bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nuer
/
Nuer Bible © Bible Society in South Sudan 1998,2012
/
Jeremiah 51
Jeremiah 51
Nuer Bible © Bible Society in South Sudan 1998,2012
← Chapter 50
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 52 →
1
Kä cu Kuoth Nhial mɛmɛ lar wëë i̱, “Nɛ̈nɛ jɛ, bä lɔc raam min dääk jak kä ŋɛ̈ɛ̈ny kɛ ɣöö bɛ Bɛ̈-bi-lɔn ben mak, kɛnɛ ji̱ Kɛ̈l-da-ya.
2
Kä ɣän bä ji̱ Bɛ̈-bi-lɔn jäk kä jur, ti ba jɛ ben lɔk ce̱tnikɛ jil, kä bikɛ mundiɛn cu jakä thil raan, mi wä kɛ jɛ wä mak pëkni diaal kɛ cäŋ däkä.
3
Kä /cuarɛ gua̱n bäärä jak kä rial bäärɛ ikä, kä a gua̱n kööt yieethä /ci ko̱tdɛ läth, kä /cuarɛ ŋuɛ̈tnikɛ päl, na̱kɛ rɛmdɛ kɛɛliw.
4
Akɛ li̱w rɛy wec ji̱ Kɛ̈l-da-ya, kä muɔc ɛ kɛ buɔ̱ɔ̱t rɛy duɔ̱pnikɛ.
5
Kɛ ɣöö /ka̱n I-thɛ-rɛl kɛnɛ Juda met päl ɛ Kuothdiɛn, ni Kuoth Nhial in la Ruey Ɣɔaa. Duundɛ ɣöö, mun ji̱ Kɛ̈l-da-ya cɛ thia̱ŋ ɛ liŋ kɛ dueer, tin la̱tkɛ kä Kuoth I-thɛ-rɛl.
6
“Bar ɛ rɔ̱ raar rɛy Bɛ̈-bi-lɔn. Aramɔ kä yɛ leny tëkdɛ! A ji̱ /ca bi duäc kɛ kui̱ dueerikɛ. Kɛ ɣöö mɛmɛ ɛ jɛn gua̱a̱th Kuɔth Nhial in coolɛ ni rɔ. In bi jɛ lät kä min cɛ la̱t.
7
Bɛ̈-bi-lɔn ɛ liɛɛr dääpä tetdä Kuɔth Nhial, cɛ ji̱ wec diaal jak kä dui̱r, ci döör diaal dueerkɛ guɔ̱ɔ̱r, kɛ kui̱c ɛmɔ, ci döör diaal cu duer.
8
Kä bi Bɛ̈-bi-lɔn pɛ̈ɛ̈n a bɛ tiath, wieeɛ kɛ kui̱dɛ! Nööŋɛ ji̱th ŋɔ̱nyä kɛ kui̱ buɔ̱ɔ̱tnikɛ, kɛ ɣöö dɔ̱ŋ bi buɔ̱tdɛ gɔaa.
9
Dënɛ Bɛ̈-bi-lɔn jakä gɔaa, duundɛ ɣöö, /ken agɔaa. Ba̱ny nɛ jɛ piny, a ramɔ kä kɔn wä ni wi̱i̱diɛn, kɛ ɣöö ci lukdɛ cop ni nhial. Kä cɛ lɛ cop ni puɔ̱ɔ̱rä.
10
Ci Kuoth Nhial cuɔ̱ŋdan nyoth, bia wanɛ jɛ lat ni kä Dha-yɔn ɛn la̱t Kuɔth Nhial ni Kuothdan.
11
“Thɛ̈rɛ kuen kueeni! Ka̱nɛ köötni! Kuoth Nhial cɛ lɔc kua̱r Ma-day jiɛc, kɛ ɣöö go̱o̱rɛ mi däkɛ Bɛ̈-bi-lɔn, kɛ ɣöö bi Kuoth Nhial rɔ col, bɛ cut la̱t kɛ kui̱ luaakdɛ.
12
La̱tdɛ nyuuth kɛ kui̱ makädun kɛ Bɛ̈-bi-lɔn. Jakɛ gueec kä bum, kuanyɛ nɛy ti la ga̱a̱ŋ, nyuɔ̱rɛ kɛ ikä, kɛ ɣöö bi Kuoth Nhial min cɛ car la̱t mëë cɛ lar kɛ kui̱ ji̱ Bɛ̈-bi-lɔn.
