Nehemiah 7 — Shan

1မိူဝ်ႈဢၼ် လမ်းဝဵင်းယဝ်ႉတူဝ်ႈယဝ်ႉၼၼ်ႉလႄႈ ၵဝ်ပူၵ်းတင်ႈၽၵ်းတူတင်းလၢႆသေလႄႈၶၢၼ်းၶဝ်ၸိူဝ်းဢၼ်ပႂ်ႉၽၵ်းတူ၊ ၶဝ်ၸိူဝ်းဢၼ်မေႃႁဵတ်းၵႂၢမ်း ဢိၵ်ႇတင်းၵူၼ်းမဵဝ်း လေႇဝီႉ တင်းလၢႆဝႆႉယဝ်ႉၼၼ်ႉၸိုင်၊-

2ၵဝ်ဢဝ်ဝဵင်း ယေႇရူႉသလႅမ်ႇ ဢၢပ်ႈပၼ်တီႈ ႁႃႇၼၼီႉ ၼွင်ႉၸၢႆးၵဝ် ဢိၵ်ႇတင်း ႁႃႇၼၼီႉယႃႉ ၵေႃႉဢၼ်ဢုပ်ႉၵႃႈၼိူဝ်တိူၵ်ႈတီႈတိုၵ်းသိုၵ်း ဢၼ်မီးသဵတ်ႈၸႃႇလႄႈ ရူဝ်ႇသေႇၵူဝ်ယမ်ၽြႃးပဵၼ်ၸဝ်ႈလိူဝ်တွၼ်းၼႃႇသေၵူၼ်းၼမ်ၼႃႇၼၼ်ႉသေလႄႈ ၸီႇယၢင်ႇလႄႈဝႃႈ၊-

3ၸူဝ်ႈဢၼ်ၵၢင်ဝၼ်းဢမ်ႇပႆဢွၵ်ႇ၊ လႅတ်ႇဢမ်ႇပႆႇမႆႈၼၼ်ႉၸိုင် ယႃႇပေႁႂ်ႈၽုၺ်ႇပိုတ်ႇၽၵ်းတူဝဵင်း ယေႇရူႉသလႅမ်ႇ ။ ၼႂ်းမိူဝ်ႈဢၼ်ၶဝ်ယင်းတိုၵ်ႉပႂ်ႉၽၵ်းတူယူႇၼၼ်ႉ ႁႂ်ႈၶဝ်ဢိုတ်းႁပ်းၽၵ်းတူသေလႄႈသွတ်ႇၵိူၼ်ႇၽၵ်းတူဝႆႉသေ။ ႁႂ်ႈၵူၼ်းၶူးၵူၼ်းဝဵင်း ယေႇရူႉသလႅမ်ႇ တင်းလၢႆဝႆႉပဵၼ်မုၵ်ႉပဵၼ်ၸိူဝ်းယူႇလႄႈ ႁႂ်ႈပဵၼ်ၵၢင်ၽႂ်ၵၢင်မၼ်းယူႇသေလႄႈ ႁႂ်ႈၵူႈၵေႃႉၵူႈၵူၼ်းပႂ်ႉယူႇၵႃႈတီႈ ဢၼ်သိုဝ်ႈၵၼ်တင်းႁိူၼ်းၽႂ်ႁိူၼ်းမၼ်းသေ၊ ဝႃႈၼင်ႇၼႆဢေႃႈ။

4လွင်ႈမၼ်းၸမ်ႉ ဝဵင်းပဵၼ်ဢၼ်ယႂ်ႇၵႂၢင်ႈလႄႈ ၵူၼ်းဢၼ်ယူႇၵႃႈၼႂ်းမၼ်းပဵၼ် ဢၼ်ၵေႇမၢင်လႄႈ ဢမ်ႇပႆႇဢွၼ်ၵၼ်တႄႇႁဵတ်းႁိူၼ်းၶဝ်ယေးၶဝ်။-

