bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Genesis 24
Genesis 24
Mossi MPBU (WẼNNAAM SEBRE 2014)
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 25 →
1
A Abrahaam dag n kʋʋlame n tar yʋʋm wʋsgo. La Sẽn-Ka-Saab ning-a-la bark bũmbã fãa pʋgẽ.
2
A Abrahaam yeela a zakã tʋmtʋmd ning sẽn yaa kãsem n kaoos yẽnda zakẽ wã, n dag n get yẽnda laogã fãa yellã yaa: «Tik mam gerã,
3
tɩ m na n kɩtame tɩ f wẽen ne Sẽn-Ka-Saab sẽn yaa saasẽ la dũniyã Wẽnnaamã yʋʋre, tɩ f ka na n bao Kana soolmã mam sẽn be a pʋgẽ wã bi-pugl n kõ mam bi-riblã ye.
4
La tɩ fo na n kẽnga mam mengã tẽngẽ wã, mam ba-yirã, n tɩ bao pag beenẽ n wa kõ mam bi-ribl a Izake.»
5
La tʋmtʋmdã leoka a Abrahaam yaa: «Tõeeme tɩ pagã tɩ zãgs t'a ka na n tũ maam n wa tẽn-kãngã ye, dẽ wã, mam tog n lebg n wa peega yãmb biig a Izak n tall-a n kẽng tẽng ning yãmb sẽn yiẽ wã bɩ?»
6
La Abrahaam leokame: «Gũus f meng n da wa peeg mam bi-riblã n leb tẽng ning mam sẽn yiẽ wã ye!
7
Sẽn-Ka-Saab sẽn yaa saasẽ Wẽnnaamã sẽn kɩt tɩ mam yi n bas m buudã ne m ba-yirã, bãmb sẽn gom ne maam n wẽen n yeel tɩ bãmb na n kɩtame tɩ mam yagensã soog tẽn-kãngã wã, bãmb mengã na n tʋma b malɛɛk t'a lʋɩ fo taoore, la yaa beenẽ la fo na n bao pag n wa kõ mam biigã.
8
Pagã sã n tɩ zãgs t'a ka na n tũ foom n wa, wẽeneg ning mam sẽn kɩt tɩ fo wẽenã taal ka na n zĩnd fo zug ye. La bũmb ning sẽn be bala, ra tall m biigã n kẽng beenẽ ye.»
9
Tʋmtʋmdã rɩka a nug n tik a zu-soab a Abrahaam gerã n wẽen n yeel t'a na n maana wa b sẽn yeelã.
10
Tʋmtʋmdã yãka a soaal a Abrahaam yʋgma piiga, ne a soaalã bõn-sõama fãa, la a loogame. Tʋmtʋmdã yikame n kẽng n ta Mezopotami tẽngã n ta a Nakoor tẽngã.
11
Yẽnda pẽnega tẽngã n kɩt tɩ yʋgma wã gãand bulg sɛɛgẽ. La rag n yaa zaabre, wakat ning pagbã sẽn yit n kẽnd n toogd koomã.
12
Tʋmtʋmdã pʋʋsame n yeele: «M soaal a Abrahaam Wẽnnaam Sẽn-Ka-Saabo, mam kota yãmb tɩ y sõng-ma, tɩ m paam bũmb ninga mam sẽn baoodã rũndã, la m kot-y lame tɩ y maan m soaal a Abrahaam neere!
13
Ade, mam na n yalsa ko-nifã sɛɛga, la tẽngã pʋg-sadb na n yiime n wa toog koom ka.
14
Dẽ, pʋg-sad ning mam sẽn na n yeel tɩ m kotame t'a sik a yʋʋrã tɩ m yũ koomã, t'a leoke: ‹Bɩ y yũ, la mam na n yũnuga yãmb yʋgma wã me.› Mam datame tɩ yɩ pʋg-sad-kãng la yãmb yãk yã, t'a na n yɩ yãmb tʋmtʋmd a Izak paga! Dẽ, mam na n bãngame tɩ yãmb maana mam soaal a Abrahaam neere.»
15
La yẽnda sẽn nan ket n gomd bal yee, a nee a Rebeka sẽn yi tẽngã pʋg n palg a yʋʋr a bãokẽ n watẽ. A Rebeka yaa a Betuwɛll bi-pugla. A Betuwɛll yaa a Nakoor pag a Milka bi-ribla, la a Nakoor yaa a Abrahaam yao.
