bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
Numbers 2
Numbers 2
nyankole
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 3 →
1
Nyakubaho akagambira Musa na Arooni ati:
2
Abaisiraeli bagume bateere amahema gaabo, buri muntu aha rurango rw'ekigombe kye, n'ahu akamanyiso k'omuryango gwa baishenkurubo kari. Haza bateere amahema gaabo aha mbaju zoona nigareebana n'eihema ry'okubugabuganiramu.
3
Abaraateere amahema aha rubaju rwa burugwa-izooba, aharikugarura ei eizooba rituruka, babe abaine orurango rw'enkambi ya Yuda bakurataine, nk'oku emitwe yaabo eri. Haza omwebembezi w'aba Yuda abe Nahashooni mwene Aminadabu;
4
eihe rye riri abashaija obukumi mushanju n'enkumi ina na magana mukaaga, nk'oku babazirwe.
5
Abaraakurateho omu kuteera amahema, babe ab'oruganda rwa Isakaari; omwebembezi waabo ari Netaneeli mwene Zuari,
6
ab'eihe rye bari obukumi butaano n'enkumi ina na magana ana, nk'oku babazirwe.
7
Reero hakurateho ab'oruganda rwa Zebuluuni, abu omwebembezi waabo ari Eliyaabu mwene Heloni,
8
n'eihe rye riri obukumi butaano n'enkumi mushanju na magana ana, nk'oku babazirwe.
9
Boona ab'omu nkambi ya Yuda ababazirwe, nibahika akasiriira kamwe n'obukumi munaana n'enkumi mukaaga na magana ana. Haza abo nibo bariguma nibabanza kwimutsya orugyendo.
10
Aha rubaju rw'obukiizi-bwa-buryo, hazeho orurango rw'enkambi y'aba Reubeeni nk'oku emitwe yaabo eri. Omwebembezi waabo ari Elizuuri mwene Shedeuri,
11
kandi eihe rye riri abashaija obukumi buna n'enkumi mukaaga na magana ataano, nk'oku babazirwe.
12
Reero abaraamukurate omu kuteera enkambi, babe ab'oruganda rwa Simeoni, omwebembezi w'aba Simeoni ari Shelumieli mwene Zurishadai,
13
kandi eihe rye riri abashaija obukumi butaano n'enkumi mwenda na magana ashatu, nk'oku babazirwe.
14
Bwanyima hakurateho ab'oruganda rwa Gaadi, omwebembezi waabo ari Eliyasaafu mwene Reueli,
15
eihe rye ririmu abashaija obukumi buna n'enkumi itaano na magana mukaaga na makumi ataano, nk'oku babazirwe.
16
Omubaro gwona ogw'ab'omu nkambi ya Reubeeni, nk'oku emitwe yaabo erikukuratana, n'akasiriira kamwe n'obukumi butaano na rukumi na magana ana na makumi ataano. Kandi bagume babe aba kabiri omu kwimutsya orugyendo.
17
Bwanyima Abaleevi abaheekire eihema ry'okubugabuganiramu baimutsye hamwe n'ab'enkambi yaabo eri ahagati y'ezo nkambi. Haza nk'oku baraasiisire, nikwo baraagume nibaimutsya orugyendo, buri ruganda omu mwanya gwarwo, nk'oku endango zaabo ziri.
18
Aha rubaju rwa burengyerwa-izooba habeho orurango rw'enkambi ya Efuraimu, nk'oku emitwe yaabo eri; omwebembezi waabo ari Elishaama mwene Ahiihudi,
19
eihe rye ririmu abashaija obukumi buna na magana ataano, nk'oku babazirwe.
20
Abaraamukurate babe ab'oruganda rwa Manaase, omwebembezi waabo ari Gamalieli mwene Pedahuzuuri;
21
eihe rye ririmu abashaija obukumi bushatu n'enkumi ibiri na magana abiri, nk'oku babazirwe.
22
Bwanyima hakurateho ab'oruganda rwa Benyamiini, omwebembezi waabo ari Abidaani mwene Gideoni,
23
eihe rye ririmu abashaija obukumi bushatu n'enkumi itaano na magana ana, nk'oku babazirwe.
24
Omubaro gwona ogw'ab'omu nkambi y'Abaefuraimu, nk'oku emitwe yaabo erikukuratana, n'akasiriira kamwe n'enkumi munaana na igana rimwe. Kandi bagume babe aba kashatu omu kwimutsya orugyendo.
25
Aha rubaju rw'obukiizi-bwa-bumosho, habeho orurango rw'enkambi y'aba Daani, nk'oku emitwe yaabo eri; omwebembezi waabo ari Ahiyezeeri mwene Amishadai,
26
kandi eihe rye ririmu abashaija obukumi mukaaga n'enkumi ibiri na magana mushanju, nk'oku babazirwe.
27
Reero abaraakurateho kuteera amahema n'ab'oruganda rwa Asheri, abu omwebembezi waabo ari Pagieli mwene Okuraani,
28
eihe rye ririmu abashaija obukumi buna na rukumi na magana ataano, nk'oku babazirwe.
29
Bwanyima hakurateho ab'oruganda rwa Nafutaali, omwebembezi waabo ari Ahiira mwene Enaani,
30
eihe rye ririmu abashaija obukumi butaano n'enkumi ishatu na magana ana, nk'oku babazirwe.
31
Omubaro gwona ogw'ab'omu nkambi y'aba Daani, n'akasiriira kamwe n'obukumi butaano n'enkumi mushanju na magana mukaaga. Abo nibo baraagume nibahereeruka, nk'endango zaabo oku zirikukuratana.
32
Abaisiraeli abaabazirwe nibakuratira emiryango ya baishenkurubo, boona abaabariirwe omu nsiisira, nk'oku emitwe yaabo yaabaire eri, bakahika abashaija obusiriira mukaaga n'enkumi ishatu na magana ataano na makumi ataano.
33
Kwonka Abaleevi bo tibarabariirwe mu Baisiraeli, nk'oku Mukama yaaragiire Musa.
34
Okwo nikwo Abaisiraeli baakozire, nibakuratira byona ebi Nyakubaho yaaragiire Musa; bakateera ensiisira nk'endango zaabo oku ziri; kandi baaguma nibaimutsya orugyendo, buri muntu omu ruganda rwe, na buri mushaija n'ab'eka ye.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36