5မိူဝ်ႈၼၼ်ႉၽြႃးပဵၼ်ၸဝ်ႈၵဝ် ဢဝ်တၢင်းၵျၢမ်ႇတၢင်းပွင် ဢၼ်တၵ်းႁႂ်ႈမူးမၢတ်ႈၽွင်းမိူင်း၊ ၶုၼ်ဢၼ်မီးဢရႃႇ၊ ၶႃႈဝၢၼ်ႈၵူၼ်းမိူင်းတင်းလၢႆ ၸူႉၵၼ်တုမ်ၵၼ်ႁႂ်ႈၶဝ်လႆႈၶၢမ်ႇတၢင်းဢၼ်ၼပ်ႉဢၢၼ်ႇ ၶဝ်ႈၼႂ်းၸရၢင်းၸွမ်းလူၺ်ႈမဵဝ်းၸိူဝ်ႉၶိူဝ်းၶဝ်ၼၼ်ႉ သႂၢင်းသႂ်ႇပၼ်ၵႃႈၼႂ်းႁူဝ်ၸႂ်ၵဝ်ဢေႃႈ။ ၵဝ်ထူပ်းႁၼ်လိၵ်ႈၸရၢင်း ပီႈၼွင်ႉမဵဝ်းၸိူဝ်ႉၶိူဝ်းၶဝ်ၸိူဝ်းဢၼ်ႁွတ်ႈမႃးမိူဝ်ႈဢွၼ်တၢင်းၼၼ်ႉလႄႈ ၵႂၢမ်းဢၼ်ၵဝ်ထူပ်းႁၼ်တႅမ်ႈဝႆႉမီးယူႇၵႃႈၼႂ်းလိၵ်ႈၸရၢင်းၼၼ်ႉဝႃႈၸမ်ႉ၊-

6ၵူၼ်းၸိူဝ်းၼႆႉပဵၼ်ၵူၼ်းမိူင်းၸဝ်ႈ ဢၼ်ဢွၵ်ႇသေၵႃႈၼႂ်းတၢင်းဢၼ်သိမ်းဢဝ်ၵႂႃႇ ဢၼ်ၸၢပ်ႈသႅင်ႇၵၼ်တင်းၶဝ်ၸိူဝ်းဢၼ် လႆႈၶၢမ်ႇတၢင်းဢၼ်သိမ်းဢဝ်ၵႂႃႇၼၼ်ႉ ဢၼ် ၼေႇပူႉၶတ်ႉၼေႇၸႃႇ ၶုၼ်ႁေႃၶမ်း ပႃႇပူႉလုၼ်ႇ လႆႈသိမ်းဢဝ်ၵႂႃႇ ၵႃႈတီႈဝဵင်း ပႃႇပူႉလုၼ်ႇ ၼၼ်ႉလႄႈ ၶိုၼ်းမိူဝ်းႁွတ်ႈထိုင်ၵႃႈတီႈဝဵင်း ယေႇရူႉသလႅမ်ႇ တင်းမိူင်း ယူႉတႃႉ တီႈဝၢၼ်ႈဝဵင်းတီႈယူႇၶဝ်ႁင်းၽႂ်ႁင်းမၼ်းလႄႈ၊-

7ၸွမ်းလူၺ်ႈၵၼ်တင်း ၸေႇရူႉပႃႉပေႇလႃႉ၊ ယေႃးသူႉ၊ ၼေႇႁမီႉ၊ ဢႃႇၸရီႉ၊ ရႃႇမီႉ၊ ၼႃႇႁမႃႇၼီႉ၊ မေႃႇတၵႄး၊ ပီႉလသၼ်ႇ၊ မီႇၸပႃႇ၊ ပီႉၵဝေႇ၊ ၼေႇႁုမ်ႇ၊ ပႃႇၼႃႇ ၸိူဝ်းၼၼ်ႉမႃးဢေႃႈ။ ၸရၢင်းဢၼ်ၼပ်ႉဢၢၼ်ႇၵူၼ်းၸၢႆးမဵဝ်း ဢီႉသရေႇလႃႉ ၸမ်ႉ၊-

8မီးၵူၼ်းမဵဝ်း ပႃႇရုတ်ႉ သွင်ႁဵင်ပၢၵ်ႇၼိုင်ႈၸဵတ်းသိပ်းပၢႆသွင်ၵေႃႉ၊-

9ၵူၼ်းမဵဝ်း သေႇၽတီႉ သၢမ်ပၢၵ်ႇၸဵတ်းသိပ်းပၢႆသွင်ၵေႃႉ၊-

10ၵူၼ်းမဵဝ်း ဢႃႇရႃႉ ႁူၵ်းပၢၵ်ႇႁႃႈသိပ်းပၢႆသွင်ၵေႃႉ၊-

11ၵူၼ်းမဵဝ်း ပႃႇႁတ်ႉမေႃႇၽႃႉ ၊ ၵူၼ်းမဵဝ်း ယေႃးသူႉ တင်း ယႂႃႇၽႃႉ သွင်ႁဵင်ပႅတ်ႇပၢၵ်ႇပၢႆသိပ်းပႅတ်ႇဢေႃႈ။-