16
Pʋg-sadã rag n yaa neer hal wʋsgo. La a rag n yaa pʋg-sad sẽn ka mi rao ye, la rao baa a yembr dag n nan ka bao-a ye. Pʋg-sadã siga ko-nifẽ wã n toog koomã n pid a yʋʋrã n lebg n yi.
17
A Abrahaam tʋmtʋmdã wudgame n seg-a n yeel-a: «Mam kotame tɩ f kõ-m f yʋʋrã koom bilf tɩ m yũ.»
18
La pʋg-sadã leokame: «M zu-soaba, yũ-y-yã!» La a kɩlla a yʋʋrã noor tao-tao n kõ tʋmtʋmdã koomã t'a yũ.
19
Pʋg-sadã sẽn kõ tʋmtʋmdã koomã t'a yũ n sɛ, pʋg-sadã yeelame: «Mam na n wii koomã n yũnug yãmb yʋgma wã me hal tɩ b yũ n tɩge.»
20
Pʋg-sadã wudga tao-tao n kiig a yʋʋrã koom gaolgã pʋga, la a wudg n kẽng bulgẽ wã n na n tɩ toog koomã yɛs n wa. La a wii koomã n yũnug yʋgma wã fãa.
21
La raoã rag n sĩndame, la a sokd a meng a Rebeka wɛɛngẽ n na n bãng sã n yaa Sẽn-Ka-Saab sẽn dat n maneg yẽndã sorã la woto.
22
Yʋgma wã sẽn yũ n sɛ, raoã yãka sãnem tʋblond zɩslem sẽn ta wakɩ-koɛɛng pʋɩ-sʋk zɩslem, la a bao zũy a yiibu, b zɩslem sẽn zems wakɩ-koeems piig zɩslem, n kõ pʋg-sadã.
23
Tʋmtʋmdã soka pʋg-sadã yaa: «Fo yaa ãnda bi-pugla? Mam kotame tɩ f togs maam. Rẽ yĩnga, zĩig bee fo ba wã zakẽ tɩ tõnd tõe n bõos n gãand be yʋngã?»
24
Pʋg-sadã leokame: «Mam baaba yaa a Betuwɛlle. A Betuwɛll yaa a Nakoor pag a Milka bi-ribla.»
25
Pʋg-sadã leb n yeelame: «Tõnd tara kãenkãe la yamd wʋsg yiri, la zĩig me bee yãmb sẽn tõe n gãand yʋngã.»
26
Woto, raoã wõgemdame n fõgen a neng tẽng Sẽn-Ka-Saab taoore.
27
Yẽnda pʋʋsa a woto: «Bɩ Sẽn-Ka-Saab sẽn yaa mam soaal a Abrahaam Wẽnnaamã paam pẽgre! Bãmb wilga b nonglem ne b pʋ-peelem mam soaalã yĩnga. Sẽn-Ka-Saab talla maam n wa kẽes mam soaalã roagdb zakẽ.»
28
La bi-puglã zoe n kẽnga a ma nengẽ n tɩ togs-a yellã fãa.
29
La mikame t'a Rebeka rag n tara kẽem-bi-ribl yʋʋr sẽn boond t'a Labã. La a Labã yiime n zoe n babs raoã ko-nifã sɛɛga.
30
A Labã sẽn yãnd tʋb-londã ne zũyã sẽn be a yao a Rebeka nugẽ wã, la a sẽn wʋm a Rebeka sẽn dag n gomd n togsd raoã sẽn yeel bũmb ninsã, yẽnda zoeeme n babs raoã, n mik-a t'a yas ne a yʋgma wã ko-nifã sɛɛga.
31
A Labã yeela raoã yaa: «Yãmb yaa soab ning sẽn tar Sẽn-Ka-Saab barka! Wa-y-yã! Bõe yĩng tɩ yãmb yas yɩnga? Mam manega roogo, la m bao zĩig yʋgma wã yĩnga.»
32
Raoã kẽe zakã pʋga. A Labã kɩtame tɩ b sik yʋgma wã zɩɩbã n bao kãenkãe ne yamd n kõ-ba, la a bao koom n kõ raoã ne neb nins sẽn tũ yẽnda wã tɩ b waas b nao.
