bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Nyankole
/
nyankole
/
Numbers 20
Numbers 20
nyankole
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 21 →
1
Eihanga ryona ery'Abaisiraeli rikahika omu ihamba rya Ziini, omu kwezi kw'okubanza, abantu baaguma Kadeshi; Miriyamu yaagwa okwo, baamuziikayo.
2
Mbwenu obwo ab'eihanga ryona ku baabuzire amaizi, baateeranira hamwe kwetomboitera Musa na Arooni.
3
Abo bantu baatonganisa Musa nibamugira bati: Nangwa kuri twafiire obu beene waitu baafeera omu maisho ga Nyakubaho.
4
Mbwenu mukareetera ki eihanga rya Nyakubaho omuri eri eihamba, ngu tufeere aha n'amatungo gaitu?
5
Kandi mukatwihira ki Misiri kutureeta omuri ogu mwanya mubi? Ti mwanya gw'okuhingamu engano, nobu yaakuba emitiini, nari emizaabibu, nainga amakomamahanga; kandi tigurimu maizi g'okunywa.
6
Musa na Arooni batyo baruga ah'abo bantu bateeraniire, baza aha muryango gw'eihema ry'okubugabuganiramu; bajuumara aha nsi, haza ekitiinisa kya Nyakubaho kibabonekyera.
7
Reero Nyakubaho agira Musa ati:
8
Kwata egi nkoni, oteeranire hamwe ab'eihanga ryona, iwe na mukuru waawe Arooni; haza ogambirire orukiri omu maisho gaabo, rurugwemu amaizi. Otyo obaihire amaizi omuri orwo rukiri, obone kutungira ab'eihanga ryona n'amatungo gaabo eky'okunywa.
9
Musa atyo aiha enkoni omu maisho ga Nyakubaho nk'oku yaamuragiira.
10
Musa na Arooni nikwo kuteeranira hamwe ab'eihanga ryona omu maisho g'orukiri, akabagira ati: Imwe bagomi 'mwe, nimuhurire! Mbwenu tubaihire amaizi omuri oru rukiri?
11
Musa atyo aimutsya omukono, ateera kabiri orukiri n'enkoni ye, ruhimintikwamu amaizi maingi; ab'eihanga ryona hamwe n'amatungo gaabo binywa.
12
Bwanyima Nyakubaho agambira Musa na Arooni ati: Ahabw'okuba timwanyesiga, mukampaisa ekitiinwa omu maisho g'Abaisiraeli, n'ahabw'ekyo timurihitsya eri ihanga omu nsi ei mbahaire.
13
Ago nigo maizi ga Meeriba, ahu Abaisiraeli baayetomboiteire Nyakubaho; nawe akabeeyoreka ku ari Orikwera.
14
Musa ku yaabaire ari Kadeshi, yaatuma entumwa aha mugabe wa Edomu, naagira ati: Abaisiraeli beene sho baakutumaho bati: Noomanya enaku ezi twareebire;
15
oku baatatenkuriitwe baagiire Misiri, bakatuurayo okumara omwanya muraingwa; haza Abanyamisiri bakatwita kubi na baatatenkuriitwe.
16
Kwonka ku twatakiire Nyakubaho, yaahurira okutaka kwaitu, yaayohereza maraika, yaatwiha omuri Misiri. Mbwenu turi aha Kadeshi, orurembo oruri aha mwatano gw'ensi yaawe.
17
Twakweshengyereza, oturekye turabe omu nsi yaawe. Titurikwija kuraba omu misiri, nari omu mizaabibu, n'obu kwakuba okunywa amaizi g'omu iziba. Nitwija kutoora omuhanda rugyendwa, tutakiikamire ha rubaju rwa buryo, nari orwa bumosho, okuhitsya obu turaaheze kuraba omu nsi yaawe.
18
Kwonka Edomu amutumaho naamugarukamu ati: Torikwija kuraba mu nsi yangye. Ku oraakikore, niinyija kuhurura na rurara, nkurwanise.
19
Abaisiraeli baamugarukamu bati: Nitwija kutoora omuhanda rugyendwa. Itwe n'amatungo gaitu ku turaanywe amaizi gaawe nitugaihurira. N'okutwikiriza turabisemu amaguru, tihariho kindi.
20
Kwonka Edomu agarukamu ati: Timurikwija kurabamu. Edomu atyo ahurura n'engabo nyingi kubarwanisa aine eihe rihango.
21
Azibira Abaisiraeli kuraba omu nsi ye, nabo bakuba, bamurugaho.
22
Eihanga ryona ery'Abaisiraeli rikaimutsya orugyendo, ryaruga Kadeshi, ryahika aha Rushozi Hoori.
23
Nyakubaho yaagambirira Musa na Arooni aha Rushozi Hoori, aha mwatano gw'ensi ya Edomu, ati:
24
Arooni yaaza kukurata abaabo; manya tarikwija kuhika omu nsi ei mpaire Abaisiraeli, ahabw'okuba mukagomera eki naaragiriire aha maizi ga Meeriba.
25
Mbwenu twara Arooni na Eleazaari omutabani, obainamure aha Rushozi Hoori.
26
Reero ojuure Arooni ebijwaro bye, obijwekye Eleazaari omutabani. Haza Arooni afeereyo, akurate abaabo.
27
Musa yaakora nk'oku Nyakubaho aragiire, baatemba Orushozi Hoori, eihanga ryona ribataireho abiri.
28
Musa yaajuura Arooni ebijwaro, yaabijweka Eleazaari omutabani; na Arooni yaafeera aha mutwe gw'orwo rushozi. Bwanyima Musa na Eleazaari baashuuma, baaruga aha rushozi.
29
Eihanga ku ryareebire Arooni yaafa, Abaisiraeli boona baamucurira okumara ebiro makumi ashatu.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36