bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
Genesis 41
Genesis 41
Lugbara (E’yo Siza Alatararu Munguniri BIBLIA)
← Chapter 40
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 42 →
1
Eri nga eca ’dini eli pi pi iri ma vutia, orobi nga Farauni obi ra; mi ndre, eri so pa yi raza ma tia.
2
Te mi ndre, ti nga efu aziri yi raza ma alia, yi ti a’buza onyiru ’diyi, yi awi a’i nya omi talaa.
3
Te mi ndre, ti azini aziri nga efu yi vutia yi raza ma alia, yi ti oyiza onzikanyaru ’diyi, yi nga pa so ti azi ’diyi ma ageia yi tia ’daa.
4
Te ti oyiza onzikanyaru ’diyi nga ti a’buza onyiru ’diyi nya teketeke ra. ’Dini Farau nga enga o’duarisi ra.
5
Eri nga o’du ko ra, orobi nga eri obi pale iri dika; te mi ndre, kaka ’ya aziri kaka pati alu ma ruaa, a’buzaru onyiru.
6
Te mi ndre, kaka azini, aziri odizaru oli engapi kala etuni efuzurialerurini vele ’diyi nga enga yi ma vutia.
7
Kaka odizaru ’diyi nga kaka a’buzaru efi be tre tre ’diyi oki ra. Farau nga enga ra, te mi ndre, eri de orobini.
8
Eri nga eca ’dini, o’bitisi asini nga oti oti tu; eri nga ’ba ti pe ’ba dria ojouru Misiria ’diyi pi omvezu ’ba dria onduouru angu ndea ’diyi be; Farau nga orobi ini ma e’yo olu yi tia, te ’ba aluni ecopi yi ma efi ecepi Farau drini yo.
9
’Ba ’ba nyaka fepi ’diyi ma driliari nga di ’yo Farau tia kini, Ma ezata mani ma e’yo ega andru
10
Farau ovu ndra aokosi ati’bai erini be, nga ma ombe aruru ’ba asikari opi agei tepi ’diyi ma driliari ma joa, ma’i ’ba ’ba nyaka a’dipi ’diyi ma driliari be;
11
te orobi obi ama ini alusi eri be, orobi ama obipi ’dayi nde ma efi ndu ndu.
12
Isu de karilau Ebraniouru ’ba asikari opi agei tepi ’diyi ma driliari ma ati’bo indi; ama olu e’yo amani eri ma tia, eri nga di orobi amani ma efi ece, eri ece e’yo ’ba alu alu tia orobi erini ma efi vusi.
13
Te eri nga eca ’dini, ekile erini efini ecele ama dririle, e’yoni ’ye i ’dini tro tro; ma’i, omvi ma azi mani ma alia dika, eri’i, ti eri ra.
14
Farau nga di ’ba ti pe Yusufuni omvezu, yi nga eri eji mbele mbele bile gale arujoruriasi; eri nga i ma dribi fa, nga bongo o’diru su, nga fi Farau vu.
15
Farau nga ’yo Yusufu ma tia, Orobi obi mani, te ’ba ecopi efini ecepini yo; te ma eri e’yo mini, kini, mi ka adri orobi ma e’yo eri ra, mi eco kini efini ecezaru ra.
16
Te Yusufu nga e’yo omvi Farau tia kini, Eri ma’i yo; Munguni nga e’yo anzururi omvi Farau drini.
17
Farau nga e’yo ’yo Yusufu ma tia kini, Orobi mani ma alia, mi ndre, ma so pa yi ara ma tia;
18
te mi ndre, ti aziri nga efu yi ara ma aliarisi, yi ti a’buza onyiru ’diyi, yi nga awi a’i nya omi talaa;
19
te mi ndre, ti azini aziri nga efu yi ma vutia, yi ti gorulioru oyipi kai onzikanyaru, ekile oku mani ndrele gorulioru angu Misiriari ma alia dria nga ku ’diyi.
20
Ti oyiza onzikanyaru ’diyi nga ti oko aziria’buzaru’diyi nyara,
21
te yi ka yi nya ’bo, ’ba econi nizare kini nya yi ra ’dinini ku, te yi ovu onzikanyaru ’dani ekile okorile. ’Dini ma nga enga o’duarisi ra.
22
Ma nga ndre orobi mani ma alia, te mi ndre, kaka aziri nga ’ya kaka pati alu ma ruaa, efi be tre tre onyiru tu;
23
te mi ndre, kaka aziri ’wipi ’bo, odizaru oli engapi kala etuni efurialerurini vele ’diyi nga enga yi ma vutia,
24
kaka odizaru ’diyi nga kaka aziri onyiru ’diyi oki ra. Ma nga di e’yo nde ece ojou piyi vu, te ’ba aluni ecopi efini ecepi ma drini yo.
25
Yusufu nga ’yo Farau ma tia, Orobi Farauni obipiri eri alu; Mungu ece Farau dri e’yo erini mule ’yeleri.
26
Ti onyiru aziri ’diyi yi eli azirini, kaka onyiru aziri ’diyi yi vini eli azirini; orobini alu.
27
Ti aziri oyiza onzikanyaru etupi yi ma vutia ’diyi yi eli azirini, azini kaka aziri pirini oli etuni efurialerurini vele ’diyi yi vini tro tro, yi nga ovu eli aziri likini ’diyi.
28
E’yo taka mani ’yole Farau tiari eri ’di: Mungu ece Farau dri e’yo erini mule ’yeleri ’bo.
