bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
Genesis 31
Genesis 31
Lugbara (E’yo Siza Alatararu Munguniri BIBLIA)
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 32 →
1
Eri nga e’yo Labani ma anzi, pini ’yoleri eri ra, kini, Yakobo opa ama ati ma afa dria ’bo; eri isu lonyi ’diyi afa mira ama atini ’diyisi,
2
Yakobo nga Labani ma mile ndre, te mi ndre, ovuni i vu onyiru ekile,okorile ku.
3
Yehova nga ’yo Yakobo ma tia, Mi mvi mi a’bipi ma,angua, ori’ba mini vu; ma nga ovu mi be ra.
4
Yakobo nga ’ba ti pe Rakeli pi omvezu Lea be emuzu lanyapa erini o’biru ’diyi vu asea,
5
eri nga ’yo yi tia, Ma ndre emi ati ma mile ovuni onyiru ma vu ekile okorile ku. Te Mungu ma atiniri ovu ma be.
6
Emi ni ra ma nga azi emi ati dri ma asi driasi;
7
te emi ati ici ma lokirisi ra, eri oja oya mani ’paleko mudri, te Mungu a’ini erini ma ’yezu onzi ’dini ku.
8
Eri ka ’yo ’dini, Anyapa nyunyuru ’diyi nga ovu oya miniru, ka’dini anyapa ongulumuru nga dria anzi oti wura be nyunyuru ani; te eri ka ’yo ra, Anyapa wura be olizaru ’diyi nga ovu oya miniru, ka’dini anyapa ongulumuru dria nga anzi oti wura be olizaru.
9
’Dini Mungu opa, anyapa emi atini ’diyi ra, ofe yi ma dri ’bo
10
Te eri eca ndra o’du anyapa o’biruni anzi otizurisi, ma enga ndra ma mile uru, ma ndre orobisi, te mi ndre, ndriago otupi lanyapa ma dria ’diyi yi wura be Olizaru ’diyi pi, nyunyuru ’diyi pie, minziminziru ’diyi be.
11
Malaika Munguni nga ’yo ma tia orobi ndesi kini, Yakobo la; ma nga ’yo ra, Ma ’do!
12
Eri ’yo ra kini, Mi enga mi mile uru, mi ndre, ndriago dria otupi anyapa ma dria ’diyi yi wura be olizaru ’diyi pi, nyunyuru ’diyi pie, minziminziru ’diyi be; mani afa dria Labanini ’yele mi vuri ndrele rarisi.
13
Ma Mungu Beteli pari ndra mini odu osuzu oni i’diza ma dria, mini ndra oyo sozu ma be ciriari’i. Mi nga, mi fu angu ’diriasi, mi mvi angu mini osizuria.
14
Rakeli pi Lea be nga di e’yo omvi ’yo eri tia, Esele amani azini, kani awita ace ama dri nga indi ama ati ma joa ya?
15
Eri lani ama ekile ani’bale ku ya? Eri fe ndra ama je ’bo, nya vini ama a’bu teketeke ’bo.
16
Lonyi dria Munguni opale ama ati dri ’diyi, yi amani ama anzipi be; ka’dini mi ma ’ye di e’yo dria Munguni ’yole mi tiari’i fo.
17
Yakobo nga di enga uru, nga fe anzipi ma otu ngamia ma dria oku piyi be;
18
eri nga anyapa erini oku dria, afa dria erini okule ’diyi pie, anyapa erini isule, erini okule Padani-aramua ’diyi, muzu yi be i ati Isaka vu angu Kanania.
19
Isu Labani mu kabilo i vile ’diyi ma ’biko liria; Rakeli nga i ati vile wura inzile inzi terafiru ’diyi ogu ra.
20
Yakobo nga Labaliarii Suriaoururi ku oguoule, awuni e’yo erini muzuri ece eri dri oko ku.
21
’Dini eri apa afa erini be dria; eri enga uru, eri zo Yi Ara ma tia ’aa’daasi, eri nga i mile ’ba drile fezu oni Gileadiari vualeru.
22
O’du ka aga na, ’ba olu Labani tia kini Yakobo apa ’bo.
23
Eri nga di i ma adripi ’du i be, nga eri ma vuti bi o’du aziri, nga yi isu eri be angu oni be Gileadiaria.
24
Mungu nga eca Labani Suriaoururi vu orobisi inisi, ’yo tinia, Mi mba mi ti ma ta, mi ma ’yo e’yo onyiru kani onzi Yakobo vu ku.
25
Labani nga eca Yakobo vu. De Yakobo aso ma hema oni dria, Labani pi adripi erini be nga hema yini aso angu oni be Gileadiaria.
26
Labani nga ’yo Yakobo ma tia, Mi ’ye ngoni ya, mini ma kule oguoule mani e’yoni nikokoru, mini ma ezopi opale ekile ’ba obile ombaa seisi ’diyilerisi?
27
Mi apa ndi,ma kuzu oguoule a’disi ya? Mi eceni e’yoni ma dri, mani ani mi ti pezu ayiko pisi, ongo pie, ari pie, o’di pie ’dini ku a’disi ya?
28
Mi a’ini: mani agianzi mani piyi ma o’bolo ndruzu ma ezopi be ku a’disi ya? Mi ’ye e’yo azazani.
29
Ma okpo indi mi ’yezu onzi; te Mungu mi, atiniri ’yo ma tia aje inisi kini, Mi mba mi ti ma ta, mi ma ’yo e’yo onyiru kani onzi Yakobo vu ku.
