bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
Numbers 4
Numbers 4
nyankole
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 5 →
1
Nyakubaho akagambira Musa na Arooni ati:
2
Mubare beene Kohati nimubaiha omu Baleevi, nk'oku amaka n'emiryango ya baishenkurubo biri,
3
okwiha aha b'emyaka makumi ashatu y'obukuru, okuhitsya aha b'emyaka makumi ataano, boona abahikire kukora omurimo gw'obuheereza omu ihema ry'okubugabuganiramu.
4
Ogu nigwo murimo ogu beene Kohati baraakorere omuri eryo ihema. Ogwo murimo n'ogw'okureeberera ebintu ebirikwera munonga.
5
Ab'omu rusiisira ku barihika kwimutsya orugyendo, Arooni n'abatabani bataahemu, banu bahanure omukingo ogukingiire Omwanya Ogurikwera munonga, bagushwekye eshanduukye y'eby'obuhamya.
6
Bwanyima bagishwekyeho oruhu rw'engongi, narwo barutungikyeho omwenda gwa bururu nsha, reero bagishokyemu emigamba yaayo.
7
Aha meeza y'emigaati y'Okumurika, bateho omwenda gwa bururu, baguteho eshuhaani, n'enyabya z'okwotereraho obubaani, n'ebakuri, n'emidumo y'okushukisa emitoijo y'ebyokunywa. N'emigaati eteebwaho nayo ezeho.
8
Bwanyima babishwekye omwenda gwa karari, bagutungikyeho empu z'engongi, bagishokyemu emigamba.
9
Reero bareete omwenda gwa bururu, bagushwekye ekikondo ky'etabaaza n'amatabaaza gaakyo, n'empana zaakyo, n'otushohaani twakyo, na byona ebirimu amajuta gu bakishukamu.
10
Haza kyo n'ebyakyo byona babishembe omu mpu z'engongi, babikomere aha migamba y'okubiheekyesa.
11
Kandi eitambiro ry'ezaabu baryareho omwenda gwa bururu, barishwekye oruhu rw'engongi, barishokyemu emigamba yaaryo.
12
Reero bareete ebintu byona ebirikukoresibwa omu Mwanya Ogurikwera, babite omu mwenda gwa bururu, babishwekyese oruhu rw'engongi, babite aha migamba y'okubiheekyesa.
13
Kandi baihe eiju aha itambiro, eryo itambiro barishwekyeho omwenda gwa bujwa,
14
bariteho ebirikurikoresibwaho byona ebi bakoresa nibaheereza: eby'okuguhisa omuriro, n'entoozo z'okwihuza enyama, n'ebitiiho by'okuyooresa eiju, n'ekaraaya z'okurishukaho; byona ebikoresibwa aha itambiro. Batyo barishwekyeho oruhu rw'engongi, barishokyemu emigamba yaaryo.
15
Arooni n'abatabani ku bariguma baaheza kushweka eby'Omwanya Ogurikwera, n'esika yaamwo yoona, ab'omu nsiisira ku bariba nibaimutsya orugyendo, beene Kohati baije babyekorere. Kwonka batarikora ahari ebyo bintu birikwera, bakafa. Ebyo nibyo bintu by'omu ihema ry'okubugabuganiramu, ebi beene Kohati baraagume nibaheeka.
16
Eleazaari, mwene Arooni, omuhongyerezi aryaguma areeberere amajuta g'okuhemba, obubaani oburikutaamirana omugaju, emitoijo y'esaano etarugaho, amajuta g'okusiiga, n'obutaaho bwona n'ebi burimu, kandi n'Omwanya Ogurikwera n'ebintu byagwo ebirikukoresibwa.
17
Nyakubaho akagambira Musa na Arooni ati:
18
Mutareka oruganda rw'ab'emiryango y'Abakohati kucwekyerezibwa, rukahwa omu Baleevi.
19
Kureka mubatwaze mutyo, babone kugumaho batafiire, baahika haihi ebintu ebirikwerera kimwe. Arooni n'abatabani bagume bataahemu, bahe buri muntu omurimo gwe n'eki ashemereire kuheeka;
20
kwonka bataritaahamu kushamaarira ebintu ebirikwera, nangwa nobu kaakuba akaanya kakye kati, batakaafa.
21
Nyakubaho akagambira Musa ati:
22
Bara beene Gereshooni nabo, nk'oku amaka gaabo n'emiryango ya baishenkurubo biri,
23
okwiha aha b'emyaka makumi ashatu y'obukuru okuhitsya aha b'emyaka makumi ataano; obare boona abarikubaasa kukora omurimo gw'obuheereza omu ihema ry'okubugabuganiramu.
24
Ogu nigwo murimo gw'ab'emiryango y'Abagereshooni, omu kuheereza n'okwekorera esika.
25
Baryaguma beekorere emikingo y'obutaaho, n'eihema ry'okubugabuganiramu,
26
n'emikingo y'orugo rw'ekibuga, n'omukingo gw'aha irembo ry'ekibuga ekyehinguririize obutaaho n'eitambiro, n'emirunga yaabyo, na byona ebi bakoresa nibaheereza. Bakore emirimo yoona erikwetengwa ekwatiraine nabyo.