29
Mi ndre, eli aziri nyakani ngazu kazu tu ’diyi nga ovu angu Misiriaria dria,
30
te yi ma vutia eli aziri likini ’diyi nga emu ra, nyaka kapi turi ma e’yoni nga avi ani angu Misiriariasi ra; likini nga angu ’du dria,
31
nyaka kapi turi ma e’yo ’ba ngani ni angu nde ma alia ku, liki emupi vutiniari ma e’yosi, a’disiku eri nga ovu nzizaru tu.
32
E’yo oro bini Farauni obizu pale irisiri ece kini Mungu fe e’yo ’dirini pa soni, azini Munguni nga fe e’yo ma ’ye i mbele.
33
E’yo ’disi Farau ma nda ’ba e’yo vaza be onduaru, eri ma ’ba eri angu Misiriari ma drilia.
34
Farau ma ’ye e’yo ’diri, eri ma ’ba ’ba e’yo ’diri ndrepi ’diyi angu Misiriaria dria, yi ma oku nyaka angu Misiriarini kaleri ma esele towi ma azi aluri, eli aziri nyakani kazu tu ’diyi ma alia.
35
Yi ma oku nyaka dria eli onyiru ngapi emupi ’diyi ma alia, yi ma oku anya aku amboru vusi nyakaru aziza Faraunisi, yi ma mba eri ma ta ci,
36
Nyaka nde nga ovu anya ta mbale kule eroari angu dri eli aziri likini ngazu ovuzu angu Misiriaria ’diyi tezu, angu kazu dri jazu likisi ku.
37
E’yo ’diri ovu onyiru Farau pi ma milia ati’ba erini pie dria.
38
Farau nga ’yo ati’ba erini ma tia’i Ama eco agu ’diri ma azi, ovupi orindi Munguni be i ma aliari, isu ra ya?
39
Farau nga ’yo Yusufu ma tia, Munguni e’yo ’diri ecele mi dri driarisi, ’ba azini e’yo vaza be kani onduaru mileni yo;
40
mi nga ovu jo mani ma driliani, mi nga ’ba mani ma dri ce dria e’yosi mi’i; e’yo oguna opinirisi a’dule ma nga mi aga ra.
41
Farau nga ’yo Yusufu ma tia, Mi ndre, ma ’ba mi opiru angu Misiriari ma drilia dria ’bo
42
Farau nga driadriamva eceta beri nze i ma driarisi, nga eri su Yusufu ma dria, nga afa suza edele bongo mile be nyiriarisiri su eri ma ruaa, nga nyoro edele mele alarusiri su eri ma ombelea;
43
eri fe eri ma nzu gari erini iriri ma alia; yi nga oyu eri ma drilia ’dini: Emi osi kumuti va yo ’Dini eri nga eri ’ba angu Misiriari ma drilia dria.
44
Farau nga ’yo Yusufu ma ria, Farau’i, te mi ti kokoru ’ba aluni ma enga i dri kani i pa angu Misiriari ma alia dria ku.
45
Farau nga Yusufu ma ru ’da Zafenati-panea’i; nga eri dri Asenati, Potifera kuhani Oniari ma zi fe eri dri okuru. ’Dini Yusufu nga fu aci ovuzu angu Misiriari ma drilia dria.
46
Yusufu ma eli de kali na, erini pa sozu Farau opi Misiriari ma driliarisi. Yusufu nga fu Farau ma miliarisi amve, nga aci angu Misiriari ma eselia dria.
47
Eli aziri nyakani ovuzu tu ’diyi ma alia nyaku nga nyaka ka tu aga ra,
48
eri nga nyaka kapi eli aziri ndesiri oku angu Misirinia, nga nyaka nde ma ta mba aku amboru vusi; eri nga nyaka kapi amvu aku alu alu ma ageiarini ma ta mba aku nde ma alia.
49
Yusufu nga anya ma ta mba karakarau tu cinya miri tiarile, eri ku kalafeni lazu ja, erini lale tirisi.
50
Yusufu dri, oti agianzi iri de nga eli likini ecani ku, Asenati Potifera kuhani Oniari ma zi oti yini.
51
Yusufu nga mva okori ma ru ’da Manase’i, a’disiku eri ’yo ’dini, Mungu fe ma dri avi ocoko mani pi ma e’yosi ’ba ma ati vile joa ’diyi be dria.
52
Mva iriri ma ru eri ’da Efiraimui, kini, Mungu ’ba ma efi kazu angu mani inzata isuzuria ’bo.
53
Eli aziri nyakani kazu tu angu Misiriaria ’diyi nga yi de ra.
54
Eli aziri likini ’diyi ’ba di emu ra, ekile Yusufuni ndra ’yolerile. Liki nga ’ba ’de angu dri dria; te angu Misiriari ma alia dria nyaka indi.
55
Likini ’deria angu Misiriaria, ’ba nga wu Parau vu nyaka e’yosi; Farau nga ’yo ’ba Misiria ’diyi ma tia dria, Emi mu Yusufu vu; emi ’ye ekile erini ’yole emi tiarile.
56
Liki ’de angu wudrikuru dria ma alia, Yusufu nga di ero nyaka ta mbazu ’diyi ma ti zi, fezu nyaka jezu ’ba Misiria ’diyi dri, te liki abiri angu Misiriari eri nzizaru tu.
57
Suru dria dria nga emu Misiria Yusufu vu nyaka jezu, liki ndeni ovule nzizaru angu wudrikuru dria ma aliarisi.
← Chapter 40
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 42 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50