Nehemiah 11

Shan

← Chapter 10 Jump to: Chapter 12 →

1မိူဝ်ႈၼၼ်ႉ ၶဝ်ၸိူဝ်းဢၼ်ႁဵတ်းၶုၼ်ၼႂ်းၵူၼ်းတင်းလၢႆၼၼ်ႉ ဢွၼ်ၵၼ်ယူႇၵႃႈတီႈဝဵင်း ယေႇရူႉသလႅမ်ႇ ဢေႃႈ။ ၵူၼ်းတင်းလၢႆ ဢၼ်ယင်းၵိုတ်းယင်းၵျၢၼ်ႇၼၼ်ႉ ဢွၼ်ၵၼ်တူၵ်းၸႃႇၵွၵ်ႈတီႈၵၼ် ႁႂ်ႈလႆႈဢဝ်ၼႂ်းယေႈသိပ်းယေႈၵေႃႉ မႃးႁႂ်ႈလႆႈယူႇၵႃႈၼႂ်းဝဵင်း ယေႇရူႉသလႅမ်ႇ ဝဵင်းဢၼ်မူတ်းၸၢင်ႇၼၼ်ႉ ဢိၵ်ႇတင်းၼႂ်းယေႈသိပ်းယေႈၵဝ်ႈၵေႃႉ ႁႂ်ႈလႆႈယူႇၵႃႈၼႂ်းဝၢၼ်ႈၶဝ်ဝဵင်းၶဝ်ၼၼ်ႉဢေႃႈ။-

2တီႈၶဝ်ၸိူဝ်းဢၼ်မီးၸေႇတၼႃႇသေလႄႈ ႁပ်ႉတုင်းဢဝ်ႁႂ်ႈလႆႈယူႇ ၵႃႈတီႈဝဵင်း ယေႇရူႉသလႅမ်ႇ တင်းသဵင်ႈတင်းလူင်ၼၼ်ႉၸိုင် ၵူၼ်းတင်းလၢႆဢွၼ်ၵၼ်ပၼ်တၢင်းလီဢေႃႈ။-

3ၶဝ်ၸိူဝ်းၼႆႉပဵၼ်ၶဝ်ၸိူဝ်းဢၼ်ႁဵတ်းၶုၼ်ဢၼ်မီးဢရႃႇၵႃႈၼႂ်းဝၢၼ်ႈၼႂ်းမိူင်းလႄႈ ယူႇၵႃႈၼႂ်းဝဵင်း ယေႇရူႉသလႅမ်ႇ ဢေႃႈ။ ၵူၺ်းၵႃႈ ၵႃႈၼႂ်းဝၢၼ်ႈဝဵင်း ယူႉတႃႉ ၸိူဝ်းၼၼ်ႉၸိုင်၊ ၵူၼ်းတင်းသဵင်ႈတင်းလူင် ဢၼ်ဝႃႈၵူၼ်းမဵဝ်း ဢီႉသရေႇလႃႉ လႂ်၊ ယိတ်ႈပရေႃးႁဵၵ်ႈလႂ်၊ ၵူၼ်းမဵဝ်း လေႇဝီႉ လႂ်၊ ၶႃႈၽြႃးလႂ်၊ ၶဝ်ၸိူဝ်းဢၼ်ပဵၼ်ၶႃႈ သေႃးလမုၼ်ႇ လႂ်ၸိူဝ်းၼၼ်ႉ ဢွၼ်ၵၼ်ယူႇၵႃႈၼႂ်းဝၢၼ်ႈဝဵင်းတီႈဢၼ်ၶဝ်ထိူၵ်ႈပိူင်ႇႁင်းၽႂ်ႁင်းမၼ်းၼၼ်ႉဢေႃႈ။

