bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
Numbers 29
Numbers 29
nyankole
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 30 →
1
Aha kiro ky'okubanza, eky'okwezi kwa mushanju, mugume mugire ekiteerane ekirikwera. Mutarikoreraho omurimo gwona ogurikurusya. Ekyo n'ekiro kyanyu ky'okuteereraho amakondere.
2
Muryatamba ekitambo kicwekize kuba ekisooroora kirikugwisa gye Nyakubaho: enimi emwe y'ekimasha, engondoore emwe y'entaama, n'empaya nto mushanju z'entaama, ezihikize omwaka gumwe, ezitaine kamogo.
3
N'omutoijo gwabyo gw'esaano y'obunono ejwangiibwemu amajuta, eya bishatu bya ikumi by'encuro ahabw'egyo nimi, bibiri bya ikumi ahabw'egyo ngondoore,
4
na kimwe kya ikumi ahabwa buri baana b'entaama mushanju;
5
mutaireho n'empaya emwe y'embuzi, kuba empongano y'ekibi kubakarabira.
6
Obwo mutabariiremu ekitambo kicwekize eky'aha kuboneka kw'okwezi, n'omutoijo gwakyo ogw'esaano, kandi n'ekitambo kicwekize eky'obutoosha, n'omutoijo gwakyo ogw'esaano n'ogw'ebyokunywa, nk'oku byaragiirwe, kuba ekitambo kicwekize, eky'ekisooroora kirikugwisa gye Nyakubaho.
7
Aha kiro kya ikumi, eky'okwezi kwa mushanju, mugume mugire ekiteerane ekirikwera, mwesiibyekwo, kandi mutarikoreraho omurimo gwona;
8
kureka mutambire Nyakubaho ekitambo kicwekize eky'ekisooroora kirungi: enimi emwe y'ekimasha, engondoore emwe y'entaama, n'empaya nto mushanju z'entaama, ezihikize omwaka, ezi mutooraine zitaine kamogo;
9
mutaireho n'emitoijo yaazo y'esaano y'obunono ejwangirwemu amajuta, eya bishatu bya ikumi by'encuro ahabw'egyo nimi, bibiri bya ikumi ahabw'engondoore emwe y'entaama,
10
na kimwe kya ikumi, ahabwa buri gumwe ahari abo baana b'entaama mushanju.
11
Kandi n'empaya emwe y'embuzi kuba empongano y'ekibi: mutabariiremu kitambo ky'okukarabira abantu, n'ekitambo ky'obutoosha ekicwekize, n'omutoijo gwakyo gw'esaano, n'ey'ebyokunywa.
12
Aha kiro kya ikumi na bitaano eky'okwezi kwa mushanju, muryagira ekiteerane ekirikwera; mutarikoreraho omurimo gurikurusya, kureka mugirire Nyakubaho obugyenyi bw'ebiro mushanju.
13
Muryatamba ekitambo kicwekize eky'ekisooroora kirikugwisa gye Nyakubaho: enimi ikumi na ishatu z'ebimasha, engondoore ibiri n'empaya z'entaama ikumi na ina z'omwaka gumwe, ezitaine kamogo.
14
Haza muzitoijereho muti esaano y'obunono ejwangiremu amajuta, eya bishatu bya ikumi by'encuro, ahabwa buri emwe ey'omuri ezo nimi ikumi na ishatu; bibiri bya ikumi ahabwa buri emwe ey'engondoore zombi,
15
kandi na kimwe kya ikumi ahabwa buri gumwe omuri abo baana b'entaama ikumi na bana;
16
mutaireho n'empaya y'embuzi kuba empongano y'ekibi; mutabariiremu ekitambo ky'obutoosha ekicwekize, n'emitoijo yaakyo y'esaano, n'ey'ebyokunywa.
17
Aha kiro kya kabiri: enimi ikumi na ibiri z'ebimasha, engondoore ibiri, empaya nto ikumi na ina z'entaama, ezihikize omwaka, kandi ezitaine kamogo,
18
hamwe n'omutoijo gw'esaano, n'ey'ebyokunywa ahabw'ezo nimi, n'ahabw'ezo ngondoore z'entaama, n'ahabw'abo baana b'entaama, nimukuratira omubaro gwabyo, nk'oku ekiragiro kiri.
19
Kandi n'empaya emwe y'embuzi, ahabw'empongano y'ekibi, mutabariiremu kitambo ky'obutoosha ekicwekize, n'omutoijo gwakyo gw'esaano, n'ey'ebyokunywa.
