bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nuer
/
Nuer Bible © Bible Society in South Sudan 1998,2012
/
Jeremiah 36
Jeremiah 36
Nuer Bible © Bible Society in South Sudan 1998,2012
← Chapter 35
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 37 →
1
Kɛ ŋuaan runi ruëc Yɛ-ɣo-ya-kim gat Yo-ci-yaa, min la kuäär Juda, cu rieet Kuɔth Nhial ben kä Yir-mɛ-yaa wëë i̱,
2
“Naŋ warɛgak, kä gɔ̱ri rieet diaal tëë cä la̱t ji̱ kɛ kui̱ I-thɛ-rɛl kɛnɛ Juda kɛ döör diaal thi̱n, nikɛ cäŋ ëë ruac kɛ ɣä kɛ ji̱, nikɛ ni̱n ruëc kua̱r ni Yo-ci-yaa amäni wa̱lɛ.
3
Dɔ̱ŋ bi ji̱ dhɔaar Juda jiäk diaal tin göörä ɣöö bä lät kä kɛ liŋ. Kɛ ɣöö dɔ̱ŋ dee ram ɔ rɔ ri̱t kä jiäkɛ, kä dɔ̱ŋ dëë kɛ cu pa̱l dueerkiɛn.”
4
Kä cu Yir-mɛ-yaa Ba-ruk gat Ne-ri-yaa cɔl, kä cu Ba-ruk warɛgak gɔ̱r, kɛ rieet Kuɔth Nhial diaal tin ca la̱t jɛ ɛ Yir-mɛ-yaa.
5
Kä cu Yir-mɛ-yaa Ba-ruk la̱t ruac wëë i̱, “Ɣän pën kɛ ɣä wä rɛy luaak Kuɔth Nhial.
6
Ji̱n puɔ̱nydu bi wä kɛ cäŋ thekä mi̱thni rɛy luaak Kuɔth Nhial, kä ɛ liŋ nɛy diaal ɛ, kuɛn ruac Kuɔth Nhial rɛy warɛgakä min ci pay gɔ̱r kä ruaacni Kuɔth tin cä la̱t ji̱. Kä bi kɛ kuën ji̱ Juda diaal tin ca wi̱i̱kiɛn ba̱ny piny ɛ liŋ kɛn kɛ.
7
Dɔ̱ŋ bi kɛ paliɛn nööŋ nhiam Kuɔth Nhial, kä bi kɛ rɔ̱ ri̱t kä jiäkiɛn, kɛ ɣöö di̱t ŋɛ̈ɛ̈ny kɛnɛ waŋ lɔaac Kuɔth kɛ nɛy ti̱ti̱.”
8
Cu Ba-ruk gat Ne-ri-yaa tëë diaal tëë la̱tkɛ jɛ ɛ gök ni Yir-mɛ-yaa la̱t ni nɔ, cuɛ warɛgak ruaacni Kuɔth Nhial kuɛn rɛy luaak Kuɔth Nhial.
9
Kɛ dhieec runi ruëc Yɛ-ɣo-ya-kim gat Yo-ci-yaa kuäär Juda kɛ bäŋuan päthni, cu naath diaal tëë cieŋ kä Jɛ-ru-tha-lɛm kɛnɛ naath diaal tëë cieŋ rɛy wi̱i̱ni Juda tëë ci ben kä Jɛ-ru-tha-lɛm, mi̱eth thɛk nhiam Kuɔth Nhial.
10
Cu Ba-ruk ruac ëë ca la̱t jɛ ɛ Yir-mɛ-yaa kuɛn rɛy luaak Kuɔth Nhial a liŋ nɛy diaal jɛ. Cuɛ jɛ kuɛn ɛ rɛy duëël Gɛ-mar-yaa gat Ca-pan mëë la bulkamiin, duel in te nhial mi lotni Thok Rɛ̈ɛ̈k luak Kuɔth Nhial in pay la̱t.