4ၵူၼ်းမဵဝ်း ယူႉတႃႉ ဢိၵ်ႇတင်းၵူၼ်းမဵဝ်း ပိၼ်ႇယႃႇမိၼ်ႇ ဢၼ်ယူႇၵႃႈၼႂ်းဝဵင်း ယေႇရူႉသလႅမ်ႇ ၼၼ်ႉၸမ်ႉ၊ ၼႂ်းမဵဝ်း ယူႉတႃႉ မီး ဢသႃႇယႃႉ လုၵ်ႈၸၢႆး ဢေႃးၸီႉ ၊ လုၵ်ႈၸၢႆး ၸႃႇၶရီႉ ၊ လုၵ်ႈၸၢႆး ဢႃႇမရီႉ ၊ လုၵ်ႈၸၢႆး သေႇၽတီႉ ၊ လုၵ်ႈၸၢႆး မႁႃႇလေႇလႃႉ ၊ လုၵ်ႈၸၢႆး ၽႃႇရိတ်ႉ ၼၼ်ႉပႃးၼိုင်ႈ၊-

5မႃႇသေႇယႃႉ လုၵ်ႈၸၢႆး ပႃႇရုၵ်ႉ ၊ လုၵ်ႈၸၢႆး ၵေႃးလႃႉႁေႃႇၸႃႉ ၊ လုၵ်ႈၸၢႆး ႁၸႃႇယႃႉ ၊ လုၵ်ႈၸၢႆး ဢတႃႇယႃႉ ၊ လုၵ်ႈၸၢႆး ယေႃးယရိပ်ႉ ၊ လုၵ်ႈၸၢႆး ၸႃႇၶရီႉ ၊ လုၵ်ႈၸၢႆးၵူၼ်းမဵဝ်း သီႉလေႃးၼီႉ ၼၼ်ႉပႃးၼိုင်ႈ၊-

6ဢိၵ်ႇလူၺ်ႈၵၼ်တင်းၵူၼ်းမဵဝ်း ၽႃႇရိတ်ႉ ၵႃႈဢၼ်ယူႇၵႃႈတီႈဝဵင်း ယေႇရူႉသလႅမ်ႇ လႄႈ ပဵၼ်ႁူဝ်ႁၢၼ်ၵူၼ်းသိုၵ်း သီႇပၢၵ်ႇႁူၵ်းသိပ်းပၢႆပႅတ်ႇၵေႃႉၸိူဝ်းၼၼ်ႉဢေႃႈ။

7ၼႂ်းမဵဝ်း ပိၼ်ႇယႃႇမိၼ်ႇ ၊ မီး သႃႇလူႉ လုၵ်ႈၸၢႆး မေႇသူႉလမ်ႇ ၊ လုၵ်ႈၸၢႆး ယေႃႇတႃႉ ၊ လုၵ်ႈၸၢႆး ပေႇတႃႇယႃႉ ၊ လုၵ်ႈၸၢႆး ၵေႃးလႃႇယႃႉ ၊ လုၵ်ႈၸၢႆး မႃႇသေႇယႃႉ ၊ လုၵ်ႈၸၢႆး ဢီႉသေးလႃႉ ၊ လုၵ်ႈၸၢႆး ယေႇသႃႇယႃႉ ၼၼ်ႉ ပႃးၼိုင်ႈ၊-

8လိုၼ်းမၼ်းၼၼ်ႉ မီးၸႃႉၸဵမ် ၵပ်ႉပေႇ တင်း သႃႇလႆႇ လႄႈ ၼပ်ႉပွင်းၵၼ် ၵဝ်ႈပၢၵ်ႇသၢဝ်းပၢႆပႅတ်ႇၵေႃႉဢေႃႈ။-

9ယူဝ်းဢေးလႃႉ လုၵ်ႈၸၢႆး ၸီႉၶရီႉ ၼၼ်ႉပဵၼ်ၵေႃႉဢၼ်ဢုပ်ႉၵႃႈၼိူဝ်ၶဝ်ၼၼ်ႉဢေႃႈ။ ယူႉတႃႉ လုၵ်ႈၸၢႆး ႁသေးၼႂႃႇ ၼၼ်ႉ ပဵၼ်ၵေႃႉတူႉတီႉယႃႉလႄႈ လႆႈဢုပ်ႉၵႃႈၼိူဝ်ဝဵင်းဢေႃႈ။

