bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Numbers 3
Numbers 3
Mossi MPBU (WẼNNAAM SEBRE 2014)
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 4 →
1
A Aarõ ne a Moyiis pendã neb la woto, wakat ninga Sẽn-Ka-Saab sẽn dag n gom ne a Moyiis Sinayi tãngã zugã.
2
A Aarõ dag n tara kom-dibli a naase. Bi-kãsengã yʋʋr la a Nadaabe, la a taabã yʋy boondame t'a Abihu, a Eleyazaare, ne a Itamaare.
3
Sẽn-Ka-Saab rag n welga bãmb toor tɩ b yɩ maan-kʋʋdba, la bãmb sɩnga b maan-kʋʋrã tʋʋmde.
4
La a Nadaab ne a Abihu kii zĩ-sõngẽ wã, Sinayi we-raoogã pʋga. Bala, bãmb talla bugum sẽn ka zems n wa n na n yõog kũunã Sẽn-Ka-Saab taoore. La bãmb ned ba a yembr dag n nan ka paam bi-ribl ye. Dẽ, yɩ a Eleyazaar ne a Itamaar bal n kell n naag b ba wã n maan maan-kʋʋrã tʋʋmde.
5
Sẽn-Ka-Saab yeela a Moyiis yaa:
6
«Kɩt tɩ Israyɛll neb nins sẽn yaa Leevi buudã wa sõng maan-kʋʋd a Aarõ.
7
Bãmb na n sõnga a Aarõ n maan b tʋʋmdã sɛk roogã noore, Israyɛll nebã fãa yʋʋr yĩnga.
8
Bãmb na n gesa sɛk roogã teed fãa yelle, la bãmb n na n deega Israyɛll nebã zĩig n ges sɛk roogã tʋʋm yelle.
9
Bɩ f rɩk Leevi buudã n kõ a Aarõ ne a kom-dibli wã, tɩ b tõe n sõng a Aarõ ne sɛk roogã tʋʋmde, Israyɛll nebã fãa yʋʋr yĩnga.
10
Bɩ f bãng tɩ yaa a Aarõ ne a kom-dibli wã bal n tog n maan maan-kʋʋr tʋʋmdã. La nin-zaalg sã n kolg be bɩ f kɩt tɩ b kʋ-a.»
11
La Sẽn-Ka-Saab leb n yeela a Moyiis yaa:
12
«Ade, yaa mam mengã n yãk Leevi buudã Israyɛll nebã sʋka, tɩ b tõe n led Israyɛll nebã kom-dẽemsã. La Leevi buudã na n yɩɩ mam dẽnda.
13
Sɩd me, daar ning mam sẽn kʋ Ezɩpt kom-dẽemsã fãa wã, mam welga Israyɛll nebã kom-dẽems toor m mengã yĩnga, la bãmb rũmsã kom-dẽemsã fãa me yaa maam n so. Mam yaa Sẽn-Ka-Saabo.»
14
Sinayi weoogã pʋga, Sẽn-Ka-Saab yeela a Moyiis yaa:
15
«Bɩ f sõd Leevi buudã nebã zak-zaka, la roog-roogo. Bɩ f sõd raopã fãa ne kom-dibli nins yʋʋm sẽn ta kiuugu, la sẽn yɩɩd dẽ.»
16
La a Moyiis sõda nebã wa Sẽn-Ka-Saab sẽn yeelã.
17
A Leevi kom-dibli wã yaa a Gɛrsõ, a kehate, ne a Meraari.
18
Ad a Gɛrsõ kambã yʋy wa sẽn zems b rotã. Yaa a Libni, ne a Sɩmeyi.
19
Ad a kehat kambã yʋy wa sẽn zems b rotã. Yaa a Amram, ne a Yitseyaare, la a Ebrõ, ne a Uzɩyɛlle.
20
Ad a Meraari kambã yʋy wa sẽn zems b rotã. Yaa a Mali ne a Musi. Nin-bãmbã fãa yaa a Leevi buudã neb b sẽn sõd roog-roogo, la zak-zakã.
21
A Gɛrsõ yagensã pʋɩɩ rot a yiibu: yaa Libni roogã, la Sɩmeyi roogã.
22
Gɛrsõ roogã neb nins b sẽn sõdã yaa neb tus a yopoe la kobs-nu. La yaa raopã ne kom-dibli nins yʋʋm sẽn ta kiuugu, la sẽn yɩɩd woto.
23
Gɛrsõ yagensã ra tii nin-taoore, n be sɛk roogã kuidgẽ.
24
A Layɛll biig a Elyazaf n dag n yaa Gɛrsõ nebã naaba.
25
Ad bũmb nins yell Gɛrsõ yagensã sẽn dag n get sɛk roogã pʋgẽ: yaa sɛk roogã fuugu, a fu-pindgã, ne a gãn-luts a yiibã, la sɛk roogã noor peen-lillã.
26
Bãmb n leb n dag n get sɛk roogã zak gũbgr pɛɛlã, ne zakã rignoor peen-lillã yelle, la ne wĩy nins sẽn na n tall n ti sɛk roogã tõrã yelle. La zakã gũbga sɛk roogã ne tẽn-kugrã, la yaa Gɛrsõ yagensã n dag n get bõn-kãens fãa yelle.
27
A Kehat yagensã pʋɩɩ rot a naase: yaa Amram roogã, a Yitseyaar roogã, a Ebrõ roogã, ne a Uziyɛll roogã.
