Nehemiah 3

Shan

← Chapter 2 Jump to: Chapter 4 →

1မိူဝ်ႈၼၼ်ႉၶုၼ်ယိတ်ႈပရေႃးႁဵၵ်ႈ ဢေးလျႃႇသိပ်ႉ ဢိၵ်ႇတင်းပီႈၼွင်ႉမၼ်း ယိတ်ႈပရေႃးႁဵၵ်ႈတင်းလၢႆ လုၵ်ႉလႄႈဢွၼ်ၵၼ်မႄးၵုမ်းမႄးႁဵတ်းၽၵ်းတူသူဝ်းလႄႈ ႁႂ်ႈမၼ်းမူတ်းၸၢင်ႇသေလႄႈ ဢဝ်မႂ်ၽၵ်းတူတင်းလၢႆပူၵ်းတင်ႈဝႆႉဢေႃႈ။ ဢဝ်ၵႃႈတီႈလၢင်းၸီး မေႇဢႃႇ တေႃႇထိုင်ႁွတ်ႈလၢင်းၸီး ႁႃႇၼၼေႇလႃႉ ၼၼ်ႉလႄႈ၊ ၶဝ်ဢွၼ်ၵၼ်ႁႂ်ႈမူတ်းၸၢင်ႇဢေႃႈ။-

2တီႈဢၼ်သိုပ်ႇတၢမ်းၵၼ်တင်းၶဝ်ၼၼ်ႉ ၵူၼ်းဝဵင်း ယေႇရီႉၶူဝ်း တင်းလၢႆ ဢွၼ်ၵၼ်မႄးၵုမ်းမႄးႁဵတ်းဢေႃႈ။ တီႈဢၼ်သိုပ်ႇတၢမ်းၵၼ်တင်းၶဝ်ၼၼ်ႉ ၸၵ်ႉၵူႉရႃႉ လုၵ်ႈၸၢႆး ဢီႉမရီႉ မႄးၵုမ်းမႄးႁဵတ်းဢေႃႈ။-

3ၽၵ်းတူပႃၸမ်ႉ၊ ၵူၼ်းမဵဝ်း ႁတ်ႉသေႇၼႃႉ တင်းလၢႆဢွၼ်ၵၼ်မႄးၵုမ်းမႄးႁဵတ်းသေလႄႈ ဢဝ်ၶူင်ႇၽၵ်းတူသိုဝ်ႈဝႆႉလႄႈ၊ ဢဝ်မႂ်ၽၵ်းတူပႃးလူၺ်ႈၵၼ်တင်းမၢၵ်ႇသေႃးမၼ်းတင်းၵိူၼ်ႇမၼ်း ပူၵ်းတင်ႈဝႆႉဢေႃႈ။-

4တီႈဢၼ်သိုပ်ႇတၢမ်းၵၼ်တင်းၶဝ်ၼၼ်ႉ မေႇရမုတ်ႉ လုၵ်ႈၸၢႆး ဢူႉရီႉယႃႉ ဢၼ်ပဵၼ်လုၵ်ႈၸၢႆး ၵေႃႇၸႃႉ ၼၼ်ႉ မႄးၵုမ်းမႄးႁဵတ်းဢေႃႈ။ တီႈဢၼ်သိုပ်ႇတၢမ်းၵၼ်တင်းမၼ်းၼၼ်ႉ မေႇသူႉလမ်ႇ လုၵ်ႈၸၢႆး ပေႇရၶီႉ ဢၼ်ပဵၼ်လုၵ်ႈၸၢႆး မေႇသၸႃႉပေႇလႃႉ ၼၼ်ႉ မႄးၵုမ်းမႄးႁဵတ်းဢေႃႈ။ တီႈဢၼ်သိုပ်ႇတၢမ်းၵၼ်တင်းမၼ်းၼၼ်ႉ ၸႃႇတုၵ်ႉ လုၵ်ႈၸၢႆး ပႃႇၼႃႇ မႄးၵုမ်းမႄးႁဵတ်းဢေႃႈ။-

