bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Numbers 10
Numbers 10
Mossi MPBU (WẼNNAAM SEBRE 2014)
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 11 →
1
Sẽn-Ka-Saab yeela a Moyiis yaa:
2
«Kɩt tɩ b maan tãntãad a yiib ne wanzuri yeyn-yeyn. Dẽ, y sã n wa rat tɩ nebã tigme, yaa bãmb la yãmb na n peebe. La y sã n wa rat tɩ nebã yik me, leb n yaa bãmb la y peebda.
3
La tãntãad a yiibã sã n wa naag taab n peebe, bɩ nebã fãa wa tigim taab fo taoor sɛk roogã noore.
4
La sã n yaa tãontaõog a yembr la b peeb yã, yaa nanambsã sẽn yaa Israyɛll nebã kãsem-dãmbã bal n tog n tigim taab fo taoore.
5
La tãntãadã sã n wa peeb vugr ne pãnga, yaa neb nins sẽn be yaangã n tog n yiki.
6
Tãntãadã sã n leb n peeb ne pãng naoor a yiibẽ soabã, yaa nug goabg rãmbã n tog n yiki. B sã n na n yik fãa, b tog n peeba tãntãadã ne pãnga.
7
La b sã n na n peeb n tigim nebã, b ka tog n peeb ne pãng ye.
8
Yaa maan-kʋʋdbã sẽn yaa a Aarõ yagensã bal n tar noor tɩ peeb tãntãadã. Yõwã na n yɩɩ no-tũudg sẽn ka sɛta, yãmb ne y yagensã yĩnga.
9
Yãmb sã n wa be y tẽngẽ wã, n yi n na n tɩ zab ne y bɛɛbã, bɩ y peeb y tãntãadã ne pãnga, la maam a Sẽn-Ka-Saab sẽn yaa yãmb Wẽnnaamã na n tẽega yãmb yell n fãag yãmb y bɛɛbã nugẽ.
10
Yãmb sũ-noog daare, ne y tigr daare, la y ki-paalg tigr wakate, bɩ y peeb y tãntãadã wakat ning yãmb sẽn maand maoong sẽn yõogd bugmã, ne y zems-n-taar maoongã. Woto, mam ka na n yĩm yãmb yell ye. Mam yaa Sẽn-Ka-Saab sẽn yaa yãmb Wẽnnaam.»
11
Israyɛll nebã sẽn yi Ezɩpt soolmã pʋg tɩ yʋʋm yiiblẽ, kiuug a yiib soabã rasem pisi daare, sawad-taokã zẽk n basa kaoolã sɛk roogã.
12
Dẽ, Israyɛll nebã yii Sinayi we-raoogẽ wã n loog pʋgdg-pʋgdga, wa Sẽn-Ka-Saab sẽn dag n wilgã. La sawad-tãokã wa n tɩ yalsa Paarã weoogẽ wã.
13
Woto yɩɩ pipi yikr Israyɛll nebã sẽn yiki, wa sẽn zems Sẽn-Ka-Saab sẽn dag n yeel a Moyiisã.
14
Dẽ, yaa tãb-bi-sull ning sẽn gũbg a Zʋʋda tãb-kaoorã n yik pipi. La yaa a Aminadaab biig a Nakõ n dag n yaa Zʋʋda buudã tãb-bi-sullã naaba.
15
La a Suwaar biig a Netaneyɛll n dag n yaa Isakaar tãb-bi-sullã naaba.
16
T'a Helõ biig a Elyaab dag n yaa Zabulõ tãb-bi-sullã naaba.
17
La b viiga sɛk roogã, tɩ Gɛrsõ ne Meraari yagensã tʋk-a n looge.
18
La tãb-bi-sull ning sẽn gũbg Rubɛn doogã neb tãb-kaoorã n pʋgl bãmba, la yaa a Sedewʋʋr biig a Elisʋʋr n dag n yaa tãb-bi-sul-kãng naaba.
