bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nuer
/
Nuer Bible © Bible Society in South Sudan 1998,2012
/
Jeremiah 32
Jeremiah 32
Nuer Bible © Bible Society in South Sudan 1998,2012
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 33 →
1
Kä cu riet Kuoth Nhial ɛmɛ ben kä Yir-mɛ-yaa kɛ wäl runi Dhid-ki-yaa mëë la kuäär Juda, kä mɔ wäl bädäk runi Nɛ-bu-kad-nɛ-dhar.
2
Kä kɛ jɛn gua̱a̱th ɛmɔ cu rɛm kua̱r Bɛ̈-bi-lɔn ni Nɛ-bu-kad-nɛ-dhar Jɛ-ru-tha-lɛm go̱l, kä ɛnɔ Yir-mɛ-yaa min la gök ca jɛ ga̱k rɛy rɛ̈ɛ̈k yiëëni min te dhɔr in cieŋ kua̱r Juda thi̱n.
3
Kɛ ɣöö ci Dhid-ki-yaa kuäär Juda jɛ yiɛn, kä jio̱kɛ jɛ i̱, “Ɛŋu mi latdi ruaacni go̱o̱kä i̱ nɔnɔ mɔ? Laari min ci Kuoth Nhial ɛ lat i̱, ‘Nɛnɛ ɣän bä wec ɛmɛ la̱th tetni kua̱r wec Bɛ̈-bi-lɔn kä bɛ jɛ ka̱n.
4
Kä Dhid-ki-yaa kuäär Juda cɛ bi kään tetni ji̱ Kɛ̈l-da-ya, ɛ ni ɣöö ba jɛ la̱th tetni kua̱r Bɛ̈-bi-lɔn, kä bɛ ruac kɛ jɛ ni nhiamdɛ pa̱ny a bɛ jɛ nɛn nikɛ nyinkɛ.
5
Kä bɛ Dhid-ki-yaa naŋ ni kä Bɛ̈-bi-lɔn, kä jɛn bɛ tëë wi̱ni amäni mi cä jɛ gui̱l. Kä cäŋ bɛ ko̱r tɛr kɛ ji̱ Kɛ̈l-da-ya, thilɛ mi bɛ luäŋ.’ Ruac ni ɣän Kuoth Nhial.”
6
Kä cu riet Kuɔth Nhial ben kä Yir-mɛ-yaa wëë i̱,
7
“Nɛnɛ Ɣä-na-mel min la gat gulen ni Cɛ̈-lum bɛ ben kä ji̱ wëë i̱, ‘Kɔk kaakdä min te kä Ä-na-thoth, kɛ ɣöö maar kɔn, kɔkɛ bɛ la duŋdu.’
8
Kä kɛ kɔrɛ cu Ɣä-na-mel gat gua̱nlen ben rɛy kal ga̱a̱ŋni ce̱tnikɛ ruac Kuɔth Nhial wëë i̱, ‘Kɔk kaakdä min te kä Ä-na-thoth muun Ben-ya-min kɛ ɣöö ɛ ji̱n tëë kɛ cuɔ̱ɔ̱ŋ mi deri kɔk jɛ mɔ, kɔkɛ bɛ la duŋdu.’ Kä cua̱ jɛ ŋa̱c ɛn ɣöö, ruac ni Kuɔth Nhial kɛ ɛn nɛmɛ.
9
“Kä cua̱ kak kɔk rɛɛk Ä-na-thoth kä Ɣä-na-mel gat gua̱nlen, kä cua̱ jɛ ka̱m yio̱w da̱ŋ wäl bärɔw.
10
Kä cua̱ warɛgak thany, kä cua̱ jɛ pi̱m kɛ katim, cua̱ nëën nööŋ, kä cua̱ jɛ kuën yio̱o̱kɛ nhiamdiɛn.
