bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
1 Samuel 10
1 Samuel 10
nyankole
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 11 →
1
Ebyo ku byahwaire, Samueli yaakwata eihembe, ry'amajuta g'omuoliva, yaagashuka Saulo omu mutwe, yaamunywegyera, yaamugira ati: Mbwenu Nyakubaho tiyaakusiiga amajuta kuba omutegyeki w'abantu be Abaisiraeli? Hati noija kutegyeka abantu be obajune abazigu baabo ababeehinguririize. Kandi aka niko kamanyiso akaraakuhamize ku Nyakubaho yaakutoorana kuba omutegyeki w'abantu be ahabwe.
2
Eri izooba ku orandugyeho, noija kubugana abashaija babiri ahari Zeliza, haihi n'ekituuro kya Rakeeli omu nsi ya Benyamiini. Haza bakugire bati: Endogoya zi obaire noosherura zibonekire. Hati sho takizeemerereza mutima, kureka niiwe agwemerereize naagira ati: Ngire nta ahabw'omwana wangye?
3
Kandi ku oraarugye aho waagumizamu waahika Tabora aha muvule, noija kubugana abashaija bashatu abarikuza Beteli kuramya Ruhanga; omwe aheekire abaana bashatu b'embuzi, ondi atangatsi emigaati eshatu n'ondiijo ahagatiire endyanga ya viino.
4
Nibaija kukutangirira, bakuhe emigaati ebiri, naiwe ogyakiire.
5
Ku oraarugye aho, ogyende, ohikye Gibea aha kibungo kya Ruhanga ahu ekigo ky'Abafilisiti kiri. Reero ku oraabe ori haihi kuhika omu rurembo, noija kubuganwa omutwe gw'abarangi abarikushuuma nibaruga aha itambiro ry'aha kabungo, beebembeirwe abarikuteera ebidongo, n'engoma empuuro n'emikuri n'amagobore, nibaranga.
6
Haza Mutima wa Ruhanga akwijeho n'amaani, naiwe orangye hamwe nabo, ohindukye, obe ondiijo muntu.
7
Ku oraareebe obwo bumanyiso bwabakwo, okore kyona eki orikubaasa; ahabw'okuba Ruhanga naaba ari hamwe naiwe.
8
Mpaho ogyende onyebembeire, oze Giligaali. Naanye nkushangyeyo kutamba ebitambo by'okucwetsya, n'ebindi ebi abantu baraatambe beekundiire. Omare ebiro mushanju otegyereize, okuhitsya obu ndaakuhikye, nkakuhabura eki oraakore.
9
Saulo ku yaateire ati Samueli amabega naamurugaho, Ruhanga yaamuhindura omutima, obumanyiso obwo bwona bwabakwo eryo izooba.
10
Ku baahikire Gibea, ahonaaho omutwe gw'abarangi gwamubugana, na Mutima wa Ruhanga yaamwijaho n'amaani, yaaragura nabo.
11
Boona abaabaire nibamumanya, ku baamureebire naaragura n'abarangi, baabuuzana bati. Beitu mwene Kiishi abaire ata? Saulo nawe abaire omurangi?
12
Omushaija owaabaire atwire aho yaabagarukamu naabuuza ati: Mbwenu abo ni beene oha? Okwiha obwo baakicwa enfumu bati: Saulo nawe abaire omurangi?
13
Saulo ku yaaherize kuragura, yaaza aha itambiro ry'aha kabungo.
14
Reero ishento yaamubuuza hamwe n'omwiru we ati. Mubaire mugiire hi? Saulo yaamugarukamu ati: Tubaire tugiire kusherura endogoya, ku tureebire zitaaboneka twaza owa Samueli.
15
Ishento amugira ati: Nyaabura iwe, ngambira ebi Samueli akugambiire.
16
Saulo nawe agira ishento ati: Atugambiriire kimwe ku endogoya zibonekire. Kwonka tagira ki yaamugambira aha bikwatiraine n'obugabe, ebi Samueli agambire.
17
Ago magingo Samueli ayeta abantu kuteeranira Mizipa omu maisho ga Nyakubaho.
18
Agambira Abaisiraeli ati: Mukama Ruhanga wa Isiraeli naagira ati: Imwe Baisiraeli 'mwe, nkabaiha Misiri, naabatambira okutegyekwa Abanyamisiri n'amahanga goona agaabaire nigabaita kubi.
19
Kwonka eri izooba mwayanga Ruhanga waanyu obajuna akagwe koona akabatambira enaku. Mwagira muti: Ngaaha, kureka otehe omugabe w'okututegyeka! Mbwenu nu, nimuze omu maisho ga Nyakubaho muri omu nganda zaanyu n'omu miryango yaanyu.
20
Samueli atyo airiza haihi enganda zoona, enteenyu ekwata orwa Benyamiini.
21
Kandi airiza haihi ab'oruganda rwa Benyamiini, nk'oku emiryango yaabo eri, enteenyu ekwata ogwa beene Matiri. Bwanyima airiza haihi ab'omuryango gwa beene Matiri, omuntu omwe-omwe, enteenyu ekwata Saulo mutabani wa Kiishi, kwonka ku bamusherura, abura.
22
Batyo bagaruka babuuza Mukama bati: Ebyo ogwo muntu yaija aha? Nyakubaho abagira ati: Reeba, ayesherekire omu bintu.
23
Nabo bairuka, bamwihayo. Ku abeemereramu, boona abakira aha mutwe, bamugarukira aha ibega.
24
Na Samueli agambira abantu boona ati: Nimureebe ou Nyakubaho atooraine. Tihariho ori nkawe omu bantu boona. Mpaho abantu bateera akaari bati: Karamaare Nyakusinga!
25
Ebyo ku byahwaire, Samueli yaashoboororera abantu eby'emitwarize y'omugabe n'emirimo ye, yaabihandiika omu kitabo, yaakita omu mwanya ogurikwera. Bwanyima Samueli yaaragiira abantu boona kugyenda, buri omwe kutaaha owe.
26
Na Saulo yaaza owe Gibea aine abashaija amamanzi abu Ruhanga yaateire omuhimbo.
27
Kwonka haabaho abashaija ebifiire, baagira bati: Oru rushaija nirubaasa ruta kutujuna? Baamugaya, baayanga kumutoijera. Haza we yaayehunamira.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
Recommended Reading
Commentary
1 Samuel Commentaries
→
Devotional
1 Samuel Devotional Guide
→
Get This Bible
nyankole Study Bible
→