bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Numbers 4
Numbers 4
Mossi MPBU (WẼNNAAM SEBRE 2014)
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 5 →
1
Sẽn-Ka-Saab yeela a Moyiis ne a Aarõ yaa:
2
«Sõdg-y Kehat yagensã sẽn be Leevi buudã neb sʋkã roog-roogo la zak-zaka, n gʋls b yʋyã. Yaa neb yʋʋm sẽn ta pis-tã n tar n dabd pis-nu wã. Neb nins fãa sẽn tõe n maan tʋʋm sɛk roogã pʋgẽ.
4
Bãmb tʋʋmd yaa tɩ get teed nins b sẽn welg toor Wẽnnaam tʋʋmdã yĩngã yelle.
5
Israyɛll nebã sã n wa na n looge, bɩ a Aarõ ne a kom-dibli wã yak peen-lillã sẽn lill zĩig sẽn welg toor n yɩɩdã sɛk roogã pʋgã, n dɩk-a n pil kaoolã koglgã, kaoolã kug-wals sẽn be a pʋgẽ wã.
6
La bãmb na n dɩka gãn-taokã, n lud koglgã zugu, la b rɩk peend sẽn wʋg ne gĩs-kẽeg haoo, n tẽeg n pil a fãa. La b rɩk ra-bɩlmã n tui a tuiidsẽ wã, tɩ b tõe n dɩk-a.
7
La bɩ bãmb rɩk peend a to me sẽn wʋg ne gĩs-kẽeg haoo, n tẽeg n lud kaset burã taablã, n yaool n dogl laasã, wũmbli wã, ko-teesã, ne tʋgdã b sẽn tar n ningd reezẽ rãam kũunã yĩngã. La kaset burã ka tog n kong taablã zug ye.
8
La bɩ bãmb dɩk peend sẽn wʋg ne gĩs-miuugu, n tẽeg n lud-a. La b rɩk gãn-taokã, n lud a zãngã, n yaool n dɩk ra-bɩlmã n tui taablã tuiidsẽ wã.
9
Bɩ b rɩk peen-kẽeg haoo, n pil fɩtl doagendgã ne a fɩtl-dãmbã, la a teed a taabã fãa: Yaa yɩʋʋdã, bug-zẽen-laasã, la kaam tʋgdã.
10
La bɩ b rɩk gãn-taokã, n lud a fãa, la b yaool n dɩk-a n dogl pãndar zugu.
11
Bɩ b rɩk peen-kẽeg haoo n tẽeg n pil wisd yõogr sãnem tẽn-kugrã, la b lud a zugã ne gãn-taokã, n yaool n dɩk ra-bɩlmã n tui tẽn-kugrã tuiidsẽ wã.
12
Rẽ fãa zugẽ, bɩ b rɩk teed nins fãa b sẽn tar n tʋmd zĩ-sõngã pʋgẽ wã, n bao peen-kẽeg haoo n vil-ba, n dɩk gãn-taokã n lud-ba, la b yaool n tebg te-bãmb fãa n dogl pãndar zugu.
13
Rẽ poore, bɩ b wʋk tompeglmã sẽn be zũud tẽn-kugrã b sẽn yõogd maoong a zugã, la b lebs peen-miuug n tɩʋ tẽn-kugrã zugu.
14
La bɩ b rɩk maan-kʋʋrã tʋʋmã teed fãa n dogl a zugu: yaa wisd yõogr laasã, kõsdsã, pɛll-dãmba, ne laasã b sẽn tar n kokd zɩɩmã. La b rɩk gãn-taokã n lud b fãa, n yaool n dɩk ra-bɩlmã n tui tẽn-kugrã tuiidsẽ wã, tɩ b tõe n dɩk-a.
15
La yikr fãa wakate, yaa a Aarõ ne a kom-dibli wã n tog n deng n wa vil zĩ-sõngã teedã ne a te-tũudsã n sɛ, tɩ Kehat yagensã yaool n wa tʋk-ba. Bala, a Kehat yagensã ka tog n sɩɩs zĩ-sõngã teedã meng ye. B sã n sɩɩse, b na n kiime. Yaa a Kehat yagensã n na n tʋkd zĩ-sõngã pʋgẽ teedã.
