bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
Numbers 32
Numbers 32
nyankole
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 33 →
1
Mbwenu beene Reubeeni na beene Gaadi bakaba baine amatungo maingi munonga, baareeba ekyanga kya Gazeri n'ekya Gileadi biri emyanya mirungi y'amatungo.
2
Batyo beene Gaadi na beene Reubeeni baija baagambira Musa na Eleazaari omuhongyerezi, n'abeebembezi b'eihanga bati:
3
Atarooti, Diboni, Yazeri, Nimura, Heshibooni, Eleale, Sebamu, Neebo na Beoni,
4
egyo nsi ei Nyakubaho yaasingwire Abaisiraeli boona nibeereebera, n'ensi y'amatungo; haza itwe abairu baawe tugaine.
5
Bagaruka bagira bati: Ku oraabe nookitusiimira, egyo nsi ogituhe, itwe abairu baawe, ebe eyaitu; otatwambutsya Yorudaani.
6
Kwonka Musa agira beene Gaadi na beene Reubeeni ati: Mbwenu beene waanyu bahurure, haza imwe mugume aha?
7
Nimucwera ki Abaisiraeli omuhimbo, mukabazibira kwambuka kuza omu nsi ei Nyakubaho yaabahaire?
8
Manya na baashoimwe nikwo baagizire, obu naabatuma kutata egyo nsi tukiri Kadeshibarinea.
9
Ahabw'okuba ku bainamukire, baahika omu ruhanga rwa Eshekooli, haza baareeba egyo nsi, baahahaaza Abaisiraeli omutima, ngu bataza omu nsi ei Nyakubaho yaabahaire.
10
Ekyo kyareetera Mukama kugira ekiniga kingi eryo izooba; yaarahira naagira ati:
11
Buzimazima tihariho n'omwe omuri abo bantu abaarugire Misiri, ab'emyaka makumi abiri y'obukuru n'okukiraho, orireeba ensi ei naarahiire kuha Aburahamu na Isaaka na Yakobo; ahabw'okuba tibankuratiriire kimwe,
12
kureka Kalebu mwene Yefuune Omukenizi, na Yoshwa mwene Nuuni; ahabw'okuba bo bakankuratirira kimwe.
13
Reero Mukama yaagirira Abaisiraeli ekiniga kingi, yaabazengyereza omu ihamba emyaka makumi ana, okuhitsya obu ab'oruzaaro orwo boona abaacumwire ahari Nyakubaho, baahwaireho.
14
Mbwenu reeba, mugarukire omu mwanya gwa baashoimwe, oruzaaro rw'enkozi z'ebibi, kwongyera kureetera Nyakubaho kugirira Abaisiraeli ekiniga kingi.
15
Manya ku muraamurugyeho, mwayanga kumukuratira, nawe naija kugaruka abatsigyeho omuri eri ihamba, mureetere eihanga ryona kucwekyerera.
16
Nabo nikwo kumwirira haihi, bakamugira bati: Nitwija kuzitirira amasyo gaitu aha, twombekyere abaana baitu endembo.
17
Haza tukwate eby'okurwanisa, twebembere Abaisiraeli, okuhitsya obu baraahikye omu kyanga kyabo. Kwonka abaana baitu bagume omu ndembo zigumire, ahabw'okwerinda abatwire omuri egi nsi.
18
Titurikwija kugaruka mu maka gaitu, okuhitsya obu Abaisiraeli boona buri omwe araatungye obutaka bwe bw'obuhunguzi.
19
Manya itwe titurikwija kuheebwa hamwe nabo itaka ry'obuhunguzi erya seeri ya Yorudaani n'okweyongyerayo; ahabw'okuba itwe twatunga eryaitu ry'obuhunguzi seenu ya Yorudaani, orubaju rwa burugwa-izooba.
