bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nuer
/
Nuer Bible © Bible Society in South Sudan 1998,2012
/
Jeremiah 52
Jeremiah 52
Nuer Bible © Bible Society in South Sudan 1998,2012
← Chapter 51
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
1
Kä mëë took Dhid-ki-yaa kuäär tëë kɛ run ti jiɛn da̱ŋ rɛw wi̱cdɛ kɛl, kä cuɛ ruëc kä Jɛ-ru-tha-lɛm kɛ run wäl kɛl, kä cɔal kɛ man i̱ Ɣä-mu-tɛ̈l nya Yir-mɛ-yaa kä Lib-na.
2
Kä cuɛ la̱t ni jiäk nhiam Kuɔth Nhial, ce̱tkɛ tëë diaal tëë ci Yɛ-ɣo-ya-kim kɛ la̱t.
3
Kä kɛ ɣöö cu kɛ̈c Kuɔth Nhial ben kä Jɛ-ru-tha-lɛm kɛnɛ Juda, kä cuɛ kɛ woc muun in cieŋ kɛ thi̱n. Kä cu Dhid-ki-yaa rɔ luɔ̱c kuäär Bɛ̈-bi-lɔn.
4
Kä kɛ cäŋ kä wäl kä pay wäl kɛ bäŋuan runi ruecädɛ cu Nɛ-bu-kad-nɛ-dhar Jɛ-ru-tha-lɛm mak kɛ rɛmdɛ kɛɛliw, kä cuɛ jɛ go̱l. Kä cukɛ jɛ ta̱th päny mi göl kɛ jɛ.
5
Cua wec go̱l amäni wäl kɛl ruecä kua̱r ni Dhid-ki-yaa.
6
Kɛ bäŋuan ni̱ni kɛ ŋuaan päthni, cu buɔth di̱t rɛy wec, kä cuɛ thil mi cam naath ɛ.
7
Kä cua päny wec to̱l. Cu kuäär kɛnɛ rɛm kɛɛliw rɔ̱ bar, cu kɛ wä raar rɛy wec kɛ wäär, kɛ duɔ̱p in te kam pa̱nyni da̱ŋ rɛw gekä kakä kua̱r, kä ci ji̱ Kɛ̈l-da-ya wec go̱l. Kä cukɛ wä kɛ kui̱ lo̱o̱lä Jɔr-dɛn.
8
Duundɛ ɣöö, cu rɛm ji̱ Kɛ̈l-da-ya kuäär guɔ̱ɔ̱r. Kä cukɛ Dhid-ki-yaa cop rɛy tɔ̱ɔ̱rä Jɛ-ri-ko. Kä cua rɛmdɛ ni kɛɛliw däkä dɔɔr gekädɛ.
9
Kä cukɛ kuäär käp. Kä cua jɛ nööŋ kuäär Bɛ̈-bi-lɔn kä Rib-laa, muun Ä-math, kä cuɛ jɛ kum kɛ lia̱a̱.
10
Kä cu kuäär Bɛ̈-bi-lɔn gaat Dhid-ki-yaa näk ni nhiamdɛ. Kä cuɛ ruëëc Juda näk bä kä Rib-laa.
11
Cuɛ wäŋ Dhid-ki-yaa lööl raar, kä cuɛ jɛ pua̱t kɛ kuatni. Kä cu kuäär Bɛ̈-bi-lɔn jɛ naŋ kä Bɛ̈-bi-lɔn, kä cuɛ jɛ la̱th luaak yieenä amäni cäŋ li̱ethdɛ.
12
Kɛ cäŋ kä wäl kä pay dhieec (min la wäl bäŋuan runi ruecä Nɛ-bu-kad-nɛ-dhar kuäär Bɛ̈-bi-lɔn), cu Nɛ-bu-dhar-dan raan läätdä kua̱r Bɛ̈-bi-lɔn, mi la bo̱o̱th yiëëni ben kä Jɛ-ru-tha-lɛm.
