bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nuer
/
Nuer Bible © Bible Society in South Sudan 1998,2012
/
Jeremiah 44
Jeremiah 44
Nuer Bible © Bible Society in South Sudan 1998,2012
← Chapter 43
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 45 →
1
Cu riet Kuɔth Nhial ben kä Yir-mɛ-yaa kɛ kui̱ ji̱ Juudh tëë cieŋ muun I-jëp, Mig-dol kɛnɛ Ta-pa-neth kɛ Mɛm-pith, kɛnɛ mun Path-roth,
2
kä cu Kuoth Nhial in la Ruey Ɣɔaa ni Kuoth I-thɛ-rɛl ruac wëë i̱, “Cia jiäk diaal tëë cä nöŋ Jɛ-ru-tha-lɛm kɛnɛ wi̱i̱ Juda diaal nɛn. Kä nɛ̈nɛ jɛ täämɛ tekɛ ni baaŋ, ɛ thilɛ kɛ ram mi cieŋ thi̱n,
3
kɛ kui̱ dueerikiɛn tëë ci kɛn kɛ la̱t tëë cua ɣä jak kä ŋɛ̈ɛ̈ny, kɛ ɣöö cukɛ wä wëŋ ni kuth kɔ̱kiɛn wal tin kuɔ̱r kuɔ̱ɔ̱r kä cua wä lät nikɛ ikä. Kä /ci kɛn kɛ ŋäc, kä /ci yɛn kɛ ŋäc, kä /ci guuri kɛ ŋäc bä.
4
Kä ŋotdɛ la ja̱kä yɛ kä ja̱a̱ŋkä diaal ni go̱o̱k a thil pa̱k jiökɛ yɛ i̱, ‘/Cuarɛ ti jiäk ti̱ti̱ lät, ɣän lökä kɛ!’
5
Duundɛ ɣöö, /ken kɛn ɛ liŋ, kä ɣöö dee kɛ rɔ ri̱t kä dueerkiɛn. /Ci kɛn kuth kɔ̱kiɛn dee wa̱ŋ wal tin kuɔ̱r kuɔ̱ɔ̱r.
6
Ɛ jɛn ɛn nëë cua̱ ŋɛ̈ɛ̈nydä kɛnɛ waŋ lɔacdä jak kä bä wi̱i̱ni Juda kɛnɛ rɛy duɔ̱pni Jɛ-ru-tha-lɛm. Kä cua kɛ cu päl amäni walɛ.
7
Kä täämɛ cu Kuoth Nhial in la Ruey Ɣɔaa ni Kuoth I-thɛ-rɛl wee i̱, ‘Ɛŋu mi cuarɛ mi jiääk mi ce̱tkɛ mɛmɛ lät kä rɔ̱dun ɔ, cuarɛ wutni, kɛ män kɛnɛ gaat jak kä ɣöö bikɛ thil duɔth ɔ kä Juda?
8
Kä ɛŋu mɔ jak yɛn ni ɣä kä ŋɛ̈ɛ̈ny ɔ kɛ lät tetnikun, kɛ wäŋdun kuth kɔ̱kiɛn wal tin kuɔ̱r kuɔ̱ɔ̱r muun I-jëp, guäth in cia wä cieŋ thi̱n. Kä dɔ̱ŋ ba yɛ tɛ̈m jɔ̱ɔ̱r ɛ bia cua̱ nɛy ti ca lam kä ca bit rɛy dööri diaal wi̱c muɔ̱ɔ̱n?
9
Ɛ ci yɛn dueer guurikun, kɛnɛ dueer kua̱ri Juda, kɛ dueer määnkiɛn, kɛ dueerkun, kɛ dueer määnkun tëë ca la̱t muun Juda kɛnɛ rɛy duɔ̱pni Jɛ-ru-tha-lɛm ɛ ciakɛ ku pa̱l ruëëc?
10
Kä /ka̱nɛ rɔ luɔc piny amäni walɛ, kä /ka̱nɛ dual kä /ka̱nɛ ŋuɔ̱tkä kɛnɛ luëëkä tëë cä la̱th nhiamdun kɛnɛ nhiam guurikun tit.’
11
“Kä kɛ kui̱c ɛmɔ cu Kuoth Nhial in la Ruey Ɣɔaa ni Kuoth I-thɛ-rɛl wee i̱, ‘Ɣän bä nhiamdä riet yɛ kɛ mi jiääk, bä ji̱ Juda diaal tɛ̈m jɔ̱ɔ̱r.
