bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nuer
/
Nuer Bible © Bible Society in South Sudan 1998,2012
/
Jeremiah 48
Jeremiah 48
Nuer Bible © Bible Society in South Sudan 1998,2012
← Chapter 47
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 49 →
1
Kä cu Kuoth Nhial in la Ruey Ɣɔaa ni Kuoth I-thɛ-rɛl mɛmɛ lar wëë i̱, “Riɛk akɛ Nɛbo kɛ kui̱ kä ɣöö ca jɛ ba̱ny piny baaŋ! Kä pöc akɛ Kir-ya-tha-yim, kɛ ɣöö ca jɛ käp. Ca wec in bum bum moc pöc kä ca jɛ da̱k piny.
2
Ci kɛ̈k Mo-ab thuk. A lat ji̱ Ɛc-bon ni mi jiääk kɛ kui̱dɛ wäkɛ i̱, ‘Bia, ŋuɔknɛ jɛ raar kä ɣöö bɛ la do̱r!’ Amäni yɛn nɛy tin yɔ̱a̱ŋ bä, ba yɛ jak kä bit. Bi ko̱r yɛ guɔ̱ɔ̱r bä.
3
“Liɛŋɛ wiee ji̱ Ɣo-ro-na-yim! wä kɛ i̱, ‘Ɛ ko̱r kɛnɛ da̱k mi di̱i̱t.’
4
Ca Mo-ab däk. Ca wieedɛ liŋ ni kä Dhor.
5
Kä min wä kɛn kä Lu-ɣit jälkɛ kɛ wiee. Dup in wä kä Ɣo-ro-na-yim cua wiee däkä liŋ thi̱n.
6
Barɛ rɔ̱ lɛ̱̈nyɛ tëkdun! Ca̱tdɛ nikɛ muul däärdɔaar.
7
“Kä kɛ ɣöö cia ŋäth ni buɔ̱mdun kɛnɛ ria̱ŋdun, ba yɛ naŋ bä. Kä ba Kɛ-moc naŋ ala pɛ̈c, bɛ wä kɛɛl kɛ bööth palädɛ kɛnɛ ruëëckɛ.
8
Kä bi nɛy ti da̱a̱k ben wi̱i̱ni diaal, kä thil wec mi bi kään, kä bi tɔ̱a̱ri kɛnɛ löli da̱k, ce̱tnikɛ ruac Kuɔth Nhial.
9
“Muɔcɛ Mo-ab kɛ milɛ, kɛ ɣöö bɛ te baaŋ. Kä bi wi̱i̱kɛ a ti ca päl, ti thilɛ ram mi bi cieŋ thi̱n.
10
“Riɛk akɛ ram mi /ci ruac Kuoth Nhial bi la̱t kɛ lɔcdɛ kɛɛliw. Kä riɛk akɛ ram mi bi näk nath päl.
11
“/Ken Mo-ab met tekɛ riɛk ni kuɛɛkädɛ, ce̱tdɛ nikɛ kɔaŋ mi ci nyuur, /kenɛ met jiɛɛn guäthdɛ a bɛ wä guäth pecä. Kä /ka̱nkɛ met naŋ pecä. Kä ɛ jɛn ŋot gɔɔydɛ ni thi̱n ɔ, kä /ken ta̱a̱dɛ rɔ gɛr.
12
“Kɛ kui̱c ɛmɔ, nɛ̈nɛ jɛ gua̱a̱th a bëëni min bä jäk kä naath ti ba jɛ yäk kä ba jɛ tiath ce̱tnikɛ dhaar pi̱i̱ni.
13
Kä bi Mo-ab cu pöc kɛ Kɛ-moc, ce̱tkɛ mëë cu ji̱ I-thɛ-rɛl pöc kɛ Beth-ɛl mëë ŋääth kɛn ɛ.
14
“Ɛŋu ku yɛn lɛ wee i̱, ‘Ŋɛ̈ɛ̈ny nɛy kä lapkɔ wutni köör ti wäth?’
15
Ci nɛy tin ba Mo-ab kɛnɛ wi̱i̱kɛ ben däk ben, kɛnɛ ŋuɛ̈tnikɛ tin cɛ kuany wa naath ŋuɔ̱t, latdɛ Kuäär min cɔalkɛ ciötdɛ i̱ Kuoth Nhial in la Ruey Ɣɔaa.
16
Ci rik Mo-ab thia̱k löw! Ci bɛ̈c bɛ̈ɛ̈c ku thuŋ cop.