13
Kä cuɛ luak Kuɔth Nhial kɛnɛ duel kua̱r kɛ ti̱ec Jɛ-ru-tha-lɛm diaal waŋ. Kɛn ti̱ec diaal tin di̱t cuɛ kɛ waŋ.
14
Kä cu rɛm Kɛ̈l-da-ya kɛɛliw in te kɛɛl kɛ bo̱o̱th yiëëni, päny in ca go̱o̱l ni Jɛ-ru-tha-lɛm da̱k piny.
15
Cu Nɛ-bu-dhar-dan bo̱o̱th yiëëni tha̱a̱ŋ nath ti can kɛ duɔth nɛɛni tëë ci duɔth rɛy wec, kɛnɛ duɔth nɛɛni diaal tëë ci wä kä kuäär Bɛ̈-bi-lɔn amäni la̱a̱t diaal kɛɛl, naŋ ala pɛ̈ɛ̈c.
16
Duundɛ ɣöö, cu Nɛ-bu-dhar-dan bo̱o̱th yiëëni tha̱a̱ŋ nɛɛni tin la can ba̱ny piny kɛ ɣöö ba ka̱a̱k lɔ̱ɔ̱ pith.
17
Kä ci ji̱ Kɛ̈l-da-ya riäk yieethä min do̱l in te luaak Kuɔth Nhial, kɛnɛ dhaar puɔɔkä tiath, kä cukɛ yiëëth in do̱l kap kä Bɛ̈-bi-lɔn.
18
Kä cukɛ cuɔ̱ɔ̱k, kɛnɛ lieeri kɛ kueenyni maac kɛ kuak yieethä min do̱l diaal tin lät kɛ naath rɛy luaak Kuɔth ka̱n.
19
Cu mäni kɔ̱ɔ̱li maac, kɛnɛ took tin tɔatni. Kä cuɛ thääk kɛnɛ dha̱a̱ri, kɛ cuuŋni lɛmbärni kɛnɛ thän kɛ kui̱ wa̱l in kurkur, kɛ took kɛ kui̱ mucni naŋ. Cuɛ tin diaal tin la da̱a̱p kɛnɛ tin la ciɛk in bo̱r ka̱n bä.
20
Kä cuɛ yiëëth in do̱l tääthni dhaar puɔɔkä, kɛnɛ wääthni da̱ŋ rɛw, kɛ thääk cikä min bo̱r da̱ŋ wäl rɛw tëë te piny ɔ, kɛ cuɔ̱ɔ̱ŋ tëë ci Thɔ-lo-mon kɛ lät ni luak Kuɔth Nhial a ti /ca luäŋ kɛ thëm.
21
Kä kɛ kui̱ wääthni, bär wääthä kɛl ɛ jua̱th tetni da̱ŋ wäl bädäk. Kä ɣäp ɣääpdɛ ɛ jua̱th tetni da̱ŋ wäl rɛw. Kä dëlɛ ɛ yiɛt da̱ŋ ŋuaan, kä ɣööŋ rɛydɛ.
22
Kä te wi̱cdɛ kɛ kum yieethä min do̱l. Kä bär kumä ɛ jua̱th tetni da̱ŋ dhieec. Kä ca kɛt ce̱tkɛ jɔk jua̱a̱th, kä ca win kɛɛliw kɛ yiëëth in do̱l. Kä cua jɛn ta̱a̱ wääthä min dɔ̱ŋ ɛnɔ bä, ca kɛt ce̱tkɛ jɔk jua̱a̱th.
23
Kä tëë kɛ kɛ̈t ti jiɛn bäŋuan wi̱cdɛ bäkɛl bua̱likɛ. Kä kɛn kɛ̈t diaal kɛ kuɔ̱r kɛl jɔw wääthä min ca la̱t ce̱tkɛ jɔk jua̱a̱th.
