bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lahu
/
Lahu Bible Edited © Thailand Bible Society and Bible Society of Myanmar, 2010, 2020.
/
Leviticus 19
Leviticus 19
Lahu Bible Edited © Thailand Bible Society and Bible Society of Myanmar, 2010, 2020.
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 20 →
1
Gʼuiˬsha Moˉseˍ hta‸ cuˇ leh,
2
Iˉsaˍreˍlaˆ chaw hui hta‸ chi hkʼe kʼoˆ piˇ ve yoˬ. Ngaˬ da‸ kehˬve hkʼe nawˬ hui htawˇ da‸ kehˬ piˇ-oˆ.
3
Nawˬ hui lehˬ, a shu yawˇ ve awˬ pa awˬ e hta‸ gʼa yawˆ yan leh, ngaˬ kʼoˆ piˇ taˍ peuˬ ve hkʼe, shinˉ nyi htaˇ da‸ tuˬ kehˬ tuˬ gʼa te ve yoˬ. Awˬ lawn kʼo, ngaˬ lehˬ nawˬ hui ve Gʼuiˬsha hpeh‸ ve yoˬ.
4
Ngaˬ hta‸ baˬ taˉ leh shaˉ ho‸ hta‸ oˉ kʼoˍ maˇ gʼa pui. Shaˉ ho‸ hta‸ htawˇ maˇ gʼa te. Ngaˬ lehˬ nawˬ hui ve Gʼuiˬsha hpeh‸ve yoˬ.
5
Nawˬ hui lehˬ to nuˇ to shaˆ hta‸ tiˇ pehˍ leh, awˬ chawˇ te da‸ ve tanˇ tuˬ tanˇ piˇ chehˇ htaˇ, ngaˬ kʼoˆ piˇ taˍ ve hkʼe te-o. Oˇ hkʼe te ve kʼo, ngaˬ ha‸ yuˬ laˇ tuˬ yoˬ.
6
To nuˇ to shaˆ oˇ ve hta‸ tiˇ pehˍ ve teˇ nyi, maˇ heˆ kʼo hkʼaw‸ nawˉ teˇ nyi htaˇ, shaˍ oˇ ve hkʼa peu-eˬ hta‸ gʼa caˇ peuˬ piˇ ve yoˬ. Caˇ maˇ peuˬ sheˍ ve shaˍ awˬ leuˉ cawˬ kʼo, shehˆ nyi teˇ nyi gaˬ htaˇ hkʼa peu-eˬ aˬ miˍ gʼa tuˉ baˬ ve yoˬ.
7
Awˬ lawn kʼo, shaˍ oˇ ve cha‸ chiˆ kʼai peuˬ. Chaw teˇ gʼaˇ shaˍ oˇ ve hta‸ caˇ ve kʼo, nawˬ hui ve tanˇ tuˬ hta‸ ngaˬ ha‸ yuˬ laˇ tuˬ ve maˇ heˆ.
8
Shaˍ oˇ ve hta‸ caˇ ve chaw lehˬ, ngaˬ hta‸ tanˇ laˇ ve tanˇ tuˬ hta‸ cha‸ chiˆ tuˬ te ve pa taw, yawˇ hta‸ ngaˬ ve chaw teh‸ kʼaw‸ shawˍ piˇ tuˬ ve maˇ heˆ.
9
Nawˬ hui caˬ gʼeu‸ ve teˇ yanˇ, ti mi jaˇ lo cawˬ ve caˬ hta‸ maˇ gʼa gʼeu‸. Sheˆ taˍ ve caˬ nu teˇ hpaˍ hta‸ htawˇ maˇ gʼa kʼaw‸ gʼawˆ yuˬ.
10
Nawˬ hui ve a pehˉ meuˇ hko hkʼaw a pehˉ meuˇ shiˍ shaˉ peuˬ hkʼaw‸ nawˉ, hko oˇ ve hkʼaw kʼaw‸ lo‸-e leh ca kʼaw‸ hpfuhˆ shaˉ ve maˇ gʼa te. Ce taˉ ve awˬ shiˍ teˇ hpaˍ hta‸ ka‸ maˇ gʼa kʼaw‸ gʼawˆ yuˬ. Oˇ ve teˇ hpaˍ hta‸ haˍ ve gʼawˇ ve chaw leh hkehˉ chaw teˇ hpaˍ awˬ pon gʼa teh taˉ piˇ ve yoˬ. Ngaˬ lehˬ nawˬ hui ve Gʼuiˬsha hpeh‸ ve yoˬ.
11
Shu ve mawˇ taˇ hkʼawˇ. Shu hta‸ taˇ heˍ caˇ.
12
Ngaˬ ve awˬ meh hta‸ cuˇ leh hkʼa sha sha-ehˬ ka ti‸ taˇ te. Oˇ hkʼe te ve chaw lehˬ, ngaˬ ve awˬ meh hta‸ maˇ shawˍ maˇ caˆ te ve yoˬ. Ngaˬ lehˬ nawˬ ve Gʼuiˬsha hpeh‸ ve yoˬ.
