bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
1 Samuel 25
1 Samuel 25
nyankole
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 26 →
1
Ebiro ku byahingwireho, Samueli yaafa. Abaisiraeli boona baateeranira hamwe, baamucurira, baamuziika owe Raama. Ebyo ku byahwaire, Daudi yaimuka, yaaza omu ihamba rya Parani.
2
Omuri Maoni hakaba harimu omushaija ou emirimo ye y'okumutunga yaabaire eri Karumeeli. Ogwo mushaija akaba ari omutungi rugambwa, aine entaama enkumi ishatu n'embuzi rukumi. Akaba naashara ebyoya by'entaama ze Karumeeli.
3
Ogwo mushaija akaba naayetwa Nabali, n'omukazi we naayetwa Abigaili. Ogwo mukazi akaba ari omuntu orikwetegyereza, kandi murungi kureebwa, kwonka, iba ari omunyamwaga, kandi ow'emicwe mibi. Akaba ari ow'omuryango gwa Kalebu.
4
Daudi ku yaabaire ari omu ihamba, yaahurira ngu Nabali naashara entaama ze ebyoya.
5
Daudi nikwo kutuma abatsigazi ikumi, akabagira ati: Mwinamukye Karumeeli, muze owa Nabali, mumundamukize.
6
Haza omu kumuramutsya, mumugire muti: Kagire obusingye, ab'eka yaawe nibakagire obusingye, n'ebi otungire nibikagire obusingye.
7
Mpuriire ku oine abarikushara entaama ebyoya. Mbwenu abashumba baawe tubaire tubaine, titwine ki tubaitsize, kandi omwanya gwona ogu bamazire Karumeeli tibaine ki babuzire.
8
Na mbwenu buuza abatsigazi baawe, nibaija kukugambira. Naiwe nu, girira abatsigazi bangye embabazi, ahabw'okuba twaija kunu aha izooba ry'obugyenyi. Naakweshengyereza eki oraabe oine kyona okimpeere abairu baawe abo, naanye omwana waawe Daudi.
9
Abatsigazi ba Daudi ku baahikireyo byona baabigambira Nabali, nk'oku Daudi yaabibatumire, reero baategyereza.
10
Bwanyima Nabali yaagarukamu abagaragwa ba Daudi ati: Daudi niwe oha? Na mwene Yese niwe oha? Reeba, ebiro ebi hariho abahuuku baingi abarikucwa ahari bakama baabo.
11
Mbwenu nkirize ebyokurya byangye n'amaizi gangye n'enyama y'amatungo gu mbaagiire abashazi bangye b'ebyoya by'entaama, mbihe abantu bu ntarikumanya ei barikuruga?
12
Abatsigazi ba Daudi nikwo kukuba bakagarukayo, byona bakabimuteekyerereza.
13
Daudi agira engabo ze ati: Buri mushaija ahagatire rurara ye. Nabo buri muntu yaahagatira rurara; na Daudi yaahagatira eye. Abashaija nka magana ana baagyenda bamukuratiire. Abandi magana abiri baatsigara aha bintu.
14
Omwe omu batsigazi agambira Abigaili muka Nabali ati: Reeba Daudi atumire entumwa, zaaruga omu ihamba kuramutsya mukama waitu, kwonka we yaazijuma.
15
Haza abo bashaija bakatubeera efura, tibaine ki baatwitsize, kandi titwine ki twakyenire omwanya gwona ogu twamazire nabo omu ishwa.
16
Ebiro bi twamazire nabo nituriisa entaama bakatubeera orugo rw'okuturinda nyomushana na nyekiro.
17
N'ahabw'ekyo okimanye oreebe eki oraakore, ahabw'okuba bo bamaririire kukora kubi mukama waitu n'ab'eka ye boona, kandi omuntu w'emicwe mibi nk'ogu, tihaine orikwemera kugamba nawe.
18
Abigaili atyo akoresa obwira, aihayo emigaati magana abiri n'endyanga ibiri za viino, n'enyama z'entaama itaano zookize, n'encuro itaano z'engano zikarangire, n'emigimba igana y'emizaabibu eyomire, n'embumburi magana abiri z'ebijuma by'emitiini, abita aha ndogoya.
19
Agambira abatsigazi be ati: Mugyende muunyebembeire, reeba naanye mbakuratiire. Kwonka takigambira Nabali iba.
20
Mbwenu ku yaabaire ari aha ndogoya naashuuma omu rukiizi rw'enshozi, yaareeba Daudi n'engabo ze nibamwizira; yaababugana.
21
Obwo Daudi akaba ayefuurize naagira ati: Buzimazima mpendekyeire busha kurinda ebintu by'ekyo kishaija byona, ebi kibaire kiine omu ihamba, hatagire na kimwe omu bi kitungire ekyabura. Mbwenu yanzimuurira ebibi ahabw'ebirungi bi mmukoreire.
22
Nyowe Daudi ku ndaahitsye omu kasheeshe ntakaitsire omuntu weena oyetwa omushaija, Ruhanga anyite.