13
Lö yɛn nɛy tin cieŋ rɛy pi̱i̱ni tin ŋuan, kä te ria̱ŋ mi di̱i̱t, ci guutdun cop. Ca dep teekädun tɛm.
14
Ci Kuoth Nhial in la Ruey Ɣɔaa ɔ yac nikɛ ciötdɛ ɛn ɣöö ɛ puc, ɣän bä ji̱ jäk kä nɛy ti ŋuan ɛlɔ̱ŋ, ti ce̱tnikɛ kɔaryɔamni, kä bikɛ rɔal kɛ kui̱ juɔ̱cdu.”
15
“Ɛ jɛn ɛ nëë cak piny kɛ buɔ̱mdɛ. Kä cu ɣɔw tok kɛ pɛlɛ, kä kɛ ŋäc ŋɔaanidɛ cɛ nhial jakä te wa̱nɔ.
16
Kä mëë cɛ ma̱r, cu wuɔ̱w ni pi̱w rɛy pua̱a̱ri, kä cu rur ben pekni ɣɔaa diaal. Kä cɛ yiel nhial rialikä kɛ kui̱ dɛmä nhial, kä cɛ jiɔam nööŋ ni guäth tɔ̱ɔ̱wkädɛ.
17
Kä nɛy diaal tin dɔ̱a̱r ti thilɛ mi ŋa̱ckɛ. Kä ji̱ kuthni bikɛ pöc nikɛ kuthkiɛn kɛɛl, kɛ ɣöö pua̱ny kuthnikɛ kɛ lɔar, kä thilɛ kɛ yiëë rɛydiɛn.
18
Thilɛ kɛ luɔt, kɛ baŋ. Kɛ gua̱a̱th tɔ̱ɔ̱ŋädiɛn, bikɛ cu riaw.
19
Kua Je-kɔb /cɛ ce̱tkɛ tɔ̱tɔ̱, kɛ ɣöö ɛ jɛn lät ti diaal ti̱ti̱. Kä I-thɛ-rɛl ɛ thok duëëlɛ. Kä cɔal kɛ ciötdɛ i̱ Kuoth Nhial in la Ruey Ɣɔaa.”
20
“Kɛ yɛn withdä kä yio̱w köörä, cä döör däk kɛ yɛ, kä cä kua̱r däk kɛ yɛ.
21
Cä jiöŋkööri kɛnɛ ji̱kiɛn töl ni thuɔɔnyni, kɛ yɛ. Kä cä thurbiɛɛli kɛnɛ ji̱kiɛn töl ni thuɔɔnyni kɛ yɛ.
22
Cä wutni kɛnɛ män töl ni thuɔɔnyni kɛ yɛ. Kä cä dɔaŋ wutdä kɛnɛ ŋuɛ̈t töl ni thuɔɔnyni kɛ yɛ. Cä ŋuɛ̈t wutdä kɛnɛ ŋuɛ̈t nyal, töl ni thuɔɔnyni kɛ yɛ.
23
Cä yiëën deet kɛnɛ detkiɛn töl ni thuɔɔnyni kɛ yɛ. Kä cä puɔ̱ɔ̱r ka̱a̱kni töl ni thuɔɔnyni kɛ yɛ. Cä ruëëc kɛnɛ ji̱ kɔarikiɛn töl ni thuɔɔnyni kɛ yɛ.”
24
“Kä ɣän bä ji̱ Bɛ̈-bi-lɔn kɛnɛ ji̱ Kɛ̈l-da-ya culikä ni nhiamdun kɛ jiäk diaal tëë ci kɛn kɛ la̱t kä Dha-yɔn,” ruac ni ɣän Kuoth Nhial.
25
“Nɛ̈nɛ jɛ, ɣän gakä kɛ ji̱ lö päm mi dääk, min däk wi̱c muɔ̱ɔ̱n ni kɛɛliw. Ɣän bä tetdä riny, gakä kɛ ji̱ bä ji̱ lɛ̈r kɔ̱a̱kni pa̱a̱m. Kä bä ji̱ jakä päm mi ci waaŋ.
26
Kä bɛ thil päm kɛɛl mi ba la̱th gɔŋtɔtdä duëël kä ji̱. Kä /ca duel bi täth kɛ päm mi bä kä ji̱ kä ba ji̱ päl amäni cäŋ kɛl,” ruac ni ɣän Kuoth Nhial.
