bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
Numbers 31
Numbers 31
nyankole
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 32 →
1
Nyakubaho akagambira Musa ati:
2
Hoorera Abaisiraeli enzigu, ofubire Abamidiyani, haza bwanyima okurate baashwenkuru.
3
Musa atyo agambira eihanga ati: Mutoorane abashaija omuriimwe, mubahe ebikwato, baze aha rugamba kurwanisa Abamidiyani, kuhoorera Mukama enzigu.
4
Mwohereze engabo rukumi, nimuziiha omu buri ruganda rwa Isiraeli, zihurure.
5
Nabo babatoorana, nibabaiha omu nkumi n'enkumi z'Abaisiraeli, abashaija rukumi aba buri ruganda, bahika abashaija kakumi n'enkumi ibiri abahagatiire eby'okurwanisa.
6
Musa aboohereza aha rugamba, abantu rukumi omuri buri ruganda, hamwe na Finehaasi mwene Eleazaari omuhongyerezi, n'ebintu by'omu Mwanya Ogurikwera, n'enzamba z'okuhuruza.
7
Barwanisa Abamidiyani, nk'oku Mukama yaaragiire Musa; baita abashaija boona.
8
Kandi omuri abo abaitsirwe, baitiramu n'abagabe bataano ba Midiyani: Evi, Rekemu, Zuuri, Huuri na Reeba, na Balaamu mwene Beori baamwitsa rurara.
9
Reero Abaisiraeli baatwara abakazi Abamidiyani n'abaana baabo, baanyaga amasyo gaabo goona ag'ente n'ag'embuzi, n'entaama, n'ebintu byabo byona.
10
Baayotsya endembo zaabo zoona ezi baabaire batwiremu, n'ensiisira zaabo zoona,
11
kandi baatabaaruka n'ebi baanyagire byona, abantu n'enyamaishwa.
12
Bwanyima enkwatwa, n'eminyago, n'ebintu, baabireetera Musa na Eleazaari omuhongyerezi n'eihanga ryona ery'Abaisiraeli, baabibashangisa omu nsiisira z'omu mpita za Moabu haihi na Yorudaani, ahashungaine na Yeriko.
13
Musa na Eleazaari omuhongyerezi, n'abeebembezi b'eihanga boona, baashohora kubabugana aheeru y'orusiisira.
14
Haza Musa yaagwerwa kubi abakuru b'eihe, abeebembezi b'engabo rukumi-rukumi, n'ab'engabo-igana, abaabaire batabaarukire omu rugamba.
15
Musa yaabagira ati: Murekire abakazi boona baagumaho?
16
Manya nibo baareeteire Abaisiraeli kureebya Nyakubaho omu bya Peori, ahabw'okuhaburwa Balaamu, haza kikareeta orufu omu ihanga rya Nyakubaho.
17
N'ahabw'ekyo hati omuri abo baana, mwite oyetwa omwojo weena, kandi mwite omukazi weena oraabyamire n'omushaija.
18
Kwonka abaishiki abatakabyamaga na bashaija mubeetsigireho.
19
Muteere amahema aheeru y'orusiisira, mumareyo ebiro mushanju, weena omuriimwe oitsire omuntu, nari okozire aha muntu oitsirwe; mweyeze aha kiro kya kashatu, n'aha kya mushanju, imwe n'enkwatwa zaanyu.
20
Mweze ebijwaro byanyu byona, n'ekintu kyona ekikozirwe omu ruhu, nari omu bwoya bw'embuzi, n'ekibaizirwe kyona.
21
Reero Eleazaari omuhongyerezi agambira engabo ezaatabaarukire aha rugamba ati: Eki n'ekyatairweho omu iteeka eri Nyakubaho yaaragiire Musa:
22
ezaabu, efeeza, omuringa, ekyoma, etiini na risasi,
23
ekintu kyona ekirikubaasa kwemera omuriro, mukirabye omu muriro, kibone kwezibwa, kandi mukyeeze n'amaizi ageeza.
24
Aha kiro kya mushanju, mwozye ebijwaro byanyu, mushemere, mubone kwija omu rusiisira.
25
Nyakubaho akagira Musa ati:
26
Iwe na Eleazaari omuhongyerezi n'abakuru b'emiryango ya baishenkuru b'abantu b'omuri eri ihanga, mubare eminyago enyagirwe, ey'abantu n'ey'enyamaishwa.
27
Mugibaganise omu bicweka bibiri, ekimwe mukihe abarwani abagiire aha rugamba, n'ekindi mukihe eihanga ryona.
