bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Numbers 14
Numbers 14
Mossi MPBU (WẼNNAAM SEBRE 2014)
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 15 →
1
Israyɛll nebã sẽn wʋm goam nins b sẽn togsã, bãmb zẽka b koeesã n yãb yʋngã tõr hal tɩ beoogã vẽege.
2
Dẽ, bãmb yẽgma ne a Moyiis la a Aarõ n yeel-b yaa: «Tõnd sã n dag n kiẽ Ezɩpt tẽngã, bɩ weoogã pʋg n são.
3
Yaa bõe tɩ Sẽn-Ka-Saab talld tõnd n na n kẽes tẽng a woto pʋgẽ? Tõnd na n kii zabrẽ wã, tɩ b wʋk d pagbã ne d kambã. Tõnd sã n lebg n leb Ezɩpt tẽngã n são.»
4
Dẽ, bãmb goma ne taab n yeele yaa: «Wa-y tɩ d yãk ned t'a yɩ d taoor soaba, tɩ d lebg n leb Ezɩpt tẽngã!»
5
A Moyiis ne a Aarõ lʋɩ n fõgna b nens tẽng Israyɛll nebã fãa taoore.
6
A Nun biig a Zozoe, ne a Yefune biig a Kalɛɛb sẽn yaa neb nins sẽn tɩ ges tẽngã sʋk neb a yiibã sũy sãama hal wʋsgo, tɩ b pãrs b futã.
7
La bãmb yeela nebã yaa: «Tẽng ning tõnd sẽn kẽng n tɩ gesã yaa tẽn-sõng wʋsgo.
8
Tẽngã tara bĩisim ne sɩɩd wʋsgo. Sẽn-Ka-Saab sã n nong tõndo, bãmb na n talla tõnd n tɩ kẽes tẽn-kãng pʋgẽ, la b na n deega tẽngã n kõ-do.
9
Bũmb ning sẽn be bala, bɩ y ra kɩɩs Sẽn-Ka-Saab noorã, la y ra zoe tẽn-kãngã nebã ye. Tõnd na n tõog-b lame. Bala, bãmb wẽnnaam-dãmbã bas-b lame. La Sẽn-Ka-Saab bee ne tõndo. Dẽ wã, bɩ y ra zoe bãmb ye.»
10
La nebã fãa yeelame tɩ b lob bãmb ne kug n kʋ. La wakat-kãng bala, Sẽn-Ka-Saab ziirã puka sɛk roogã zug nebã fãa taoore.
11
Dẽ, Sẽn-Ka-Saab yeela a Moyiis yaa: «Nin-bãmbã na n kell n kɩɩsa maam hal tɩ ta dabʋre? Baa ne bõn-bãn-kãsems nins mam sẽn maan bãmb sʋkã, bãmb ket n ka tẽed maam ye.
12
Mam na n sɩbg-b-la ne bã-longdem n kɩt tɩ b sãam zãnga. Dẽ poore, mam na n kɩtame tɩ f rog buud sẽn yaa wʋsgo, n tar pãng n yɩɩd Israyɛll nebã.»
13
La a Moyiis leoka Sẽn-Ka-Saab yaa: «Ezɩpt nebã bãngame tɩ yãmb yiisa y nebã bãmb soolmẽ wã ne y pãn-kãsengã.
14
La bãmb dɩka bõn-kãng n togs tẽn-kãngã nebã, tɩ bãmb miẽ tɩ yãmb a Sẽn-Ka-Saab bee y nebã sʋka. La yãmb pukda y meng ne y nebã vẽeneg-vẽenega. La b wʋmame me tɩ yãmb gũuda y nebã, la y lʋɩta bãmb taoor n kẽnda. Wĩndga, yaa sawad-taok pʋg la y be. La yʋngo, y bee bug-witim pʋgẽ.