20
Musa nawe nikwo kubagira ati: Ku muraakore ekyo, mwakwata eby'okurwanisa, mwagyenda mwebembeire Nyakubaho nimuza aha rugamba,
21
kandi buri omwe omuriimwe ohagatiire eby'okurwanisa yaayambuka Yorudaani ayebembeire Nyakubaho okuhitsya obu araabingye abazigu be, bakamuhigiza,
22
egyo nsi ekamugomookyera; obwo nibwo muraagarukye n'obusingye, mutaine ki murikutongwa ahari Nyakubaho n'ahari Isiraeli: haza egi nsi ekaba eyaanyu y'obuhunguzi eikiriziibwe Nyakubaho.
23
Kwonka ku muraabe mutatwarize mutyo, nimuba mucumwire ahari Nyakubaho, kandi mukimanye ku ekyo kibi kyanyu kiribahindukana.
24
Mbwenu nimwombekyere abaana baanyu endembo, muzitirire entaama zaanyu; haza mukore eki mwaraganisa.
25
Beene Gaadi na beene Reubeeni nikwo kugira Musa bati: Eego, itwe abairu baawe nitwija kukora nk'oku waaragiira.
26
Abaana baitu, n'abakazi baitu, n'amasyo gaitu g'entaama, n'ente zaitu zoona, nibiija kuguma omu ndembo za Gileadi.
27
Haza itwe abairu baawe twambukye, buri muntu ahagatiire eby'okurwanisa, tuhurure twebembeire Nyakubaho, nk'oku iwe mukama waitu waaturagiira.
28
Musa ebikwatiraine nabo abiragiira Eleazaari omuhongyerezi, na Yoshwa mwene Nuuni, n'abakuru b'emiryango ya baishenkurubo ab'enganda z'Abaisiraeli.
29
Haza abagira ati: Beene Gaadi na beene Reubeeni, buri mushaija ohagatiire eby'okurwanisa kurwana orugamba beebembeire Nyakubaho, ku baryambuka Yorudaani hamwe naimwe, egyo nsi mwagigomoora, obwo mubahe ensi ya Gileadi ebe eyaabo y'obuhunguzi.
30
Kwonka ku bariba batambukire naimwe, bahagatiire eby'okurwanisa, obwo baryaheebwa hamwe naimwe eitaka ry'obuhunguzi omu nsi ya Kanaani.
31
Mpaho beene Gaadi na beene Reubeeni bamugarukamu bati: Nk'oku Nyakubaho yaatugambira itwe abairu baawe, nikwo turaakore.
32
Nitwija kwambuka tukwaitse eby'okurwanisa, twebembeire Nyakubaho, tuze omu nsi ya Kanaani: haza obutaka bwaitu bw'obuhunguzi tugume nabwo seenu ya Yorudaani.
33
Musa atyo aha beene Gaadi na beene Reubeeni n'ekicweka ky'ab'oruganda rwa Manaase mwene Yosefu ensi y'obugabe bwa Sihooni omugabe w'Abaamori, n'ey'obugabe bwa Oogi omugabe w'Ababashani, egyo nsi hamwe n'endembo zaayo zoona n'ebyanga byayo.
34
Beene Gaadi baayombeka Diboni, Atarooti, Aroeri,
35
Atroti-Soofani, Yazeri, Yogibeha,
36
Beetinimura na Beetiharaani, endembo zigumire, baazitira n'engo z'entaama zaabo.
37
Reero beene Reubeeni baayombeka Heshibooni, Elale, Kiriyataimu,
38
Neebo na Balimeoni (baahindura n'amaziina gaazo), na Sibama; kandi n'ezindi ndembo zi baayombekire, baazeeta amaziina.
39
Beene Makiri mutabani wa Manaase baaza Gileadi, bagikubuura, baabingamu Abaamori abaagitwiremu.
40
Musa yaaha Makiri mwene Manaase Gileadi, n'onu yaagituuramu.
41
Na Yairo mwene Manaase yaagyenda yaakubuura ebyaro byabo, yaabyeta Haavoti-Yairo.
42
Kandi Noobaha yaakubuura Kenati n'ebyaro byayo, yaagyeta Noobaha, kuguma neeyetererwa eiziina rye.
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 33 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36