bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Numbers 21
Numbers 21
Mossi MPBU (WẼNNAAM SEBRE 2014)
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 22 →
1
Araad naabã sẽn be Negɛɛv soolmẽ wã rag n yaa Kana neda. Yẽnda sẽn wʋm tɩ Israyɛll nebã rɩka Atarim tẽngã sor n watẽ, a yiime n tɩ zab ne bãmb n yõg bãmb neb kẽere.
2
Dẽ, Israyɛll nebã pʋlma Sẽn-Ka-Saab n yeel yaa: «Yãmb sã n sõng tõnd tɩ d tõog tẽn-kãngã nebã, d na n sãama a tẽmsã zãnga.»
3
Dẽ, Sẽn-Ka-Saab leoka Israyɛll nebã pʋʋsgo, n kɩt tɩ bãmb tõog Kana nebã. Israyɛll nebã kʋʋ Kana nebã, la b sãam b tẽngã zãnga, la b pʋda zĩ-kãng yʋʋr tɩ Hoorma, sẽn dat n togs tɩ ‹Raboogo.›
4
Israyɛll nebã yii Hoor tãngẽ wã n dɩk Mog-miuugã sore, sẽn na n yɩl n gil Edom tẽngã. La bãmb sẽn wa n be weoogã pʋg n kẽnda, b raoodã boogame.
5
Dẽ, Israyɛll nebã sɩngame n yẽgem ne Wẽnnaam, la ne a Moyiis n yeele: «Bõe yĩng tɩ yãmb yiis tõnd Ezɩpt tẽngã tɩ d na n wa ki weoogẽ ka? Bur ka be ka, koom me ka be ka. La tõnd yamã me yaa n yii ne mandã sẽn yaa nin-bãan-dɩɩbã»
6
Dẽ, Sẽn-Ka-Saab tʋma wag-toos Israyɛll nebã sʋka, la wiisã rũma bãmb neb wʋsg tɩ b ki.
7
La neb nins sẽn ket-bã kẽnga a Moyiis nengẽ n tɩ yeel-a yaa: «Tõnd beegame! Bala, tõnd yẽgma ne Sẽn-Ka-Saabo, la ne foom. Dẽ yĩngã, bɩ f pʋʋs n kos Sẽn-Ka-Saab tɩ b kɩt tɩ wiisã loog n bas-do.» Dẽ, a Moyiis pʋʋsa nebã yĩnga.
8
La Sẽn-Ka-Saab yeela a Moyiis yaa: «Rõog wag-toaagã naand ne zũudu, n dɩk-a n yagl ra-lugdg zugu. Woto, waaf sẽn dũm ned ninga fãa, a sã n nak n ges zũudã waafã, a ka na n ki ye.»
9
Dẽ, a Moyiis rõoga zũud waaf n yagl ra-lugdg zugu. La ned ning fãa waaf sẽn dũm t'a nak n ges zũud waafã, a soabã rag n ka kiid ye.
10
Dẽ poore, Israyɛll nebã yika be, la bãmb tɩ siga Obote.
11
La bãmb yika Obot n tɩ sig Ye-Abarim sẽn be weoogã pʋga, Moaab yaangã sẽnẽ.
12
Bãmb leb n yii be n kẽng n tɩ sig n Zerɛɛd ko-soogã noore.
13
La bãmb leb n yii zĩ-kãng n kẽng n tɩ ti Arno kʋɩlgã rʋʋnde. Arno kʋɩlgã ko-zoetem pɩʋʋgda Amoor-dãmbã soolem, n dabd weoogã pʋga. Bala, Arno kʋɩlgã n yaa toadga, Moaab tẽngã ne Amoor-dãmbã soolem sʋka.
14
Yaa rẽ tɩ Sẽn-Ka-Saab zab yɩɩl sebr pʋga, b gomdã Wahɛɛb tẽngã sẽn be Sufa soolmẽ wã ko-soayã yelle, la a leb n gomda Arno ko-soayã yelle.
15
La Arno koomã sẽn zoet n teesd Aar tẽngã, n yaa Moaab tẽngã toadga.
16
Israyɛll nebã yii Arno n ta zĩig ning b sẽn boond tɩ ‹Bulgã.› La yaa beenẽ la Sẽn-Ka-Saab yeel a Moyiis t'a tigim Israyɛll nebã tɩ b kõ-b koom tɩ b yũ.
17
Dẽ, Israyɛll nebã pʋda yɩɩll n yeel yaa: «D kaas ne sũ-noogo, tɩ bulgã pusga koom!