28
Mwihe aha bagiire aha rugamba eby'okutoijera Nyakubaho, ekintu kimwe ahari magana ataano, eky'abantu, eky'ente, eky'endogoya, n'eky'amasyo g'entaama.
29
Mubiihe aha mugabo gwabo, mubihe Eleazaari omuhongyerezi kuba omutoijo gw'okutoijera Nyakubaho.
30
Kandi aha mugabo gw'Abaisiraeli munogoreho kimwe kya buri makumi ataano, eky'abantu, eky'ente, eky'endogoya, n'eky'amasyo g'entaama n'embuzi, n'eky'amatungo goona, mubihe Abaleevi abareeberera obutaaho bwa Nyakubaho.
31
Musa na Eleazaari omuhongyerezi baakora nk'oku Nyakubaho yaaragiire Musa.
32
Mbwenu eminyago eyaatsigaire aha bi abarwani baanyagire, ekahika entaama obusiriira mukaaga n'obukumi mushanju n'enkumi itaano;
33
ente obukumi mushanju n'enkumi ibiri;
34
endogoya obukumi mukaaga na rukumi,
35
kandi omuri abo bantu, abaishiki abaabaire batakabyamaga na bashaija baahika obukumi bushatu n'enkumi ibiri.
36
Ekicweka kyabyo, nigwo mugabo gw'abaagiire aha rugamba, kikahika entaama obusiriira bushatu n'obukumi bushatu n'enkumi mushanju na magana ataano.
37
Reero omutoijo gwa Nyakubaho gwaba entaama magana mukaaga na makumi mushanju na itaano.
38
Ente zikaba obukumi bushatu n'enkumi mukaaga; ahari ezo Nyakubaho baamutoijeraho makumi mushanju na ibiri.
39
Endogoya zikaba obukumi bushatu na magana ataano, ahari ezo omutoijo gwa Nyakubaho gwaba makumi mukaaga n'emwe.
40
Abantu bakaba akakumi kamwe n'enkumi mukaaga, Nyakubaho baamuhongyeraho abantu makumi ashatu na babiri.
41
Musa, ebintu bi baihiireho Nyakubaho kuba omutoijo, yaabiha Eleazaari omuhongyerezi, nk'oku Mukama yaaragiire Musa ogwo.
42
Ekicweka kyabyo eky'Abaisiraeli eki Musa yaihire aha ky'abantu abaagiire aha rugamba
43
kiri omugabo gw'eihanga, kikahitsya entaama obusiriira bushatu n'obukumi bushatu n'enkumi mushanju na magana ataano;
44
ente obukumi bushatu n'enkumi mukaaga,
45
n'endogoya obukumi bushatu na magana ataano,
46
n'abantu akakumi kamwe n'enkumi mukaaga.
47
Kandi Musa, ekicweka eky'Abaisiraeli yaakiihaho ekintu kimwe, ahari buri makumi ataano ag'abantu n'ag'enyamaishwa, yaabiha Abaleevi abaabaire bareeberera Obutaaho bwa Nyakubaho, nk'oku Mukama yaamuragiire.
48
Bwanyima abakuru abarikutegyeka enkumi n'enkumi ez'ab'omu ihe, abeebembezi b'enkumi n'ab'abantu igana bakahika Musa,
49
baamugira bati: itwe abaheereza baawe twabara abantu abarwani abu turikutegyeka, haza twashanga hatariho muntu n'omwe obuzire.
50
Mbwenu twareetera Nyakubaho omutoijo aha bi buri muntu anyagire: eby'ezaabu, engoro z'aha mikono, n'ebyanganga by'aha maguru, empeta eziriho obumanyiso, n'ez'omu matu, n'enkwanzi kubihongyera Nyakubaho, bikaba ekarabo yaitu omu maisho ge.
51
Musa na Eleazaari omuhongyerezi baabaihaho ezo zaabu, n'ebindi bintu byona ebiheesirwe.
52
Haza ezaabu y'omutoijo gu batoijeire Nyakubaho gumuhongyeirwe abeebembezi b'engabo rukumi rukumi, n'aba igana-igana, gwahitsya obuguzi bw'empiiha akakumi kamwe n'enkumi mukaaga na magana mushanju na makumi ataano.
53
Obwo buri murwani yaaherize kutwara omunyago ogwe, buri muntu ogwe ahabwe.
54
Reero Musa na Eleazaari omuhongyerezi nikwo kwakiira ezaabu eyaatoizirwe abategyeki b'engabo rukumi-rukumi, n'aba igana-igana, bakagita omu ihema ry'okubugabuganiramu, kuguma eri ekiijutsyo ky'Abaisiraeli omu maisho ga Nyakubaho.
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 32 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36