12
Ɣän bä duɔ̱th ji̱ Juda tin bi wä cieŋ kä I-jëp thuk ni kɛn diaal. Kä bikɛ li̱w muun I-jëp, ba kɛ thuk ɛ ko̱r kɛnɛ buɔth, nikä ram mi tɔt amäni ram mi di̱i̱t ba kɛn diaal näk ɛ ko̱r kɛnɛ buɔth. Kä bi kɛn a nɛy ti ca lo̱k, ti jiäk, ti ca lam kä ca bit.
13
Ɣän bä nɛy tin cieŋ muun I-jëp tɔ̱ŋ ce̱tkɛ mëë cä Jɛ-ru-tha-lɛm tɔ̱ŋ kɛ ko̱r kɛnɛ buɔth kɛ liaw,
14
kɛ ɣöö bɛ thil ram mi doth kä ji̱ Juda mi ci ben kɛ ɣöö bɛ ben cieŋ muun I-jëp, mi bi kään kiɛ mi bi loc muun Juda min görkɛ ɣöö bikɛ wä cieŋ thi̱n. Kɛ kui̱c kä ɣöö thilɛ ram mi bi loc jɔk ɛ ni tin ca rɔ̱ bar.’ ”
15
Kä inɔ cu wutni diaal tëë ŋa̱ckɛ ɣöö la mänkiɛn wal tin kuɔ̱r kuɔ̱ɔ̱r a wäŋ kuth tin kɔ̱ŋ, kɛ män diaal tëë te cuŋä ɛn wani ɛ la buɔ̱n nath mi di̱i̱t mi ci rɔ dol, kɛ nɛy diaal tëë cieŋ kui̱c cuëëc muɔ̱ɔ̱n I-jëp, Yir-mɛ-yaa loc wä kɛ i̱,
16
“Kɛ kui̱ ruac in ci la̱r kɔ kɛ ciöt Kuɔth Nhial, /ci nɛy ji̱ bi liŋ.
17
Duundɛ ɣöö bi nɛy la̱t ni tin diaal tin cakɔ yac ni rɔ̱, bakɔ wäl in kur kur wëŋ ni kuäär ciëk nhial, kä bi nɛy ɛ thöp kɔaŋ, ce̱tnikɛ mëë cakɔ kɔŋ la̱t kɛ gua̱a̱rikɔ, kɛ kua̱rkɔ kɛnɛ ruëëckɔ rɛy wi̱i̱ni Juda kɛnɛ rɛy duɔ̱pni Jɛ-ru-tha-lɛm. Kä ɛ nëë la te nɛy kɛ mi̱eth mi di̱i̱t kɛnɛ ria̱ŋ, kä thilɛ mi jiääk mi lɛ̈ kɔ nɛn.
18
Kä mëë cakɔ kuäär ciëk nhial wäŋdɛ wäl in kur kur kɛnɛ tho̱pdɛ kɔaŋ päl, ɛ jɛn ci ti diaal cu thil kä nɛy, kä ca nɛy cu thuk ɛ ko̱r kɛnɛ buɔth.”
19
Kä cu män ɛ lar bä i̱, “Mi wëŋkɔ kuäär ciëk nhial wäl in kur kur, kä thöpkɔ jɛ muc kɔaaŋni, /ci kɛ pua̱nykɔ nhɔakɛ jɛ tɔ̱, ɛn ɣöö lät nɛy pam pamni ti cäät kɛ puɔ̱nydɛ kä tho̱p nɛy ɛ muc kɔaaŋni?”
20
Kä inɔ cu Yir-mɛ-yaa naath diaal tin la wutni, män amäni nɛy diaal tëë luɔckɛ ruaacnikɛ jiök i̱,
21
“Kɛ kui̱ wa̱l in kur kur ëë waaŋ yɛn ɛ wi̱i̱ni Juda, kɛnɛ rɛy duɔ̱pni Jɛ-ru-tha-lɛm, yɛn kɛ guurikun, kɛ kua̱rkun kɛnɛ ruëëckun kɛɛl kɛ ji̱ muɔ̱ɔ̱n ɛ mɔ diaal, a /ken Kuoth Nhial ɛ ku tim? Kä /kenɛ jɛ ku car?