11
Kä ɛnɔ cua̱ warɛgak ko̱kä min cä gäk kä te ruaacni diaal thi̱n naŋ amäni kui̱ warɛgakä min /ka̱n kum bä.
12
Kä cua̱ warɛgak ko̱kä min dan thöp Ba-ruk gat Ne-ri-yaa, gat Mä-the-yaa a te gat gua̱nlen ni Ɣä-na-mel kɛnɛ nëën diaal tëë thanykɛ warɛgak ko̱kä ni thi̱n, kä te ji̱ Juudh diaal tëë te nyuurä rɛy rɛ̈ɛ̈k ga̱a̱ŋni thi̱n bä.
13
Kä cua̱ Ba-ruk jiök ni nhiamdiɛn i̱,
14
‘Ci Kuoth Nhial in la Ruey Ɣɔaa ni Kuoth I-thɛ-rɛl ɛ lar ɛn ɣöö naŋ warɛgakni ko̱kä kɛn da̱ŋ rɛw, min ca gäk kɛnɛ min /ka̱n gäk, kä wër läth nikɛ rɛy dhar muɔ̱ɔ̱n, kɛ ɣöö bikɛ kulɛ jääny.
15
Kɛ ɣöö ka̱a̱k wal kɛ kui̱ kɔaŋ kɛnɛ ka̱a̱k kɛ ciëëŋ bakɛ lɛni nyɔk kɛ kök ɛn muun ɛmɛ.’ Ruac ni ɣän Kuoth Nhial in la Ruey Ɣɔaa ni Kuoth I-thɛ-rɛl.
16
“Kɛ kɔr kä mëë cä warɛgak ko̱kä kakä thöp Ba-ruk gat Ne-ri-yaa, cua̱ Kuoth Nhial pal wa̱a̱ i̱,
17
‘Kuäär ni Kuoth! Ɛ ji̱n ɛ ni̱n ci nhial kɛnɛ piny cak kɛ buɔ̱m mi di̱i̱t! Kɛ ɣöö thilɛ mi bum mi dee ji̱ dhal lö Kuoth,
18
kä la nyuthi nɛy ti bathdɔɔri ti ŋuan nhökdu min thil pek, kä ji̱n la moci ji̱ dueeri tɔ̱ɔ̱ŋ mi wä amäni gaatkiɛn tin bä kɔɔriɛn, ɛ ji̱n Kuoth mi diit mi bum, kä cɔalkɛ ciötdɛ i̱ Kuoth Nhial in la Ruey Ɣɔaa,
19
ɛ ji̱n rueec mi gɔaa kä bum lätkɛ. Kä guic ciɛŋ nɛɛni diaal, kä kämni ramɔ min ro̱ŋ kɛ lätkɛ.
20
Kä ji̱n curi nyuuthni kɛnɛ ti ga̱ykɛ naath nyoth muun I-jëp, kä ŋotkɛ thi̱n rɛy I-thɛ-rɛl kɛnɛ naath diaal amäni walɛ, kä kɛ̈k cio̱tädu tëë thi̱n amäni täämɛ.
21
Kä curi nɛɛku ni ji̱ I-thɛ-rɛl nööŋ raar muun I-jëp kɛ nyuuthni ti ga̱y kɛ naath, kɛ tetdu mi bum, kɛ dual mi di̱i̱t.
22
Kä curi mun ɛmɛ ka̱mkɛ mëë ci rɔ yac i̱ bi jɛ ka̱m gua̱ndɔɔŋnikiɛn. Mun riäŋä caak kɛnɛ tuaar.
23
Cukɛ ben thi̱n kä cuɛ la duŋdiɛn. Duundɛ ɣöö /ken kɛ ŋuɔ̱tku luɔ̱th. Kä cu kɛ la̱t ni tin /ca dee la̱t kä tëë cä la̱r kɛ i̱ dëë la̱t. Kɛ kui̱c ɛmɔ curi jiäk diaal ti̱ti̱ jakä bä kä kɛ.