30
Te mi ka tro le mu ra, mi ati: ma aku ma avani mi vale turisi ti, te di mi ogu adrou mani a’disi ya?
31
Yakobo nga e’yo omvi, nga ’yo Labani ma tia kini, A’disiku ma ovu urisi, ma ega mi nga mi ezopiyi opa ma dri okposi,
32
Te ’ba mini adrou mini isuzu vuniari ma drani. Mi nda afa mini ovupi ma beri ama adripi ma milia ’de, mi epe mi afa. Te Yakobo nini Rakeli oguniri ku.
33
Labani nga di fi Yakobo vile hemari ma alia, Leaniri be, ezoanzi iri ati’boru ’diyi vileria indi, te eri isuni yi ku. Eri nga fu hema Leaniriasi, nga di fi Rakeli vileria.
34
Isu de Rakeli o’du adrou nde ma wura, o’ba yi enyi rizu ngamia driari ma alia, ri yi ma dria ci, Labani nga afa amvi hema ma alia dria, te eri isuni yi ku.
35
Rakeli nga ’yo i ati ma tia, Opi mani ma ovu ma be adrasi, mani engale mini uru kurisi ku, te ma a’bi be. Eri nga ndru ti, isuni adrou nde ma wura ku.
36
Yakobo ovu di adrasi, nga otre Labani ma dria; Yakobo nga e’yo omvi, nga ’yo Labani ma tia, Ma eza a’di e’yoni ya? Ezata mani mini ani ma vuti ebizu asi okasiri ngoni ya?
37
Mini afa mani amviria dria dria, afa mani joa ’diyi ma eselia mi isu a’di afani ya? Mi ’ba eri adripi mani ’diyi pi ma drilia adripi mini ’diyi be, yi ma li di e’yo ama eselia mi beri.
38
Ma ovu mi be eli kali iri ’dipi ’bo; kabiloaroni mini ’diyi ndriaroni be o’beni anzi yini ku, ma nyani kabiloago anyapa mini o’biru ’diyi ma eselia ku.
39
Afa nguruni ocile ’diyi ma ejini mi vu ku; candiniri mani; mi adri afa avipiri ma arioti a’i ma dri, lea tro ci etusi inisi ti.
40
Eri ndra ’dini; etusi etuni ma ve, inisi egbeni ma fu, o’du apa ma miliasi ra.
41
Eli kali iri ’diyi ’dipi ma ovu mi vile joa; ma nga azi mi dri eli mudri drini su mi ezopi iri ’diyisi, ma nga vini azi eli azia anyapa mini o’biru ’diyisi, mi oja oya,mani paleko mudri.
42
Mungu ma,atini, Mungu Iburahimuni azini ruta Isakaniri eri ka ndra ovu ma be ku, te’do mi pe ma ti mvizu dri be;pirini ’bo ada. Mungu ndre inzata mani pi azi okporu ma drini ngaleri be ’bo, eri ega mi dria aje inisi.
43
Labani nga e’yo omvi ’yo Yakobo ma ria, Ezoanzi ’diyi ma ezopi, anzi ’diyi ma anzipi, anyapa o’biru ’diyi anyapa mani, afa dria: mini ndrele ’diyi yi mani. Ma eco ani andru a’di ’ye ezoanzi mani ’diyi ma ruaa, kani anzi yini otile ’diyi ma ruaa ya?
44
Te di, ama ma azi aziza ama eselia mi be; eri ma ovu ecetaru e’yo etiru ama eselia mi be.
45
Yakobo nga oni ’du, eri i’di uru oni edrele piririru.
46
Yakobo nga ’yo adripi erini ma tia, Emi oku oni; yi nga oni e’du odro tualu; yi nga nyaka nya ’dale oni odrole ’diyi ma tia.
47
Labani nga oni nde ma ru ’da Yegari-sahaduta’i, te Yakobo ’da ini Galeedi’i.
48
Labani nga ’yo ra, Oni odrole ’diyi yi ecetaru e’yo etiru ama eselia mi be andru. E’yo ’disi ’da runi Galeedi’i ani,
49
azini Mizipa’i, a’disiku eri ’yo ra, Yehova ma ndre ama eselia mi be, ewu amani ama nezu kuria.
50
Mi ka ma ezopi ’diyi inza, mi ka oku azini je ma ezopi ma aziru, ’ba aluni ama eselia yo, te mi ndre, Munguni e’yo ndre ama eselia mi beni.
51
Labani nga ’yo Yakobo ma tia, Mi ndre oni odrole ’diyi, azini mi ndre oni edrele piriru mani i’dile ama eselia mi beri.
52
Oni odrole ’diyi ma ovu di ecetaru e’yo etiru, oni edrele piriruri ma ovu vini ecetaru e’yo etiru indi, kini ma ngani aga oni odrole ’diyi ma driarisi muzu mi vu e’yo onzi ’yezu ku, mi ngani vini aga oni odrole ’diyi pi ma driarisi oni edrele piriruri be emuzu ma vu e’yo onzisi ku.
53
Mungu Iburahimuni, Mungu Nahorini, Mungu yi ma atini ma li e’yo ama eseliarini. Yakobo nga oyo so Ruta i ati Isakaniri ma rusi.
54
Yakobo nga edeta ede oni ma dria, nga i adripiyi omve nyaka nyazu; yi nga ani nyaka nya, nga ovu oni dria ini be rra.
55
O’bitisi Labani nga enga drio, nga anzipi ma o’bolo ndru ezopi be, nga asi ndriza fe yi dri; Labani nga di mu ra, nga mvi i paria.
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 32 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50