5တီႈဢၼ်သိုပ်ႇတၢမ်းၵၼ်တင်းမၼ်းၼၼ်ႉ ၵူၼ်းဝဵင်း တေႇၵေႃႇ တင်းလၢႆ ဢွၼ်ၵၼ်မႄးၵုမ်းမႄးႁဵတ်းဢေႃႈ။ ၵူၺ်းၵႃႈ ၶုၼ်ၶဝ်ၸိူဝ်းၼၼ်ႉ ဢမ်ႇဢွၼ်ၵၼ်ဢဝ်ၶေႃးၶဝ် ၵိုတ်ႉႁၢပ်ႇဢမူႉၸဝ်ႈၶဝ်။-

6ၽၵ်းတူဢၼ်ၵဝ်ႇၸမ်ႉ၊ ယေႃးယတႃႉ လုၵ်ႈၸၢႆး ပႃႇသႃႉ ဢိၵ်ႇတင်း မေႇသူႉလမ်ႇ လုၵ်ႈၸၢႆး ပေႇသေႃးတေႇယႃႉ ဢွၼ်ၵၼ်မႄးၵုမ်းမႄးႁဵတ်းသေလႄႈ ဢဝ်ၶူင်ႇၽၵ်းတူသိုဝ်ႈဝႆႉလႄႈ ဢဝ်မႂ်ၽၵ်းတူပႃးလူၺ်ႈၵၼ်တင်းမၢၵ်ႇသေႃးမၼ်းတင်းၵိူၼ်ႇမၼ်း ပူၵ်းတင်ႈဝႆႉဢေႃႈ။-

7တီႈဢၼ်သိုပ်ႇတၢမ်းၵၼ်တင်းၶဝ်ၼၼ်ႉ မေႇလတီႉ ၵူၼ်းဝဵင်း ၵီႉပွင်ႇ၊ ယႃႇတုၼ်ႇ ၵူၼ်းဝဵင်း မေႇရႃးၼုတ်ႉ ဢိၵ်ႇတင်းၵူၼ်း ၵီႉပွင်ႇ တင်းလၢႆ၊ ၵူၼ်း မီႉၸပႃႇ တင်းလၢႆ ဢွၼ်ၵၼ်မႄးၵုမ်းမႄးႁဵတ်းတေႃႇထိုင်ႁွတ်ႈရႃႇၸႃႉပလၢင်ႇ မဵဝ်ႉဝုၼ်ႇၽၢႆႇဝၼ်းတူၵ်းၼမ်ႉႁွင်ႈၼၼ်ႉဢေႃႈ။-

8တီႈဢၼ်သိုပ်ႇတၢမ်းၵၼ်တင်းၶဝ်ၼၼ်ႉ ၸၢင်ႈၶမ်း ဢေႃးၸေးလႃႉ လုၵ်ႈၸၢႆး ႁႃႇႁႃႇယႃႉ မႄးၵုမ်းမႄးႁဵတ်းဢေႃႈ။ တီႈဢၼ်သိုပ်ႇတၢမ်းၵၼ်တင်းမၼ်းၼၼ်ႉ မေႃယႃ ႁႃႇၼၼီႉ မႄးၵုမ်းမႄးႁဵတ်းသေလႄႈ သွင်ၵေႃႉၼၼ်ႉ ဢွၼ်ၵၼ်ႁႂ်ႈဝဵင်း ယေႇရူႉသလႅမ်ႇ မၼ်ႈၶိူင်ႇ တေႃႇထိုင်ႁွတ်ႈလမ်းဝဵင်းဢၼ်ၵႂၢင်ႈၼႃႇၼၼ်ႉဢေႃႈ။-

9တီႈဢၼ်သိုပ်ႇတၢမ်းၵၼ်တင်းၶဝ်ၼၼ်ႉ ရေႇၽႃႇယႃႉ လုၵ်ႈၸၢႆး ႁူႉရႃႉ ၵေႃႉဢၼ်ဢုပ်ႉၵႃႈၼိူဝ်ဝဵင်း ယေႇရူႉသလႅမ်ႇ ၽၢၵ်ႇၼိုင်ႈၼၼ်ႉ မႄးၵုမ်းမႄးႁဵတ်းဢေႃႈ။-

