bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
1 Samuel 16
1 Samuel 16
nyankole
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 17 →
1
Nyakubaho akagambira Samueli ati: Oryahitsya hi okusaasibwa Saulo; haza Nyowe mmwangire kuba omugabe wa Isiraeli? Mbwenu ijuza eihembe ryawe amajuta g'omuoliva, oije nkutume ahari Yese owa Beetelehemu; ahabw'okuba omu batabani nimwo nyetooraniire omugabe.
2
Samueli amubuuza ati: Nimbaasa nta kuzayo? Saulo ka naakihurira akaanyita. Nyakubaho amugarukamu ati: Twara enyana ogire oti: Naija kutambira Nyakubaho ekitambo.
3
Haza oyete Yese aije ahari ekyo kitambo. Naanye niinyija kukumanyisa eki oraakore, onsiigire amajuta ou ndaakugambire.
4
Samueli akora nk'oku Nyakubaho yaamuragiira, aija Beetelehemu. Bakuru b'orurembo baija kumubugana nibatetema, bamubuuza bati: Beitu waahuutwa ki? Ni buhooro?
5
Nawe abagira ati: Ni buhooro! Naija kutambira Nyakubaho ekitambo. Mbwenu nimweyeze, mwije tugyendane aha kitambo. Reero ahaasirira Yese n'abatabani, abeeta kwija aha kitambo.
6
Ku bahikayo, areeba Eliyaabu ateekateeka ati: Buzimazima ou Nyakubaho arikwenda ngu asiigwe amajuta, niwe ogu ori omu maisho ge.
7
Kwonka Nyakubaho amugira ati: Otareebera aha nshusha ye, nari aha kyemerero kye; ahabw'okuba tiwe ndikwenda. Manya Nyakubaho tareeba nk'oku abantu bareeba. Bo bareeba oku omuntu arikushusha aharuguru, kwonka Nyakubaho areeba omutima.
8
Mpaho Yese ayeta Abinadabu, amurabya omu maisho ga Samueli. Onu agira ati: N'ogu tiwe Nyakubaho atooraine.
9
Reero Yese arabyaho Shaama. Nabwo agira ati: N'ogu tiwe Nyakubaho atooraine.
10
Yese atyo arabya omu maisho ga Samueli abatabani mushanju. Omuri aba tihabamu ou Nyakubaho atooraine.
11
Samueli abuuza Yese ati: Batabani baawe boona bari aha? Onu amugarukamu ati: Haatsigarayo omuto, kwonka ariisize entaama. Samueli agira Yese ati: Tuma abantu bamureete, ahabw'okuba titurikwija kushutama atakaizire.
12
N'onu atuma, bamureeta. Ogwo mwojo akaba naayera, aine amaisho marungi, kandi anyetsire gye. Nyakubaho agira Samueli ati: Imuka omusiigye amajuta. Niwe ogwo.
13
Samueli akwata eihembe ry'amajuta g'omuoliva, agamusiigira omu maisho ga beene ishe. Okwiha obwo Mutima wa Nyakubaho aija ahari Daudi n'amaani, amugumamu. Ebyo ku byahwaire, Samueli yaimuka, yaagaruka Raama.
14
Mutima wa Nyakubaho ku yaarugire ahari Saulo, omutima mubi ogwayohereziibwe Nyakubaho gwaguma nigumwita kubi.
15
Abaheereza ba Saulo baamugira bati: Reeba, omutima mubi ogwohereziibwe Ruhanga nigukwita kubi.
16
Mbwenu Nyakusinga, itwe abairu baawe abarikukuheereza, oturagiire tukusherurire omuntu orikumanya kuteera gye enanga. Omutima mubi ogwohereziibwe Ruhanga ku guraagume gwakuzamu, agikuteerere, obe gye.
17
Saulo atyo agambira abaheereza be ati: Nimunsherurire omuntu orikuteera gye enanga, mumundeetere.
18
Omutsigazi omwe omuribo agira ati: Nyowe ndeebire mutabani wa Yese owa Beetelehemu naamanya kuteera gye enanga. N'omushaija emanzi, enkwata-ngabo, otarikugambira eryo, omuntu murungi omu kureebwa, kandi Nyakubaho ari hamwe nawe.
19
Saulo nikwo kutuma entumwa ahari Yese naamugira ati: Ntwekyera mutabani waawe Daudi, orikuriisa entaama.
20
Yese atyo areeta endogoya, agyekoreza emigaati n'endyanga ya viino n'omwana gw'embuzi, abiha omutabani Daudi kubitwarira Saulo.
21
Daudi ku yaahikire Saulo, yaatandika kumugaragira, Saulo yaamukunda okutakareebwaga, yaamuhindura omukwatsi w'eby'okurwanisa bye.
22
Saulo yaatuma ahari Yese ati: Ikiriza Daudi agume aha n'ampeereza, ahabw'okuba ambeereire omushongore.
23
Mbwenu omutima mubi ogwohereziibwe Ruhanga ku gwabaire guza omuri Saulo, Daudi aihayo enanga agiteera, Saulo aikaikana, aba gye, omutima mubi gumurugaho.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
Recommended Reading
Commentary
1 Samuel Commentaries
→
Devotional
1 Samuel Devotional Guide
→
Get This Bible
nyankole Study Bible
→