bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
Luke 13
Luke 13
Marwari Bible
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 14 →
1
उण वगत उठै कीं लोगां यीसु नै कयौ, की पिलातुस नै कीं गलीलियो नै मार दिया, जिकौ बलियो चढ़ाता हा।
2
ओ सुणनै यीसु उणौ ऊं कयौ, “थै कांई सौचौ हो की ऐ गलीली दूजै सगळै गलीलियो ऊं भूंडा पापी हा, की उणौनै ऐ बातां भुगतणी पड़ी?
3
कोनीं, म्हैं थांनै बताऊं हूं, जे थै मन कोनीं फिराओला, तो थै सगळा भी वैड़ी ही मौत मरोला जैड़ी वे मरया हा।
4
या कांई थै समझौ हो, की वे अठारैह लोग जिणौ माथै सीलोह रौ गुमट पड़ियौ, अर वे दबनै मरग्या, कांई यरुसलेम रै सगळै रैवणवाळौ ऊं करते घणा गुनेगार हा?
5
कोनीं, म्हैं थांनै बताऊं हूं, की जे थै मन नीं फिराओला तो थै सगळा भी व्यौंही मरोला।”
6
पछै उणै ओ दिस्टांत कथा कही, “किणी मिनख नै आपरी अंगूर री बाड़ी मे एक अंजीर रौ रुंखड़ौ लगायोड़ौ हो। वो उणमे फळ सौधण आयौ, पण उणनै कीं नीं मिळियौ।
7
तद उणै बारी रै रखवाळै ऊं कयौ, ‘देख तीन बरस ऊं म्हैं इण अंजीर रै रूंखड़ै मे फळ सौधण आऊं हूं, पण म्हनै एक भी फळ नीं मिळियौ। इणै काट नोख। ओ धरती नै यूं ही क्यूं रोक रियौ?’
8
रखवाळै उणनै जबाब दियौ, ‘हे मालिक, इणै इण साल तो और रैवण दे, की म्हैं इणरै च्यांरूमेर खाडो खोदनै इणमे खाद नोखूं।
9
पछै जे ओ अगले साल फळ दे तो बड़िया है, अर नीं दे तो थूं इणै काट सकै है।’ ”
10
किणी पराथना घर मे सब्त रै दिन यीसु जद उपदेस दे रियौ हो।
11
तो उठै एक ऐड़ी लुगाई ही, जिणै अठारैह बरस ऊं एक कमजोर करणै वाळी दुस्ट आतमा लागी ही, अर वो कुबड़ी होयगी ही, अर किणी रीति ऊं सीधी नीं हो सकी।
12
यीसु उणनै जद देखी तो उणनै अपणै खनै बुलाई अर कयौ, “हे बेन, थूं अपणी बीमारी ऊं छूट गी।”
13
ओ कैवतै होयौ, उणरै माथा ऊपर हाथ राख्यौ। अर वो तुरत सीधी ऊभी होयगी। अर वो परमेसर री महिमा करणै लागी।
14
इण वास्तै की यीसु सब्त रै दिन उणनै सावळ की ही, पराथना घर रौ सरदार रीस मे आयनै लोगां ऊं कयौ, “छह दिन है, जिणमे कांम करणौ चाहीजै, तो उण ही दिनां मे आयनै सावळ होवो, पण सब्त रै दिन मे कोनीं।”
15
ओ सुणनै परभु जबाब कयौ, “हे धोखेबाजो, कांई सब्त रै दिन थौरे मे ऊं हरैक अपणै बळद या गधे नै बाड़ै मे ऊं निकाळनै पांणी पिलानै कठैई कोनीं ले जाता?
16
जे आ लुगाई जिकौ अबराहम री बेटी है अर जिणै सैतान नै अठारैह साल ऊं बांध राखी हो, कांई उणनै सब्त रै दिन इणरै बंधन ऊं नीं छुड़ाणी चाहीजै?”
17
जद यीसु ओ कयौ तो उणरै सगळा विरोधी लजित होया, अर सगळी भीड़ उण महिमा रै कांमां ऊं जिकौ वो करतौ हो, खुस होय री ही।
18
पछै यीसु कयौ, “परमेसर रौ राज कैड़ौ है अर म्हैं उणरी तुलना कीण ऊं करूं?