33
La b talla rɩɩb n wa kõ raoã. La yẽnda yeelame: «Mam ka na n dɩ, n nan ka togs koɛɛg ning mam sẽn tar n dat n togsã ye.» La a Labã yeelame: «Togs-y-yã.»
34
Dẽ, tʋmtʋmdã yeelame: «Mam yaa a Abrahaam tʋmtʋmda.
35
Sẽn-Ka-Saab ninga mam soaal a Abrahaam bark wʋsgo. Bãmb lebga nin-kãsenga. Sẽn-Ka-Saab kõo mam soaal a Abrahaam rũm-bɛd ne rũm-bãoonego, la wanzuri ne sãnem, la b kõ-b yem-daad ne yem-pogse, la yʋgma ne bõense.
36
Mam soaal a Abrahaam pag a Saara roga mam soaalã bi-ribl a kʋʋlem wakate. La b rɩka b paoongã fãa n kõ bi-ribl-kãnga.
37
Mam soaalã kɩtame tɩ mam wẽene.» Bãmb yeelame: «Wẽen tɩ f ka na n bao pag Kana soolmã pʋga, tẽng ning pʋg tõnd sẽn beẽ wã kom-pugli sʋka, n kõ mam biigã ye.
38
Kẽng mam ba-yirã, mam buudã sʋka, n tɩ bao pag be n wa kõ mam biigã.»
39
La mam yeela m soaalã tɩ tõeeme, tɩ pagã ka sak n na n tũ maam n wa ye.
40
Mam soaalã yeelame: «Mam sẽn tũud Sẽn-Ka-Saab sẽn yaa soab ning mam sẽn tũudã na n tʋma b malɛɛk t'a yãag foom n kɩt tɩ f kẽndã yɩ neere. Bao pag mam ba-yirã, mam buudã sʋka, n wa kõ mam biigã.
41
Sẽn na yɩl tɩ wẽenegã taal ra zĩnd fo zugu, fo sã n ta mam buudã sʋka, tɩ bãmb ka sak n kõ foom bi-pugla, wẽeneg ninga mam sẽn kɩt tɩ fo wẽenã taal ka na n zĩnd fo zug ye.
42
Dẽ, mam taa bulgẽ wã rũndã, la mam yeela Sẽn-Ka-Saab yaa: «M soaal a Abrahaam Wẽnnaam, sõng-y-m tɩ m so-toakã yɩ neere.
43
Ade, mam na n yalsa ko-nifã sɛɛga, tɩ pʋg-sad ning sẽn na n wa-a, n wa toog koomã, tɩ mam yeel-a: mam kotame tɩ f sulg n kɩll f yʋʋrã n kõ-m koom bilfã›,
44
t'a leok maam tɩ m yũ wã, la a yeel t'a na n tooga koomã n kõ mam yʋgma wã me wã, bɩ yɩ pʋg-sad-kãng la Sẽn-Ka-Saab yãk yã, n na n kõ mam soaalã bi-ribla!
45
La mam sẽn dag n nan ket n gomd m sũurẽ, la a Rebeka sẽn yi n palg a yʋʋr a bãokẽ n wa ta n kẽ bulgã pʋg n toog koomã. Dẽ, mam yeel-a lame: ‹Mam kotame tɩ f kõ-m koom tɩ m yũ!›
46
La a sulgame n kɩll a yʋʋrã a sẽn dag n tʋkã tao-tao, n yeel maam tɩ m yũ. La a yeel t'a na n wii koomã n kõ mam yʋgma wã me tɩ b yũ. Mam yũume, la a kõo mam yʋgma wã me tɩ b yũ.
47
Dẽ, mam sok-a lame: ‹Fo yaa ãnda bi-pugla?› La a leoka maam tɩ yẽnda yaa a Betuwɛll bi-pugla. T'a Betuwɛll yaa a Nakoor ne a pag Milka bi-ribla. Dẽ, mam baoo tʋb-long n ning a yõorã, la m bao zũy n pid a nusã.
48
Rẽ poore, mam wõgemda Sẽn-Ka-Saab taoor n pẽg mam soaal a Abrahaam Wẽnnaam Sẽn-Ka-Saabo, bãmb sẽn maan pʋ-peelem n yãag maam tɩ m na n tõog n peeg mam soaalã roagd bi-pugl n tɩ kõ m soaalã bi-riblã yĩnga.
