bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
Numbers 5
Numbers 5
nyankole
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 6 →
1
Nyakubaho akagambira Musa ati:
2
Ragiira Abaisiraeli, baihe omu rusiisira ekyetwa omubembe, na weena oine ekirikumushononokamu, kandi n'omuntu weena otashemeire ahabw'okuhika omutumbi.
3
Mwihemu abashaija n'abakazi, mubashohoze aheeru y'orusiisira, barekye kuhagaza orusiisira rwabo oru ntuuramu hamwe nabo.
4
Abaisiraeli baakora batyo, baabashohoza aheeru y'orusiisira, baatwaza nk'oku Nyakubaho yaagambiire Musa.
5
Kandi Nyakubaho akagambira Musa ati:
6
Gambira Abaisiraeli oti: Omushaija nari omukazi ku arikora ekibi kyona eki abantu bakora bakacumura ahari Nyakubaho, haza ogwo muntu akagiibwaho orubanja;
7
ayature ekibi ki akozire, arihe byona ahabw'eki acumwire, kandi akyongyereho kimwe kya kataano, akihe ou yaashaagiize.
8
Kwonka ogwo muntu ou bashaagiize, ku yaakuba ataine munyabuzaare w'okuheebwa endihano, egyo ndihano y'ekicumuro etoijerwe Nyakubaho, ebe ey'omuhongyerezi, kandi eyongyerweho empaya y'entaama ey'okukaraba ei baraamukarabiririre.
9
Emitoijo erikwera ey'ebintu by'Abaisiraeli, ei bareetera omuhongyerezi, ebe eye.
10
N'ebintu byona ebirikwera ebya buri muntu, bigume bibe ebye. Kyona eki omuntu arireetera omuhongyerezi, kibe ekye.
11
Nyakubaho akagambira Musa ati:
12
Gambira Abaisiraeli oti: Muk'omushaija ku aryekiika aha rubaju, yaakora ekitari ky'obwesigwa ahari iba,
13
omushaija ondi yaabyama nawe, haza kyasherekwa, iba ataakimanya, hataine omureebire, nobu araabe ayefaakaize, kandi hataine orikumushinja ahabw'okushangwa atakwatsirwe naakikora,
14
reero iba ku yaakugira omutima gw'obufuuhi yaafuuhira omukazi we oyefaakaize, nari yaagira omutima gw'obufuuhi, yaafuuhira omukazi we, haza kunu ateefaakaize,
15
obwo omushaija areetere omuhongyerezi ogwo mukazi we, hamwe n'empongano y'okumuhongyerera, niyo kimwe kya ikumi ky'encuro y'esaano ya baale. Haza atarigishukaho amajuta, nobu kwakuba okugimemeereraho obubaani, ahabw'okuba n'empongano y'esaano y'okuhongyerera obufuuhi; ey'okwerura ekyo kibi.
16
Mpaho omuhongyerezi airize haihi ogwo mukazi, amute omu maisho ga Nyakubaho.
17
Haza atware amaizi geeziibwe omu rwabya rw'eibumba, aihe omucuucu aha nsi omu butaaho, agugatemu.
18
Atyo ate ogwo mukazi omu maisho ga Nyakubaho, amuzingurure eishokye aha mutwe, amute omu ngaro esaano y'empongano y'okwerura ekyo kibi, ey'okuhongyerera obufuuhi. Kandi omuhongyerezi akwate omu ngaro orwabya rw'ago maizi g'obushaarirwa agareeta omukyeeno.
19
Bwanyima omuhongyerezi araame omukazi, naagira ati: Ku haraabe hatariho mushaija obyamire naiwe, kandi ku oraabe oteekiikire okeefaakaza, nookitegyekwa baro, aga maizi g'obushaarirwa agarikureeta omukyeeno, gatagira eki gaakwitsa.
20
Kwonka ku oraabe oine ahi oyekiikire nookitegyekwa baro, okeefaakaza, omushaija ondi otari baro akabyama naiwe,
21
(obwo omuhongyerezi amutongyererere eby'okumwitsa omukyeeno, naamugira ati:) Nyakubaho akuhindure okyeenirwe, kandi ow'okurahirirwa omu ihanga ryawe! Akunyuunyuure ekibero, akuhazye!
22
Aga maizi garikureeta omukyeeno gakuze omu mara, gakuhazye enda, onyuunyuukye ekibero! Haza ogwo mukazi agire ati: Eego, kibe kwo!
23
Bwanyima omuhongyerezi ahandiikye ebigambo by'ogwo mukyeeno, abyozye, amaizi gaabyo gaitururukire omu rwabya rw'amaizi g'obushaarirwa.
24
Haza aragiire ogwo mukazi, anywe ago maizi g'obushaarirwa, agareeta omukyeeno. Amaizi garikureeta omukyeeno gamuze omunda, gamureetere obuhuruzi bwingi.
25
Bwanyima aihe omu ngaro z'ogwo mukazi esaano y'empongano y'obufuuhi, agizongazongyeze omu maisho ga Nyakubaho, agitware aha itambiro.
26
Kandi omuhongyerezi atware eigaro ry'empongano y'esaano y'okwerura ekibi, aryokyeze aha itambiro, na bwanyima anyweise omukazi ago maizi.
27
Ku araaheze kugamunywaisa, onu ku araabe ayefaakaize akakora ekitari ky'obwesigwa ahari iba, ago maizi garikureeta omukyeeno nigaija kumuza omu nda, gamuhurure, ahagye enda, ahururukye ekibero, abe okyeenirwe omu ihanga rye.
28
Kwonka ku araabe ateefaakaize, ari oshemeire, obwo naaba ari mwere, tihariho kabi karaamubeho, kandi naija kuzaara abaana.
29
Ekyo nikyo kiragiro ekikwatiraine n'eby'obufuuhi; omukazi oine iba yaaba aine ahu ayekiikire akeefaakaza,
30
nari omushaija yaaba aine omutima gw'obufuuhi, akafuuhira omukazi we; obwo areete ogwo mukazi omu maisho ga Nyakubaho, omuhongyerezi amukoreho emigyenzo y'omuri ekyo kiragiro.
31
Omushaija ayetabaarukire, kwonka omukazi aheebwe ekifubiro ky'ekibi kye.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36