22
/Ci Kuoth Nhial dueerkun kɛnɛ nyuɔɔnkun tin cia la̱t bi lɛ nyɔk kɛ ruɔ̱t. Kä ɛ jɛn bi mundun cua̱ mi ca päl kä ca ba̱ny piny kä ca lam, thilɛ ram mi bi cieŋ thi̱n ce̱tnikɛ ta̱a̱ ɔ tekɛ jɛ mɔ ɛn walɛ.
23
Ɛ jɛn ɣöö cia wäl in kur kur waŋ kɛnɛ ɣöö cia duer lät kä Kuoth Nhial kä /ka̱n ɛ jɔwdɛ luɔ̱th, kä /ka̱nɛ guɔ̱ɔ̱r ni dupkɛ, kä /ka̱nɛ luëëkɛ kɛnɛ ŋuɔ̱tkɛ tit, ɛ jɛn ci rik ti̱ti̱ ben kä yɛ mɔ, ce̱tnikɛ mi tekɛ yɛ wa̱lɛ mi.”
24
Kä cu Yir-mɛ-yaa wutni diaal kɛ män diaal jiök i̱, “Liɛŋ ɛ riet Kuɔth Nhial yɛn ji̱ Juda diaal tin te kä I-jëp,
25
ci Kuoth Nhial in la Ruey Ɣɔaa ni Kuoth I-thɛ-rɛl ɛ lar ɛn ɣöö ci yɛn kɛ mänkun ɛ lat nikɛ thukun kä ci yɛnɛ la̱t nikɛ tetkun mëë lar yɛn ɛ i̱, ‘Ɛ puc bi nɛy la̱t ni min cakɔ yaac ni rɔ̱ bakɔ wëŋ ni kuäär ciëk nhial wäl in kurkur, kä bakɔ thöp ni jɛ muc kɔaaŋni.’ Kä ɛ jɛn, kua ya̱cdun käp kä la̱tdɛ jɛ!
26
Kɛ kui̱c ɛ mɔ kuɛ̈ɛ̈ ruac Kuɔth Nhial liŋ yɛn ji̱ Juda tin cieŋ muun I-jëp. Kä nɛ̈nɛ jɛ, Kuoth Nhial, cɛ rɔ yac kɛ ciötdɛ, ɛn ɣöö /ca ciötdɛ bi lɛ nyɔk kɛ këk ɛ ji̱ Juda tin cieŋ muun I-jëp, ɛ bikɛ ya̱c wäkɛ i̱, ‘Ce̱tnikɛ ciöt Kua̱r ni Kuɔth Nhial in tëk.’
27
Kä nɛnɛ ɣän guecä kɛ ni mi jiääk a /ci mɔ a mi gɔaa. Kä ba ji̱ Juda diaal tin cieŋ muun I-jëp thuk kɛ ko̱r kɛnɛ buɔth, amäni mi cikɛ thuuk.
28
Kä nɛy tëë barkɛ rɔ̱ kɛ ko̱r bikɛ jiɛn muun I-jëp wä kɛ muun Juda, kä bikɛn a nɛy ti tɔt ɛlɔ̱ŋ. Kä kɛn duɔth ji̱ Juda diaal tëë ci ben cieŋ muun I-jëp, bi kɛn ɛ ŋa̱c ɛn ɣöö ɛ ruac ŋa la thuɔ̱k ɔ, ruacdä kiɛ ruacdiɛn.
29
Kä bi mɛmɛ a nyuuth kä yɛ, ɛn ɣöö bä yɛ tɔ̱ŋ ɛn guäth ɛmɛ, kɛ ɣöö bia ŋa̱c ɛn ɣöö ruaacnikä tëë la̱tdä yɛ kɛ kui̱ däkä, bi kɛ ben ɛ puc.
30
Kä ci Kuoth Nhial ruac ɛn ɣöö bɛ Pɛro Ɣɔp-raa kuäär I-jëp la̱th tetni ji̱ tɛ̈rɛ kɛnɛ tet nɛɛni tin görkɛ tëkdɛ ce̱tnikɛ mëë cä Dhid-ki-yaa kuäär Juda la̱th tetni kua̱r Bɛ̈-bi-lɔn ni Nɛ-bu-kad-nɛ-dhar mëë la gua̱n tɛ̈rɛ kä go̱o̱r tëkdɛ.”
← Chapter 43
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 45 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52