49
Moasã, yãmb sã n na n wilga y nonglem ne y sɩd mam soaalã yĩnga, bɩ y togs maam, la y sã n ka na n maan woto me, bɩ y togs maam tɩ m tõe n bãng m sẽn na n maanega.»
50
Dẽ, a Labã ne a Betuwɛll leoka yẽnda n yeele: «Yel-kãngã yita Sẽn-Ka-Saab meng nengẽ, tõnd ka tar koɛɛg n na n yeel yãmb ye. Tõnd ka tõe n yeel tɩ n-yẽe, d ka tõe n yeel tɩ ayo.
51
A Rebeka yẽ la sẽn yas yãmb taoorã la, peeg-y-yã-a n tall n looge, t'a tõe n tɩ yɩ yãmb soaalã bi-ribl paga, wa Sẽn-Ka-Saab sẽn yeelã.»
52
A Abrahaam tʋmtʋmdã sẽn wʋm a Labã ne a Betuwɛll sẽn gom woto wã, yẽnda wõgemda Sẽn-Ka-Saab taoore.
53
Tʋmtʋmdã yiisa wanzuri fan-teedo, la sãnem fan-teedo, ne futu, n kõ a Rebeka. Tʋmtʋmdã kõo a Rebeka tão wã ne a ma wã me kũuni.
54
Rẽ poore, a Abrahaam tʋmtʋmdã ne neb nins sẽn yãag yẽnda wã rɩɩme, la b yũ, la b gãand be yʋn-kãnga. Beoogã sẽn vẽege, bãmb yikame t'a Abrahaam tʋmtʋmdã yeele: «Kõ-y-m sor tɩ m lebg n leb m soaalã nengẽ.»
55
A Rebeka tão wã ne a Rebeka ma wã yeelame: «Bas-y tɩ pʋg-sadã zĩnd ne tõnd rasem piig n paase, rẽ poore, y tõe n yaool n loogame.»
56
A Abrahaam tʋmtʋmdã yeelame: «Ra kɩt-y tɩ m leb n kaoos ye. Bala, Sẽn-Ka-Saab manega mam so-toakã, dẽ wã, bɩ y bas-m tɩ m lebg n leb n soaalã nengẽ.»
57
La bãmb yeelame: «Sã n yaa woto, bɩ d bool pʋg-sadã meng n sok n gese.»
58
Woto, bãmb boola a Rebeka n sok-a: «Fo na n sak n tũu raoã n looge?» La a Rebeka leokame tɩ n-yẽe.
59
Dẽ, bãmb basa b tão-poak a Rebeka ne a yaoondã tɩ b tũ a Abrahaam tʋmtʋmdã ne a tũud-n-taasã n looge.
60
Bãmb ninga a Rebeka bark n yeele: «Foom, d tão sõngo, bɩ f fɩɩg n lebg tus-kẽema! Bɩ fo yagensã tõog b bɛɛbã n deeg b tẽmsã n sooge!»
61
A Rebeka yika ne a tʋmtʋmd-pogsã n zomb yʋgma n tũ raoã tɩ b na n looge. A Abrahaam tʋmtʋmdã peega a Rebeka n tall n looge.
62
Wakat-kãnga, rag n nan yaa a Izak sẽn yi Lakayi-Royi bulgã n wa. Bala, yẽnda rag n tɩ tilga Negɛɛv soolem.
63
La daar a yembr zaabre, a Izak yiime n na n kẽng we-kɛɛng n kok pemsem. La a Izak sẽn zẽk n gese, a nee yʋgma sẽn wate.
64
A Rebeka me zẽkame n gese, la a yãnda a Izake. Dẽ, a yɩka yʋgemdã zug n sigi.
65
A Rebeka soka a Abrahaam tʋmtʋmdã tɩ yaa yɛɛnẽ dao la sẽn kẽnd n segd bãmbã.
66
La tʋmtʋmdã leokame tɩ yaa yẽnda soaalã. Dẽ, a Rebeka rɩka a peendã n pil a menga. La a Abrahaam tʋmtʋmdã togsa a Izak yẽnda sẽn maan bũmb ningã fãa.
67
A Izak peega a Rebeka n tɩ kẽes-a a ma a Saara fu-roogẽ. La a Izak peega a Rebeka n maan a paga, la a Izak nonga a Rebeka. Woto, a Izak paama belsg wʋsg a ma a Saara kũumã poore.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 25 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50