20
Aha kiro kya kashatu: enimi ikumi n'emwe, engondoore ibiri z'entaama, n'empaya nto ikumi na ina ez'entaama ezihikize omwaka gumwe, kandi ezitaine kamogo,
21
hamwe n'omutoijo gw'esaano, n'ey'ebyokunywa, ahabw'ezo nimi, n'ahabw'ezo ngondoore, n'ahabw'abo baana b'entaama, nimukuratira omubaro gwabyo nk'ekiragiro oku kiri.
22
Kandi n'empaya emwe y'embuzi ey'empongano y'ekibi, mutabariiremu kitambo ky'obutoosha ekicwekize, n'omutoijo gw'esaano, n'ogw'ebyokunywa.
23
Aha kiro kya kana: enimi ikumi, engondoore ibiri z'entaama empaya nto ikumi na ina z'entaama, ez'omwaka gumwe, ezitaine kamogo,
24
hamwe n'omutoijo gw'esaano, n'ey'ebyokunywa, ahabw'ezo nimi, n'ahabw'ezo ngondoore, n'ahabw'abaana b'entaama, nimukuratira omubaro gwazo, nk'oku ekiragiro kiri.
25
Kandi n'empaya emwe y'embuzi kuba empongano y'ekibi: mutabariiremu kitambo ky'obutoosha ekicwekize, n'omutoijo gwakyo gw'esaano, n'ey'ebyokunywa.
26
Aha kiro kya kataano: enimi ikumi, engondoore ibiri, n'empaya nto ikumi na ina z'entaama ezihikize omwaka gumwe, ezitaine kamogo,
27
hamwe n'omutoijo gw'esaano, n'ey'ebyokunywa, ahabw'ezo nimi, n'ahabw'ezo ngondoore, n'ahabw'ezo mpaya nto z'entaama, nimukuratira omubaro gwazo, nk'oku ekiragiro kiri.
28
Kandi n'empaya emwe y'embuzi ey'empongano y'ekibi, mutabariiremu kitambo ky'obutoosha ekicwekize, n'omutoijo gwakyo gw'esaano, n'ey'ebyokunywa.
29
Aha kiro kya mukaaga: enimi munaana, engondoore ibiri z'entaama, n'empaya nto ikumi na ina z'entaama ez'omwaka gumwe ezitaine kamogo,
30
hamwe n'omutoijo gw'esaano, n'ey'ebyokunywa, ahabw'ezo nimi, n'ahabw'ezo ngondoore, n'ahabw'ezo mpaya nto z'entaama, nimukuratira omubaro gwazo, nk'ekiragiro oku kiri.
31
Kandi n'empaya emwe y'embuzi, kuba empongano y'ekibi; mutabariiremu kitambo ky'obutoosha ekicwekize, n'omutoijo gw'esaano, n'eyebyokunywa.
32
Aha kiro kya mushanju: enimi mushanju, engondoore ibiri z'entaama, empaya nto ikumi na ina z'entaama, ez'omwaka gumwe ezitaine kamogo,
33
hamwe n'omutoijo gw'esaano, n'ey'ebyokunywa, ahabw'ezo nimi, n'ahabw'ezo ngondoore, n'ahabw'ezo mpaya nto z'entaama, nimukuratira omubaro gwazo, nk'oku ekiragiro kiri.
34
Kandi n'empaya emwe y'embuzi y'empongano yekibi, mutabariiremu kitambo ky'obutoosha ekicwekize, n'omutoijo gwakyo ogw'esaano, n'ey'ebyokunywa.
35
Aha kiro kya munaana, mugire ekiteerane kikuru, haza mutarikikoreraho omurimo gwona ogurikurusya;
36
kureka muryatamba ekitambo kicwekize eky'ekisooroora kirikugwisa gye Nyakubaho: enimi emwe, engondoore emwe, empaya nto mushanju z'entaama, ezihikize omwaka, kandi zitaine kamogo,
37
n'omutoijo gw'esaano, n'ey'ebyokunywa, ahabw'ezo nimi, n'ahabw'egyo ngondoore, n'ahabw'ezo mpaya nto z'entaama, nimukuratira omubaro gwazo, nk'oku ekiragiro kiri.
38
Kandi n'empaya emwe n'embuzi kuba empongano y'ekibi, mutabariiremu kitambo ky'obutoosha ekicwekize, n'omutoijo gwakyo gw'esaano, n'ey'ebyokunywa.
39
Ebyo nibyo muriguma nimutambira Nyakubaho aha magyenyi gaanyu agaatairweho, mutaireho n'ebitambo byanyu by'okusiguura, n'eby'okwekundira, kuba ebitambo ebicwekize, n'emitoijo y'esaano, n'ey'ebyokunywa, n'ebitambo byanyu by'okurya kumwe.
40
Musa atyo agambira Abaisiraeli ebyo byona, nk'oku Nyakubaho yaamuragiire.
← Chapter 28
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 30 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36