10တီႈဢၼ်သိုပ်ႇတၢမ်းၵၼ်တင်းမၼ်းၼၼ်ႉ ယေႇတႃႇယႃႉ လုၵ်ႈၸၢႆး ႁႃႇရူႉမပ်ႉ မႄးၵုမ်းမႄးႁဵတ်းတီႈဢၼ်မီးသိုဝ်ႈၵၼ်တင်းႁိူၼ်းမၼ်းၼၼ်ႉဢေႃႈ။ တီႈဢၼ်သိုပ်ႇတၢမ်းၵၼ်တင်းမၼ်းၼၼ်ႉ ႁတ်ႉတုတ်ႉ လုၵ်ႈၸၢႆး ႁႃႇသႃႉပၼီႉ မႄးၵုမ်းမႄးႁဵတ်းဢေႃႈ။-

11မႃႇလၶီႉယႃႉ လုၵ်ႈၸၢႆး ႁႃႇရိမ်း တင်း ႁႃႇသုပ်ႉ လုၵ်ႈၸၢႆး ပႃႇႁတ်ႉမေႃႇၽႃႉ ဢွၼ်ၵၼ်မႄးၵုမ်းမႄးႁဵတ်းတီႈဢၼ်ယင်းၵိုတ်းယင်းၵျၢၼ်ႇဝႆႉယူႇပွတ်းၼိုင်ႈၼၼ်ႉ ဢိၵ်ႇတင်းလၢင်းၸီးၽီးၽႆးဢေႃႈ။-

12တီႈဢၼ်သိုပ်ႇတၢမ်းၵၼ်တင်းသွင်ၶႃၼၼ်ႉ၊ သႃႇလုမ်ႇ လုၵ်ႈၸၢႆး ႁႃႇလေႃးႁိတ်ႉ ၵေႃႉဢၼ်ဢုပ်ႉၵႃႈၼိူဝ်ဝဵင်း ယေႇရူႉသလႅမ်ႇ ၽၢၵ်ႇၼိုင်ႈၼၼ်ႉ ဢိၵ်ႇတင်းလုၵ်ႈယိင်းမၼ်းတင်းလၢႆ ဢွၼ်ၵၼ်မႄးၵုမ်းမႄးႁဵတ်းဢေႃႈ။-

13ႁႃႇၼၼ်ႇ တင်းၵူၼ်းဝဵင်း ၸႃႇၼေႃႇ တင်းလၢႆ မႄးၵုမ်းမႄးႁဵတ်းၽၵ်းတူၶူင်ႈႁူၺ်ႈသေလႄႈ ဢဝ်မႂ်ၽၵ်းတူပႃးလူၺ်ႈၵၼ်တင်းမၢၵ်ႇသေႃးမၼ်းတင်းၵိူၼ်ႇမၼ်း ပူၵ်းတင်ႈဝႆႉသေယဝ်ႉ၊ ဢွၼ်ၵၼ်တႄႇႁဵတ်းလမ်းဝဵင်းႁဵင်သွၵ်ႇ တေႃႇထိုင်ႁွတ်ႈၽၵ်းတူၶီႈဝူဝ်းဢေႃႈ။-

14မႃႇလၶီႉ လုၵ်ႈၸၢႆး ရေႇၶပ်ႉ ၵေႃႉဢၼ်ဢုပ်ႉဝဵင်း ပေႇသၵ်ႉၵရိမ်ႇ ၽၢၵ်ႇၼိုင်ႈၼၼ်ႉ မႄးၵုမ်းမႄးႁဵတ်းၽၵ်းတူၶီႈဝူဝ်းၼၼ်ႉသေလႄႈ ႁဵတ်းသေယဝ်ႉ၊ ဢဝ်မႂ်ၽၵ်းတူပႃးလူၺ်ႈၵၼ်တင်းမၢၵ်ႇသေႃးမၼ်း တင်းၵိူၼ်ႇမၼ်းပူၵ်းတင်ႈဝႆႉဢေႃႈ။-