15
La moasã, yãmb sã n kʋ y nebã wakat a ye pʋgẽ, buud a taabã sẽn wʋm tɩ b gomd yãmb tʋʋm-kãsẽmsã yellã na n yeelame yaa:
16
Sẽn-Ka-Saab ka tõog n na n tall b nebã n tɩ kẽes tẽng ning bãmb sẽn dag n kãab n yeel tɩ b na n kõo bãmbã pʋgẽ ye. Yaa rẽ n kɩt tɩ b kʋ-b zãng weoogã pʋgẽ.»
17
Dẽ wã yĩnga, mam kot-y lame yaa, Zu-soaba, tɩ y wilg y pãngã, n maan wa yãmb sẽn da yeelã.
18
Yãmb yeelame: «Mam yaa Sẽn-Ka-Saabo, mam yaa sũ-maasem soaba, la maan-neer soaba. Mam kõta yel-wẽn ne kɩɩsg sugri. La mam ka basd yel-wẽnã soab taal ye. Mam sɩbgda yẽnda ne a yagensã hal tɩ ta zamaan a tãabo, wall a naase.
19
Sẽn-Ka-Saabo, yãmb sẽn yaa sõmblem soabã yĩnga, bɩ y kõ y nebã sugri, tɩ bala, hal sẽn sɩng ne daar ning b sẽn yi Ezɩpt tẽngã tɩ ta moasã, yãmb kõt-b-la sugri.»
20
Sẽn-Ka-Saab yeela a Moyiis yaa: «Mam kõt-b-la sugr wa fo sẽn kosã.
21
Sã n yaa tɩ mam vɩɩme, la mam ziirã sã n pida dũniyã gilli, mam wẽendame tɩ nin-bãmbã ba a yembr ka na n kẽ Kana tẽngã pʋg ye. Bala, bãmb yãnda mam ziirã ne tʋʋm-kãsems nins mam sẽn maan Ezɩpt pʋgẽ wã, ne weoogã pʋgã, la b baas n yaool n kell n paooga maam la b kɩɩs maam. Rẽ yĩngã, bãmb ned ba n ye nif ka na n yãnd tẽng ning mam sẽn dag n kãab b yaab-rãmbã ye.
24
La mam tʋmtʋmd a Kalɛɛb paama yam toor n sak m noorã. Rẽ wã yĩnga, mam na n kɩtame tɩ yẽnda kẽ tẽng ning a sẽn tɩ gesã pʋgẽ, la m kɩt tɩ tẽn-kãng lebg yẽnda kambã ne a yagensã rẽnda.
25
Amalɛk nebã ne Kana nebã na n paa tãn-longẽ wã. La beoogo, bɩ y wẽnemd n lebg n pɩʋʋg weoogã n tees tãnwĩis ko-kãsengã sẽnẽ.»
26
Sẽn-Ka-Saab leb n yeela a Moyiis ne a Aarõ yaa:
27
«Mam wʋma Israyɛll nebã sẽn yẽgemd ne maamã. La nin-wẽn-kãensã na n yẽgma ne maam hal tɩ ta dabʋre?
28
Ade, kẽng-y n tɩ yeel-b tɩ maam a Sẽn-Ka-Saab sẽn vɩ wã meng wẽendame n yetẽ: Mam na n maana bãmb wa sẽn zems b no-goamã.
29
Neb nins fãa sẽn be yãmb sʋkã n tar yʋʋm pisi la sẽn yɩɩd dẽ tɩ b sõd-bã na n kii we-raoogã pʋgẽ. Bala, bãmb yẽgma ne maam.
30
Mam wẽendame tɩ yãmb ned ba a yembr ka na n kẽ tẽng ninga mam sẽn da kãab tɩ y na n zĩnda a pʋgẽ wã ye. Yaa a Yefune biig a Kalɛɛb ne a Nun biig a Zozoe bal n na kẽ tẽn-kãng pʋgẽ.