27
“La̱rɛ rɔ̱ lär kɛ nyuuth rɛy wec, kuɔthɛ kaaŋ rɛy dööri. Rial ɛ döörikä kä makɛ jɛ, cɔalɛ kua̱r diaal kɛ kui̱ gaakdɛ, Ä-ra-rat, kɛ Mini kɛnɛ Ac-kä-nadh, kuënyɛ jɛ kuäär rɛ̈m mi bi jɛ mak. Nöŋɛ jɛ jiöŋkööri kä akɛ tit ce̱tnikɛ kɔaryɔamni.
28
Rialɛ döörikä ti bi nyiëëny kɛ jɛ, kua̱r ji̱ Ma-day kɛ ruëëckiɛn kɛ ji̱ kɔarikiɛn, amäni wi̱i̱ diaal tin ruac kɛ ɛ kɛn.
29
Kä cuɛ piny lath, kɛ ɣöö ci Kuoth Nhial min cɛ car kɛ kui̱ Bɛ̈-bi-lɔn jak kä te ni thi̱n. Bɛ mun Bɛ̈-bi-lɔn däk, kä bɛ thil ram mi bi cieŋ thi̱n.
30
Ci wutni köör Bɛ̈-bi-lɔn ko̱r ka̱p cuɔ̱ŋ. Tekɛ ni ti̱ecnikiɛn tin buɔ̱m buɔ̱ɔ̱m, ci buɔ̱mdiɛn thuuk, cikɛ ce̱tnikɛ män, kä ciëŋkiɛn a ni pɛtdä, kä ci thieknikɛ töl.
31
Riŋ ram ɔ kɔɔr raam in dɔ̱ŋ, kä riŋ jääk kɔɔr jääkä min dɔ̱ŋ, kɛ ɣöö ba thok wä la̱r kuäär Bɛ̈-bi-lɔn, ɛn ɣöö ca wecdɛ mak pëkni diaal.
32
Kä ca thuk wäthni diaal käp, ca tɔ̱a̱ri diaal waŋ kɛ mac, te rɛm ni rikä.
33
Kɛ ɣöö ci Kuoth Nhial in la Ruey Ɣɔaa ni Kuoth I-thɛ-rɛl ɛ lar, ɛn ɣöö bi nyaa Dha-yɔn ce̱tnikɛ do̱r kɔ̱mä bɛɛl, mi wä gua̱a̱th kɔ̱a̱mdɛ ben. Jɛn a bëëni ci duɔth ni gua̱a̱th mi tɔt, ɛ jɛn gua̱th ŋër pua̱ny.”
34
“Ci Nɛ-bu-kad-nɛ-dhar kuäär Bɛ̈-bi-lɔn cu dup ni kɔ, cɛ nɛy cu nor, cɛ nɛy jak kä doth ni baaŋ ce̱tnikɛ tuɔ̱k mi ca kuändɛ woc, cɛ roc ni kɔ ce̱tkɛ min la nyaŋ in di̱t ɛlɔ̱ŋ rɛc ti tɔatni a roc. Cɛ jicdɛ thiäŋ kɛ ti cuɔm cuɔɔm, cɛ thuk ni ɣä.
35
Ci gak in la̱tkɛ kä ɣä kɔnɛ nɛɛkä pɛn wi̱i̱ Bɛ̈-bi-lɔn. Kä bi ji̱ Dha-yɔn wee i̱, ‘A riɛmdä pɛn wi̱i̱ ji̱ Kɛ̈l-da-ya.’ ” Kä ɛ ji̱ Jɛ-ru-tha-lɛm laar jɛ bä.
36
Kä ɛnɔ cu Kuoth Nhial mɛmɛ laar wëë i̱, “Nɛ̈nɛ, ɣän bä yɛ ɣɔr kä riɛkdun, kä bä yɛ cuɔl riɛkdun. Kɛ ɣöö ɣän bä yierɛ jakä do̱n, kä bä lölikɛ jak kä kööt.
37
Kä bi Bɛ̈-bi-lɔn a di̱r kä ti jiäk, kä bi cieŋ ni guɔɔr thi̱n, bɛ cua̱ da̱k mi gääy naath, kä bɛ thil raan.
38
“Kä bikɛ gɔɔr kɛɛl ce̱tkɛ lony. Kä bikɛ määr ce̱tnikɛ kuay lonyni.
39
Kä mi wä wuɔ̱thkiɛn ruëëc, bä kɛ lät kä mi̱eth. Bä kɛ cu jak kä yɔ̱ŋ amäni mi ci lo̱ckiɛn tɛɛth. Kä bikɛ niɛɛn kɛ nien mi /ci kɛ bi keer thi̱n, amäni cäŋ kɛl,” ruac ni ɣän Kuoth Nhial.