15သႃႇလုမ်ႇ လုၵ်ႈၸၢႆး ၵေႃးလႃႉႁေႃႇၸႃႉ ဢၼ်ဢုပ်ႉၵႃႈၼိူဝ်ဝဵင်း မီႉၸပႃႇ ၽၢၵ်ႇၼိုင်ႈၼၼ်ႉ မႄးၵုမ်းမႄးႁဵတ်းၽၵ်းတူၼမ်ႉမေႃႇဢွၵ်ႇႁူးသေလႄႈႁဵတ်းသေယဝ်ႉ၊ မုင်းဝႆႉလႄႈ ဢဝ်မႂ်ၽၵ်းတူပႃးလူၺ်ႈၵၼ်တင်းမၢၵ်ႇသေႃးမၼ်းတင်းၵိူၼ်ႇမၼ်း ပူၵ်းတင်ႈဝႆႉသေယဝ်ႉ၊ တႄႇႁဵတ်းလမ်းဝဵင်းၽၢႆႇၼမ်ႉၼွင် သီႉလွင်ႇ ၵႃႈတီႈႁိမ်းသူၼ်ဢူးယဵၼ်ႇ ၶုၼ်ႁေႃၶမ်းၼၼ်ႉတေႃႇထိုင်ႁွတ်ႈၶၼ်ႈလႆဢၼ်လူင်းသေ ၵႃႈတီႈဝဵင်း တႃႇဝိတ်ႈ ၵႂႃႇၼၼ်ႉဢေႃႈ။-

16တီႈဢၼ်သိုပ်ႇတၢမ်းၵၼ်တင်းမၼ်းၼၼ်ႉ ၼေႇႁမီႉ လုၵ်ႈၸၢႆး ဢႃႇၸပုၵ်ႉ ၵေႃႉဢၼ်ဢုပ်ႉၵႃႈၼိူဝ်ဝဵင်း ပႅတ်ႉၸူႉရႃႉ ၽၢၵ်ႇၼိုင်ႈၼၼ်ႉ မႄးၵုမ်းမႄးႁဵတ်း ဢဝ်ၵႃႈတီႈဢၼ်သိုဝ်ႈၵၼ်တင်း ပႃႇႁဵဝ်ႈသၢင်းၶႅင်း တႃႇဝိတ်ႈ ၼၼ်ႉ တေႃႇထိုင်ႁွတ်ႈၼမ်ႉၼွင်ဢၼ်လႆႈႁဵတ်းယဝ်ႉၼၼ်ႉ ဢိၵ်ႇတင်းႁိူၼ်းၶုၼ်ပူဝ်ႇတင်းလၢႆၼၼ်ႉဢေႃႈ။

17တီႈဢၼ်သိုပ်ႇတၢမ်းၵၼ်တင်းမၼ်းၼၼ်ႉ ရေႇႁုမ်ႇ လုၵ်ႈၸၢႆး ပႃႇၼီႇ မဵဝ်း လေႇဝီႉ မႄးၵုမ်းမႄးႁဵတ်းဢေႃႈ။ တီႈဢၼ်သိုပ်ႇတၢမ်းၵၼ်တင်းမၼ်းၼၼ်ႉ ႁႃႇသပီႉ ဢၼ်ဢုပ်ႉၵႃႈၼိူဝ်ဝဵင်း ၵီႉလႃႉ ၽၢၵ်ႇၼိုင်ႈၼၼ်ႉ မႄးၵုမ်းမႄးႁဵတ်းပုၼ်ႈမၼ်းတႃႇမၼ်းဢေႃႈ။-