10ယိတ်ႈပရေႃးႁဵၵ်ႈၸမ်ႉ၊ မီး ယေႇတႃႇယႃႉ လုၵ်ႈၸၢႆး ယေႃးပရိပ်ႉ၊ ယႃႇၶိၼ်ႇ ၊-

11ၸရႃႇယႃႉ ဢၼ်ပဵၼ်လုၵ်ႈၸၢႆး ႁီႉလၶီႉ ၊ လုၵ်ႈၸၢႆး မေႇသူႉလမ်ႇ ၊ လုၵ်ႈၸၢႆး ၸႃႇတုၵ်ႉ ၊ လုၵ်ႈၸၢႆး မရႃႇယုတ်ႉ ၊ လုၵ်ႈၸၢႆး ဢႁီႉတုပ်ႉ လႄႈ ပဵၼ်ၵေႃႉဢၼ်ဢုပ်ႉၵႃႈၼိူဝ် ႁိူၼ်းၽြႃးပဵၼ်ၸဝ်ႈၼၼ်ႉ၊-

12ဢိၵ်ႇတင်းပီႈၶဝ်ၼွင်ႉၶဝ်ဢၼ်ၵိုတ်ႉႁၢပ်ႇဢမူႉႁိူၼ်းၸဝ်ႈ ပႅတ်ႇပၢၵ်ႇသၢဝ်းပၢႆသွင်ၵေႃႉၸိူဝ်းၼၼ်ႉဢေႃႈ။ ၼွၵ်ႈသေၼၼ်ႉ မီး ဢတႃႇယႃႉ လုၵ်ႈၸၢႆး ယေႇရေႃးႁမ်ႇ ၊ လုၵ်ႈၸၢႆး ပေႇလလီႉ ၊ လုၵ်ႈၸၢႆး ဢႃႇမၸီႉ ၊ လုၵ်ႈၸၢႆး ၸႃႇၶရီႉ ၊ လုၵ်ႈၸၢႆး ပႃႇသူႉရႃႉ ၊ လုၵ်ႈၸၢႆး မႃႇလၶီႉယႃႉ ၼၼ်ႉ၊-

13ဢိၵ်ႇတင်းပီႈမၼ်းၼွင်ႉမၼ်းဢၼ်ဝႃႈ ၶဝ်ၸိူဝ်းဢၼ်ပဵၼ်ငဝ်ႈပဵၼ်ႁူဝ်မဵဝ်းပူႇမဵဝ်းပေႃႈၶဝ် သွင်ပၢၵ်ႇသီႇသိပ်းပၢႆသွင်ၵေႃႉ၊ တင်း ဢႃႇမသေး လုၵ်ႈၸၢႆး ဢႃႇၸရေႇလႃႉ ၊ လုၵ်ႈၸၢႆး ဢႁႃႇသေႇ ၊ လုၵ်ႈၸၢႆး မေႇသီႉလမုတ်ႉ ၊ လုၵ်ႈၸၢႆး ဢီႉမေႇရႃႉ ၼၼ်ႉ၊-

14ဢိၵ်ႇတင်းပီႈမၼ်းၼွင်ႉမၼ်း ဢၼ်ပဵၼ်ႁူဝ်ႁၢၼ်ၵူၼ်းသိုၵ်းဢၼ်ႁႅင်းယႂ်ႇ ပၢၵ်ႇသၢဝ်းပၢႆပႅတ်ႇၵေႃႉၸိူဝ်းၼၼ်ႉဢေႃႈ။ ၸႃႇပတေးလႃႉ လုၵ်ႈၸၢႆး ႁႃႇၵတေႃးလိမ်ႇ ၼၼ်ႉ ပဵၼ်ၵေႃႉဢၼ်လႆႈဢုပ်ႉၵႃႈၼိူဝ်ၶဝ်ၼၼ်ႉဢေႃႈ။

15ၵူၼ်းမဵဝ်း လေႇဝီႉ ၸမ်ႉ၊ မီး သေႇမႃႇယႃႉ လုၵ်ႈၸၢႆး ႁႃႇသုပ်ႉ ၊ လုၵ်ႈၸၢႆး ဢႃႇၸရီႉၵမ်ႇ ၊ လုၵ်ႈၸၢႆး ႁႃႇသပီႉ ၊ လုၵ်ႈၸၢႆး ပုၼ်ႇၼီႉ ၼၼ်ႉပႃးၼိုင်ႈ၊-

