bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
1 Samuel 19
1 Samuel 19
nyankole
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 20 →
1
Saulo agambira omutabani Yonataani n'abagaragwa be boona ku arikwenda kwita Daudi. Kwonka Yonataani mwene Saulo akaba naakunda Daudi munonga.
2
Yonataani nikwo kumanyisa Daudi ati: Tata Saulo naayenda kukwita! N'ahabw'ekyo nyencakare omu kasheeshe oyerinde, oyesherekye omu mwanya gwekiikire, ogumeyo.
3
Naanye niinyija kushohora nshendekyereize, nshangye tata omu ishwa, ahu oraabe ori, mmugambire ebyawe. Ku ndaagire eki naamanya, niinyija kukikugambira.
4
Yonataani atyo agamba gye Daudi, naamugambira Saulo ishe. Amugira ati: Nyakusinga omugabe, otagira ekibi ki waakora aha mwiru waawe Daudi, ahabw'okuba takakucumurahoga, kandi ebi akora naakuheereza ni birungi.
5
Reeba, akooga amagara, yaita Omufilisiti, Nyakubaho yaaha Isiraeli yoona obusinguzi buhango. Ekyo naiwe okakyereebera, waashemererwa. Mbwenu nooyenda kukorera ki kubi, kusheesha eshagama y'otaine rubanja, kwitira busha Daudi?
6
Saulo aikiriza ebi Yonataani yaamugambira, arahira ati: Nindahira Nyakubaho, Daudi tarikwija kwitwa.
7
Bwanyima Yonataani ayeta Daudi, amugambira ebyo byona. Ebyo ku bihwa, amutwarira Saulo, Daudi aguma naamuheereza nk'obunyakare.
8
Hakagaruka haabaho orundi rugamba, Daudi yaahurura, yaarwanisa Abafilisiti, yaabaitamu abantu baingi, baamuhunga.
9
Reero omutima mubi ogwohereziibwa Nyakubaho gwaija ahari Saulo ashutami omu nju ye, akwaitse eicumu, Daudi naamuteerera enanga.
10
Saulo yaateeraho kurekyera Daudi eicumu, ngu rimwogyemu, rikwate ekisiika. Kwonka onu yaaryeshumba, Saulo yaariteera ekisiika. Daudi yaahunga, yaakira.
11
Ekyo kiro Saulo yaayohereza entumwa kuraara zirinzire enju ya Daudi, ngu abone kumwita bwasheesha. Kwonka Mikaali muka Daudi yaamugira ati: Ku oraabe otahungize magara gaawe eki kiro, nyencakare nibakwita.
12
Mikaali atyo arabya Daudi omu dirisa, n'onu ahunga, akira.
13
Reero Mikaali yaihayo ekishushani ky'omu ndaaro, yaakita aha kitanda, yaakishegura omushego gw'obwoshe bw'embuzi, yaakishweka emyenda.
14
Saulo ku yaayohereize entumwa z'okukwata Daudi, Mikaali yaazigira ati: Arwaire.
15
Saulo atyo ayohereza ezindi ntumwa kureeba Daudi, naaziragiira ati: Mumuheekye aha kitanda, mumundeetere mwite.
16
Entumwa ku zaataahire omu nju, zaashanga ekishushani nikyo kibyami aha kitanda kyeshegwire omushego gw'obwoshe bw'embuzi.
17
Bwanyima Saulo yaahaahuuza Mikaali ati: Ekikumbeiheise otyo ni ki, okareka omuzigu wangye akagyenda, akakiza amagara? Mikaali amugarukamu ati: Angizire ati: Ka ngyende; mbwenu nkwitire ki?
18
Daudi ku yaacwire, yaahunga, yaaza Raama owa Samueli, yaamuteekyerereza oku Saulo amugizire kwona. Mpaho we na Samueli baaza Nayoti, baagumayo.
19
Reero abantu baagambira Saulo bati: Reeba, Daudi ari Nayoti omuri Raama.
20
Saulo nikwo kutuma ab'okukwata Daudi. Kwonka ku baareebire omutwe gw'abarangi niguragura, na Samueli abeemereiremu ari mukuru waabo, Mutima wa Ruhanga yaijura entumwa za Saulo, nazo zaaragura.
21
Ku baakigambiire Saulo, yaayoherezayo ezindi ntumwa, haza nazo zaaragura. Saulo nikwo kutuma ezindi ntumwa omurundi gwa kashatu, nazo zikaragura.
22
Bwanyima Saulo nikwo kuyeimukira kuza Raama. Ku yaahikire aha iziba rihango ery'omu Seku, yaabuuza ati: Samueli na Daudi barahi? Baamugarukamu bati: Manya bari Nayoti omuri Raama.
23
Atyo arugayo kuza Nayoti ey'omuri Raama. Ku yaabaire naakigyenda, Mutima wa Ruhanga nawe yaamwijura, yaaragura, okuhitsya obu yaahikire Nayoti omuri Raama.
24
Mpaho yaajuura ebi ajwaire, yaaragurira omu maisho ga Samueli, yaamara eizooba ryona n'ekiro kyona arambiire, ajwaire busha. Nikyo bagirira bati: Saulo nawe ari omu barangi.
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
Recommended Reading
Commentary
1 Samuel Commentaries
→
Devotional
1 Samuel Devotional Guide
→
Get This Bible
nyankole Study Bible
→