bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Leviticus 11
Leviticus 11
Lahu Bible Edited © Thailand Bible Society and Bible Society of Myanmar, 2010, 2020.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 12 →
1
Gʼuiˬsha lehˬ, Iˉsaˍreˍlaˆ chaw awˬ pon Moˉseˍ leh Aˍronˍ hta‸ awˬ liˇ awˬ hkʼaˇ chi teˇ hpaˍ teh piˇ taˍ ve yoˬ.
2
Nawˬ hui lehˬ miˬguiˬ hkʼoˆ chehˇ ve,
3
hkui kiˆ cawˬ leh caˇ tuˬ hta‸ kʼaw‸ a‸ tawˆ leh behˇ caˇ puiˉ ve to nuˇ to shaˆ teˇ hpaˍ hta‸ caˇ hpeh‸ ve yoˬ.
4
Ya‸ hkʼaˇ, nawˬ hui lehˬ kaˍlaˍoˆ, faˆ pehˉ leh pa taiˇ teˇ hpaˍ hta‸ maˇ gʼa caˇ.
5
Oˇ ve teˇ hpaˍ hta‸ maˇ da‸ kehˬ ve awˬ ceuˬ teh‸ gʼa shawˍ taˍ ve yoˬ.
6
To nuˇ to shaˆoˇ ve teˇ hpaˍ lehˬ, caˇ tuˬ hta‸ kʼaw‸ a‸ tawˆ leh behˇ caˇ puiˉ ve htawˇ, hkui kiˆ maˇ cawˬ.
7
Vaˍ shaˍ hta‸ ka‸ maˇ gʼa caˇ. Va‸ lehˬ maˇ da‸ maˇ kehˬ. Yawˇ hui hkui kiˆ cawˬ ve htawˇ, caˇ tuˬ hta‸ kʼaw‸ a‸ tawˆ leh maˇ behˇ caˇ puiˉ.
8
To nuˇ to shaˆ chi teˇ hpaˍ hta‸ maˇ gʼa caˇ. Suh taˍ ve awˬ to hta‸ ka‸ maˇ gʼa htawˇ. Awˬ lawn kʼo, chi hkʼe ve to nuˇ to shaˆ teˇ hpaˍ lehˬ maˇ da‸ kehˬ.
9
Awˬ shehˆ leh awˬ biˉ cawˬ ve ngaˇ hkʼa peu-eˬ hta‸ nawˬ hui caˇ hpeh‸ ve yoˬ.
10
Ya‸ hkʼaˇ, awˬ shehˆ leh awˬ biˉ maˇ cawˬ ve ngaˇ hkʼaˬ ve teˇ ceuˬ hta‸ maˇ kʼoˆ nawˬ hui maˇ gʼa caˇ.
11
Oˇ hkʼe ve ngaˇ teˇ hpaˍ lehˬ maˇ da‸ maˇ kehˬ, teh‸ nawˬ hui gʼa shawˍ taˍ ve yoˬ. Ngaˇ oˇ ve teˇ hpaˍ hta‸ nawˬ hui maˇ gʼa caˇ. Suh taˍ ve awˬ to hta‸ ka‸ maˇ gʼa htawˇ.
12
Iˉ kaˆ hkʼaw chehˇ ve awˬ shehˆ leh awˬ biˉ maˇ cawˬ ve ngaˇ hkʼaˬ ve teˇ ceuˬ hta‸ ka‸ nawˬ hui maˇ gʼa caˇ.
13
Awˬ hawˉ lo bvuh‸ taˍ ve ngaˆ chi teˇ hpaˍ hta‸ nawˬ hui maˇ gʼa caˇ. Aˉ ceˬ, hkawˍ tawehˍ, naˬ beuˬ ngaˆ, aˉ naˆkʼaˍ, laˇ tsuhˇ gʼuiˬ hkʼaw chehˇ ve ngaˆ, ngaˆ hpu ma, va‸laˇgawˬ, kaˍlaˍoˆ ngaˆ leh poˬ naˉ chi teˇ hpaˍ hta‸ nawˬ hui maˇ gʼa caˇ.
20
Toˍ la‸ kʼuˉ cawˬ ve awˬ pfuhˇ ma awˬ shehˍ ma hkʼa peu-eˬ lehˬ maˇ da‸ maˇ kehˬ.