40
“Bä kɛ nööŋ ɛ wir wir ce̱tkɛ min la naŋkɛ thääk deet rɔɔmni ti wa ŋuɔ̱t, kä bikɛ ce̱tnikɛ thääk deet rɔɔmni kiɛ böwni ti wa ŋuɔ̱t.
41
“Kä ba Bɛ̈-bi-lɔn ku lɛ däk i̱di, wec in dit buɔ̱mdɛ wi̱i̱ däk muɔ̱ɔ̱n ca ku lɛ i̱di! Kä bi Bɛ̈-bi-lɔn jiääk kä döör ku lɛ pa̱a̱r kɛ ŋu!
42
Ci bäpdiit muak kä Bɛ̈-bi-lɔn, kä cɛ jɛ kuɔ̱m piny kɛ muaŋdɛ min di̱i̱t.
43
Kä bi wi̱i̱kɛ cua̱ ti jiäk ɛlɔ̱ŋ. Kä bi mundɛ kööt ɛ ɣak bɛ la ni därdɔaar. Mun ɛmɔ thilɛ ram mi bi cieŋ thi̱n. Kä /ci raan bi rët kɛ jɛ.
44
Kä bä kuoth Bɛl tɔ̱ŋ kä Bɛ̈-bi-lɔn, bä min cɛ roc wä ka̱m raar ni jicdɛ. /Ci döör rɔ̱ bilɛ nyɔk kɛ wä kä jɛ. Ci käl Bɛ̈-bi-lɔn ku tɛɛth.
45
“Bia raar rɛydɛ, lö nɛɛkä, a ramɔ leny tëkdɛ, kɛ le̱th ŋɛnyä Kuɔth Nhial!
46
A lo̱ckun /ci bath, kä cuarɛ bia̱ böc, kɛ min ca lat rɛy wec, mi wä ruac ben kɛ ruɔ̱n kɛl, kɛ kɔrɛ bi ruac dɔ̱diɛn rɔ nyɔk kɛ ben kɛ ruɔ̱n in dɔ̱diɛn. Kä te ko̱r mi di̱i̱t rɛy wec, gak kuäär ɔ kɛ kuäär ɔ.
47
“Kɛ kui̱c ɛmɔ, nɛ̈nɛ, ni̱n a bëëni, tin bä duäc ni kuth Bɛ̈-bi-lɔn. Kä ba mundɛ ni kɛɛliw moc kɛ buar, kä bi ri̱ŋ nɛɛnikɛ tin ca näk te rɛy duɔ̱pnikɛ.
48
Kä ɛ jɛn, bi pua̱a̱r kɛnɛ piny, kɛ tin diaal tin te rɛydiɛn, cu ki̱et kɛ tɛth lɔaac kɛ kui̱ Bɛ̈-bi-lɔn. Kɛ ɣöö bi da̱a̱kiɛn tin ba kɛ däk ben raar ni kui̱ caam,” ruac ni ɣän Kuoth Nhial.
49
“Bɛ̈-bi-lɔn bɛ pɛ̈ɛ̈n kɛ ɣöö cɛ ji̱ I-thɛ-rɛl näk, ce̱tdɛ nikɛ mëë cɛ lia̱a̱ ji̱ wec muɔ̱ɔ̱n diaal nööŋ, kä bi Bɛ̈-bi-lɔn pɛ̈ɛ̈n inɔ bä.
50
“Yɛn nɛy tin ci kään li̱th, wiaa, /cuarɛ lɛ te cuŋä, wiaa carɛ Kuoth Nhial mi ta̱yɛ nänä. Kä la tiɛtdɛ Jɛ-ru-tha-lɛm kɛ wuɔ̱thkun,
51
‘Ca kɔ moc kɛ buar, liŋ nɛy ni kuëth, ci pöc nyinkɔ diaal kum, kɛ ɣöö ci jur cop, ni gua̱thni tin rɛl gɔɔydiɛn rɔ rɛy luaak Kuɔth Nhial.’
52
“Kä nɛ̈nɛ jɛ, ni̱n a bëëni, tin bä tɔ̱ɔ̱ŋ ni kuthkɛ, kä bi ji̱ buɔ̱ɔ̱tnikɛ diaal lɛckiɛn moth.