16ဢိၵ်ႇတင်း သပ်ႉပေႇသေး တင်း ယေႃးၸပတ်ႉ ၵႃႈၼႂ်းၶဝ်ၸိူဝ်းဢၼ်ပဵၼ်ငဝ်ႈပဵၼ်ႁူဝ် မဵဝ်း လေႇဝီႉ ဢၼ်လႆႈဢွၼ်ၵၼ်လူတူၺ်းၸီႇယၢင်ႇဢမူႉဢၼ် ၵႃႈၼွၵ်ႈႁိူၼ်းၽြႃးပဵၼ်ၸဝ်ႈၸိူဝ်းၼၼ်ႉ၊-

17မတ်ႉတၼီႉ ဢၼ်ပဵၼ်လုၵ်ႈၸၢႆး မီႉၶႃႇ ၊ လုၵ်ႈၸၢႆး ၸႃႇပတီႉ ၊ လုၵ်ႈၸၢႆး ဢႃႇသပ်ႉ လႄႈ ပဵၼ်ၵေႃႉဢၼ်ဢွၼ်ႁူဝ်ပိူၼ်ႈ ၸႃႉႁဵတ်းတၢင်းဢၼ်သူးတွင်းလႄႈ ယွင်ႈယေႃးၵျေးၸူးၸဝ်ႈၼၼ်ႉ၊ ပႃႇၵပူႇၵီႉ ဢၼ်ပဵၼ်ၵေႃႉတူႉတီႉယႃႉ ၵႃႈၼႂ်းပီႊမၼ်းၼွင်ႉမၼ်းၼၼ်ႉ ဢိၵ်ႇတင်း ဢေႃးပတီႉ လုၵ်ႈၸၢႆး သမႂႃႇ ၊ လုၵ်ႈၸၢႆး ၵလႃးလႃႉ ၊ လုၵ်ႈၸၢႆး ယေႇတူႉသုၼ်ႇ ၼၼ်ႉၸိူဝ်းၼၼ်ႉဢေႃႈ။-

18ၵူၼ်းမဵဝ်း လေႇဝီႉ ဢၼ်ယူႇ ၵႃႈၼႂ်းဝဵင်းဢၼ်မူတ်းၸၢင်ႇၼၼ်ႉၸိူဝ်းၼၼ်ႉၸမ်ႉ၊ မီးသွင်ပၢၵ်ႇပႅတ်ႇသိပ်းပၢႆသီႇၵေႃႉဢေႃႈ။

19ၶဝ်ၸိူဝ်းဢၼ်ပႂ်ႉၽၵ်းတူဢၼ်ဝႃႈ ဢၵ်ႉၵုပ်ႉ၊ တႃႇလမုၼ်ႇ ဢိၵ်ႇတင်းပီႊၶဝ်ၼွင်ႉၶဝ် ဢၼ်ပႂ်ႉၽၵ်းတူၸိူဝ်းၼၼ်ႉၸမ်ႉ၊ မီးပၢၵ်ႇၸဵတ်းသိပ်းပၢႆသွင်ၵေႃႉဢေႃႈ။-

20ၵူၼ်းမဵဝ်း ဢီႉသရေႇလႃႉ ၊ ယိတ်ႈပရေႃးႁဵၵ်ႈ၊ ၵူၼ်းမဵဝ်း လေႇဝီႉ ဢၼ်ဝႃႈၶဝ်ၸိူဝ်းဢၼ်ယင်းၵိုတ်းယင်းၵျၢၼ်ႇၼၼ်ႉဢွၼ်ၵၼ်ယူႇၵႃႈၼႂ်းဝၢၼ်ႈၼႂ်းဝဵင်း ယူႉတႃႉ ၵူႈတီႈၵူႈလႅၼ် ၵႃႈတီႈဢၼ်ၶဝ်ပိူင်ႇႁင်းၽႂ်ႁင်းမၼ်းၼၼ်ႉဢေႃႈ။-