24
Kä cu bo̱o̱th yiëëni bo̱o̱th palä min di̱i̱t ni Thɛ-ra-yaa, kɛnɛ bo̱o̱th palä min rɛwdɛ ni Dhɛ-pɛ̈n-yaa, kɛ gueec thuɔk kal da̱ŋ diɔ̱k naŋ ala pɛ̈ɛ̈c.
25
Kä cuɛ raan kɔaar kua̱r min la naath a bo̱o̱th ko̱o̱r, kɛnɛ ji̱ yien kua̱r da̱ŋ bärɔw ti te rɛy wec, kɛ bulkamiin bo̱o̱thä rɛ̈m min la naath a car, kɛ nɛy ti jiɛn bäkɛl ti kɔ̱ŋ ti ca jek rɛy wec naŋ ala pɛ̈ɛ̈c bä.
26
Kä cu Nɛ-bu-dhar-dan kɛn diaal naŋ, cuɛ kɛ ka̱m kuäär Bɛ̈-bi-lɔn kä Rib-laa.
27
Kä cu kuäär Bɛ̈-bi-lɔn kɛ näk kä Rib-laa muun Ä-math. Inɔ cua ji̱ Juda naŋ ala pɛ̈ɛ̈c mundiɛn.
28
Kä cu mɛmɛ a pek nɛɛni tëë ci Nɛ-bu-kad-nɛ-dhar kɛ naŋ ala pɛ̈ɛ̈c. Kɛ ruɔ̱n kä bärɔw cuɛ nɛy ti bathdɔɔri dɔ̱ŋ diɔ̱k wi̱cdɛ jiɛn da̱ŋ rɛw wi̱cdɛ diɔ̱k naŋ kä ji̱ Juudh.
29
Kä kɛ wäl bädäk runi Nɛ-bu-kad-nɛ-dhar, cuɛ nɛy ti kur bädäk wi̱cdɛ jiɛn diɔ̱k wi̱cdɛ rɛw naŋ kä Jɛ-ru-tha-lɛm ala pɛ̈ɛ̈c.
30
Kɛ ruɔ̱n kä jiɛn da̱ŋ rɛw wi̱cdɛ diɔ̱k ruecä Nɛ-bu-kad-nɛ-dhar, cu Nɛ-bu-dhar-dan in la bo̱o̱th yiëëni nɛy ti kur da̱ŋ bärɔw wi̱cdɛ jiɛn da̱ŋ ŋuaan wi̱cdɛ dhieec naŋ ala pɛ̈ɛ̈c. Kɛn nɛy diaal cu kɛ a nɛy ti bathdɔɔri ŋuaan wi̱cdɛ kur bäkɛl.
31
Kɛ cäŋ kä jiɛn da̱ŋ rɛw wi̱cdɛ dhieec kä pay wäl rɛw kɛ ruɔ̱n jiɛn diɔ̱k wi̱cdɛ bärɔw ëë pɛ̈ɛ̈ckɛ Yɛ-ɣo-ya-kin kuäär Juda, mëë took Ɛ-wil-mɛ-ro-dɛ̈k kuäär kä Bɛ̈-bi-lɔn. Cuɛ Yɛ-ɣo-ya-kin kuäär Juda lony, cuɛ nööŋ raar duëël yieenä.
32
Kä cuɛ ruac agɔaa kɛ jɛ, kä cuɛ jɛ ka̱m kɔm mi leny kɔamni kua̱ri tin te kɛɛl kɛ jɛ ni wen kä Bɛ̈-bi-lɔn.
33
Kä cu Yɛ-ɣo-ya-kin bieyni duëël yieenä woc. Kä cuɛ la mi̱thɛ kɛɛl kɛ kuäär ni ciaŋ.
34
Kä la kuäär jɛ a mooc yio̱w ni ciaŋ, rɛy teekädɛ kɛɛliw, amäni cäŋ li̱ethdɛ.
← Chapter 51
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52