23
Abigaili ku yaareebire Daudi, yaabakuka kuruga aha mbaraasi yaayenaga omu maisho ga Daudi, yaajuumara.
24
Yaamugwa omu maguru yaamweshengyereza ati: Mukama wangye, ekyo kicumuro obe niinye waakitura. Ninkweshengyereza, ikiriza nyowe omuzaana waawe ngire eki naakugambira, ohurire ebi ndaagambe.
25
Mukama wangye, reka kuta omutima ahari Nabali, ekishaija ky'emicwe mibi. Manya nk'oku eiziina rye riri, nawe nikwo ari. Nk'oku arikwetwa Nabali, nikwo obushema bumwijwire. Kwonka mukama wangye, nyowe omuzaana waawe abatsigazi bu waatumire tindabareebire.
26
Mbwenu, mukama wangye, nindahira Nyakubaho, kandi buso bwawe, nk'oku Nyakubaho akukirize okugwerwa orubanja rw'okusheesha eshagama, akakuzibira kwehoorera enzigu, reka abazigu baawe n'abandi boona abarikwenda kukukora kubi, mukama wangye, bagwerwe akagwe akarigwera Nabali.
27
Hati mukama wangye, nyowe omuzaana waawe ninkweshengyereza, oikirize ebi biconco bi naakutoijera, obigabire abatsigazi baawe abakugaragira.
28
Kandi ninkweshengyereza nyowe omuzaana waawe, onsaasire eki ncumwire. Manya, iwe mukama wangye, Nyakubaho tarikwija kubura kukwombekyera eka ehamire, ahabw'okuba noomurwanira engamba. Nikyo omu magara gaawe hatarigirira kibi ki baakureebamu.
29
Abantu ku bariimukiirira baakuhiiga nibenda kukwita, Mukama Ruhanga waawe aryarinda amagara gaawe gakomeirwe omu mutwaro gw'abahuriire, haza ag'abazigu baawe agajugute, nk'oku barekyera enjungu.
30
Reero Nyakubaho, iwe mukama wangye, ku arihikiiriza ebirungi bi yaakugambireho, yaakuhindura omutegyeki wa Isiraeli,
31
obwo mukama wangye torigira kyakureetera obujune, nari ekyakwefuuzisa, ngu osheesheire busha eshagama y'omuntu, nari ngu oyehooreire enzigu.
32
Daudi akagarukamu Abigaili ati: Mukama Ruhanga wa Isiraeli owaakwohereza kumbugana eri izooba naakasingye!
33
Osingizibwe ahabw'obwengye bwawe, kandi osiimwe ahabw'okunzibira eri izooba kugiibwaho orubanja rw'okusheesha eshagama, nkeehoorera enzigu.
34
Ninkurahira Mukama Ruhanga wa Isiraeli owanzibira kukukora kubi. Kuri noogira ngu tiwaarahuka kumbugana, buzimazima bwaba nibwija kusheesha hatakiriho ekyeetwa omushaija omu bantu ba Nabali.
35
Mpaho Daudi ayakiira ebi ogwo mukazi yaamureetera, amugira ati: Yetaahire owaanyu n'obusingye. Reeba naahurira ebi wangambira kandi naikiriza eki wanshaba.
36
Abigaili atyo agarukayo owa Nabali, amushanga aine obugyenyi omuka nk'obw'omugabe, naayesiima. Ahabw'okushangwa asinzire munonga, Abigaili tagira ki amugambira, okuhitsya obu bwaseesire.
37
Reero omu kasheeshe, Nabali ku yaasinduukire, omukazi we yaamuteekyerereza ebyo byona. Onu yaagwa enshazi, yaakookoota, yaaba nk'ekiti.
38
Ku haahingwireho ebiro nka ikumi, Mukama yaamurangura, yaafa.
39
Daudi ku yaahuriire ngu Nabali afiire, yaagira ati: Nyakubaho owampoorera enzigu y'ekijumo ki Nabali anjumire, akanzibira nyowe omwiru we kukora kubi, naakasingye! Mbwenu Nyakubaho niwe yaazimuurira Nabali ekibi ki akozire. Bwanyima Daudi atuma ahari Abigaili, naamushaba kumushwera.
40
Abagaragwa ba Daudi ku baahikire Abigaili Karumeeli, baamugira bati: Daudi akututumireho kumukutwarira, ngu obe omukazi we.
41
N'onu abandaatuka, ainika omutwe aha nsi, abagira ati: Reeba, ndi omuzaana wa mukama wangye, ow'okunaabisa ebigyere by'abagaragwa be.
42
Abigaili tahwama, aimuka atemba endogoya, abazaana be bataano bamushendekyereza, agyenda akuratiire entumwa za Daudi, aba omukazi we.
43
Daudi kandi ashwera Ahinoamu owa Yezereeli. Bombi baba abakazi be.
44
Obwo Saulo, muhara we Mikaali muka Daudi, akaba yaamuhingiire Paluti mwene Laishi owa Galimu.
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 26 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
Recommended Reading
Commentary
1 Samuel Commentaries
→
Devotional
1 Samuel Devotional Guide
→
Get This Bible
nyankole Study Bible
→