bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Numbers 13
Numbers 13
Mossi MPBU (WẼNNAAM SEBRE 2014)
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 14 →
1
Sẽn-Ka-Saab yeela a Moyiis yaa:
2
«Tʋm neb tɩ b tɩ ges Kana tẽngã mam sẽn na n kõ Israyɛll nebã. La bɩ b yãk Israyɛll buud fãa pʋgẽ nanambsã sʋk nin-yɛnga, n kɩt tɩ b kẽnge.»
3
Dẽ, a Moyiis maana wa Sẽn-Ka-Saab sẽn yeelã, n tʋm neb tɩ b yi Paarã weoogã n na n kẽnge, la nin-bãmb fãa rag n yaa Israyɛll buudã nanambse.
4
Ad neb nins b sẽn tʋmã yʋy: Rubɛn buudã pʋgẽ, yaa a Zakʋʋr biig a Samuwa.
5
Sɩmyõ buudã pʋgẽ, yaa a Hori biig a Safate.
6
Zʋʋda buudã pʋgẽ, yaa a Yefune biig a Kalɛɛbe.
7
Isakaar buudã pʋgẽ, yaa a Zozɛf biig a Yigalle.
8
Efrayiim buudã pʋgẽ, yaa a Nun biig a Ooze.
9
Benzame buudã pʋgẽ, yaa a Rafu biig a Palti.
10
Zabulõ buudã pʋgẽ, yaa a Sodi biig a Gadiyɛlle.
11
A Zozɛf biig a Manaase roogã pʋgẽ, yaa a Susi biig a Gadi
12
Dan buudã pʋgẽ, yaa a Gemali biig a Amiyɛlle.
13
Asɛɛr buudã pʋgẽ, yaa a Mikayɛll biig a Setuure.
14
Neftali buudã pʋgẽ, yaa a Vofsi biig a Nabi.
15
Gaad buudã pʋgẽ, yaa a Maki biig a Guwɛlle.
16
A Moyiis sẽn tʋm neb nins tɩ b tɩ ges Kana tẽngã, yʋy yɩɩ woto. La a Moyiis pʋda a Nun biig a Ooze yʋʋr t'a Zozoe.
17
A Moyiis sẽn wa n na n tʋm bãmb tɩ b tɩ ges Kana tẽngã, a yeel-b lame yaa: «Bɩ y yi Negɛɛv sẽnẽ, n tɩ rʋ tãmsã n paam n kẽ Kana.
18
La y ges tẽngã sẽn yaa to-to. Ges-y neb nins sẽn be tẽngẽ wã sã n tara pãnga, bɩ b ka tare. La y ges b sõorã sã n waoogame bɩ ka waooge.
19
La y ges tẽng ning pʋg b sẽn be wã sã n yaa sõama, bɩ a ka sõama. La y ges b tẽmsã sã n tara lals sẽn gũbgi, bɩ b ka tare.
20
La y ges tẽngã sã n sakda bɩle bɩ a ka sakde. La y ges tɩɩs sã n bee be bɩ ka be. Paam-y raoodo, n kẽng n tɩ tall tẽngã tɩɩs biis n wa.» La rẽ wakat tɩ reezẽ rag n sɩngda moogre.
21
B sẽn tʋm-b rãmbã kẽngame n tɩ ges tẽngã, sẽn sɩng ne Sĩn weoogã, hal n tɩ tãag Rehoob sẽn be Lebo-Hamat tẽngã noorã.
22
Bãmb kẽname n tɩ kẽ Negɛɛv soolmã, n kolg Ebrõ tẽngã. La yaa Ahima, ne Sesayi, la a Talmayi buudã sẽn yaa a Anak yagensã n dag n be beenẽ. Ebrõ tẽngã meeb tɩ yʋʋm-yopoɛɛlẽ, la b yaool n na n me Sowan tẽngã sẽn be Ezɩptã soolmẽ wã.
23
Dẽ zugẽ, bãmb kẽnga Ɛskoll ko-soogẽ wã, la bãmb kɛɛga reezẽ tɩɩg will ne reezẽ-gĩnd a ye, n naag ne tɩ-biis a taab sẽn boond tɩ gernaade, ne kankama, n yagl ra-paads zut tɩ neb a yiib tʋk n palg b bãgdo.
24
La b pʋda zĩ-kãng yʋʋr tɩ Ɛskoll ko-soogo, sẽn dat n togs tɩ ‹reezẽ-gĩnd ko-soogo› Israyɛll nebã sẽn yãk reezẽ-gĩnd beenẽ wã yĩnga.
25
La rasem pis-naas zugẽ, neb nins b sẽn tʋm tɩ b tɩ ges Kana tẽngã lebg n waame.
26
La bãmb lebg n leba a Moyiis ne a Aarõ nengẽ, la Israyɛll nebã fãa sẽn be Kadɛɛsã Paarã weoogã pʋgẽ wã nengẽ. Dẽ, bãmb togsa a Moyiis bũmb ning fãa bãmb sẽn yãndã, la b wilga bãmb tẽngã tɩɩs biisi.
27
Ad koees nins bãmb sẽn togs a Moyiisã: «Yãmb sẽn tʋm tõnd tɩ d kẽng tẽng ningã, tõnd kẽngame. La tẽngã sɩd pida ne sɩɩd la bĩisim. Dẽ, tẽngã tɩɩs biis la woto.
28
La yell ning sẽn be, yaa tɩ tẽn-kãng nebã tara pãnga, la b tara tẽm-bɛd b sẽn me lals n gũbgi. La tõnd tol n yãnda nin-wobg a Anak yagensã beenẽ.
29
La Amalɛk nebã bee Negɛɛv tẽngã, tɩ Hɛt-dãmbã ne Zebuus-rãmbã, la Amoor-dãmbã be tãmsẽ wã. La Kana-rãmbã n be ko-kãsengã, ne Zʋrdẽ kʋɩlgã noore.»
30
Dẽ, a Kalɛɛb kɩtame tɩ neb nins sẽn da yẽgemd ne a Moyiisã sĩndi, la a yeele: «Yik-y tɩ d kẽng n tɩ reeg tẽngã. Tõnd na n tõog-b-lame!»
31
La a Kalɛɛb tũud-n-taasã yeelame yaa: «Tõnd ka tõe n zab ne nin-bãmbã ye. Bala, b tara pãng n yɩɩd tõndo.»
32
Dẽ, nin-bãmb sɩngame n gom n sãbs tẽng ning bãmb sẽn kẽng n tɩ gesã Israyɛll nebã taoor n yeele: «Tẽng ning tõnd sẽn tɩ gilg n gesã rɩta a nebã, la sẽn paase, neb nins fãa tõnd sẽn yãnd be wã yaa nin-wobdo.
33
La tõnd tol n yãnda nin-wobdã sẽn yaa a Anak yagensã beenẽ, la tõnd sã n yas b sɛɛgẽ, tõnd geta d mensã wa sʋy bala, la bãmb mensã sẽn get tõndã, d sɩd yaa woto me.»
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36