bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Numbers 17
Numbers 17
Mossi MPBU (WẼNNAAM SEBRE 2014)
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 18 →
1
Sẽn-Ka-Saab yeela a Moyiis yaa:
2
«Yeel maan-kʋʋd a Aarõ biig a Eleyazaar t'a yiis wisd yõogr laasã sẽn be bugmẽ wã, n tɩ lob bug-saalã zĩ-zãrgẽ, tɩ bala, laasã lebga Sẽn-Ka-Saab rẽnda.
3
Neb nins sẽn dag n so-b la-bãmbã maana yel-wẽna, n deeg b yel-wẽnã yaood sẽn yaa kũum. La ne rẽ fãa, b sẽn tall la-bãmb n wa maam a Sẽn-Ka-Saab taoorã yĩnga, b lebga maam n so. Rẽ wã, bɩ y rɩk la-bãmb n kud tɩ lebg paklse, tɩ y tall-b n lud tẽn-kugrã, la bõn-kãng na n yɩɩ keoogr bãnde, Israyɛll nebã yĩnga.»
4
Dẽ, maan-kʋʋd a Eleyazaar wʋka neb nins bugmã sẽn kʋ wã zũud laasã sẽn yaa wisd yõogr laasã, n kud tɩ b lebg paklse, t'a rɩk-b n lud tẽn-kugrã.
5
Woto, kud-pakles-kãens rag n tẽegda Israyɛll nebã tɩ sã n ka a Aarõ yagensã bala, nin-zẽng ka tar noor tɩ yõog wisd Sẽn-Ka-Saab taoor ye. La ned sã n kɩɩs tõ-kãngã, sɩbgr ning sẽn paam a Koore ne a poorẽ dãmbã na n paama a soaba, wa Sẽn-Ka-Saab sẽn dag n yeel a Moyiis t'a yeel a Aarõ wã.
6
La bõn-kãng yɩ tɩ zaamẽ, Israyɛll nebã fãa yikame n yẽgem ne a Moyiis ne a Aarõ n yeele: «Yãmb n maan la Sẽn-Ka-Saab nebã sẽn ki wã.»
7
Israyɛll nebã tɩ gũbga a Moyiis ne a Aarõ, n na n zab ne-ba. La a Moyiis ne a Aarõ sẽn wẽnemd b nens n tees sɛk roogã sẽnẽ, b yãame tɩ sawad-taok n lud sɛk roogã, la Sẽn-Ka-Saab ziirã pukame.
8
Woto, a Moyiis ne a Aarõ kẽnga sɛk roogã noore.
9
La Sẽn-Ka-Saab yeela a Moyiis yaa:
10
«Yi-y nebã sʋk n leb kɛɛnga, tɩ m na n sãam-b-la wakat-kãngã bala.»
11
Dẽ poore, a Moyiis yeela a Aarõ yaa: «Rɩk f wisd yõogr laagã, n yãk bugum tẽn-kugrã zug n ningi, la f yugl wisd a zugu, n tall n kẽng sik zĩigẽ wã tao-tao, n tɩ maan sugr kosg tʋʋmdã nebã zugu, b beegrã yĩnga. Bala, Sẽn-Ka-Saab sũurã yikame, tɩ sãoongã zoe n sɩnge.»
12
Dẽ, a Aarõ maana wa a Moyiis sẽn yeelã. Yẽnda rɩka wisd yõogr laagã n zoe n kẽng nin-buiidã sʋka, n ta zĩig ninga sãoongã sẽn da zoe n sɩngã, la yẽnda yõoga wisdã n maan sugr kosg tʋʋmdã nebã yel-wẽnã sugr kũun yĩnga.
13
La a Aarõ tɩ yalsa sẽn ki-bã ne sẽn vɩ-bã sʋka, la sãoongã yalsame.
14
Neb nins sẽn ki-b sãoongã pʋgã sõor yaa neb tus-piig la a naas la kobs-yopoe, a Koore poorẽ dãmbã sẽn dag n zoe n ki wã sõor sẽn ka naage.
15
La sãoongã sẽn yalsã, a Aarõ lebg n leba a Moyiis nengẽ sɛk roogã noore.
16
Sẽn-Ka-Saab yeela a Moyiis yaa:
17
«Yeel Israyɛll nebã tɩ b kɩt tɩ buud fãa kãsem tall dasaar n wa kɩs-fo. Yaa rasab piig la a yiib la f tog n deege. La bɩ fo gʋls buud fãa yʋʋr a dasaar zugu.
18
La Leevi buudã dasaar zugu, yaa Aarõ yʋʋrã la fo tog n gʋlse. Woto, buud fãa kãsem tara a dasaare.
19
Fo tog n talla rasab-kãens n kẽng sɛk roogẽ wã n tɩ rɩgl-b kaoolã koglgã taoore, zĩig ning mam sẽn vẽnegd m meng ne yãmbã.
20
Ad bũmb ning sẽn na n maane: ned ninga mam sẽn na n yãkã, a soabã dasaar na n tobame. Woto, mam na n kɩtame tɩ Israyɛll nebã sẽn yẽgemd ne yãmb tɩ tat maamã sɛ.»
21
La a Moyiis wilga Israyɛll nebã bũmb ninga Sẽn-Ka-Saab sẽn yeelã. Dẽ, buud fãa kãsem talla a dasaar n wa kɩs a Moyiisi. La a Aarõ dasaarã sẽn naage, yaa rasab piig la yiibu.
22
Woto, a Moyiis talla rasabã n tɩ rɩgl Sẽn-Ka-Saab taoore, sɛk roogã pʋgẽ.
23
La rẽ yɩ tɩ zaamẽ, a Moyiis kẽe sɛk roogẽ wã. La a mikame t'a Aarõ sẽn yaa Leevi buudã nedã dasaar tobame. Rasaarã rag n tobame n ning puudu, n tol n tar biis sẽn mooge.
24
Dẽ, a Moyiis wʋka rasabã fãa sẽn da be sɛk roogã pʋgẽ wã n wilg Israyɛll nebã. Israyɛll nebã fãa yãnda rasabã, la kãsem fãa leb n deega a dasaare.
25
Sẽn-Ka-Saab yeela a Moyiis yaa: «Tall a Aarõ dasaarã n tɩ lebs kaoolã koglgã taoore. Bɩ y bas-a beenẽ, t'a tõe n yɩ tẽegr bãnde, kɩɩsdbã yĩnga. Dẽ, fo na n kɩtame tɩ Israyɛll nebã bas b yẽgengã mam taoore, n da wa ki ye.»
26
La a Moyiis maana bũmbã fãa wa Sẽn-Ka-Saab sẽn yeel-a t'a maan-a.
27
Israyɛll nebã yeela a Moyiis yaa: «Fo ka ne nebã sẽn tar kũum! Tõnd tara sãoong bala, d na n ki n sɛɛ zãnga!
28
Bala, ned ning fãa sẽn kolg-a Sẽn-Ka-Saab sɛk roogã kiidame. Rẽ yĩnga, yaa so-kãngã la tõnd fãa na n tũ n ki zãnga?»
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36