21ၶႃႈၽြႃးတင်းလၢႆၼၼ်ႉယူႇၵႃႈတီႈဝဵင်း ဢေႃႇၽေႇလႃႉ လႄႈ၊ ၸီႉႁႃႉ တင်း ၵီႉသပႃႇ ၼၼ်ႉ ဢွၼ်ၵၼ်ပဵၼ်ၵေႃႉဢၼ်ဢုပ်ႉၵႃႈၼိူဝ်ၶႃႈၽြႃးၸိူဝ်းၼၼ်ႉဢေႃႈ။-

22ဢေႃႇၸီႉ ဢၼ်ပဵၼ်လုၵ်ႈၸၢႆး ပႃႇၼီႇ ၊ လုၵ်ႈၸၢႆး ႁႃႇသပီႉ ၊ လုၵ်ႈၸၢႆး မတ်ႉတၼီႉ ၊ လုၵ်ႈၸၢႆး မီႉၶႃႇ ၼၼ်ႉလႆႈဢုပ်ႉၵႃႈၼိူဝ်ၵူၼ်းမဵဝ်း လေႇဝီႉ ဢၼ်ယူႇၵႃႈတီႈဝဵင်း ယေႇရူႉသလႅမ်ႇ ၸိူဝ်းၼၼ်ႉဢေႃႈ။ ၶဝ်ၸိူဝ်းဢၼ်မေႃႁဵတ်းၵႂၢမ်း ၼႂ်းမဵဝ်း ဢႃႇသပ်ႉ ၼၼ်ႉၵေႃႈ ဢွၼ်ၵၼ်လႆႈလူတူၺ်းၸီႇယၢင်ႇဢမူႉႁိူၼ်းၽြႃးပဵၼ်ၸဝ်ႈဢေႃႈ။-

23လွင်ႈမၼ်းၸမ်ႉ ၶုၼ်ႁေႃၶမ်းမီးဢမိင်ႉဝႆႉ ႁႂ်ႈၶဝ်ၸိူဝ်းဢၼ်မေႃႁဵတ်းၵႂၢမ်းၼၼ်ႉ လႆႈၶၢမ်ႇဢဝ်ၸရိပ်ႈတၢင်းၵိၼ်ၶဝ် ၸွမ်းၵႃႈၼင်ႇဢၼ်မိုဝ်ႉဝၼ်းၸႅၼ်ႇတၢမ်းၵၼ်ၼၼ်ႉဢေႃႈ။-

24ပေႇသႁီႉ လုၵ်ႈၸၢႆး မေႇသႃႉၸပေႇလႃႉ ၸိူဝ်ႉၶိူဝ်း ၸေးရႃႉ မဵဝ်း ယူႉတႃႉ ၼၼ်ႉၵေႃႈ လႆႈဢဝ်ဢၶႂၢင်ႉၶုၼ်ႁေႃၶမ်း ဢုပ်ႉၵႃႈၼိူဝ်လွင်ႈတၢင်းၵႃႈဢၼ်ၸၢပ်ႈသႅင်ႇၵၼ်တင်းၵူၼ်းဝၢၼ်ႈၵူၼ်းမိူင်းဢေႃႈ။

25ၵူၼ်း ယူႉတႃႉ ၵမ်ႈၽွင်ႈ ဢွၼ်ၵၼ်ယူႇၵႃႈၼႂ်းဝၢၼ်ႈၼႂ်းဝဵင်း ၵႃႈၼွၵ်ႈၵႃႈပၢင်ႇဢၼ်ဝႃႈ ဝဵင်း ၵီႉရယႃႉသႃႇၽႃႇ ဢိၵ်ႇတင်းဝၢၼ်ႈမၼ်းတင်းလၢႆ၊ ဝဵင်း တီႉၽုၼ်ႇ ဢိၵ်ႇတင်းဝၢၼ်ႈမၼ်းတင်းလၢႆ၊ ဝဵင်း ယေႇၵတ်ႉၸေးလႃႉ ဢိၵ်ႇတင်းဝၢၼ်ႈမၼ်းတင်းလၢႆ၊-