19
वो राई रै एक दाणे रै ज्यौ है, जिणै किणी मिनख लैयनै अपणी बाड़ी मे बो दियौ। अर वो मोटो होयौ अर एक रूंखड़ै जैड़ौ बणग्यौ। अर आकास रै पंखैरूओ नै उणरी डाळियो माथै आळा बणाया।”
20
उणै वळै कयौ, “परमेसर रै राज री तुलना म्हैं कीण ऊं करूं?
21
ओ उण खमीर रै ज्यौ है जिणै एक लुगाई लैयनै तीन पसेरी आटे मे मिळायो अर वो सगळौ आटो खमीर हो गियो।”
22
यीसु जद नगरो अर गांवों ऊं होवतो होयौ उपदेस देतो यरुसलेम जा रियौ हो।
23
तो उण ऊं किणी मिनख पूछयौ, “हे परभु, कांई थोड़े ही मिनखौ रौ उद्धार होवैला?” उणै उणनै कयौ,
24
“साकंड़े द्धार ऊं परवेस करनै री कोसीस करौ, क्यूंकै म्हैं थांनै बताऊं हूं की मांय जावण री कोसीस घणा लोग करैला बल्कि जा नीं पावैला।
25
जद एक बार घर रौ मालिक उठनै द्धार बंद कर दैवै है, तो थै बारै ही ऊभा द्धार खटखटाते केवोला, ‘हे मालिक म्हारै वास्तै द्धार खोल दे,’ बल्कि वो थांनै जबाब दैला, ‘म्हैं कोनीं जांणूं थै कठै ऊं आया हो?’
26
“तद थै कैवण लागोला, ‘म्हौ थारै साथै खायौ, थारै साथै पीयो, थै म्हौरी गळियो मे म्हौ नै उपदेस दिया।’
27
“पण वो थौरे ऊं कैवैला, ‘म्हैं कोनीं जांणूं थै कठै ऊं आया हो? हे कुकरम करणैवाळौ, थै सगळा म्हारै ऊं आगा रैवौ।’
28
“थै अबराहम, इसहाक, याकूब अर सगळा भविसयदाताओ नै परमेसर रै राज मे देखौ ला, बल्कि थांनै बारै धकेल दिया जावैला तो उठै सिरफ रोणो अर दांत पीसणो होवैला।
29
पछै पूरव अर पच्छिम, उतर अर दखण ऊं लोग आयनै परमेसर रै राज रै भोज मे भागी होवैला।
30
ध्यांन राखजौ, की उठै जिकौ आखरी है, वे पैला हो जावैला। अर जिकौ पैला है, वे आखरी हो जावैला।”
31
उण वगत यीसु रै खनै कीं फरीसी आया अर उण ऊं कयौ, “हेरोदेस थनै मार दैणौ चावै है, इण वास्तै एठै ऊं कहीं और जातौ रैह।”
32
तद उणै उण ऊं कयौ, “जाओ अर उण लोमड़ी ऊं कैवौ, सुण म्हैं लोगां मे ऊं दुस्ट आतमाओ नै निकाळूं हूं, म्हैं आज भी सावळ करूंला अर काले भी। पछै तीजै दिन म्हैं अपणौ कांम पूरौ करूंला।
33
तौभी म्हनै आज अर काले अर परसौ चालणौ जरुरी है, क्यूंकै हो नीं सकै की कोई भविसयदाता यरुसलेम रै बारै मारयो जाये।
34
“हे यरुसलेम, हे यरुसलेम, थूं भविसयदाताओ री हत्या करै है अर परमेसर जिणै थारै खनै भेज्या है, उण ऊपर भाठा ठोकौ हो। म्हैं किती ही बार थारै लोगां नै भेळा करणा चाहया, ज्यौ एक कुकड़ी आपरै बच्चौ नै आपरै पांखों रै नीचे भेळा करै है। पण थूं कोनीं चाहयौ।
35
देखौ, थौरो घर थौरे वास्तै उजाड़ छोड़नै जाऊं हूं। अर म्हैं थौरे ऊं कैवूं हूं, जद तांई थै नीं केवोला, ‘धन्य है वो जिकौ परभु रै नाम ऊं आवै है,’ तद तांई थै म्हनै वळै कदैई नीं देखौ ला।”
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24