18
Bul-kãng yaa nanambsã n tuki, Bul-kãng yaa kasem-dãmbã n tuki, B tuk-a-la ne b naam dasabã.» Dẽ, Israyɛll nebã yii weoogẽ wã n kẽng Mataniya,
19
n yi Mataniya n kẽng Nahalɩyɛlle, la bãmb yii Nahalɩyɛlle n kẽng Baamote,
20
n yaool n yi Baamot n kẽng tãn-long ning sẽn pasgd Moaab tẽngã n teesd Pisga tãngã. Ned sã n be tãn-kãng zugu, a nee weoogã fãa gilli.
21
Israyɛll nebã tʋma neb tɩ b tɩ yeel Amoor-dãmbã naab a Sihon yaa:
22
«Tõnd kot n na n pɩʋʋga yãmb tẽngã n looge. Tõnd ka na n bʋdg y koodã, wall f reezẽ tɩɩs pʋtã n loog ye. La d ka na n yũ tẽngã buls koom me ye. Yaa so-kõodrã bal la d na n tũ, la d ka na n bʋdg goabg bɩ rɩtgo, hal n wa tɩ yi y tẽngã ye.»
23
La baoosgo, Amoor-dãmbã naab a Sihon ka sak tɩ Israyɛll nebã pɩʋʋg a tẽngã n loog ye. Yẽnda tigma a tãb-biisã fãa n na n yi n seg Israyɛll nebã weoogẽ wã. Yẽnda kẽng n tɩ zaba ne Israyɛll nebã Yakaas tẽngã.
24
La Israyɛll nebã tõoga Amoor-dãmbã n deeg b tẽngã, sẽn sɩng ne Arno kʋɩlgã n tɩ tãag Yaaboke, n ta Amo nebã tẽngã toadga, bala, Amo nebã tẽngã toadgã rag n meeme n gũbgi.
25
Dẽ, Israyɛll nebã reega Amoor-dãmbã tẽmse, ne Hɛsbon la a tẽn-kɩremsã n sooge, la bãmb tɩ zĩnda be.
26
Hɛsbon rag n yaa Amoor-dãmbã naab a Sihon na-tẽnga. Bala, yẽnda rag n zaba ne Moaab rãmbã pipi naabã n deeg a soolmã tẽmsã fãa, hal n tãag Arno.
27
Yaa rẽ tɩ yɩɩn-yɩɩndbã yɩɩnd n yetẽ: «Wa-y Hɛsbon tẽngã, Tɩ d lebs n me a Sihon tẽngã t'a yalse.
28
Bala, bugum n yi Hɛsbon, Bug-witim n yi a Sihon tẽngã, Bugmã rɩɩ Aar tẽngã sẽn be Moaabã, La a rɩɩ Arno tãmsã zut wẽn-naandsã.
29
Moaab nebã, yãmb paama toogo! Wẽn-naandg a Kemok pʋʋsdba, yãmb yaa kũum! Bãmb kɩtame tɩ b kom-dibli wã lebg zoɛtba, N kɩt tɩ b kom-pugli wã, Lebg Amoor tẽng naab a Sihon yembse.
30
Tõnd tãoo Amoor-dãmbã ne d pɛɛmã. Moasã, Hɛsbon sãama zãnga, la tẽngã fãa sãamame n tɩ tãag Dɩbõ. Tõnd wãa tẽnga fãa hal n tãag Nofa. Wakat-kãnga, bugmã rɩɩme n tãag Medeba.»
31
Yɩɩ woto la Israyɛll nebã reeg Amoor-dãmbã tẽngã n kẽ.
32
A Moyiis tʋma neb tɩ b tɩ gilg n ges Yazɛɛr tẽngã. La Israyɛll nebã zab n deega Yazɛɛr tẽngã, ne a tẽn-kɩremsã, n dig Amoor-dãmbã sẽn da be beenẽ wã.
33
Rẽ poore, bãmb toeema sore, n wẽnemd n dɩk Basan sorã. La Basan naab a Oog yii ne a tẽngã nebã fãa n na n zab ne Israyɛll nebã Edreyi.
34
La Sẽn-Ka-Saab yeela a Moyiis yaa: «Da zoe Basan naab a Oog ye! Bala mam na n kɩtame tɩ f tõog yẽnda ne a nebã fãa, ne a tẽngã zãnga. Fo na n maana yẽnda wa fo sẽn da maan Amoor-dãmbã naab a Sihon sẽn dag n be Hɛsbondã.»
35
Israyɛll nebã tõoga naab a Oog ne a kom-dibli wã, la a tãb-biisã fãa. Bãmb kʋ-b-la zãnga, n ka bas tɩ ned ba a yembr põs ye. La bãmb deega a tẽngã n sooge.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36