18တီႈဢၼ်သိုပ်ႇတၢမ်းၵၼ်တင်းမၼ်းၼၼ်ႉ ၼွင်ႉၸၢႆးမၼ်း ပႃႇဝေႇ လုၵ်ႈၸၢႆး ႁေႇၼတပ်ႉ ဢၼ်ဢုပ်ႉၵႃႈၼိူဝ်ဝဵင်း ၵီႉလႃႉ ၽၢၵ်ႇၼိုင်ႈၼၼ်ႉ မႄးၵုမ်းမႄးႁဵတ်းဢေႃႈ။-

19တီႈဢၼ်သိုပ်ႇတၢမ်းၵၼ်တင်းမၼ်းၼၼ်ႉ ဢေးၸႃႇ လုၵ်ႈၸၢႆး ယေႃးသူႉ ၵေႃႉဢၼ်ဢုပ်ႉၵႃႈၼိူဝ်ဝဵင်း မီႉၸပႃႇ ၼၼ်ႉ မႄးၵုမ်းမႄးႁဵတ်းပွတ်းၼိုင်ႈ ဢၼ်မီးသိုဝ်ႈၵၼ်တင်း တီႈဢၼ်ၶိုၼ်ႈၸူးတိူၵ်ႈလၢၵ်ႈၼၢၵ်ႈၸုမ်ႇၼၼ်ႉလႄႈ မီးၵႃႈတီႈၸဵင်ႇဝဵင်းဢေႃႈ။-

20တီႈဢၼ်သိုပ်ႇတၢမ်းၵၼ်တင်းမၼ်းၼၼ်ႉ ပႃႇရုၵ်ႉ လုၵ်ႈၸၢႆး ၸပ်ႉပေႇ ၶတ်းၸႂ်ၵျူဝ်းၸႃးႁဵတ်းပွတ်းၼိုင်ႈ ဢဝ်ၵႃႈတီႈၸဵင်ႇဝဵင်းၼၼ်ႉတေႃႇထိုင်ႁွတ်ႈၽၵ်းတူႁိူၼ်း ဢေးလျႃႇသိပ်ႉ ၶုၼ်ယိတ်ႈပရေႃးႁဵၵ်ႈဢေႃႈ။-

21တီႈဢၼ်သိုပ်ႇတၢမ်းၵၼ်တင်းမၼ်းၼၼ်ႉ မေႇရမုတ်ႉ လုၵ်ႈၸၢႆး ဢူႉရီႉယႃႉ ဢၼ်ပဵၼ်လုၵ်ႈၸၢႆး ၵေႃႇၸႃႉ ၼၼ်ႉ မႄးၵုမ်းမႄးႁဵတ်းပွတ်းၼိုင်ႈ ဢဝ်ၵႃႈတီႈၽၵ်းတူႁိူၼ်း ဢေးလျႃႇသိပ်ႉ ၼၼ်ႉ တေႃႇထိုင်ႁွတ်ႈၸဵင်ႇႁိူၼ်း ဢေးလျႃႇသိပ်ႉ ၼၼ်ႉဢေႃႈ။

22တီႈဢၼ်သိုပ်ႇတၢမ်းၵၼ်တင်းမၼ်းၼၼ်ႉ ယိတ်ႈပရေႃးႁဵၵ်ႈဢၼ်ပဵၼ်ၵူၼ်း ၵႃႈၼႂ်းတီႈပၢင်ႇတီႈပဵင်းၸိူဝ်းၼၼ်ႉ ဢွၼ်ၵၼ်မႄးၵုမ်းမႄးႁဵတ်းဢေႃႈ။-

23တီႈဢၼ်သိုပ်ႇတၢမ်းၵၼ်တင်းၶဝ်ၼၼ်ႉ ပိၼ်ႇယႃႇမိၼ်ႇ တင်း ႁႃႇသုပ်ႉ ဢွၼ်ၵၼ်မႄးၵုမ်းမႄးႁဵတ်း ၵႃႈတီႈဢၼ်သိုဝ်ႈၵၼ်တင်းႁိူၼ်းသွင်ၶႃၼၼ်ႉဢေႃႈ။ တီႈဢၼ်သိုပ်ႇတၢမ်းၵၼ်တင်းသွင်ၶႃၼၼ်ႉ၊ ဢႃႇၸရီႉ လုၵ်ႈၸၢႆး မႃႇသေႇယႃႉ ဢၼ်ပဵၼ်လုၵ်ႈၸၢႆး ဢႃႇၼၼီႉ ၼၼ်ႉ မႄးၵုမ်းမႄးႁဵတ်း ၵႃႈတီႈဢၼ်မီးႁိမ်းႁိူၼ်းမၼ်းၼၼ်ႉဢေႃႈ။-