26ဝဵင်း ယေႇသႂႃႉ ၊ ဝဵင်း မေႃႇလတႃႇ ၊ ဝဵင်း ပႅတ်ႉပႃႇလိတ်ႉ ၊-

27ဝဵင်း ႁႃႇၸႃႇသႂႃႇလႃႉ ၊ ဝဵင်း ပေႇရသေႇၽႃႉ ဢိၵ်ႇတင်းဝၢၼ်ႈမၼ်းတင်းလၢႆ၊-

28ဝဵင်း ၸီႉၵလတ်ႉ ၊ ဝဵင်း မေႇၵေႃးၼႃႉ ဢိၵ်ႇတင်းဝၢၼ်ႇမၼ်းတင်းလၢႆ၊-

29ဝဵင်း ဢိၼ်ႇရိမ်ႇမုၼ်ႇ ၊ ဝဵင်း ၸႃႇရႃႉ ၊ ဝဵင်း ယႃႇမုတ်ႉ ၊-

30ဝဵင်း ၸႃႇၼေႃႇ ၊ ဝဵင်း ဢတူႉလမ်ႇ ဢိၵ်ႇတင်းဝၢၼ်ႈမၼ်းတင်းလၢႆ၊ ဝဵင်း လႃႇၶီႉသႃႉ ဢိၵ်ႇတင်းဝၢၼ်ႈမၼ်းၼႃးမၼ်း၊ ဝဵင်း ဢၸေႇၵႃႇ ဢိၵ်ႇတင်းဝၢၼ်ႈမၼ်းတင်းလၢႆဢေႃႈ။ ၶဝ်ၼၼ်ႉယူႇၵႃႈတီႈၸႃႉၸဵမ် ဝဵင်း ပေႇရသေႇၽႃႉ ၊ တေႃႇထိုင်ႁွတ်ႈၶူင်ႈႁူၺ်ႈ ႁိၼ်ႇၼုမ်ႇ ဢေႃႈ။-

31ၵူၼ်းမဵဝ်း ပိၼ်ႇယႃႇမိၼ်ႇ တင်းလၢႆၵေႃႈ ဢွၼ်ၵၼ်ယူႇၵႃႈတီႈ ၸႃႉၸဵမ်ဝဵင်း ၵေႇပႃႉ လႄႈ၊ ဝဵင်း မိၵ်ႉမတ်ႉ ၊ ဝဵင်း ဢႃႇဢီႉ ၊ ဝဵင်း ပေႇသလႃႉ ဢိၵ်ႇတင်းဝၢၼ်ႈမၼ်းတင်းလၢႆ၊-

32ဝဵင်း ဢႃႇၼသုတ်ႉ ၊ ဝဵင်း ၼေႃႇပႃႉ ၊ ဝဵင်း ဢႃႇၼၼီႉ ၊-

33ဝဵင်း ႁႃႇၸေႃႇ ၊ ဝဵင်း ရႃႇမႃႉ ၊ ဝဵင်း ၵိတ်ႉတဵမ် ၊-

34ဝဵင်း ႁႃႇတိတ်ႉ ၊ ဝဵင်း ၸေႇၽူဝ်းဢိမ်း ၊ ဝဵင်း ၼေႇပႃႇလတ်ႉ ၊-

35ဝဵင်း လေႃးတႃႉ ၊ ဝဵင်း ဢေႃးၼေႃး ဢိၵ်ႇတင်းၶူင်ႈႁူၺ်ႈသြႃႇသမႃးၼၼ်ႉဢေႃႈ။-

36ၼႂ်းၵူၼ်းမဵဝ်း လေႇဝီႉ တင်းလၢႆ၊ မုၵ်ႉၸိူဝ်းဢၼ်မီးၵႃႈၼႂ်းမိူင်း ယူႉတႃႉ ၸိူဝ်းၼၼ်ႉ ၵမ်ႈၽွင်ႈၶဝ်ႈပႃးၼႂ်းမိူင်း ပိၼ်ႇယႃႇမိၼ်ႇ ဢေႃႈ။

← Chapter 10 Jump to: Chapter 12 →