27
Arooni n'abatabani nibo bariguma nibaragiira beene Gereshooni emirimo yoona ei bariba bari ab'okukora. Byona ebi bariba bari ab'okuheeka, n'ebi bariba bari ab'okukora, niimwe muraagume nimubibaragiira.
28
Egyo niyo mirimo y'ab'emiryango ya beene Gereshooni omu ihema ry'okubugabuganiramu; kandi omurimo gwabo gugume nigureebererwa Itamaari mwene Arooni omuhongyerezi.
29
Beene Meraari nabo obabare nk'amaka gaabo n'emiryango ya baishenkurubo oku biri,
30
okwiha aha b'emyaka makumi ashatu y'obukuru, okuta aha b'emyaka makumi ataano. Obare boona abarikubaasa kukora omurimo gw'obuheereza omu ihema ry'okubugabuganiramu.
31
Ebi nibyo barikuragiirwa kuheeka, biri omurimo gwabo gw'obuheereza omu ihema ry'okubugabuganiramu: embaaho z'Obutaaho n'embazi zaabwo, enyomyo n'ebiina,
32
n'enyomyo z'orugo rw'ekibuga orwehinguririizeho, hamwe n'ebiina byazo, n'enkondo n'emirunga n'ebyabyo byona ebirikugyenda nabyo, kandi mubagambire ebintu ebi bashemereire kuheeka.
33
Egyo niyo mirimo y'ab'emiryango ya beene Meraari, ei baraagume nibakorera omu ihema ry'okubugabuganiramu, ekaguma neereebererwa Itamaari mwene Arooni omuhongyerezi.
34
Musa na Arooni n'abeebembezi b'eihanga bakabara beene Kohati, nk'oku amaka gaabo n'emiryango ya baishenkurubo biri.
35
Okwiha aha b'emyaka makumi ashatu y'obukuru, okuhitsya aha b'emyaka makumi ataano, boona abarikubaasa kukora omurimo gw'obuheereza omu ihema ry'okubugabuganiramu.
36
Omubaro gwabo, nk'amaka gaabo oku gaabaire gari, gwaba enkumi ibiri na magana mushanju na makumi ataano.
37
Ogwo nigwo mubaro gw'ab'emiryango y'Abakohati, boona abaakozire omurimo gw'obuheereza omu ihema ry'okubugabuganiramu, abu Musa na Arooni baabazire, nk'oku Nyakubaho yaaragiire Musa.
38
Omubaro gwa beene Gereshooni, nk'oku amaka gaabo n'emiryango ya baishenkurubo byabaire biri,
39
okwiha aha b'emyaka makumi ashatu y'obukuru, okuhitsya aha b'emyaka makumi ataano, boona abarikubaasa kukora omurimo gw'obuheereza omu ihema ry'okubugabuganiramu
40
omubaro gwabo, nk'oku amaka gaabo n'emiryango ya baishenkurubo byabaire biri, gukahika enkumi ibiri na magana mukaaga na makumi ashatu.
41
Ogwo nigwo gwabaire omubaro gw'ab'emiryango ya beene Gereshooni boona, abaaheereize omu ihema ry'okubugabuganiramu, abu Musa na Arooni baabazire, nk'oku Nyakubaho yaaragiire.
42
Omubaro gw'ab'emiryango ya beene Meraari, nk'oku amaka gaabo n'emiryango ya baishenkurubo byabaire biri,
43
okwiha aha b'emyaka makumi ashatu y'obukuru, okuhitsya aha b'emyaka makumi ataano, boona abaabaire nibabaasa kukora omurimo gw'obuheereza omu ihema ry'okubugabuganiramu
44
omubaro gwabo nk'oku amaka gaago gaabaire gari, gukaba enkumi ishatu na magana abiri.
45
Abo nibo b'emiryango ya beene Meraari, abu Musa na Arooni baabazire, nk'oku Nyakubaho yaaragiire Musa.
46
Abo boona nibo b'omu Baleevi, abu Musa na Arooni n'abeebembezi b'eihanga ry'Abaisiraeli baabazire nibakuratira amaka gaabo n'emiryango ya baishenkurubo,
47
okwiha aha b'emyaka makumi ashatu y'obukuru, okuhitsya aha b'emyaka makumi ataano, boona abaabaire nibabaasa kukora omurimo gw'obuheereza omu ihema ry'okubugabuganiramu, n'ogw'okwekorera ebintu.
48
Boona omuribo abaabazirwe bakahika enkumi munaana na magana ataano na makumi munaana.
49
Nk'oku Nyakubaho yaaragiire naabatumaho Musa, buri omwe akakwatsibwa omurimo gwe, yaaba gw'okuheereza, nari gw'okwekorera. Musa nikwo yaababazire atyo, nk'oku Nyakubaho yaamuragiire.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36