53
Cäŋ bi ji̱ Bɛ̈-bi-lɔn kɔt wi̱c pa̱a̱m ni nhial, kä bi kɛ gua̱thkiɛn tin buɔ̱m buɔ̱ɔ̱m jakä bum ɛ tet ni nhial, ŋotdɛ bi da̱a̱k ben kä ɣä, kɛ ɣöö ba jɛ ben däk,” ruac ni ɣän Kuoth Nhial.
54
“Liɛŋɛ wiee Bɛ̈-bi-lɔn! Wiee däkä mi di̱i̱t muun ji̱ Kɛ̈l-da-ya!
55
Kɛ ɣöö Kuoth Nhial, bɛ Bɛ̈-bi-lɔn da̱k piny, bɛ te ni lɔrä. Kä bä ji̱kɛ jak kä bit, kä bi jiööth ji̱ tɛ̈r wuɔ̱w ce̱tnikɛ pi̱w ti ŋuan, bi jiöthkiɛn kac ni nhial.
56
Kɛ ɣöö bi dääk ben kä jɛ, jɛn Bɛ̈-bi-lɔn. Kä ba ji̱ köörɛ käp, kä ba bäärikiɛn töl ni thuɔɔnyni, kɛ ɣöö Kuoth Nhial ɛ Kuoth cuɔ̱t, bɛ kɛ culikä ce̱tnikɛ lätkiɛn.
57
Bä ruëëckiɛn kɛnɛ wutnikiɛn tin pɛl pɛɛl jak kä yɔ̱ŋ kɛ kɔaaŋ. Kua̱r kɛnɛ guɔ̱ɔ̱rkiɛn amäni wutni köör bä, bi kɛn diaal niɛɛn kɛ nien mi /cikɛ bi lɛ keer thi̱n,” ruac ni ɣän Kuäär, min cɔalkɛ ciötdɛ i̱ Kuoth Nhial in la Ruey Ɣɔaa.
58
Kä cu Kuoth Nhial in la Ruey Ɣɔaa ɛ laar ɛn ɣöö, “Ba päny Bɛ̈-bi-lɔn in bäär to̱l kä piny, kä bä thieknikɛ tin ba̱r ba̱a̱r, waŋ kɛ mac. Ci la̱t nath cua̱ ni baŋ, ci buɔ̱m dööri cua̱ ni cuɔ̱c baaŋ.”
59
Mɛmɛ ɛ ruac ëë lät gök ni Yir-mɛ-yaa jɛ Thɛ-ra-yaa gat Ne-ri-yaa gat Mä-the-yaa, mëë cɛ wä kä Bɛ̈-bi-lɔn kɛɛl kɛ kuäär Juda ni Dhid-ki-yaa, kɛ ŋuaan runä ruecädɛ. Thɛ-ra-yaa ɛ bo̱th bunä rɛ̈m.
60
Cu Yir-mɛ-yaa jiäk diaal tëë dee ben kä Bɛ̈-bi-lɔn gɔ̱a̱r rɛy buɔk, kɛn rieet diaal tëë ca gɔ̱r kɛ kui̱ Bɛ̈-bi-lɔn.
61
Kä cu Yir-mɛ-yaa Thɛ-ra-yaa jiök i̱, “Mi wi̱i̱ wä ben kä Bɛ̈-bi-lɔn ŋäc ni jɛ ɛn ɣöö bi riet diaal ti̱ti̱ kuɛn,
62
kä bi wee i̱, ‘Aɣ, Kuoth Nhial, ci ruac kɛ kui̱ gua̱th ɛ mi, ɛn ɣöö bi jɛ ŋuɔk raar kɛ ɣöö thil ɛ mi bi lɛ cieŋ thi̱n. /Ci raan kiɛ ley dɔaar /bi lɛ cieŋ thi̱n, kä bɛ cua̱ gua̱a̱th mi ca päl ni baaŋ.’
63
Mi wi̱i̱ wä thuɔ̱k kɛ kuën warɛgakä mɛmɛ, bi päm cu yian thi̱n, kä bi jɛ cu yuɔr rɛy kiɛɛr Yu-pɛ-ree-tidh.
64
Kä bi cu wee i̱, ‘Bɛ̈-bi-lɔn li̱ŋ ni nɔ, /cɛ rɔ bi nyɔk kɛ jiëc, kɛ kui̱ jiäkni diaal tin bä nöŋ jɛ.’ ” Cu mɛmɛ cua̱ thuɔ̱k ruac Yir-mɛ-yaa.
← Chapter 50
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 52 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52