bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
Numbers 33
Numbers 33
nyankole
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 34 →
1
Ezi nizo ndaariro z'Abaisiraeli obu baaruga omu nsi ya Misiri, bari omu bimbuuro by'enganda zaabo, beebembeirwe Musa na Arooni.
2
Musa akahandiika endaariro zaabo, nk'oku zaakurataine, naihirira ahi zaatandikiire, nk'oku Mukama yaaragiire. Mbwenu ezi nizo ndaariro zaabo, nk'oku zaagyenzire nizikuratana.
3
Abaisiraeli bakaimutsya orugyendo baaruga Rameseesi, omu kwezi kw'okubanza, aha kiro kya ikumi na bitaano eky'okwo kwezi; ekiro ekyakuratsire Okuhingurwaho. Baagyenda nibeemurika, Abanyamisiri boona babahangire amaisho;
4
obwo nibakiziika emijigaijo yaabo yoona, ei Mukama yaabaitsiremu, naafubira emandwa zaabo.
5
Abaisiraeli batyo baimutsya orugyendo, baaruga Rameseesi, baasiisira Sukooti.
6
Ku baarugire Sukooti, baateera ensiisira Etamu, eri ahu eihamba ririkutandikira.
7
Ku baarugire Etamu, baagaruka enyima, baaza Pihahirooti, eri aha rubaju rwa burugwa-izooba bwa Baalizifooni, baasiisira omu maisho ga Migidooli.
8
Ku baimukize omu maisho ga Hahirooti, baaraba ahagati y'enyanja, baahika omu ihamba. Batyo baagyenda orugyendo rw'ebiro bishatu omu ihamba rya Etamu, baasiisira Maara.
9
Baimutsya, baaruga Maara, baahika Elimu. Okwo Elimu hakaba hariyo enshuro ikumi na ibiri z'amaizi, n'emiti y'emikindo makumi mushanju; baaba niho baasiisira.
10
Baaruga Elimu, baasiisira aha rubaju rw'Enyanja Erikutukura.
11
Ku baarugire aha Nyanja Erikutukura, baasiisira omu ihamba rya Siini.
12
Ku baimukize orugyendo, baaruga omu ihamba rya Siini, baasiisira Dofika.
13
Baaruga Dofika, baasiisira Alushi.
14
Batyo ku baaruga Alushi, baasiisira Refidimu, ahi baashangire hatariyo maizi g'okunywa.
15
Ku baruga aho Refidimu, basiisira omu ihamba rya Sinaayi.
16
Ku baaruga omu ihamba rya Sinaayi, baasiisira Kiiburotihataava.
17
Baruga Kiiburotihataava, basiisira Hezerooti.
18
Reero baruga Hazerooti, basiisira Ritima.
19
Ku baruga Ritima, basiisira Riimonipeerezi.
20
Ku baarugire Riimonipeerezi, baasiisira Libuna.
21
Baaruga Libuna, baasiisira Riisa.
22
Ku baarugire Riisa, baasiisira Kehelaata.
23
Bakiruga Kehelaata, basiisira omu Rushozi rwa Sheeferi.
24
Reero ku baruga omu Rushozi rwa Sheeferi, basiisira Haraada,
25
ku baruga Haraada, basiisira Makaheelooti.
26
Baruga Makaheelooti, basiisira Taahati.
27
Ku baimukize Tahaati, baasiisira Teera.
28
Baaruga Teera, baasiisira Miitika;
29
baaruga Miitika, baasiisira Hashimoona.
30
Ku baruga Hashimoona, basiisira Moserooti.
31
Bakiruga Moserooti, basiisira Beeneyakaani.
32
Baruga Beeneyakaani, basiisira Horihagigaadi.
33
Baruga Horihagigaadi, basiisira Yotibaata.
34
Ku baimukize Yotibaata, baasiisira Aburoona.
35
Ku baarugire Aburoona, baasiisira Ezionigeberi.
36
Baaruga Esionigeberi, baasiisira omu ihamba rya Ziini (niyo Kadeshi).
37
Reero ku baarugire Kadeshi, baasiisira aha Rushozi rwa Hoori, aha mwatano gw'ensi ya Edomu.
38
Ku baahikire aho, Arooni omuhongyerezi yaatemba Orushozi Hoori, ahabw'okuragiirwa Nyakubaho, haza yaagwayo, omu mwaka gwa makumi ana, Abaisiraeli baherize kuruga omu nsi ya Misiri, aha kiro ky'okubanza, eky'okwezi kwa kataano.
39
Kandi Arooni obu yaafeera aha Rushozi Hoori, akaba ahikize emyaka igana na makumi abiri n'eshatu y'obukuru.
40
Reero Omunyakanaani omugabe wa Aradi, owaabaire atwire Negebu, omu nsi ya Kanaani, yaahurira ku Abaisiraeli barikwija.
41
Mbwenu ku baimukize orugyendo, baaruga aha Rushozi Hoori, baasiisira Zaalumoona.
42
Ku baarugire Zaalumoona, baasiisira Punoni.
43
Baaruga Punoni, baasiisira Oboti.
44
Baaruga Oboti, baasiisira Iyeabarimu, omu nsi ya Moabu.
45
Ku baarugire Iyimu, baasiisira Diboni-Gaadi.
46
Ku baruga Diboni-Gaadi, basiisira Alimooni-Dibulataimu.
47
Okuruga aho Alimooni-Dibulataimu, basiisira omu nshozi za Abariimu ahashungaine na Neebo.
48
Mbwenu ku baimukize orugyendo, baaruga omu nshozi za Abariimu, baasiisira omu mpita za Moabu haihi na Yorudaani, aharikureebana na Yeriko.
49
Bakasiisira haihi na Yorudaani, okwiha Betiyeshimooti okuta Abalishitimu omu mpita za Moabu.
50
Mukama akagambirira Musa omu mpita za Moabu, haihi na Yorudaani ahashungaine na Yeriko, ati:
51
Gambira Abaisiraeli oti: Ku muraayambukye Yorudaani, mwahika omu nsi ya Kanaani,
52
mubingye abatuuzi baamwo boona abu muraashangyeyo. Mucwekyereze ebishushani byabo byona ebishariirwe omu mabaare, n'ebishushani byabo byona ebiheesirwe; kandi musheenye endaaro zaabo zoona;
53
haza mukubuure egyo nsi, mugituuremu; ahabw'okuba niimwe ngihaire kuba eyaanyu.
54
Ensi egyo mugihungure nimugiteerera enteenyu, nk'emiryango yaanyu oku eri. Ab'oruganda ruhango mubahe eitaka rihango ry'obuhunguzi, n'ab'orukye mubahe rikye. Omwanya gwona ogu enteenyu eraakwatire omuntu gube nigwo gwaba ogwe, haza mugihungure nk'enganda za baashwenkuriimwe oku ziri.
55
Kwonka ku muraabe mutabingire batuuzi b'omuri egyo nsi abu muraashangyeyo, abo abu muraarekye bakagumamu baryababeera akagimbi k'omu riisho, n'eihwa ry'omu rubaju, babatunturize omuri egyo nsi ei mutwiremu;
56
haza naimwe mbagire nk'oku naakugizire bariya.
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 34 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36