24
Kä nɛ̈nɛ jɛ wec ca jɛ moc kɛ ko̱tni ti kɔatkɛ jɛ, kɛ ɣöö ba kulɛ mak. Kä kɛ kui̱ köör kɛnɛ buɔth kɛ liaw cua wec ɛmɛ ka̱n ɛ ji̱ Kɛ̈l-da-ya tin makɛ jɛ. Kä cu mëë ci lar a thuɔ̱k ce̱tnikɛ mi cɛ tuɔɔk ɛ.
25
Kä cäŋ ŋotdɛ bä lö kuäär ni Kuoth curi ɣä jiök i̱, “Kɔk kak kɛ yio̱w kä no̱o̱ŋni nëën thi̱n”. Ɛ cäŋ ni mɔ ca wec ɛmɛ la̱th tetni ji̱ Kɛ̈l-da-ya mɔ.’ ”
26
Kä cu riet Kuɔth Nhial ben kä Yir-mɛ-yaa wëë i̱,
27
“Nɛnɛ, ɛ ɣän Kuoth Nhial in cak ti diaal. Tëë kɛ mi dee ɣä dhal?
28
Kä nɛnɛ ɣän bä wec ɛmɛ ka̱m ji̱ Kɛ̈l-da-ya kɛ tët kua̱r Bɛ̈-bi-lɔn ni Nɛ-bu-kad-nɛ-dhar, kä bɛ jɛ ka̱n.
29
Kä ji̱ Kɛ̈l-da-ya tin makɛ wec, bi kɛ ben kä bikɛ jɛ cua̱th amäni duël tin la kuoth Baal a wa̱ŋkɛ wal tin kur thi̱n, kɛnɛ muc pi̱i̱ni tin thöpkɛ kuth tin kɔ̱ŋ, tin jakɛ ɣä kä ɣöö bä ŋɛ̈ɛ̈ny.
30
Kɛ ɣöö gaat I-thɛ-rɛl kɛnɛ gaat Juda cikɛ la̱t ni duer kä rɔa nhiamdä ni ŋuɛɛtädiɛn. Kä gaat I-thɛ-rɛl thilɛ mi gɔaa mi ci kɛn ɛ la̱t, ci kɛn jak ni ɣä kä ɣöö bä ŋɛ̈ɛ̈ny kɛ lätkiɛn.
31
Wec ɛmɛ cɛ ŋɛ̈ɛ̈nydä kɛnɛ waŋ lɔaacdä jiac nhial, nikɛ cäŋ ëë la̱t kɛ ni jɛ amäni wa̱lɛ. Kä jɛn bä jɛ woc waaŋdä.
32
Kɛ kui̱ jiäkni diaal ti̱n la̱t kɛ thi̱n ɛ gaat I-thɛ-rɛl kɛnɛ gaat Juda nikɛ kua̱rkiɛn kɛnɛ ruëëckiɛn, kɛ bööth palä kɛnɛ göökiɛn, kɛ ji̱ Juda kɛnɛ Jɛ-ru-tha-lɛm ɣä jak kä ŋɛ̈ɛ̈ny.
33
Kä cikɛ ɣä riet ni jɔkdiɛn a /ci mɔ nhiamdiɛn, cäŋ ŋi̱eecä kɛ ni ciaŋ bä, lo̱k ɛn ɣöö bikɛ jɛ liŋ.
34
Lät kɛn ni nyuɔɔnkiɛn luaak in cɔalkɛ kɛ ciötdä, kɛ ɣöö bi kɛn ɛ ŋar ŋar.