13
Shu hta‸ hkʼa mvuhˇ hkʼa na taˇ te. Shu ve mawˇ hta‸ taˇ hiˉ yuˬ. Nawˬ ve kanˉ te tcuh ve chaw hta‸ la‸ haˉ awˬ hpfuhˇ piˇ-oˆ. Haˉ taˇ hkanˍ piˇ.
14
Naˍ paw pawˇ ve chaw hta‸ maˇ gʼa hkeu. Mehˆ cuˉ paˍ hta‸ hkui htiˇ poˬ paiˍ tuˬ maˇ gʼa te. Ngaˬ hta‸ kawˆ-oˆ. Ngaˬ lehˬ nawˬ hui ve Gʼuiˬsha hpeh‸ ve yoˬ.
15
Suhˉ jehˬ suhˉ taˆ piˇ kuiˬ lo hteˇ lehˍ cawˇ lehˍ te-o. Haˍ gʼawˇ ve chaw hui hta‸ hkʼa mvuhˇ hkʼa na taˇ te. Paw sha ve chaw hta‸ taˇ kawˆ.
16
Chaw teˇ gʼaˇ ve awˬ lawn maˇ heˆ heˆ ve taˇ kʼoˆ. Chaw teˇ gʼaˇ hta‸ suhˉ taˆ piˇ chehˇ htaˇ, nawˬ gʼa shiˍ gʼa mawˬ ve hkʼe hteˇ lehˍ tawˇ yaw-o. Ngaˬ lehˬ Gʼuiˬsha hpeh‸ ve yoˬ.
17
Chaw teˇ gʼaˇ hta‸ ka‸ nawˬ maˇ gʼa canˇ. Teˇ ceuˬ ceuˬ nyi ma maˇ cawˇ kuiˬ cawˬ ve kʼo, awˬ lawn oˇ ve hta‸ pa taw nawˬ venˇbaˆ maˇ gʼa te tuˬ, yawˇ hta‸ kʼaw‸ cawˇ da‸ tuˬ haˆ haˆ te-o.
18
Chaw teˇ gʼaˇ hta‸ ka‸ nawˬ maˇ gʼa te hkʼaw‸ piˇ. Ya‸ hkʼaˇ, nawˬ awˬ to hta‸ ha‸ ve hkʼe, nawˬ awˬ paˇ awˬ kui chehˇ ve chaw hta‸ gʼa ha‸ ve yoˬ. Ngaˬ lehˬ Gʼuiˬsha hpeh‸ ve yoˬ.
19
Ngaˬ ve awˬliˇtawˇhkawˇ teˇ hpaˍ hta‸ na yuˬ-o‸. Awˬ ceuˬ maˇ shuˍ da‸ ve to nuˇ to shaˆ hta‸ nawˬ maˇ gʼa yuˬ chaw da‸ piˇ. Ti mi teˇ peˆ tiˉ hkʼaw caˬ yawˇ nyiˇ ceuˬ maˇ gʼa yuˬ sheˍ. Hpa nyiˇ ceuˬ yuˬ tawˉ taˍ ve veu‸ kʼaˇ hta‸ maˇ gʼa veu‸.
20
Chaw teˇ gʼaˇ lehˬ, awˬ ceˬ ma hta‸ yawˇ ve awˬ miˇ ma i te tuˬ dawˇ taˍ ve yoˬ. Awˬ yanˇ oˇ ve hkʼaw awˬ nu ve chaw teˇ gʼaˇ yaˇ miˇ oˇ ve hta‸ haˉ chawˇ ca te la ve kʼo, yawˇ huiˉ maˬ hta‸ ciˍ yanˍ piˇ hpeh‸ ve yoˬ. Ya‸ hkʼaˇ maˇ gʼa tiˇ pehˍ. Awˬ lawn kʼo, yaˇ miˇ oˇ ve lehˬ yawˇ ve awˬ ceˬ ma hpeh‸ chehˇ sheˍ ve pa taw yoˬ.
21
Chaw oˇ ve lehˬ yawˬ awˬ paˍ teˇ hkeh hta‸ aˉ po kʼo bon yehˬ yehˬmiˉhpe‸ lo gʼa yuˬ laˬ leh, venˇbaˆ hpehˇ ve tanˇ tuˬ gʼa tanˇ piˇ ve yoˬ.
22
Paw hkuˇ lehˬ chaw oˇ ve venˇbaˆ gʼa ponˬ tuˬ, tanˇ tuˬ oˇ ve hta‸ gʼa tanˇ piˇ ve yoˬ. Oˇ hkʼe te ve kʼo, Gʼuiˬsha yawˇ ve venˇbaˆ hta‸ hpehˇ piˇ tuˬ yoˬ.
23
Nawˬ hui Hkaˍnanˍ mvuhˇmiˬ hkʼaw gaˬ la leh iˉ shiˍ cehˬ ti ve teˇ yanˇ, nawˬ hui lehˬ shehˆ hkʼaw‸ hkʼa gaˬ naw‸ la ve iˉ shiˍ hta‸ maˇ gʼa shaˉ caˇ. Iˉ shiˍ oˇ ve teˇ hpaˍ lehˬ maˇ da‸ kehˬ sheˍ.
