bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
Numbers 10
Numbers 10
nyankole
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 11 →
1
Nyakubaho akagambira Musa ati:
2
Kora enzamba ibiri z'efeeza; oziheeshe, ogume ozeetese ab'eri ihanga kuteerana, n'okuziragiiza ab'omu rusiisira kugyenda.
3
Zombi ku ziraagume zaagamba, eihanga ryona rikuteeranireho aha muryango gw'eihema ry'okubugabuganiramu.
4
Kwonka ku bariteera emwe yonka, obwo abeebembezi n'abakuru b'enganda za Isiraeli babe nibo baakuteeraniraho.
5
Ku muriteera ey'akasirikiriro, ab'ensiisira z'ahari burugwa-izooba baimutsye orugyendo.
6
Ku muriteera ey'akasirikiriro obwa kabiri, ab'ensiisira z'aha bukiizi-bwa-buryo baimutsye. Enzamba y'akasirikiriro egume eteerwe baaza kwimutsya orugyendo.
7
Eihanga ku ririba riri ery'okuteeranira hamwe, muziteere; kwonka mutariteera ez'akasirikiriro.
8
Kandi batabani ba Arooni abahongyerezi babe nibo baaguma nibateera ezo nzamba. Ekyo kigume kiri ekiragiro ky'obutwire omuri baijukuru baanyu boona.
9
Omu nsi yaanyu, ku murikuhurura kurwanisa abazigu barikubaita kubi, muteere enzamba z'akasirikiriro, Mukama Ruhanga waanyu abone kubaijuka, mukire ababisha baanyu.
10
Aha biro byanyu by'okushemererwa, n'aha magyenyi gaanyu agaatairweho, n'aha kutandika kw'ameezi gaanyu, mugume muteere enzamba, nimutamba ebitambo byanyu ebicwekize, n'ebyokurya kumwe, nyowe Ruhanga waanyu mbone kubaijuka. Niinye Mukama Ruhanga waanyu.
11
Omu mwaka gwa kabiri, omu kwezi kwa kabiri, aha kiro kya makumi abiri ky'okwo kwezi, ekicu kikaruga eruguru y'Obutaaho bw'eby'Obuhamya.
12
Abaisiraeli baimutsya nibaruga omu ihamba rya Sinaayi, nk'oku okukuratana kw'orugyendo rwabo kuri. Reero ekicu kyayemerera omu ihamba rya Parani.
13
Okwo nikwo kwimutsya orugyendo rwabo omurundi gw'okubanza, nk'oku Mukama yaaragiire, naabatumaho Musa.
14
Ab'orurango rw'orusiisira rw'Abaayuda nibo baabandize kwimutsya omu bimbuuro byabo, eihe ryabo nirikurirwa Nahashooni mwene Aminadabu;
15
Netaneeli mwene Zuari naakurira eihe ry'ab'oruganda rw'Abaisakaari;
16
n'eihe ry'ab'oruganda rw'Abaazebuluuni nirikurirwa Eliyaabu mwene Heloni.
17
Mbwenu ku baaherize kukuura Obutaaho, beene Gereshooni na beene Meraari abarikubwekorera baimutsya orugyendo.
18
Reero ab'orurango rw'orusiisira rw'Abaareubeeni baimutsya nk'ebimbuuro byabo oku birikukuratana, omukuru w'eihe ryabo ari Elizuuri mwene Shedeuri.
19
Owaabaire naakurira eihe ry'ab'oruganda rw'Abaasimeoni akaba ari Shelumieli mwene Zurishadai;
20
kandi eihe ry'oruganda rw'Abaagaadi nirikurirwa Eliyasaafu mwene Deueli.
21
Bwanyima Abakohati baimutsya orugyendo beekoreire ebintu ebirikwera; Obutaaho bwabyarwa banu batakahikireyo.
22
Mpaho ab'orurango rw'orusiisira rw'Abaefuraimu baimutsya nk'ebimbuuro byabo oku biri, owaabaire naakurira eihe ryabo ari Elishaama mwne Amihuudi.
23
Eihe ry'ab'oruganda rw'Abaamanaase omukuru waaryo akaba ari Gamalieli mwene Pedahuzuuri;
24
kandi eihe ry'ab'oruganda rw'Abaabenyamiini nirukurirwa Abidaani mwene Gideoni.
25
Bwanyima haakurataho ab'orurango rw'ab'orusiisira rw'Abaadaani, abaabaire bari aha kibunu ky'ab'ezindi nsiisira nibabarinda, baimutsya orugyendo, nk'ebimbuuro byabo oku biri; eihe ryabo nirikurirwa Ahiyezeeri mwene Amishadai.
26
Ab'eihe ry'ab'oruganda rw'Abaasheri, bakaba nibakurirwa Pagieli mwene Okuraani;
27
kandi omukuru w'ab'eihe ry'ab'oruganda rw'Abaanafutaali ari Ahiira mwene Enani.
28
Okwo nikwo Abaisiraeli baakurataine nibagyenda, nk'oku amahe gaabo gaabaire gari, obu baimutsya orugyendo.
29
Musa akagambira Hobabu mwene Reueli Omumidiyani, ishezaara, ati: Reeba, nitwimutsya orugyendo kuza omu nsi ei Nyakubaho yaagizire ati: Ndyagibaha. Mbwenu ija tugyendane, nitwija kukutwaza gye, ahabw'okuba Nyakubaho akaraganisa kukorera Abaisiraeli ebirungi.
30
Hobabu amugira ati: Nyowe tindikugiza; niinyija kugaruka owaitu omu baitu.
31
Musa amugarukamu ati: Naakweshengyereza, otatutsigaho, ahabw'okuba niiwe orikumanya ahi tushemereire kusiisira omu ihamba, kandi niiwe oraabe omwebembezi waitu.
32
Reero ku oraagyende naitwe, ebirungi byona ebi Nyakubaho araatukorere, naitwe nitubikukorera.
33
Batyo baimutsya, baruga aha rushozi rwa Nyakubaho, bagyenda orugyendo rw'ebiro bishatu eshanduukye y'endagaano ya Nyakubaho ebeebembeire, okumara ebiro bishatu, neebasherurira omwanya gw'okuhuumuriramu.
34
Haza ku baabaire baruga omu rusiisira, ekicu kya Nyakubaho kibasangira nyomushana.
35
Reero eshanduukye ku yaabaire eimutsya orugyendo, Musa agira ati: Ai Mukama, imuka, abazigu baawe bataataane, n'abarikukwanga bakuhungye.
36
Eshanduukye ekihuumura, Musa agira ati: Ai Nyakubaho, garuka omu bukumi n'obukumi bw'Abaisiraeli.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36