17
Parɛ jɛ, yɛn nɛy diaal tin göl kɛ jɛ, kä yɛn diaal tin ŋa̱c kɛ ciötdɛ, wiaa i̱, ‘Ci kɛɛt kuäärä min bum tööl, min liak kua̱r rɔ̱ kɛ jɛ.’
18
“Bia piny guäth luthädun, bia nyuɔ̱ɔ̱rɛ rɛy tupä ni piny, lö ji̱ Di-bon! Kɛ ɣöö ci ram min däk Mo-ab ben kä yɛ pa̱ny. Cɛ wi̱i̱kun tin buɔ̱m buɔ̱ɔ̱m däk.
19
Cuɔ̱ŋɛ gëëkni duɔ̱pni kä guecɛ, lö ji̱ Ä-ro-er! Thiëcɛ wut ɛ bar rɔ mɔ kɛnɛ ciek ɛ leny rɔ mɔ, thiëcɛ kɛ i̱, ‘Ɛŋu mi ci tuɔɔk?’
20
Ci Mo-ab tekɛ pöc, kɛ ɣöö ca jɛ töl piny. Rötdɛ kä wiee ɛ, wiaa latdɛ jɛ ni kä Ar-non ɛn ɣöö ci Mo-ab te ni baaŋ.
21
“Kä ci luk ben wi̱i̱ni tin car caar, cɛ ben kä O-lon, kɛnɛ Yaadhaa kɛ Me-paath,
22
kɛ Di-bon kɛnɛ Nɛbo, kɛ Beth-dib-la-ta-yim,
23
kɛnɛ Kir-ya-tha-yim amäni Beth-ga-mul kɛnɛ Beth-mɛ-on,
24
a wä ni kä Kɛ-ri-yoth kɛnɛ Bɔ-dhɛ-ra, amäni wi̱i̱ Mo-ab diaal tin na̱n kɛnɛ tin thia̱k.
25
Kä cua tuɔ̱ŋ Mo-ab cu töl, kä cua tetkɛ töl bä, ruac ni ɣän Kuoth Nhial.
26
“Jakɛ jɛ kä yɔ̱ŋ, kɛ ɣöö cɛ rɔ liak kɛ Kuoth Nhial. Kɛ nɔ bi Mo-ab rɔ daŋ ni rɛy ŋo̱kädɛ, kä bi naath ɛ cu dɔl.
27
Kä /ciɛ ji̱n ɛ nëë la I-thɛ-rɛl a yaak? Ɛ ca ku jek rɛy kuëëli, mɔ la ki̱i̱thi wi̱cdu mi ruaci kɛ kui̱dɛ?
28
“Pa̱l ɛ wec kä wiaa cieŋɛ rɛy päämni, lö ji̱ Mo-ab! Kua ce̱tnikɛ guuk in la lät duelɛ gekä kɔ̱kä pa̱a̱m.
29
Cakɔ liak Mo-ab liŋ kɛnɛ kapdɛ kɛ rɔ nhial kap nhial ɛ kɛ rɔ̱ kɛnɛ mɛɛtdɛ. Amäni ca̱r lɔcdɛ i̱ lenyɛ naath.
30
Ɣän ŋa̱cä ciaŋ kapädɛ kɛ rɔ Nhial, kä ciɛŋ liakädɛ ɛ lɔar kä lätkɛ kɛ baŋ bä.
31
Kä inɔ ɣän cä röt kɛ kui̱ Mo-ab. Ɣän cä wiee kɛ kui̱ Mo-ab kɛɛliw. Kä kɛ kui̱ ji̱ Kir-a̱-rɛth ɣän pa̱rä.
32
Ɣän cä wiee kɛ kui̱du ce̱tnikɛ wiee Ya-dhɛr, lö ka̱a̱k wec Thi-bɛ-ma. Ci karku pal ni kui̱ yiëër cikɛ räth ni kä Ya-dhɛr. Kä ba dɛyku tin ci kuir, dɔny kä piny ɛ nɛy tin da̱a̱k.
33
Kä ca gɔɔy kɛnɛ tɛ̈th lɔaac naŋ muun Mo-ab in gɔaa min la kuiir dɛy. Ɣän cä kɔaŋ jak kä thil guäth in la la̱t kɛ jɛ thi̱n. Thilɛ ram mi lɛ jɛ la̱t kɛ tɛth lɔaac. Kɛ ɣöö jɔw /cɛ la jɔw tɛthkä lɔaac.