12ၵူၼ်းမဵဝ်း ဢေႇလမ်ႇ ႁဵင်ၼိုင်ႈသွင်ပၢၵ်ႇႁႃႈသိပ်းပၢႆသီႇၵေႃႉ၊-

13ၵူၼ်းမဵဝ်း ၸတ်ႉတူႉ ပႅတ်ႇပၢၵ်ႇသီႇသိပ်းပၢႆႁႃႈၵေႃႉ၊-

14ၵူၼ်းမဵဝ်း ၸၵ်ႉၶေး ၸဵတ်းပၢၵ်ႇပၢႆႁူၵ်းသိပ်းၵေႃႉ၊-

15ၵူၼ်းမဵဝ်း ပီႉၼုၺ်ႇ ႁူၵ်းပၢၵ်ႇသီႇသိပ်းပၢႆပႅတ်ႈၵေႃႉ၊-

16ၵူၼ်းမဵဝ်း ပေႇပေႇ ႁူၵ်းပၢၵ်ႇသၢဝ်းပၢႆပႅတ်ႇၵေႃႉ၊-

17ၵူၼ်းမဵဝ်း ဢႃႇၸၵတ်ႉ သွင်ႁဵင်သၢမ်ပၢၵ်ႇသၢဝ်းပၢႆသွင်ၵေႃႉ၊-

18ၵူၼ်းမဵဝ်း ဢႃႇတေႃးၼီႉၵမ်ႇ ႁူၵ်းပၢၵ်ႇႁူၵ်းသိပ်းပၢႆၸဵတ်းၵေႃႉ၊-

19ၵူၼ်းမဵဝ်း ပီႉၵဝေႇ သွင်ႁဵင်ႁူၵ်းသိပ်းပၢႆၸဵတ်းၵေႃႉ၊-

20ၵူၼ်းမဵဝ်း ဢႃႇတိၼ်ႇ ႁူၵ်းပၢၵ်ႇႁႃႈသိပ်းပၢႆႁႃႈၵေႃႉ၊-

21ၵူၼ်းမဵဝ်း ဢႃႇတႃႇ တင်း ႁေႇၸၵီႉ ၵဝ်ႈသိပ်းပၢႆပႅတ်ႇၵေႃႉ၊-

22ၵူၼ်းမဵဝ်း ႁႃႇသုမ်ႇ သၢမ်ပၢၵ်ႇသၢဝ်းပၢႆပႅတ်ႇၵေႃႉ၊-

23ၵူၼ်းမဵဝ်း ပေႇၸေႇ သၢမ်ပၢၵ်ႇသၢဝ်းပၢႆသီႇၵေႃႉ၊-

24ၵူၼ်းမဵဝ်း ႁႃႇရိပ်ႉ ပၢၵ်ႇပၢႆသိပ်းသွင်ၵေႃႉ၊-

25ၵူၼ်းမဵဝ်း ၵီႉပွင်ႇ ၵဝ်ႈသိပ်းပၢႆႁႃႈၵေႃႉ၊-

26ၵူၼ်းဝဵင်း ပႅတ်ႉလႁႅမ်ႇ တင်းဝဵင်း ၼေႇတေႃႇၽႃႉ ပၢၵ်ႇပႅတ်ႇသိပ်းပၢႆပႅတ်ႇၵေႃႉ၊-

27ၵူၼ်းဝဵင်း ဢႃႇၼသုတ်ႉ ပၢၵ်ႇသၢဝ်းပၢႆပႅတ်ႇၵေႃႉ၊-

28ၵူၼ်းဝဵင်း ပေႇသႃႇၸမႃႇဝိတ်ႉ သီႇသိပ်းပၢႆသွင်ၵေႃႉ၊-

29ၵူၼ်းဝဵင်း ၵီႉရယတ်ႉယႃႇရိမ်ႇ ၊ ဝဵင်း ၶေႇၽီႉရႃႉ ၊ ဝဵင်း ပေႇရုတ်ႉ ၸဵတ်းပၢၵ်ႇသီႇသိပ်းပၢႆသၢမ်ၵေႃႉ၊-