11
Mëë ci Mi-ka-yaa gat Gɛ-mar-yaa gat Ca-pan rieet Kuɔth Nhial liŋ rɛy warɛgakä,
12
cuɛ wä dhɔɔr kua̱r duëël bulkamiin. Kä te ruëëc diaal nyuurä thi̱n, Ɛli-cama min la bulkamiin, kɛ Dɛ-la-yaa gat Cɛ-mɛ̈-yaa, kɛ Ɛl-na-than gat Ak-bor, kɛ Gɛ-mar-yaa gat Ca-pan, kɛnɛ Dhid-ki-yaa min mɔ gat Ɣä-nɛ̈n-yaa, amäni ruëëc diaal tin kɔ̱ŋ tekɛ thi̱n.
13
Kä cu Mi-ka-yaa kɛ la̱t tëë diaal tëë cɛ liŋ mëë kuen Ba-ruk naath warɛgak.
14
Kä inɔ cu ruëëc diaal Yɛ-ɣu-di min la gat Nɛ-thɛ̈n-yaa gat Cɛ-lɛm-yaa, gat Kuci jäk kä Ba-ruk wëë i̱, “No̱o̱ŋni warɛgak in ci kuen naath, kä ber.” Kä cu Ba-ruk gat Ne-ri-yaa warɛgak naŋ kɛ tetdɛ, kä cuɛ wä kä kɛ.
15
Kä cu kɛ jɛ jiök i̱, “Nyuuri kä kueni jɛ kɔ.” Kä cu Ba-ruk jɛ kuën kɛ.
16
Mëë ci kɛn rieet diaal tɔ̱tɔ̱ liŋ, cukɛ rɔ guic kɛ̈l kɛ̈ɛ̈li kä dual kɛn, kä cu kɛ Ba-ruk jiök i̱, “Bakɔ rieet diaal ti̱ti̱ la̱t kuäär.”
17
Kä ɛ jɛn cu kɛn Ba-ruk thiec i̱, “Läri jɛ kɔ, ji̱n gɔ̱ɔ̱ri rieet diaal ti̱ti̱ i̱di? Ɛ Yir-mɛ-yaa lät kɛ ji̱ mɔ?”
18
Kä cu Ba-ruk kɛ loc wëë i̱, “Ɛ jɛn ɛ puc lat rieet diaal ti̱ti̱ mɔ, kua̱ kɛ lɛ gɔ̱a̱r piny rɛy warɛgakä.”
19
Kä cu ruëëc Ba-ruk jiök i̱, “Wër, wiaa tɛ̱̈ɛ̱̈ ɛ rɔ̱, ji̱n yɛnɛ Yir-mɛ-yaa, kä a jɛ thil ram mi ŋäc gua̱a̱thdun.”
20
Kä cukɛ wä guäth in nyuur kuäär thi̱n, kä cukɛ warɛgak la̱th duëël Ɛli-cama min la bulkamiin, kä cukɛ rieet diaal wä la̱t kuäär.
21
Kä cu kuäär Yɛ-ɣu-di ja̱k kɛ ɣöö bɛ warɛgak wä nööŋ. Cuɛ jɛ wä nööŋ duëël Ɛli-cama min la bulkamiin. Kä cu Yɛ-ɣu-di warɛgak kuën kuäär kɛnɛ ruëëc diaal tëë te cuŋä gekä kua̱r.
22
Kɛ bäŋuan päthni, kä te kuäär nyuurä duëëlɛ min la ciɛŋɛ kɛ gua̱th in kɔ̱c ɣɔw, kä pɛt mac nhiamdɛ.
23
Mi ci Yɛ-ɣu-di ciök diɔ̱k kiɛ ŋuaan kuɛn la kuäär kɛ a tɛm kɛ ŋɔ̱mdɛ min tɔt kä bɛ kɛ yuɔr maac in pɛt. Cuɛ a jɛn ta̱a̱dɛ amäni mëë ci warɛgak thuɔ̱k kɛ pɛ̈t ni kɛɛliw.
