bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
Luke 21
Luke 21
Marwari Bible
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 22 →
1
यीसु आंख उठायनै देख्यौ की धनवान लोग दांन पेटी मे अपणी अपणी भेट घाल रिया है।
2
अर उणै एक कंगाल विधवा नै उणमे तांबे रा दो सिक्का नोखते देख्यां।
3
तद यीसु कयौ, “म्हैं थौरे ऊं साची कैवूं हूं, की दूजै सगळै लोगां ऊं इण कंगाल विधवा घणौ दांन दियौ है।
4
ओ म्हैं इण वास्तै कैवूं हूं, क्यूंकै इण सगळै लोगां नै आपरै उण धन मे ऊं बढ़ोतरी रौ कीं हिस्सो दांन दियौ हो, बल्कि वां कंगाल होते होए भी जीवती रैवण रै वास्तै जिकौ कीं उणरै खनै हो, वो सगळौ दे दियौ।”
5
कीं लोग मिंदर रै बारै मे चरचा कर रिया हा, की वो कैड़ै बड़िया भाठै अर परमेसर नै भेट कियोड़ी चीजों ऊं सजायो गियो है।
6
तद यीसु कयौ, “ऐड़ौ वगत आवैला जद, ऐ जिकौ कीं थै देख रिया हो, उणमे एक भाठौ दूजै भाठै माथै टिकियोड़ो नीं रैह पावैला। वे सगळा ढ़ाह दिया जावैला।”
7
वे यीसु ऊं पूछयौ, “हे गुरु, ऐ बातां कदै होवैला? अर ऐ बातां जिकौ होवण वाळी है, उणमे कांई निसाणी होवैला?”
8
यीसु कयौ, “सावचेत रैवौ, कठैई कोई थांनै भरमा नीं दे। क्यूंकै म्हारै नाम ऊं घणा लोग आवैला अर कैवैला, वो म्हैं हूं अर वगत आ पूगौ है। थै उणरै लारै मती जाईजौ।
9
पण जद थै युधो अर दंगो री चरचा सुणौ तो डरजौ मती, क्यूंकै ऐ बातां तो पैला होणी जरुरी है। अर उणरौ अंत तुरत नीं होवैला।”
10
उणै उणनै वळै कयौ, “एक देस दूजै देस रै विरोध मे खड़ो होवैला, अर एक राज दूजै राज रै विरोध मे खड़ो होवैला।
11
अर घणा भूकम्प आवैला, अर हरैक जगा काळ पड़ैला अर महामारियो आवैला, आभै मे भयंकर घटनाओ घटेला अर मोटा मोटा चिन्ह होवैला।
12
“पण इण सगळी बातां ऊं पैला वे म्हारै नाम रै खातर थांनै पकड़ेला, अर सतावैला, अर पंचायतों मे सौपेला, अर जेळ मे घालैला, अर राजाओ अर हाकिमों रै सांमै ले जावैला।
13
इण ऊं थांनै म्हारै बारै मे गवाई देवण रौ मौकौ मिळैला।
14
इण वास्तै अपणै अपणै मन मे ठान लौ, की म्हौ पैला ऊं जबाब देवण री चिंता नीं करौला।
15
क्यूंकै म्हैं थांनै ऐड़ी बुद्धि अर ऐड़ा सबद दूंला, की थौरो कोई भी विरोधी थौरो सांमनौ अर थौरी बात नै तोड़ नीं सकै।
16
अर थौरे मां बाप, अर भाई बन्धु, कुटम्बी, अर दोसत ही थांनै धोखे ऊं पकड़ावैला। एठै तांई की थौरे मे ऊं कीं तो मार दिया जावैला।
17
अर म्हारै नाम रै खातर सगळा लोग थौरे ऊं बैर राखैला।
18
पण थौरे माथै रौ एक बाल भी बांकौ नीं होवैला।
19
थौरे विसवास ऊं थै अपणै अनत जीवन नै बचायनै राखोला।
20