30ၵူၼ်းဝဵင်း ရႃႇမႃႉ ၊ ဝဵင်း ၵႃႇပႃႉ ႁူၵ်းပၢၵ်ႇသၢဝ်းပၢႆဢဵတ်းၵေႃႉ၊-

31ၵူၼ်းဝဵင်း မိၵ်ႉမတ်ႉ ပၢၵ်ႇသၢဝ်းပၢႆသွင်ၵေႃႉ၊-

32ၵူၼ်းဝဵင်း ပေႇသလႃႉ ၊ ဝဵင်း ဢႃႇဢီႉ ပၢၵ်ႇသၢဝ်းပၢႆသၢမ်ၵေႃႉ၊-

33ၵူၼ်းဝဵင်း ၼေႇပေႃႇ ႁႃႈသိပ်းပၢႆသွင်ၵေႃႉ၊-

34ၵူၼ်းဝဵင်း ဢေႇလမ်ႇ တီႈၼိုင်ႈ ႁဵင်ၼိုင်ႈသွင်ပၢၵ်ႇႁႃႈသိပ်းပၢႆသီႇၵေႃႉ၊-

35ၵူၼ်းဝဵင်း ႁႃႇရိမ်း သၢမ်ပၢၵ်ႇပၢႆသၢဝ်းၵေႃႉ၊-

36ၵူၼ်းဝဵင်း ယေႇရီႉၶူဝ်း သၢမ်ပၢၵ်ႇသီႇသိပ်းပၢႆႁႃႈၵေႃႉ၊-

37ၵူၼ်းဝဵင်း လေႃးတႃႉ ၊ ဝဵင်း ႁႃႇတိတ်ႉ ၊ ဝဵင်း ဢေႃးၼေႃး ၸဵတ်းပၢၵ်ႇသၢဝ်းပၢႆဢဵတ်းၵေႃႉ၊-

38ၵူၼ်းဝဵင်း သေးၼႃႉ သၢမ်ႁဵင်ၵဝ်ႈပၢၵ်ႇပၢႆသၢမ်သိပ်းၵေႃႉဢေႃႈ။

39ၸရၢင်းယိတ်ႈပရေႃးႁဵၵ်ႈၸမ်ႉ၊ မီးၵူၼ်းမဵဝ်း ယေႇတႃႇယႃႉ ၵႃႈၼႂ်းမဵဝ်း ယေႃးသူႉ ၼၼ်ႉ ၵဝ်ႈပၢၵ်ႇၸဵတ်းသိပ်းပၢႆသၢမ်ၵေႃႉ၊-

40ၵူၼ်းမဵဝ်း ဢီႉမေႇရႃႉ ႁဵင်ၼိုင်ႈႁႃႈသိပ်းပၢႆသွင်ၵေႃႉ၊-

41ၵူၼ်းမဵဝ်း ပႃႇသူႉရႃႉ ႁဵင်ၼိုင်ႈသွင်ပၢၵ်ႇသီႇသိပ်းပၢႆၸဵတ်းၵေႃႉ၊-

42ၵူၼ်းမဵဝ်း ႁႃႇရိမ်း ႁဵင်ၼိုင်ႈသိပ်းပၢႆၸဵတ်းၵေႃႉဢေႃႈ။-

43ၸရၢင်းၵူၼ်းမဵဝ်း လေႇဝီႉ ၸမ်ႉ၊ မီးၵူၼ်းမဵဝ်း ယေႃးသူႉ တင်းၵူၼ်းမဵဝ်း ၵႃႇတမေႇလႃႉ ၵႃႈၼႂ်းမဵဝ်း ႁေႃႇတေႇဝႃႉ ၸဵတ်းသိပ်းပၢႆသီႇၵေႃႉဢေႃႈ။

44ၸရၢင်းၶဝ်ၸိူဝ်းဢၼ်မေႃႁဵတ်းၵႂၢမ်းၸမ်ႉ၊ မီးၵူၼ်းမဵဝ်း ဢႃႇသပ်ႉ ပၢၵ်ႇသီႇသိပ်းပၢႆပႅတ်ႇၵေႃႉဢေႃႈ။-

45ၸရၢင်းၶဝ်ၸိူဝ်းဢၼ် ပႂ်ႉၽၵ်းတူၸမ်ႉ၊ မီးၵူၼ်းမဵဝ်း သႃႇလုမ်ႇ ၊ ၵူၼ်းမဵဝ်း ဢႃႇတႃႇ ၊ ၵူၼ်းမဵဝ်း တႃႇလမုၼ်ႇ ၊ ၵူၼ်းမဵဝ်း ဢၵ်ႉၵုပ်ႉ ၊ ၵူၼ်းမဵဝ်း ႁတီႉတႃႉ ၊ ၵူၼ်းမဵဝ်း သေႃႇပေႇ ၊ ပၢၵ်ႇသၢမ်သိပ်းပၢႆပႅတ်ႇၵေႃႉဢေႃႈ။-

