1 Samuel 31

nyankole

← Chapter 30 Jump to:

1Abafilisiti bakarwanisa Abaisiraeli, Abaisiraeli baabahunga, Abafilisiti baabaitira omu rushozi rwa Giliboa.

2Kandi Abafilisiti baahambya Saulo n'abatabani, baita Yonataani na Abinadabu na Malikishua, batabani ba Saulo.

3Orugamba Saulo rwamuremesa. Abarasi baamugwaho, baamuhutaaza munonga.

4Saulo nikwo kugira omukwatsi w'eby'okurwanisa bye ati: Syorayo rurara yaawe ogincumitise; abo batashazirwe batakaija, bakancumita, bakanshungisa. Kwonka omukwatsi w'eby'okurwanisa bye kimugumira, ahabw'okuba akatiina munonga. Saulo nikwo kukwata rurara ye ahabwe, akagyetungaho.

5Omukwatsi w'eby'okurwanisa bye ku yaareebire Saulo yaafa, nawe yaayetunga ahari rurara ye, bombi baafa.

6Saulo yaafa atyo n'abatabani bonshatu n'omukwatsi w'eby'okurwanisa bye n'abashaija be. Boona baafa eizooba rimwe.

7Abaisiraeli abaabaire bari seeri y'oruhanga, n'abaabaire bari seeri ya Yorudaani, ku baareebire Abaisiraeli baahunga, na Saulo n'abatabani baafa, baaruga omu ndembo zaabo, baahunga; Abafilisiti baija, baazituuramu.

8Omu kasheeshe kaakuratsireho, Abafilisiti ku baizire kucwijura abu baitsire, baashanga Saulo n'abatabani bonshatu bagwire omu rushozi rwa Giliboa.

9Baamutemaho omutwe, baamucwijura eby'okurwanisa; kandi baayohereza entumwa omu nsi y'Abafilisiti yoona kubuzya enkuru nungi omu ndaaro z'ebishushani byabo ebirikuramibwa, n'omu bantu.

10Eby'okurwanisa bye baabita omu ndaaro ya Ashitarooti, n'omutumbi gwe baaguhanika aha rugo rwa Betishani.

11Abatuuzi b'omuri Yabeshi-Gileadi ku baahuriire oku Abafilisiti bagizire Saulo,

12abashaija baayo boona amamanzi baimuka, baagyenda ekiro kyona, baahanura aha rugo rwa Betishani omutumbi gwe n'ey'abatabani, baagaruka Yabeshi. Ku baagihikizeyo, baagyotsya.

13Bwanyima baatwara amagufa gaabo, baagaziika Yabeshi ahansi y'omunyinya; kandi baamara ebiro mushanju nibeesiibyakwo.

← Chapter 30 Jump to:

Recommended Reading

Commentary 1 Samuel Commentaries → Devotional 1 Samuel Devotional Guide → Get This Bible nyankole Study Bible →