bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
Exodus 34
Exodus 34
Lugbara (E’yo Siza Alatararu Munguniri BIBLIA)
← Chapter 33
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 35 →
1
Yehova ’yo Musa tia, Mi opa oni iri ekile ndra oko ’dayile; te ma nga e’yo ndra sile oni oko mini ofule ’dayi ma driari si oni nde ma dria.
2
Mi ede mi ngonde o’bitisi, mi tu uru o’bitisi oni Sinaia, mi e’da mi ma milia ’dale oni dri mbiliria.
3
’Ba aluni ma tu mi be ku, azini vini mi fe ’ba aluni ma e’da i oni ma ombetia dria ku; azini vini mi fe kabilo emini o’biru ti pie ma onya oni nde ma palaa ku.
4
Musa opa di oni iri ekile ndra oko ’dayile; te eri enga o’biti kulakula, tu oni Sinai dria, elille Yehovani azile eri tiarile, eri ’du oni iri eri ma dria.
5
Te Yehova esi va iriti eselia, eri so pa eri be ’daa, eri olu ru Yehovani.
6
Te Yehova aga eri drilia oluzu, Yehova, Yehova, Mungu gapi tre yiki alerusi azini asi ndrizasi indiri, adra ’bapi mbele kuri, gapi yiki pisi e’yo adaru be treri,
7
yiki ta mbazu ’ba alifu alifu dri, ezata pi ambo pie e’yo onzi pie wuzu, ’ba e’yoni ndele rari trupi e’yo liza ma aliasi aluni kuri, e’yo onzi a’bini ma aroti ofezu yi ma anzi ma ruaa, azini anzi yini ma anzipi ma ruaa, kpere a’bianzi na kani a’bianzi su ’diyi vu.
8
Te Musa ’ye mbele, eri elu i dri va nyakua, inzi eri ra.
9
Eri ’yo, Opi la, ma ka asi ndriza isu mi milia ’bo, Opi, ma zi mi tia, mi mu ama eselia, te suru ’diri eri suru ombe mbaza beri’i; te mi wu e’yo onzi amani ezata amani be, mi ’du ama ovuzu mi yilaru.
10
Te eri ’yo, Mi ne, ma e’yo, aziza azi. Ma nga tali osuzaru ’ye ’ba mini ma drilia dria, tali nga ’yele wudrikuru dria ma alia, kani suru dria ma alia ku ’diyi; ’ba dria mini ovuzu yi eselia ’diyi nga azi Yehovani ne; te e’yo mani ngale ’yele mi beri eri e’yo uri fepi turi.
11
Mi ’ba mi asi e’yo mani azile mi tia andruri ma dria. Mi ne, ma nga ’ba Amorini pi dro mi drilia, ’ba Kananini pie, ’ba Hitini pie, ’ba Perizini pie, ’ba Hivini pie, ’ba Yebusini pie dria.
12
Mi te mi ngulupi ma agei, mi kazu e’yo aziza azizu ’ba mini muzu yi vile angua ’diyi be ku, eri kazu ovuzu mi dri embaru ku.
13
Te emi ma asu pari yini edeta edezu ’diyi va, ma onyo pati i’diza yini nyingiriki, ma oga wura Aserani yini inzile ’diyi va,
14
(a’disiku mi ma inzi Mungu azini aluni ku, te Yehova, runi A’ya’i, eri Mungua’yaruri),
15
emikazu aziza azizu angu e’ipi be ku, te yini ali o’baria adrou yini ma vutia, azini yini edeta ederia adrou yini dri, ’ba alu kazu mi omvezu afa erini e deta edezuri nyazu ku,
16
’dini mi kazu ezoanzi yini jezu agupianzi mini dri okuru ku, te ezoanzi yini, yini ali o’baria adrou yini ma vutia, yi kazu agupianzi mini ’diyi obezu ali o’bazu adrou yini ma vuti bizu indi ku.
17
Mi ma ede mi dri adrou aya rapi acisirisi ku.
18
Mi ma mba omu mikate akufi kokoruri ma ta. O’du aziri mi ma nya mikate akufi kokoruri, ekile mani azile mi tiarile, o’du pele mba Abibuni ma alia ’diyisi; a’disiku mi efu ndra Misiriasi mba nde Abibunisi.
19
Afa dria opojo ma ti zipi oko ’diyi yi mani, anyapa mini agoru ’diyi dria, kani ti tile oko ’diyi, kani kabiloni.
20
Mi nga akanyamva tile okori onze, te mi ka onze ku mi nyo ombeni ra. Mi ma onze agupianzi emini aliriaanziru ’diyi dria ra. ’Ba aluni ma e’da i ma drilia dri be pirini ku.
21
Mi nga azi o’du azia, te o’du azirisi ma li ava’i; ka ovu ewu nga ’yazuri, kani ewu anya lozuri ti, mi ma li ava.
22
Mi mba omu sabato ’diyiniri ma ta, eri omu anyadri kapi okoriniri, azini omu anya aroefi nyazu elini i deriari.
23
Pale na eli alu ma alia, agupi mini dria ma e’da yi Opi Yehova Mungu Israeliniri ma milia.
24
A’disiku ma nga suru jururu ’diyi odro mi drilia, ma nga lokiri mini zi wala; o’du mini tuzu uru pale na eli alu ma alia Yehova Mungu miniri ma miliarisi, ’ba aluni ngani li ’ba angu minisi ku.
25
Mi ma fe edeta mani ma ari tualu mikate akufi beri be ku; azini edeta omu agaza jo drilesirini ma esa ma ace ecazu o’bitisi ku.
26
Anyadri ma esele kapi okokele angu mini ma aliari mi ma eji Yehova Mungu mini ma joa. Mi ma a’di ndrimva andri ma lesusi ku.
27
Yehova ’yo Musa ma tia, Mi si e’yo ’diyi; a’disiku ma azi aziza mi be azini Israeli be ekile e’yo ’diyile ’bo.
28
Te eri ovu ’dale Yehova be etu kali su azini ini kali su; nyani nyaka ku, mvuni yi ku indio Te eri si oni ’diyi ma ruaa e’yo aziza ndeni, azita mudri ’diyi.
29
Te eri eca ’dini, Musani esiria oni driasi va, oni iri e’yo eti nzezani ’diyi be Musa ma dria, erini esiria oni driasi va Musa nini ku andretini di di erini e’yo nzele Mungu berisi.
30
Aroni pi anzi Israelini ’diyi be yi ka Musani ndre, mi ne, andretini di di, yi ru emuzu eri vu ogogo.
31
Te Musa omve yi; ka’dini Aroni pi ’ba ’wara ’ba ongulumuruni ’diyi be dria nga di mvi eri vu, te Musa nga e’yo ’yo yi be.
32
Vutinia anzi ’Israelini ’diyi emu dria ogogo, eri azi yi dri azita dria Yehovani ’yole eri be oni Sinai ma driari.
33
Te Musa ka e’yo ’yo de yi be ’bo, eri a’di bongo andretia ci;
34
te Musa ka fi Yehova drilia e’yo ’yozu eri be, eri tru bongo nderi ra cazu erini efuria; ka fu ’bo eri ’yo e’yo Munguni azile eri tiari anzi Israelini ma tia.
35
Anzi Israelini ’diyi yi ne Musa ma andreti, yi ndre enyiriko andretiniri di di; te Musa a’di bongo andretia dika, cazu erini fizu e’yo ’yozu eri beria.
← Chapter 33
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 35 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40