46ၸရၢင်းၶဝ်ၸိူဝ်းဢၼ် ပဵၼ်ၶႃႈၽြႃးၸမ်ႉ၊ မီးၵူၼ်းမဵဝ်း ၸီႉႁႃႉ ၊ ၵူၼ်းမဵဝ်း ႁသူႉၽႃႉ ၊ ၵူၼ်းမဵဝ်း တပ်ႉပွၵ်ႉ ၊-

47ၵူၼ်းမဵဝ်း ၵေးရုတ်ႉ ၊ ၵူၼ်းမဵဝ်း သယႃႇဢႃႉ ၊ ၵူၼ်းမဵဝ်း ပႃႇတုၼ်ႇ ၊-

48ၵူၼ်းမဵဝ်း လေႇပၼႃႉ ၊ ၵူၼ်းမဵဝ်း ႁႃႇၵပႃႉ ၊ ၵူၼ်းမဵဝ်း သႃႇလမေး ၊-

49ၵူၼ်းမဵဝ်း ႁႃႇၼၼ်ႇ ၊ ၵူၼ်းမဵဝ်း ၵိတ်ႉတေးလႃႉ ၊ ၵူၼ်းမဵဝ်း ၵႃႇႁႃႇ ၊-

50ၵူၼ်းမဵဝ်း ရႃႇယဢႃႉ ၊ ၵူၼ်းမဵဝ်း ရေႇၸိၼ်း ၊ ၵူၼ်းမဵဝ်း ၼေႇၵေႃႇတႃႉ ၊-

51ၵူၼ်းမဵဝ်း ၵတ်ႉၸမ်ႇ ၊ ၵူၼ်းမဵဝ်း ဢေႃႇၸႃႉ ၊ ၵူၼ်းမဵဝ်း ပႃႇသႃႉ ၊-

52ၵူၼ်းမဵဝ်း ပေႇသေႇ ၊ ၵူၼ်းမဵဝ်း မူႉၼိမ်ႇ ၊ ၵူၼ်းမဵဝ်း ၼေႇၽီႉသေႇသိမ်ႇ ၊-

53ၵူၼ်းမဵဝ်း ပႃႇၵပုတ်ႉ ၊ ၵူၼ်းမဵဝ်း ႁႃႇၵူႇၽႃႉ ၊ ၵူၼ်းမဵဝ်း ႁႃႇရႃႉႁူႉရႃႉ ၊-

54ၵူၼ်းမဵဝ်း ပႃႇၸလိတ်ႉ ၊ ၵူၼ်းမဵဝ်း မေႇႁီႉတႃႉ ၊-

55ၵူၼ်းမဵဝ်း ႁႃႇရသႃႉ ၊ ၵူၼ်းမဵဝ်း ပႃႇရၵုတ်ႉ ၊ ၵူၼ်းမဵဝ်း သီႉသရႃႉ ၊ ၵူၼ်းမဵဝ်း တႃႇမႃႉ ၊-

56ၵူၼ်းမဵဝ်း ၼေႇၸီႉ ၊ ၵူၼ်းမဵဝ်း ႁတီႉၽႃႉ ဢေႃႈ။

57ၸရၢင်းၵူၼ်းမဵဝ်းဢၼ်ပဵၼ် ၸူဝ်ႈလုၵ်ႈပၢၼ်လၢၼ်ၶႃႈ သေႃးလမုၼ်ႇ ၼၼ်ႉၸမ်ႉ၊ မီးၵူၼ်းမဵဝ်း သေႃႇတေႇ ၊ ၵူၼ်းမဵဝ်း သေႃႇၽရိတ်ႉ ၊ ၵူၼ်းမဵဝ်း ပေႇရီႉတႃႉ ၊-