34
“Kä bi Ɛc-bon kɛnɛ Ɛl-a-le wiee kɛ jɔw mi di̱i̱t, mi bi räth ni kä Yaadh, ba jɔwdiɛn wä liŋ mäni Dhor kɛnɛ Ɣo-ro-na-yim kɛ Ɛg-lat-cɛ-li-ci-yaa. Ɛ cäŋ ɛ ni pi̱w Nim-rim ca kɛ päl ni baaŋ bä.
35
Kä ɣän bä nɛy tin thöp kɛ muc wuɔ̱thni yi̱kni kä wëŋkɛ kuthkiɛn wal tin kuɔ̱r kuɔ̱ɔ̱r jakä thuk kɛ lia̱a̱.
36
Kä ɛnɔ ɣän dɛt lɔcdä kɛ Mo-ab ce̱tnikɛ jɔw thuɔm, kä dɛt lɔcdä kɛ ji̱ Kir-a̱-rɛth ce̱tnikɛ jɔw thuɔm, ɛ jɛn ci ria̱ŋ ëë ci kɛn ɛ jek cu jiɛɛn kä kɛ mɔ.
37
“Kɛ kui̱c ɛmɔ, cua mi̱em wuɔ̱thni diaal kɛnɛ mi̱em ti̱kni diaal mut. Ci naath tetkiɛn tëm kä ca rɔ̱ yian kɛ bieyni cuali.
38
Rɛy ciëëŋni diaal kɛnɛ gua̱th duɔ̱ɔ̱li Mo-ab diaal te ni wiee thi̱n kä rɔa. Kɛ ɣöö ɣän cä Mo-ab tiath ce̱tnikɛ dhaar pi̱i̱ni mi thil ram mi go̱o̱r jɛ.
39
Guic ɛ ca jɛ däk i̱di? Guicɛ pär ɛ i̱di! Guic Mo-ab cɛ ku riet ni jɔkdɛ kɛ pöc i̱di! Kä cɛ kua̱ gua̱a̱th töök kɛ kui̱ jiäkni diaal tëë ci tuɔɔk kä jɛ.”
40
Kä cu Kuoth Nhial wee i̱, “Nɛ̈nɛ jɛ, bi raan pär kɛ pɛ̈th ce̱tnikɛ cuɔɔr, kä bɛ gɔ̱kɛ wä ɣär kä Mo-ab.
41
Ba wi̱i̱kɛ naŋ, kä ba ti̱ec tin buɔ̱m buɔ̱ɔ̱m päl. Kä bi loc wutni köör Mo-ab ɛn cäŋ ɔ ce̱tnikɛ lɔc ciëk mi tekɛ mäc.
42
Kä ba Mo-ab däk ɛ puc /cɛ raan bilɛ nyɔk kɛ nën, kɛ ɣöö cɛ kap ni rɔ nhial kɛ Kuoth Nhial.
43
Dual kɛnɛ kɔ̱a̱a̱k kɛ dëëp a li̱pä, lö ji̱ Mo-ab!
44
Ram mi wä kään rikä, bɛ pɛn rɛy kɔ̱kä, kä ram ɔ bi kɔ̱a̱a̱k bäl ɔ, ba jɛ käp ɛ dhuur. Kɛ ɣöö bä ti diaal ti̱ti̱ nöŋ ji̱ Mo-ab kɛ ruɔ̱n tɔ̱ɔ̱ŋädiɛn.
45
“Kä Ɛc-bon /ci ka̱a̱n luäk bi jek thi̱n, kɛ ɣöö ci mac päl raar kä Ɛc-bon, ɛn lew maac Thi-yon. Ɛn lew cɛ jiɛɛn dhɔɔr Thi-yon, cuɛ bööth Mo-ab däk, amäni nɛy tin liakɛ rɔ̱.
46
Riɛk akɛ ji̱, lö Mo-ab! /Ci ji̱ Kɛ-moc bi luäŋ, kä ca gaatku naŋ ala pɛ̈ɛ̈c, kä cikɛ nyieeku naŋ pecä.
47
Duundɛ ɣöö, bä Mo-ab nyɔk kɛ loc ni tääkädɛ mëë wal. Kɛ ni̱n tɔ̱ bi ben tɔ̱. Kä bi mɛmɛ cua̱ jɛn luk Mo-ab,” ruac ni ɣän Kuoth Nhial.
← Chapter 47
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 49 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52