35
Kä ci kɛn gua̱th pali ti thöp kɛ muc kuth Baal thi̱n la̱t, rɛy täpä gan I-nɔm. Kɛ ɣöö bikɛ dhɔɔl kɛnɛ nyieekiɛn thöp kuth Mo-lɛk thi̱n ɛ la muc, kä /ka̱n ruac kɛ kɛ, ɛ cäŋ ni ca̱rɛ na̱nɛ kɛ ɣä, lät kɛn jiäk ti̱ti̱ kɛ ɣöö bikɛ Juda jakä dui̱r.”
36
Kä kɛ kui̱ ɛmɔ cu Kuoth Nhial ni Kuoth I-thɛ-rɛl ruac ɛmɛ lar kɛ kui̱ wec ɛmɛ wëë i̱, “Täämɛ wec ɛmɛ ca jɛ la̱th tetni kua̱r Bɛ̈-bi-lɔn kɛ ko̱r kɛnɛ buɔth kɛ liaw.”
37
Kä nɛnɛ ɣän bä kɛ ruɔ̱ɔ̱l rɛy röli diaal tëë cä kɛ riaw kä thi̱n kɛ ŋɛ̈ɛ̈ny kɛnɛ waŋ lɔaacdä min di̱i̱t. Ɣän bä kɛ luɔ̱c jɔk ɛn wanɛ mɛ, kä bä kɛ jakä cieŋ kɛ mal.
38
Kä bi kɛn a nɛɛkä, kä bi ɣän a Kuothdiɛn.
39
Kä bä kɛ ka̱m ni lɔc kɛl kɛnɛ duɔ̱ɔ̱p kɛl, kä bi kɛn ɣä luɔ̱th amäni cäŋ kɛl. Kɛ kui̱c gɔɔyädiɛn amäni gɔɔy gankiɛn tin bëë kɔriɛn.
40
Kä ɣän bä mat ruac mi thiak la̱t kɛ kɛ, kɛ ɣöö cä rɔ̱ bi lɛ riet jɔk kɛ lätnikiɛn kä mi gɔaa. Kä bä kɛ jak kä luɔ̱th kɛ ɣä kɛ ɣöö dɔ̱ŋ cikɛ rɔ̱ bi riet jɔk kä ɣä.
41
Kä bi lɔcdä tɛɛth kɛ lätnikiɛn kä mi gɔaa, kä bä kɛ yop ɛn muun ɛmɛ kɛ ŋa̱th mi di̱i̱t ɛlɔ̱ŋ, kɛ lɔcdä kɛɛliw kɛnɛ ti̱eydä.
42
Kä cu Kuoth Nhial wee i̱, “Ce̱tnikɛ mëë cä ti jiäk ti ŋuan nöŋ kɛn nɛy ti̱ti̱ inɔ bä, ɣän bä kɛ lɛ nöŋ gɔy diaal tëë cä la̱r kɛ.
43
Kä ba ka̱a̱k lɛni nyɔk kɛ kök ɛn muun ɛmɛ ëë laar yɛnɛ i̱ ca päl a thil raan kä thil ley. Mëë ca la̱th tetni ji̱ Kɛ̈l-da-ya.
44
Ba ka̱a̱k kɔk kɛ yio̱w, kä ba ruaacni thany kä bakɛ pi̱m kɛ katim, kä ba nëën nööŋ thi̱n, muun Ben-ya-min, rɛy cieŋ Jɛ-ru-tha-lɛm, rɛy wi̱i̱ni Juda kɛnɛ rɛy wi̱i̱ni rööl päämni, kɛnɛ rɛy wi̱i̱ni täpä Cɛ-pe-laa kɛ rɛy wi̱i̱ni tin te tɔ̱ɔ̱rä Nɛ-gɛb. Kɛ kui̱c ɛmɔ, bä nɛɛkä cu luɔ̱ɔ̱c muundiɛn, ruac ni ɣän Kuoth Nhial.”
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 33 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
Recommended Reading
Commentary
Jeremiah Commentaries
→
Devotional
Jeremiah Devotional Guide
→
Get This Bible
Nuer Bible © Bible Society in South Sudan , Study Bible
→