21
Ya‸ hkʼaˇ, chi teˇ hpaˍ awˬ hkʼaw lo pawˆ kʼai puiˉ ve awˬ ceuˬ lehˬda‸ kehˬ ve yoˬ.
22
Nawˬ hui lehˬ, paˉ ce‸, taˉ ve le leh paˉ ce‸ lonˉ teˇ hpaˍ hta‸ caˇ hpeh‸ ve yoˬ.
23
Ya‸ hkʼaˇ, toˍ la‸ kʼuˉ cawˬ leh miˬ chaˇ hkʼoˆ loˇ kʼai puiˉ ve awˬ ceuˬ hta‸ maˇ da‸ maˇ kehˬ ve awˬ ceuˬ teh‸ gʼa shawˍ taˍ ve yoˬ.
24
Awˬ hawˉ lo bvuh‸ taˍ ve suh peuˬ ve to nuˇ to shaˆ hta‸ htawˇ ve chaw lehˬ, mvuhˇ maˇ hpeu‸ sheˍ ve ceh ceh maˇ da‸ maˇ kehˬ. Hkui kiˆ maˇ cawˬ ve awˬ hkʼoˆ caˇ tuˬ hta‸ kʼaw‸ a‸ tawˆ leh maˇ behˇ caˇ puiˉ ve to nuˇ to shaˆ teˇ hpaˍ, leh hkui taw peh cawˬ ve to nuˇ to shaˆ hkʼa peu-eˬ hpeh‸ve yoˬ. To nuˇ to shaˆ oˇ ve teˇ hpaˍ hta‸ ca htawˇ ve chaw lehˬ, a shu yawˇ ve veu‸ kʼaˇ gʼa kʼehˆ tsuhˇ ve yoˬ. Mvuhˇ maˇ hpeu‸ sheˍ ve ceh ceh yawˇ awˬ to ka‸ maˇ da‸ maˇ kehˬ.
29
Faˆ hpiˇ, faˆ cha‸, leh pfuhˍ tehˉ kʼehˆ chi teˇ hpaˍ hta‸ maˇ da‸ maˇ kehˬ ve awˬ ceuˬ teh‸ gʼa shawˍ taˍ ve yoˬ.
31
Chi teˇ hpaˍ hta‸ htawˇ ve chaw lehˬ, mvuhˇ maˇ hpeu‸ sheˍ ve ceh ceh maˇ da‸ maˇ kehˬ.
32
Suh taˍ ve awˬ to teˇ maˬ maˬ, suhˆ, hpa, shaˍ guiˬ leh awˬ nu ve mawˇ teˇ ceuˬ ceuˬ hkʼoˆ ce teˍ ve kʼo, mawˇ oˇ ve cha‸ chiˆ kʼai ve yoˬ. Mawˇ oˇ ve hta‸ iˉ kaˆ hkʼaw gʼa tuˍ keu ve yoˬ. Ya‸ hkʼaˇ, mvuhˇ maˇ hpeu‸ la sheˍ ve ceh ceh mawˇ oˇ ve maˇ da‸ maˇ kehˬ.
33
Suh taˍ ve awˬ to oˇ ve teˇ maˬ maˬ, je‸ mu‸ hkʼu hkʼaw ce lo‸-e ve kʼo, oˇ kaˬ lo hkʼa keu taˍ ve mawˇ hkʼa peu-eˬ cha‸ chiˆ kʼai ve yoˬ. Je‸ mu‸ hkʼu hta‸ gʼa dawˆ hkoˇ ve yoˬ.
34
Caˇ tuˬ hkʼaˬ ve teˇ ceuˬ maˇ kʼoˆ, je‸ mu‸ hkʼu oˇ ve hkʼaw cawˬ ve iˉ kaˆ lo‸-e ve kʼo, caˇ tuˬ oˇ ve cha‸ chiˆ kʼai ve yoˬ.
35
Suh taˍ ve awˬ to ce teˍ ve mawˇ hkʼaˬ ve teˇ ceuˬ maˇ kʼoˆ cha‸ chiˆ kʼai ve yoˬ. Je‸ yuˬ te taˍ ve aˬ miˍ po hpeh‸ ve kʼo, aˬ miˍ po oˇ ve hta‸ gʼa dawˇ hkoˇ ve yoˬ.