16
La yaa maan-kʋʋd a Aarõ biig a Eleyazaar n na n get fɩtl doagendgã kaam yelle, la wisdã sẽn na n yõogã, ne daar fãa bõn-koaadlã kũunã, la nug-tikr kaamã yelle. Yaa yẽnda n na n ges zĩ-sõngã ne a pʋgẽ teedã fãa yelle, sã n yaa teed nins sẽn welg toorã, la te-tũudsã.»
17
Sẽn-Ka-Saab yeela a Moyiis ne a Aarõ yaa:
18
«Bɩ y modg t'a Kehat yagensã ra wa menem zãng Leevi buudã sʋk ye.
19
Ad yãmb sẽn na n maan bũmb ning tɩ Kehat yagensã ra wa ki zĩ-sõngã teed yell gesg pʋgẽ ye: Bɩ foom a Aarõ ne f kom-dibli wã tall bãmb ned kam fãa n kẽng a zĩigẽ, n tɩ wilg-a a tʋʋmde, la teoog ning a sẽn tog n tʋke.
20
Woto, bãmb ka na n tol n saag n kẽ n ges teed nins sẽn welg toorã, bala, yaa rẽnda n tõe n wa ne b kũum.»
21
Sẽn-Ka-Saab yeela a Moyiis yaa:
22
«Bɩ f sõdg a Gɛrsõ yagensã me zak-zaka, la roog-roogo, n gʋls b yʋyã.
23
Fo na n sõda neb nins yʋʋm sẽn ta pis-tã, n tar n dabd yʋʋm pis-nu wã. Yaa bãmb la b na n yãk tɩ b ges sɛk roogã pʋgẽ tʋʋm kẽer yelle.
24
Ad a Gɛrsõ yagensã sẽn tog n maan tʋʋm ninsi:
25
Bãmb n na n tʋkd sɛk roogã fuugu, a fu-pindgã, ne a gãn-luts a yiibã, la sɛk roogã noor peen-lillã.
26
Leb n yaa bãmb n na n tʋkd sɛk roogã zak gũbgr pɛɛlã, ne zakã rignoor peen-lillã sẽn gũbg zĩ-sõngã, ne maoong sẽn yõogd bugum tẽn-kugrã, ne zakã gũbr wĩyã, la ne teed a taabã, la lagd nins b sẽn tar n maand b tʋʋmdã.
27
Tʋʋm nins a Gɛrsõ yagensã sẽn tog n maana, yaa a Aarõ ne a kom-dibli wã n tog n wilg bãmb b tʋʋmde. Yaa teedã tʋkre, ne tʋʋm nins fãa b sẽn tog n maanã.
28
Gɛrsõ yagensã tʋʋm na n yɩɩ woto sɛk roogã pʋgẽ. La yaa maan-kʋʋd a Aarõ biig a Itamaar n na n yɩ bãmb tʋʋmã taoor soaba.»
29
Sẽn-Ka-Saab yeela a Moyiis yaa: «Bɩ f sõd a Meraari buudã nebã roog-roogo, la zak-zaka.
30
Bɩ f sõd raop nins yʋʋm sẽn ta pis-tã n tar n dabd pis-nu wã. B na n kõo bãmb tʋʋm kẽer sɛk roogã zak pʋgẽ.
31
Ad tʋʋm nins bãmb sẽn tog n maan sɛk roogã zak pʋgẽ: Bãmb n na n tʋkd sɛk roogã ra-pegdã, a ra-paadsã, a ra-lugdsã ne b tebendsã,
32
la ra-lugds nins fãa sẽn gũbg sɛk roogã zakã, ne b tebendsã, la b biili wã, ne wĩyã, la ne teed nins fãa bãmb sẽn tar n maand a tʋʋmdã. Bɩ maan-kʋʋdbã wilg bãmb ned kam fãa teed nins a sẽn tog n tʋke.
33
Tʋʋmd ning a Meraari yagensã sẽn maand sɛk roogã zak pʋgẽ wã la woto. La yaa maan-kʋʋd a Aarõ biig a Itamaar n yaa bãmb taoor soaba.»
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36