bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
1 Samuel 3
1 Samuel 3
nyankole
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 4 →
1
Omwojo Samueli akaba naahereza Nyakubaho, naarebererwa Eeli. Kandi ebiro ebyo Nyakubaho akaba atahimbisa kugamba na bantu nari kubabonekyera.
2
Omu bunaku obwo amaisho ga Eeli gakaba gaagiirweho oruho, atarikubaasa kuhweza. Mbwenu ku yaabaire abyami omu mwanya gwe nyekiro,
3
etabaaza ya Ruhanga etakaraire, na Samueli abyami omuri Nyaruju ya Nyakubaho ahu eshanduukye ya Ruhanga eri;
4
Nyakubaho yaayeta ati: Samueli, Samueli! N'onu yaayetaba ati: Ndi aha!
5
Yairuka, yaahika Eeli, yaamugira ati: Ndi aha, ahabw'okuba waanyeta. N'onu amugira ati: Tinaakweta, garukayo obyame. Atyo agyenda, abyama.
6
Nyakubaho agaruka amweta ati: Samueli, Samueli! Samueli, aimuka agyenda, ahika Eeli, amugira ati: Ndi aha, ahabw'okuba waanyeta. Onu amugarukamu ati: Mwana wangye tinaakweta, garukayo obyame.
7
Obwo Samueli akaba atakamanyire ku ari Nyakubaho, ahabw'okuba akaba atakagambaga nawe.
8
Kandi Nyakubaho yaayeta Samueli omurundi gwa kashatu. N'onu yaimuka, yaagyenda, yaahika Eeli, yaamugira ati: Ndi aha, ahabw'okuba waanyeta. Obwo Eeli amanya ku Nyakubaho, niwe arikweta ogwo mwojo.
9
Eeli nikwo kugira Samueli ati: Irooko obyame. Ku araakwete, ogire oti: Gamba Mukama wangye, nyowe omwiru waawe nkuhuriire.
10
Na Nyakubaho aija, ayemerera aho ayeta nk'okwe ati: Samueli, Samueli! Samueli amwetaba ati: Gamba; ahabw'okuba nyowe omwiru waawe nkuhuriire.
11
Mpaho Nyakubaho amugira ati: Reeba, niinyija kukora ekikoro omuri Isiraeli, oraakihurire weena amatu ge gateere enduuru.
12
Aha izooba eryo niinyija kuhikiiriza byona ebi naagambire ahari Eeli, ebikwatiraine n'ab'eka ye, okwiha aha kutandika okuhitsya aha muheru.
13
Kandi omugambire ku ndi haihi kuha eka ye ekifubiro ky'ebiro byona ahabw'ekibi ki yaamanyire, eky'abatabani kuncumuraho Nyowe Ruhanga, atabahane.
14
N'ahabw'ekyo ndahiriire ab'eka ya Eeli, ku ekibi kyabo kitarikarabirirwa kitambo, nobu kwakuba okuhongyererwa.
15
Mpaho Samueli abyama. Ku bwaseesire yaigura enyigi z'enju ya Mukama, kandi yaatiina kugambira Eeli ebi ayorekirwe.
16
Eeli nikwo kumweta akamugira ati: Mwana wangye Samueli. N'onu akamwetaba ati: Ndi aha.
17
Eeli amubuuza ati: Mukama akugambiire ki? Nyaabura 'we, otakinshereka. Ku oraagire eki wanshereka omu bi akugambiire byona, Ruhanga akikuheere ekifubiro kihango n'okukiraho.
18
Samueli atyo amugambira byona ataine ki amusherekire. Eeli agira ati: Ni Nyakubaho, k'akore eki arikusiima!
19
Samueli akura, Nyakubaho aguma nawe kandi tareka kigambo kye na kimwe kufa busha.
20
Abaisiraeli boona okwiha Daani okuhitsya Beerisheba baamanya ku Samueli ahamiibwe kuba omurangi wa Nyakubaho.
21
Nyakubaho aguma naabonekyera omuri Shiilo, ei yaayeyorekyeire Samueli, akagamba nawe, kandi ebi Samueli yaabaire agamba, Abaisiraeli babitega okutu.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31