24တီႈဢၼ်သိုပ်ႇတၢမ်းၵၼ်တင်းမၼ်းၼၼ်ႉ ပီႉၼုၺ်ႇ လုၵ်ႈၸၢႆး ႁေႇၼတပ်ႉ ၼၼ်ႉ မႄးၵုမ်းမႄးႁဵတ်းပွတ်းၼိုင်ႈ ဢဝ်ၵႃႈတီႈႁိူၼ်း ဢႃႇၸရီႉ တေႃႇထိုင်ႁွတ်ႈတီႈဢၼ်လမ်းဝဵင်းၵူတ်ႉမွင်ႉ ဢိၵ်ႇတင်းတေႃႇထိုင်ႁွတ်ႈၵႃႈတီႈၸဵင်ႇဝဵင်းဢေႃႈ။-

25ပႃႇလႃႉလႃႉ လုၵ်ႈၸၢႆး ဢူႉၸေႇ မႄးၵုမ်းမႄးႁဵတ်းၵႃႈတီႈဢၼ်သိုပ်ႇတၢမ်းၵၼ်တင်း တီႈဢၼ်လမ်းဝဵင်းၵူတ်ႉမွင်ႉၼၼ်ႉဢိၵ်ႇတင်းလၢင်းၸီး ဢၼ်မီးၵႃႈတီႈၽၢႆႇၼႃႈႁေႃၶုၼ်ႁေႃၶမ်း ဢၼ်ၵႃႈၼိူဝ်ဢၼ်မီးၵႃႈႁိမ်းဝၢင်းထွင်ႇၼၼ်ႉဢေႃႈ။ တီႈဢၼ်သိုပ်ႇတၢမ်းၵၼ်တင်းမၼ်းၼၼ်ႉ ပေႇတႃႇယႃႉ လုၵ်ႈၸၢႆး ပႃႇရုတ်ႉ မႄးၵုမ်းမႄးႁဵတ်းဢေႃႈ။-

26ၼွၵ်ႈသေၼၼ်ႉၶႃႈၽြႃးတင်းလၢႆ ဢွၼ်ၵၼ်မႄးၵုမ်းမႄးႁဵတ်းတီႈဝဵင်း ဢေႃႇၽေႇလႃႉ တီႈဢၼ်ၶဝ်ယူႇၶဝ်သဝ်းၼၼ်ႉ တေႃႇထိုင်ႁွတ်ႈတီႈဢၼ်သိုဝ်ႈၵၼ်တင်းၽၵ်းတူၼမ်ႉ ဢၼ်မီးၵႃႈတီႈၽၢႆႇၼႃႈဝၼ်းဢွၵ်ႇၼၼ်ႉ ဢိၵ်ႇတင်း လၢင်းၸီးဢၼ်ပႅၼ်ဢွၵ်ႇၵႃႈၼွၵ်ႈၼၼ်ႉဢေႃႈ။

27တီႈဢၼ်သိုပ်ႇတၢမ်းၵၼ်တင်းၶဝ်ၼၼ်ႉ ၵူၼ်းဝဵင်း တေႇၵေႃႇ တင်းလၢႆ ဢွၼ်ၵၼ်မႄးၵုမ်းမႄးႁဵတ်းပွတ်းၼိုင်ႈ ဢဝ်ၵႃႈတီႈဢၼ်သိုဝ်ႈၵၼ်တင်းလၢင်းၸီးလူင်ဢၼ်ပႅၼ်ဢွၵ်ႇၵႃႈၼွၵ်ႈၼၼ်ႉ တေႃႇထိုင်ႁွတ်ႈလမ်းဝဵင်း ဢေႃႇၽေႇလႃႉ ဢေႃႈ။-