19
La a Suurisadayi biig a Selumiyɛll n dag n yaa Sɩmyõ tãb-bi-sullã naaba.
20
T'a Dehuwɛll biig a Elyasaf dag n yaa Gaad tãb-bi-sullã naaba.
21
Rẽ poore, yaa Kehat yagensã sẽn yaa Leevi roogã neb n tʋkd zĩ-sõngã pʋgẽ teedã n pʋgle. B rag n tog n tii sɛk roogã n sɛ, sẽn deng a Kehat yagensã waoongo.
22
Sull ning sẽn pʋgl-a yaa tãb-bi-sull ning sẽn gũbg Efrayiim tãb-kaoorã. La a Efrayiim tãb-bi-sullã naab dag n yaa a Amihuub biig a Elisama.
23
La Manaase tãb-bi-sullã naab dag n yaa a Pedasʋʋr biig a Gameliyɛlle.
24
Tɩ Benzame tãb-bi-sullã naab yaa a Gidoni biig a Abidãn.
25
La yaoolem sull ning sẽn pʋgl yaa tãb-bi-sull ning sẽn gũbg Dan tãb-kaoorã. Sul-kãng n yɩ yaoolem. La yaa a Amisadayi biig a Ahiyezɛɛr n dag n yaa bãmb naaba.
26
La a Asɛɛr tãb-bi-sullã naab dag n yaa a Okrã biig a Pagiyɛlle.
27
Tɩ Neftali tãb-bi-sullã naab yaa a Enan biig a Ayira.
28
Dẽ, Israyɛll nebã sẽn yik sull-sull n loogã yɩɩ woto.
29
A Moyiis yeela a rɛɛmb a Rehuyɛll sẽn yit Madiyã wã biig a Obaab yaa: «Tõnd dabda tẽng ning Sẽn-Ka-Saab sẽn dag n kãab n yeel tɩ b na n kõ-d lame wã pʋgẽ. Dẽ wã, wa tũ tõndo, tɩ d na n kɩtame tɩ f naag tõnd n paam maan-neer ning Sẽn-Ka-Saab sẽn dag n kãab Israyɛll nebã.»
30
La a Obaab leoka bãmb yaa: «Mam ka na n tũ yãmb n loog ye. Mam na n leba m meng tẽngẽ, n tɩ zĩnd ne m buudã nebã.»
31
A Moyiis yeela yẽnda: «Mam kot-f lame tɩ f ra loog n bas-d ye. Bala, sẽn yaa foom n mi zĩis nins tõnd sẽn tõe n tilg d sik zĩigã weoogã pʋgã, bɩ f wa lʋɩ tõnd taoor n wilg-du.
32
Fo sã n tũ tõndo, d na n kɩtame tɩ f naag tõnd n paam maan-neer ning Sẽn-Ka-Saab sẽn na n kõ tõndã.»
33
Dẽ, Israyɛll nebã yii Sẽn-Ka-Saab tãngẽ wã, la b kẽna rasem a tãab kẽnde. La Sẽn-Ka-Saab kaoolã koglgã rag n bee bãmb taoore, n na n bao sik zĩig n kõ-ba.
34
La wĩndga, bãmb sã wa yik n loogdẽ, Sẽn-Ka-Saab sawad-taokã lut-b-la ne a maasmã.
35
La Leevi buudã sã n wa tʋk kaoolã koglgã tɩ b n na looge, a Moyiis pʋʋsda Sẽn-Ka-Saab n yeele: «Sẽn-Ka-Saabo, yik-y-yã! Kɩt-y tɩ y bɛɛbã sãeege! La y rig sẽn kis-b yãmbã tɩ b zoe!»
36
La Leevi buudã sã n wa sik kaoolã koglgã, a Moyiis zẽkda a koɛɛg n yeele: «Sẽn-Ka-Saabo! Bɩ y lebg n wa Israyɛll buudã neb sʋka, tɩ bala, b yaa neb kʋʋngo!»
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36