24
Kä cuɛ thil ram mi jiɛth lɔcdɛ kä kuäär kɛnɛ ji̱ kɔarɛ diaal tin ca rieet ti̱ti̱ liŋ, mi cu bi̱i̱dɛ rɛt kɛ jiath lɔaac.
25
Cäŋɛ ni mëë cu Ɛl-na-than kɛ Dɛ-la-yaa, kɛnɛ Gɛ-mar-yaa kuäär jiök ɛn ɣöö /cɛ warɛgak dee waŋ, /kenɛ ruacdiɛn liŋ.
26
Kä cu kuäär ruac kɛ gatdɛ ni Yɛ-ra̱-mel, kɛ Thɛ-ra-yaa gat Ɛ̈dh-ri-el, kɛnɛ Cɛ-lɛm-yaa gat Ab-del kɛ ɣöö bi kɛnɛ Ba-ruk in la bulkamiin kɛnɛ Yir-mɛ-yaa min la gök käp, duundɛ ɣöö cu Kuoth Nhial kɛ tɛ̱̈ɛ̱̈.
27
Kä, kɛ kɔr kä mëë ci kuäär warɛgak ëë te rieet tëë gɔ̱a̱rkɛ ɛ Ba-ruk tëë la̱t kɛ jɛ ɛ Yir-mɛ-yaa thi̱n waŋ, cu ruac Kuɔth Nhial ben kä Yir-mɛ-yaa wëë i̱,
28
“Käni warɛgak dɔ̱diɛn kä nyɔk rieet diaal tëë ca gɔ̱r rɛy warɛgakä mëë jio̱l, mëë waŋ kuäär Juda ni Yɛ-ɣo-ya-kim ɛ.
29
Kä kɛ kui̱ kua̱r Juda ni Yɛ-ɣo-ya-kim bi jɛ la̱r ɣöö Kuoth Nhial i̱ ‘Ci warɛgak ɛmɛ waŋ, kä wi̱i̱ i̱, “Ɛŋu gɔ̱ri jɛ mɔ rɛy warɛgakä, ɛn ɣöö bi kuäär Bɛ̈-bi-lɔn mun ɛmɛ ben däk, kä bɛ naath kɛnɛ ley ben dup ni kɛn diaal ɔ?”
30
Kä mɛmɛ ci Kuoth Nhial ɛ lar kɛ kui̱ kua̱r Juda ni Yɛ-ɣo-ya-kim ɛn ɣöö /cɛ bi tekɛ ram mi bi nyuur wi̱i̱ kɔam kuäärä Dee-bid kä kuaykɛ. Jɛn bɛ li̱w kä /ca ri̱ŋdɛ bi kony, bi ri̱ŋdɛ te rɛy ca̱ŋ kɛ cäŋdäär, kä bɛ te rɛy kɔ̱a̱c kɛ wäär bä.
31
Kä ɣän bä jɛ tɔ̱ŋ kɛnɛ gaatkɛ kɛ la̱a̱tkɛ kɛ kui̱ dui̱rädiɛn. Ɣän bä kɛn diaal amäni nɛy tin cieŋ kä Jɛ-ru-tha-lɛm kɛnɛ nɛy tin cieŋ kä Juda nööŋ jiäk diaal tëë cä lat kɛ kui̱diɛn, duundɛ ɣöö /ci kɛn ɛ bi liŋ.’ ”
32
Kä cu Yir-mɛ-yaa warɛgak dɔ̱diɛn ka̱n kä cuɛ jɛ ka̱m Ba-ruk, gat Ne-ri-yaa min la gɔ̱ɔ̱r. Kä cuɛ rieet diaal tëë la̱t kɛ jɛ ɛ Yir-mɛ-yaa gɔ̱a̱r rɛy warɛgakä, kɛn tëë diaal tëë ca kɔŋ gɔ̱a̱r rɛy warɛgakä mëë waŋkɛ ɛ kuäär ni Yɛ-ɣo-ya-kim. Kä cua rieet ti ce̱tnikɛ kɛ nyɔk kɛ mat thi̱n bä.
← Chapter 35
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 37 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52