kuru.
12
Mimaede, emve erini su mele akapi acisirisi, mi eci yi eri ma paa su tro, emve iri kala aluria, emve iri kala aziniria.
13
Mi ma ede patiniru asarau pati’i, mima a’bu yi rua dria dria melesi.
14
Mi ma su pati nde ’diyi emve sanduku ma kalaa ’diyi ma alia, sanduku ’duzu.
15
Pati nde ’diyi ma adri emve sanduku ruaa ’diyi ma talaa; ma nze yi ku.
16
Mi ma ’ba sanduku nde ma alia e’yo eti nzeza mani ngale fele mi driri.
17
Mi ma ede oguna yikiniri mele alarurisi; oconi alazari nga ovu wuale iri ali be, walani wuale alu ali be.
18
Mi ma ede kerubi iri melesi; mi ede yi mele dile dirisi, mi ’ba yi sanduku kalaa irile irile.
19
Mi ’ba kerubi alu kala aluria, kerubi azini kala aziniria; mi ma ede kerubi kala nde iria ’diyi tualu oguna yikiniri be ovuzu afa aluru.
20
Kerubi ’diyi nga yi ma opile aja uru, oguna yikiniri a’buzu yi ma opilesi, yi nga yi ma andreti ofe; kerubi ’diyi ma andretini nga ovu oguna yikiniri vuleru.
21
Mi ma ’ba oguna yikiniri uru sanduku ma dria; azini sanduku alia mi ma ’ba e’yo eti nzeza mani ngale fele mi driri.
22
’Dale ama nga ama isu mi be, engazu oguna nde yikiniri ma dria, kerubi iri ovupi sanduku e’yo eti nzezani ma dria ’diyi ma eselia, ama nga ti eci mi be e’yo oluzu, e’yo mani ngale fele mi dri azitaru Israeli anzi dririsi.
23
Mi ma ede mesa asarau patisi: oconi alazari ma ovu wuale iri, walani wuale alu, oconi edrezari wuale alu ali be.
24
Mi ma a’bu ruani dria dria mele alarusi, azini mi ma ede ekilaza melesi drinia kalaniasi kuru.
25
Mi ma ede eri dri eseleni tini beri, walani drianzi su, eri ma kalaa dria, mi ede indi ekilaza melesi esele nderi ma tia kalaniasi kuru.
26
Azini mi ma ede eri dri emve su meleni, mi eci yi kalania su tro pani su ’diyi dria.
27
Emve ’diyi ma ovu ogogo eseleni tini beria, pari pati eri ’duzu ’diyi ecizuriru.
28
Mi ma ede patiniru asarau pati’i, ma a’bu ruani dria dria melesi, mesa ’duzu ani.
29
Mi ma ede saani erini, kabileni pie, imvuni pie, okelea yi bezu ’diyi pie; ma ede yi mele alarusi.
30
Mi ma ’ba mikate ecetaruri mesa nderi ma dria ovuzu ma milia zu zu.
31
Mi ma ede tala pati mele alarusi. Mi ede tala pati nderi mele dile dirisi, nduni pi ruani be; koponi pie, ongbuni pie, funi pie dria, yi nga ovu dria tala nderi ma ruaa afa aluru;
32
arakala azia ma fu eri ma ruaa, tala arakala na eje aluria, tala arakala na eje aziniria;
33
kopo na ekile alimondi fule ovu eri ma arakala aluria, ongbu alu azini fu alu; kopo na ekile alimondi fule ovu eri ma arakala aziniria, ongbu alu azini fu alu-arakala azia fupi tala nderi ma ruaa ’diyi yi ovu ’dinile;
34
tala nderi ma pati adaria kopo su ekile alimondi fule, ongbu ’diyi pi funi be,
35
ongbu alu arakala iri etia tala nderi ma ruaa afa aluru, azini ongbu alu arakala iri etia tala nderi ma ruaa afa aluru, azini ongbu alu arakala iri etia tala nderi ma ruaa afa aluruarakala azia fupi tala nderi ma ruaa ’diyi yi ovu ’dinile.
36
Ongbu yini piyi arakala yini be ovu tala nderi ma ruaa afa aluru; tala nderi dria ma ovu edezaru mele alaru dile dirisi.
37
Mi ma ede tala erini aziri; yi nga tala erini ’diyi o’i, dizani ma di ruani e’dazu ani.
38
Akpaani ’diyi piyi ajikuani be ma ovu edezaru mele alarusi.
39
Mi ma ede eri afazu ’diyi be dria, mele alaru ma onzi alusi.
40
Mi ne onyiru mi ede afa ’diyi ekile wura mani ecele mi dri oni dria ’borile.
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 26 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40