bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
1 Samuel 23
1 Samuel 23
nyankole
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 24 →
1
Mbwenu bagambira Daudi bati: Reeba, Abafilisiti bateire Abaakeila kandi nibanyaga engano z'aha mbuga zaabo.
2
Daudi nikwo kwehanuuza ahari Nyakubaho ati: Mpurure nteere aba Bafilisiti? Nyakubaho amugarukamu ati: Irooko obateere, ojune Abaakeila.
3
Kwonka engabo za Daudi zimugira ziti: Mbwenu ku turaabe nitutiina turi omuri Yuda, kaashwa ku turaaze Keila kurwanisa amahe g'Abafilisiti?
4
Daudi agaruka ayehanuuza ahari Nyakubaho. Nawe amugarukamu ati: Imuka, oze Keila, ahabw'okuba niinyija kukurekurira Abafilisiti, obasingure.
5
Mpaho Daudi n'engabo ze bahurura baza Keila, barwana n'Abafilisiti; banyaga ente zaabo, babaitamu abantu baingi munonga. Daudi ajuna atyo abatuuzi ba Keila.
6
Obu Abiyataari mwene Ahimeleki yaahungira ahari Daudi ari Keila, akaija aine efodi omu ngaro.
7
Mbwenu ku baagambiire Saulo ngu Daudi aizire Keila, Saulo yaagira ati: Ruhanga yaamundekurira, ahabw'okuba ataahire omu rurembo orwine amarembo garikukingisibwa empimbi, yaayekingiranamu.
8
Saulo atyo ahuruza abantu boona kuza Keila bakagota Daudi n'engabo ze.
9
Daudi ku yaamanyire ngu Saulo amucumiire enaama y'okumurwanisa, yaagambira Abiyataari omuhongyerezi ati: Reeta efodi.
10
Reero Daudi yaayehanuuza ahari Nyakubaho ati: Ai Mukama Ruhanga wa Isiraeli, nyowe omwiru waawe, buzimazima mpuriire ku Saulo arikwenda kwija Keila, kucwekyereza orurembo naaruntura.
11
Mbwenu Abanyakeila nibaija kumundekurira? Kandi Saulo naija kwija, nk'oku nyowe omwiru waawe nkihuriire? Ai Mukama Ruhanga wa Isiraeli, nyowe omuheereza waawe ninkweshengyereza, okingambire. Mukama amugarukamu ati: Eego! Naija kwija.
12
Daudi ayongyera amubuuza ati: Abanyakeila, nyowe n'engabo zangye nibaija kuturekurira Saulo? Nyakubaho amugira ati: Eego! Nibaija kumubarekurira.
13
Daudi n'abashaija be nka magana mukaaga nikwo kwimuka, bakaruga Keila, bakaza ahi baabaasize kuhungira. Na Saulo ku yaahuriire ngu Daudi acwire yaaruga Keila, yaareka kuhurura.
14
Daudi yaaguma ayesherekire omu bigo by'omu ihamba, omu nsi y'ebibungo ebihereraine na Ziifu. Saulo yaaguma naamuhiiga buri izooba, kwonka Ruhanga tiyaamumurekurira.
15
Daudi ku yaamanyire ngu Saulo naamuhiiga kumwita, yaaguma Horeshi omu ihamba rya Ziifu.
16
Yonataani mutabani wa Saulo yaimuka, yaashanga Daudi Horeshi, yaamuhamiza ku Ruhanga arikumurinda.
17
Yaamugira ati: Otatiina, Saulo tata tarikwija kugira eki yaakukoraho. Niiwe oraabe omugabe wa Isiraeli, okata aha mutwe, naanye nkata aha ibega. Ekyo Saulo tata nawe naakimanya.
18
Batyo bombi baaragaanira omu maisho ga Nyakubaho. Daudi yaaguma Horeshi, na Yonataani yaagaruka omuka.
19
Bwanyima Abaaziifu baagyenda, baashanga Saulo Gibea, baamugira bati: Reeba, Daudi atwesherekiremu omu bigo bya Horeshi, omu kibungo kya Hakiila eky'aha bukiizi-bwa-buryo bwa Yeshimooni.
20
Mbwenu Nyakusinga, shuuma, oyemare ekikuri aha mutima. Itwe ekyaitu n'okumukuta omu ngaro, iwe omugabe.
21
Saulo abagarukamu ati: Nk'oku mwangirira esaasi, Nyakubaho abahe omugisha.
22
Mbwenu nimwirooko, mwongyere kwetegyereza mumanye, kandi mureebe ahu ayesherekire, n'omureebire; ahabw'okuba bangambiire ku ari omunyabwengye munonga.
23
N'ahabw'ekyo mureebe, kandi mwetegyereze emyanya yoona ei ayesherekamu. Haza mugarukye mungambire ekihamire. Obwo nibwo ndaagyende naimwe. Reero ku araabe ari omuri ekyo kyanga, niinyija kumusherura omu nkumi n'enkumi z'Abaayuda.
24
Nabo baimuka, baaza Ziifu kutangayo Saulo. Obwo Daudi n'engabo ze bakaba bari omu ihamba rya Maoni omuri Araba aha bukiizi-bwa-buryo bwa Yeshimooni.
25
Saulo n'abashaija be baaza kumusherura. Abantu ku baakigambiire Daudi, yaagyenda yaahika aha rukiri rw'omu ihamba rya Maoni.
26
Saulo yaareeterwa aha rubaju rumwe rw'orushozi, Daudi n'abantu be baareeterwa aha rundi; obwo Daudi nairuka kuhunga Saulo, ahabw'okuba Saulo n'engabo ze bakaba nibafundiriza Daudi n'abashaija be kubakwata.
27
Ago magingo entumwa yaija ahari Saulo yaamugira eti: Rahuka oije, ahabw'okuba Abafilisiti baateera ensi.
28
Saulo nikwo kugarukayo akarereera kugumizamu abingire Daudi, akaza kurwana n'Abafilisiti. Nikyo ogwo mwanya baagweteire Selahamalekooti.
29
Daudi ku yaarugire aho, yaagyenda, yaaguma ayesherekire omu bigo bya Engedi.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
Recommended Reading
Commentary
1 Samuel Commentaries
→
Devotional
1 Samuel Devotional Guide
→
Get This Bible
nyankole Study Bible
→