36
Ya‸ hkʼaˇ, suh taˍ ve awˬ to oˇ ve iˉ kaˆ gʼuiˬ tuˇ, maˇ heˆ kʼo nanˬ bawˍ hkʼaw ce lo‸-e ve kʼo nanˬ bawˍ oˇ ve cha‸ chiˆ kʼai ve maˇ heˆ. Suh taˍ ve awˬ to oˇ ve hta‸ yuˬ tawˆ ve chaw ceh tiˉ cha‸ chiˆ kʼai ve yoˬ.
37
Suh taˍ ve awˬ to oˇ ve mawˇ yawˇ jeˬ yawˇ hkʼoˆ ce teˍ ve kʼo, mawˇ yawˇ oˇ ve teˇ hpaˍ cha‸ chiˆ kʼai ve maˇ heˆ.
38
Ya‸ hkʼaˇ, mawˇ yawˇ jeˬ yawˇ oˇ ve hta‸ iˉ kaˆ hkʼaw tiˆ taˍ ve awˬ yanˇ hpeh‸ ve kʼo, mawˇ yawˇ oˇ ve cha‸ chiˆ kʼai ve yoˬ.
39
Caˇ hpeh‸ ve to nuˇ to shaˆ teˇ hkeh suh-e leh, oˇ ve hta‸ htawˇ ve chaw lehˬ, mvuhˇ maˇ hpeu‸ sheˍ ve ceh ceh maˇ da‸ maˇ kehˬ.
40
Suh taˍ ve to nuˇ to shaˆ oˇ ve awˬ shaˍ hta‸ caˇ ve chaw lehˬ, yawˇ ve veu‸ kʼaˇ gʼa tsuhˇ ve yoˬ. Yawˇ lehˬ mvuhˇ maˇ hpeu‸ sheˬ ve ceh ceh maˇ da‸ maˇ kehˬ. Suh taˍ ve awˬ to hta‸ yuˬ ve chaw htawˇ, yawˇ ve veu‸ kʼaˇ gʼa tsuhˇ ve yoˬ. Yawˇ htawˇ mvuhˇ maˇ hpeu‸ sheˍ ve ceh ceh maˇ da‸ maˇ kehˬ.
41
Miˬ chaˇ hkʼoˆ loˇ kʼai gaˆ kʼai ve, maˇ heˆ kʼo juˇ kʼai ve, maˇ heˆ kʼo hkui sheh hkʼa biˇ cawˬ ve,
42
awˬ to i ve to nuˇ to shaˆ ehˉ teˇ hpaˍ hta‸ maˇ gʼa caˇ.
43
Oˇ ve teˇ hpaˍ hta‸ caˇ leh nawˬ awˬ to hta‸ cha‸ chiˆ tuˬ maˇ gʼa te.
44
Ngaˬ lehˬ nawˬ ve Gʼuiˬsha hpeh‸ ve yoˬ. Ngaˬ da‸ kehˬ ve hkʼe, nawˬ hui htawˇ a shu yawˇ awˬ to hta‸ da‸ kehˬ piˇ-oˆ.
45
Ngaˬ nawˬ hui ve Gʼuiˬsha hpeh‸ la tuˬ, nawˬ hui hta‸ ngaˬ Eˇjiˇtu‸ mvuhˇmiˬ hkʼaw shiˍ tawˆ la piˇ taˍ ve yoˬ. Ngaˬ da‸ kehˬ ve hkʼe, nawˬ hui htawˇ da‸ kehˬ la piˇ-oˆ.
46
Chi ve lehˬ, to nuˇ to shaˆ teˇ hpaˍ, ngaˆ teˇ hpaˍ leh iˉ kaˆ hkʼaw chehˇ ve ngaˇ teˇ hpaˍ, leh miˬ chaˇ hkʼoˆ loˇ kʼai gaˆ kʼai ve awˬ ceuˬ teˇ hpaˍ awˬ lawn kʼoˆ maˍ laˇ taˍ ve awˬ liˇ awˬ hkʼaˇ hpeh‸ ve yoˬ.
47
Da‸ kehˬ ve leh maˇ da‸ kehˬ ve awˬ ceuˬ teˇ hpaˍ hta‸ nawˬ hui hkʼa deh‸ gʼa fuiˍ gʼa piˇ lawˬ ve yoˬ. Caˇ hpeh‸ ve leh caˇ maˇ hpeh‸ ve to nuˇ to shaˆ teˇ hpaˍ hta‸ htawˇ, nawˬ hui gʼa fuiˍ gʼa piˇ lawˬ ve yoˬ.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 12 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27