28
Raopã ne kom-dibli nins yʋʋm sẽn ta kiuugu, la sẽn yɩɩd dẽ wã sõor yaa neb tus a nii la kobs-yoobe. Yaa bãmb n get sɛk roogã teed yelle.
29
A Kehat yagensã rag n tii b fu-rotã sɛk roogã nug-goabga.
30
Yaa a Uziyɛll biig a Elisafan n dag n yaa Kehat buudã naaba.
31
A Kehat yagensã n da get kaoolã koglgã yelle, la b get taablã, ne fɩtl doagendgã, la tẽn-kug a yiibã, ne lagd nins fãa b sẽn tar n tʋmd zĩig sẽn welg toor n yɩɩdã pʋgẽ tʋʋmã, n paas ne peen-lillã sẽn lill zĩig sẽn welg toor n yɩɩdã sɛk roogã pʋgã, ne a teed a taabã fãa yelle.
32
Yaa maan-kʋʋd a Aarõ biig a Eleyazaar n dag n yaa Leevi buudã naaba. Yẽnda n dag n yaa neb nins fãa sẽn tʋmd zĩ-sõngã pʋgẽ wã taoor soaba.
33
A Meraari yagensã pʋɩɩ zĩis a yiibu: yaa Mali roogã, ne Musi roogã.
34
Raopã ne kom-dibli nins yʋʋm sẽn ta kiuugu, la sẽn yɩɩd dẽnda wã sõor yaa neb tus a yoob la kobs-yi.
35
Yaa Abigayɩll biig a Suriyɛll n dag n yaa Meraari buudã naaba. Meraari buudã dag n tii b fu-rotã sɛk roogã nug-rɩtgo.
36
Meraari buudã n dag n get sɛk roogã ra-pegdã, a ra-paadsã, ne a ra-lugdsã ne b tebendsã yelle, ne teed a taabã fãa yelle.
37
Leb n yaa bãmb n get ra-lugds nins sẽn gũbg zakã ne b tebendsã yelle, ne biili wã ne b wĩyã fãa yelle.
38
A Moyiisi, a Aarõ ne a kom-dibli wã rag n tii b fu-rotã yaanga, sɛk roogã neng taoore. Bãmb n dag n get sɛk roogã tʋʋm yelle, Israyɛll nebã yʋʋr yĩnga. La nin-zaalg sã n kolg be, b tog n kʋ-a lame.
39
Leevi buudã raopã ne kom-dibli yʋʋm sẽn ta kiuugu, la sẽn yɩɩd dẽ wã fãa sõor yaa neb tus pisi la yiibu. Yaa Sẽn-Ka-Saab n dag n kɩt t'a Moyiis ne a Aarõ sõd bãmb roog-roogo.
40
Sẽn-Ka-Saab yeela a Moyiis yaa: «Sõd Israyɛll nebã kom-dẽems nins fãa sẽn ya-b raop yʋʋm sẽn ta kiuugu, la sẽn yɩɩd dẽ wã, n gʋls ned kam fãa ne a yʋʋre.
41
Bɩ f welg Leevi buudã neb toore, tɩ b yɩ maam a Sẽn-Ka-Saab rẽnda, n led Israyɛll kom-dẽems nins fãa sẽn yaa raopã zĩiga. La f welg Leevi buudã nebã rũms kom-dẽems me toor tɩ b yɩ mam dẽnda, n led Israyɛll nebã rũms kom-dẽems zĩigẽ.»
42
La a Moyiis sõda Israyɛll nebã kom-dẽems nins yʋʋm sẽn ta kiuug la sẽn yɩɩd dẽ wã, wa Sẽn-Ka-Saab sẽn dag n yeel yẽnda wã.
43
Dẽ, kom-dẽemsã b sẽn sõd n gʋls ned kam fãa ne a yʋʋrã sõor yaa neb tus pisi la a yiib la kobs-yi la pis-yopoe la a tãabo.
44
Sẽn-Ka-Saab yeela a Moyiis yaa:
45
«Bɩ f welg Leevi buudã neb toore, tɩ b yɩ maam a Sẽn-Ka-Saab rẽnda, n led Israyɛll kom-dẽems nins fãa sẽn yaa raopã zĩigẽ. La f welg Leevi roogã nebã rũms kom-dẽems me toor tɩ b yɩ mam dẽnda, n led Israyɛll nebã rũms kom-dẽems zĩigẽ.
46
La Israyɛll nebã kom-dẽems kobs-yi la pis-yopoe la tãab n yɩɩd Leevi buudã neb sõore. Bɩ f kɩt tɩ b yao yaood nin-bãmb zĩigẽ.
47
Bãmb ned kam fãa zugu, fo na n deega wakɩ-koeems a nu, t'a yembr fãa zɩslem tat garem piiga, wa ligd nins b sẽn tar n dɩt zĩ-sõngẽ wã.
48
Bɩ f rɩk ligd-kãng n kõ a Aarõ ne a kom-dibli wã. Rẽnda na n yɩɩ yaoodo, f sẽn yao neb nins sõor sẽn zʋʋg Leevi buudã neb sõorã yĩnga.»
49
A Moyiis reega ligd ning b sẽn yao neb nins sõor sẽn zʋʋg Leevi buudã neb sõorã yĩngã,
50
la ligdã fãa sõor yɩɩ wakɩ-koeems tusr la kobs-tã la pis-yoob la a nu, wa ligd nins b sẽn tar n dɩt zĩ-sõngẽ wã.
51
La a Moyiis rɩka ligdã n kõ a Aarõ ne a kom-dibli wã, wa Sẽn-Ka-Saab sẽn dag n yeel yẽnda wã.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36