31
La yãmb kambã yãmb sẽn dag n yeel tɩ b na yɩ y bɛɛbã yembsã, yaa kom-bãmb la mam na n kɩt tɩ b kẽ tẽng ning yãmb sẽn dag n sãbsã pʋgẽ. La bãmb na n bãnga tẽngã.
32
La yãmb mensã na n kii weoogẽ wã.
33
Yãmb kambã na n yeeba weoogã pʋg yʋʋm pis-naase. La yãmb kɩɩsgã sɩbgr na n lʋɩɩ bãmb zutu, hal tɩ yãmb fãa wa sɛ.
34
Yãmb dɩka rasem pis-naas n gilg n ges Kana tẽngã. La yãmb kɩɩsgã yĩnga, y na n namsa yʋʋm pis-naase, sẽn dat n togs tɩ daar a yembr yaa yʋʋmde. Woto, yãmb na bãng mam kɩɩsg sẽn wat ne bũmb ninga.
35
Maam a Sẽn-Ka-Saab n yet yãmb woto. La mam yeta yãmb vẽenega, tɩ m na n maan-y-la wa m sẽn yeelã. Bala, yãmb yaa nin-wẽns buudu, la y naaga taab n kɩɩs maam. Yãmb fãa na n kii weoogã pʋga, la yãmb ned ba a yembr ka na n põs ye.»
36
Dẽ, neb nins a Moyiis sẽn da tʋm tɩ b tɩ ges tẽngã sẽn lebg n wa gom a yell wẽng to-to wã, kɩtame tɩ Israyɛll nebã yẽgem ne a Moyiisi.
37
La nin-bãmb sẽn bilg-b tẽngã yellã kii zĩig pʋgẽ. Bala, Sẽn-Ka-Saab wẽe bãmba, b sẽn gom tẽngã yell n yeel tɩ ka tẽn-sõngã yĩnga.
38
La nin-bãmb sʋkã, yaa a Zozoe ne a Kalɛɛb bal n ka ki.
39
A Moyiis togsa Israyɛll nebã Sẽn-Ka-Saab sẽn yeel yẽnda bũmb ningã, la Israyɛll nebã sũy sãama wʋsg ne bõn-kãnga.
40
La vẽkembeoog yibeoog pĩnda, bãmb yik n dɩka sor n tees tẽms nins sẽn be tãmsã zutã sẽnẽ. Bãmb dag n kẽndame la b yetẽ: «Sɩd-sɩdã, tõnd beegame, la moasã, tõnd bee sorẽ n dabd zĩig ning Sẽn-Ka-Saab sẽn wilg tõnd tɩ d kẽngã.»
41
Dẽ, a Moyiis soka bãmb yaa: «Yaa bõe la yãmb sẽn maandã? Yaa Sẽn-Ka-Saab noor la yãmb sẽn kɩɩsdã, la y ka na n tõog n maan y sẽn dat n maanã ye.
42
Bala, Sẽn-Ka-Saab ka be ne yãmb ye. Dẽ yĩngã, bɩ ra n wa saag n kẽng tɩ y bɛɛbã na n tõog-y lame.
43
Amalɛk ne Kana nebã bee taoor n gũud yãmba. La b na n tõoga yãmb n kʋ-y zãng zabrã pʋgẽ. Bala, yãmb wẽnemdame n bas Sẽn-Ka-Saabo. Dẽ wã, Sẽn-Ka-Saab ka na n zĩnd ne yãmb ye.»
44
La baoosg zãnga, Israyɛll nebã kell n kenga b sũy n na n kẽng n tɩ zab ne tẽms nins sẽn be tãmsã zutã. La a Moyiis kell n paa sik zĩigẽ wã ne Sẽn-Ka-Saab kaoolã koglgã.
45
La Amalɛk ne Kana nebã yii tãmsã zut n sig n zab ne Israyɛll nebã, n tõog-b n dig n tãag Horma.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36