24
Awˇ hkʼaw‸ teˇ hkʼaw‸ gaˬ htaˇ nawˬ hui lehˬ iˉ shiˍ oˇ ve hkʼa peu-eˬ hta‸ shaˉ leh ngaˬ hta‸ gʼa tanˇ laˇ ve yoˬ.
25
Ya‸ hkʼaˇ, ngaˇ hkʼaw‸ teˇ hkʼaw‸ gaˬ ve teˇ yanˇ, nawˬ hui iˉ shiˍ oˇ ve teˇ hpaˍ hta‸ caˇ hpeh‸ ve yoˬ. Nawˬ hui oˇ hkʼe te ve kʼo, nawˬ hui ve iˉ shiˍ cehˬ teˇ hpaˍ awˬ shiˍ maˇ maˇ naw‸ la tuˬ yoˬ. Ngaˬ lehˬ nawˬ hui ve Gʼuiˬsha hpeh‸ve yoˬ.
26
Awˬ suhˍ cawˬ taˍ ve shaˍ hta‸ maˇ gʼa caˇ. Faˍ maˇ gʼa te.
27
Nawˬ hui ve uˉ hkeh mvuh leh paˇ tcuhˆ hta‸ maˇ gʼa chiˇ baˬ.
28
Chaw suh-e ve pa taw dawˇ haˍ ve hkʼaw, a shu yawˇ ve awˬ to hta‸ shawˆ hkʼaw ve maˇ gʼa te. Ngaˬ lehˬ nawˬ hui ve Gʼuiˬsha hpeh‸ ve yoˬ.
29
Nawˬ hui ve yaˇ miˇ teˇ hpaˍ hta‸ meh maˬ lanˉ taˇ te caˇ tcuh. Oˇ hkʼe te ve lehˬ, yawˇ hui ve awˬ me‸ awˬ hponˇ hta‸ te luˬ ve yoˬ. Oˇ hkʼe te ve chaw lehˬ, awˬ nu ve gʼuiˬsha teˇ hpaˍ hta‸ oˉ kʼoˍ pui ve chaw hpeh‸ leh, mvuhˇmiˬ hta‸ cha‸ chiˆ tuˬ te ve chaw hpeh‸ ve yoˬ.
30
Shinˉ nyi htaˇ da‸ tuˬ kehˬ tuˬ te leh, ngaˬ hta‸ oˉ kʼoˍ pui kuiˬ hta‸ yawˆ yan-o. Ngaˬ lehˬ Gʼuiˬsha hpeh‸ ve yoˬ.
31
Mawˉ paˍ sheˍ paˍ hui geh taˇ kʼai. Oˇ hkʼe te ve chaw lehˬ, maˇ da‸ maˇ kehˬ. Ngaˬ lehˬ nawˬ hui ve Gʼuiˬsha hpeh‸ ve yoˬ.
32
A sha‸ mawˇ peuˬ ve chaw teˇ hpaˍ hta‸ yawˆ yan-o. Ngaˬ hta‸ kawˆ-oˆ. Ngaˬ lehˬ Gʼuiˬsha hpeh‸ ve yoˬ.
33
Nawˬ hui geh ca chehˇ la ve awˬ nu ve chaw teˇ hpaˍ hta‸ hkʼa mvuhˇ hkʼa na taˇ te.
34
Yawˇ hui hta‸ nawˬ hui ve chaw hkʼe shawˍ leh, a shu yawˇ awˬ to hta‸ ha‸ ve hkʼe yawˇ hui hta‸ ha‸-o‸. Teˇ pawˆ htaˇ nawˬ hui htawˇ, Eˇjiˇtu‸ mvuhˇmiˬ hkʼaw hkehˉ chaw gʼa te cheh taˉ peuˬ ve hta‸ dawˇ nawˇ-oˆ. Ngaˬ lehˬ nawˬ hui ve Gʼuiˬsha hpeh‸ ve yoˬ.
35
Maˇ cawˇ ve yaˍ cuˍ, maˇ cawˇ ve hkʼawˍ lawˇ hta‸ yehˇ leh shu hta‸ taˇ heˍ caˇ.
36
Cawˇ ve yaˍ cuˍ leh cawˇ ve hkʼawˍ lawˇ hta‸ ceh tiˉ yehˇ-oˆ. Ngaˬ lehˬ nawˬ hui ve Gʼuiˬsha hpeh‸ leh, nawˬ hui hta‸ Eˇjiˇtu‸ mvuhˇmiˬ hkʼaw shiˍ tawˆ laˇ taˍ ve yoˬ.
37
Ngaˬ ve awˬliˇtawˇhkawˇ hkʼa peu-eˬ ve hta‸ na yuˬ-o‸. Ngaˬ lehˬ Gʼuiˬsha hpeh‸ ve yoˬ, teh‸ yawˇ hui hta‸ kʼoˆ piˇ ve yoˬ.
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27