“जद थै यरुसलेम नै सेनाओ ऊं घैरयोड़ौ देखौ, तो समझ लेणो, की उणरौ नास होणौ नजीक है।
21
तद जिकौ यहूदिया मे होवै, वो भाखरो माथै भाग जावै, अर जिकौ यरुसलेम रै मांय होवै, वे बारै निकळ जावै। अर जिकौ गांवों मे होवै, उणौनै नगर मे नीं जावणौ।
22
क्यूंकै ऐ पलटो लेणे रा ऐड़ा दिन होवैला, ताकी जिकौ पवितर सास्तर मे लिख्योड़ी है, वो सगळी बातां पूरी हो जावैला।
23
उण लुगाईयां रै वास्तै, जिकौ जापायती होवैला, अर उणरै वास्तै जिकौ दूध पिलाती होवैला, वे दिन किता भयंकर होवैला। क्यूंकै उण दिनां इण धरती माथै घणी मोटी आपति आवैला अर इण लोगां माथै परमेसर रौ डंड होवैला।
24
वे तरवार री धार ऊं पाड़ दिया जावैला। अर बंदी बणायनै सगळै देसो मे पूगा दिया जावोला अर यरुसलेम मे दूजी जातियो रै जरियै सताया जावोला जद तांई दूजी जातियो रौ वगत पूरौ नीं हो जावै।
25
“सूरज, चांद अर तारो मे चिन्ह दिखाई दैला, अर धरती माथै रै सगळै लोगां माथै विपतियां आवैला, अर वे सागर रै उथल पुथल ऊं घबरा जावैला।
26
अर लोग डर रै खातर अर संसार माथै आवणवाळी आपतियो री बांट देखते देखते लोगां रै जी मे जी नीं रैवैला, क्यूंकै सरगिए सगतियो हिलाई जावैला।
27
तद म्हैं, मिनख रै बेटौ, नै वे सामरथ अर घणी महिमा रै साथै बादळ माथै आवतौ देखेला।
28
जद ऐ बातां होवण लागै, तो सीधा होयनै अपणै माथा नै ऊपर उठा लेणो। क्यूंकै थौरो छुटकारो नजीक होवैला।”
29
यीसु उणौनै एक दिस्टांत मे कयौ, “सगळै रुंखड़ौ अर अंजीर रै रूंखड़ै नै देखौ।
30
उणमे ज्यौ ही कोंपळौ फूटे है, थै अपणै आप जांण जाओ हो, की उनाळै रौ मौसम बस आ ही रियौ है।
31
व्यौंही थै जद इण बातां नै होते देखौ, तद जांण लौ, की परमेसर रौ राज नैड़ौ है।
32
“म्हैं थौरे ऊं साची कैवूं हूं, की जद तांई ऐ सगळी बातां नीं हो जावै, तद तांई इण पीढ़ी रौ कदैई अनत नीं होवैला।
33
आभौ अर धरती टळ जावैला, पण म्हारी बातां कदैई नीं टळैला।
34
“इण वास्तै सावचेत रैवौ, ऐड़ौ नीं हो की थौरो मन खुमार अर पीनै पिलानै अर सांसारिक चिंताओ ऊं सुस्त हो जावै, अर वो दिन थां माथै एक फंदे रै ज्यूं अणचेत आ पड़ै।
35
क्यूंकै वो सगळी धरती रै सगळा रैवणवाळौ माथै इणी तरैह आ पड़ैला।
36
इण वास्तै जागता रैवौ अर हरैक वगत पराथना करता रैवौ, की थै इण सगळी आवणवाळी तकलीफो ऊं बचनै, अर म्हैं, मिनख रै बेटौ, रै सांमै ऊभा होणै रै लायक बणौ।”
37
हमेसां वो मिंदर मे उपदेस दिया करतौ हो, अर रात बिताणै रै वास्तै वो हरैक सिझ्या जैतून नाम रै भाखर माथै जाया करतौ हो।
38
अर लोग सवार रा उठता उणरी सुणणै रै वास्तै मिंदर मे उणरै खनै आया करता हा।
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24