28ယိတ်ႈပရေႃးႁဵၵ်ႈတင်းလၢႆ ဢွၼ်ၵၼ်မႄးၵုမ်းမႄးႁဵတ်းပွတ်းၽၢႆႇၼိူဝ်ၽၵ်းတူမႃႉ တီႈဢၼ်သိုဝ်ႈၵၼ်တင်းႁိူၼ်း ႁင်းၽႂ်ႁင်းမၼ်းၼၼ်ႉဢေႃႈ။-

29တီႈဢၼ်သိုပ်ႇတၢမ်းၵၼ်တင်းၶဝ်ၼၼ်ႉ ၸႃႇတုၵ်ႉ လုၵ်ႈၸၢႆး ဢီႉမေႇရႃႉ မႄးၵုမ်းမႄးႁဵတ်း ၵႃႈတီႈဢၼ်သိုဝ်ႈၵၼ်တင်းႁိူၼ်းမၼ်းဢေႃႈ။ တီႈဢၼ်သိုပ်ႇတၢမ်းၵၼ်တင်းမၼ်းၼၼ်ႉ သေႇမႃႇယႃႉ ၵႄႇၽၵ်းတူတၢင်းဝၼ်းဢွၵ်ႇ ဢၼ်ပဵၼ်လုၵ်ႈၸၢႆး သေႇၶၼီႉ ၼၼ်ႉ မႄးၵုမ်းမႄးႁဵတ်းဢေႃႈ။-

30တီႈဢၼ်သိုပ်ႇတၢမ်းၵၼ်တင်းမၼ်းၼၼ်ႉ ႁႃႇၼၼီႉ လုၵ်ႈၸၢႆး သေႇလမီႉ ဢိၵ်ႇတင်း ႁႃႇၼၼ်ႇ ဢၼ်ပဵၼ်လုၵ်ႈၸၢႆးသႃႉထမႃႉ တီႈ ၸႃႇလပ်ႉ ၼၼ်ႉ မႄးၵုမ်းမႄးႁဵတ်းပွတ်းၼိုင်ႈဢေႃႈ။-

31တီႈဢၼ်သိုပ်ႇတၢမ်းၵၼ်တင်းသွင်ၶႃၼၼ်ႉ၊ မႃႇလၶီႉ လုၵ်ႈၸၢႆးၸၢင်ႈၶမ်းၼၼ်ႉ မႄးၵုမ်းမႄးႁဵတ်း ၵႃႈတီႈဢၼ်သိုဝ်ႈၵၼ်တင်းၽၵ်းတူ မီႉၽၵတ်ႉ တေႃႇထိုင်ႁွတ်ႈတီႈဢၼ်ၶႃႈၽြႃးတင်းလၢႆယူႇ ဢိၵ်ႇတင်းတီႈဢၼ်ၸဝ်ႈၵုၼ်ႇၸဝ်ႈသိၼ်တင်းလၢႆယူႇဢိၵ်ႇတင်း တေႃႇထိုင်ႁွတ်ႈတီႈဢၼ်ၶိုၼ်ႈၸူးၸဵင်ႇဝဵင်းၼၼ်ႉဢေႃႈ။-

32ၸႃႉၸဵမ်ဢၼ်ၶိုၼ်ႈၸူးၸဵင်ႇဝဵင်းၼၼ်ႉ တေႃႇထိုင်ႁွတ်ႈၽၵ်းတူသူဝ်း ၼၼ်ႉလႄႈ၊ ၸၢင်ႈၶမ်းတင်းလၢႆ ဢိၵ်ႇတင်းၸဝ်ႈၵုၼ်ႇၸဝ်ႈသိၼ်တင်းလၢႆ ဢွၼ်ၵၼ်မႄးၵုမ်းမႄးႁဵတ်းဢေႃႈ။

← Chapter 2 Jump to: Chapter 4 →