58ၵူၼ်းမဵဝ်း ယႃႇလႃႉ ၊ ၵူၼ်းမဵဝ်း တႃႇၵုၼ်ႇ ၊ ၵူၼ်းမဵဝ်း ၵီႉတေႇလႃႉ ၊-

59ၵူၼ်းမဵဝ်း သေႇၽတီႉ ၊ ၵူၼ်းမဵဝ်း ႁတ်ႉတီႉလႃႉ ၊ ၵူၼ်းမဵဝ်း ပေႃႇၶရိတ်ႉႁၸေႇပိမ်း ၊ ၵူၼ်းမဵဝ်း ဢႃႇမုၼ်ႇ ဢေႃႈ။-

60ၶႃႈၽြႃး တင်းၶႃႈ သေႃးလမုၼ်ႇ ၵႃႈမီး ၼပ်ႉပွင်းၵၼ်ၸမ်ႉ မီးသၢမ်ပၢၵ်ႇၵဝ်ႈသိပ်းပၢႆသွင်ၵေႃႉဢေႃႈ။-

61ၼွၵ်ႈသေၼၼ်ႉ ၶဝ်ၸိူဝ်းဢၼ်ဢွၵ်ႇသေၵႃႈတီႈဝဵင်း တေးလႃႉမေႇလႃႉ ၊ ဝဵင်း တေးလႃႉႁႃႇရသႃႉ ၊ ဝဵင်း ၵေႇရုပ်ႉ ၊ ဝဵင်း ဢတ်ႉတုၼ်ႇ ၊ ဝဵင်း ဢီႉမေႇရႃႉ ၵႂႃႇလႄႈ ဢမ်ႇၽုၺ်ႇဢွၵ်ႇၼႄပျႃးမဵဝ်းပူႇမဵဝ်းပေႃႈၶဝ်၊ ၸိူဝ်ႉၶိူဝ်းၶဝ်၊ ဢိၵ်ႇတင်းလွင်ႈဢၼ် ၶဝ်ၸႂ်ႈမဵဝ်း ဢီႉသရေႇလႃႉ ႁိုဝ် ဢမ်ႇၸႂ်ႈႁိုဝ်ၼၼ်ႉ လႆႈၸိူဝ်းၼၼ်ႉၸမ်ႉ၊-

62ပဵၼ်ၵူၼ်းမဵဝ်း တေႇလႃႇယႃႉ ၊ ၵူၼ်းမဵဝ်း တေႃႇၽီႉ ၊ ၵူၼ်းမဵဝ်း ၼေႇၵေႃႇတႃႉ ၊ ၼပ်ႉပွင်းၵၼ်မီးႁူၵ်းပၢၵ်ႇသီႇသိပ်းပၢႆသွင်ၵေႃႉဢေႃႈ။-

63ၵႃႈၼႂ်းမဵဝ်းယိတ်ႈပရေႃးႁဵၵ်ႈၼၼ်ႉ ၵူၼ်းမဵဝ်း ႁႃႇပႃႇယႃႉ ၊ ၵူၼ်းမဵဝ်း ႁၵေႃႇၸႃႉ ၊ ၵူၼ်းမဵဝ်း ပႃႇၸီႉလေး ဢၼ်ႁူမ်ႈပွင်းၵၼ် တင်းလုၵ်ႈယိင်း ပႃႇၸီႉလေး ၵူၼ်းမိူင်း ၵီႉလတ်ႉ ၼၼ်ႉၵေႃႉၼိုင်ႈလႄႈ လႆႈၶၢမ်ႇတၢင်းဢၼ် ဢဝ်ၸိုဝ်ႈဢဝ်သဵင်ပူႇၼၢႆးမၼ်းၼၼ်ႉ ႁွင်ႉႁဵၵ်ႈၼၼ်ႉၸိူဝ်းၼၼ်ႉ၊-

64ႁႃၸရၢင်းၶဝ် ၵႃႈၼႂ်းမုၵ်ႉၼႂ်းၸိူဝ်းၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၶဝ်ႈပႃးၼႂ်းၸရၢင်းၼၼ်ႉလႄႈ ဢမ်ႇထူပ်းဢမ်ႇႁၼ်။ ပိူဝ်ႈၼႆလႄႈ ၶဝ်ၼၼ်ႉလႆႈၶၢမ်ႇတၢင်းဢၼ် မၢတ်ႈပဵၼ်မဵဝ်းဢၼ်ဢမ်ႇၸႅတ်ႈဢမ်ႇမၢၼ်ႇသေလႄႈ လႆႈၶၢမ်ႇတၢင်းဢၼ်ၼုၵ်ႈဢွၵ်ႇသေၵႃႈၼႂ်းဢရႃႇယိတ်ႈပရေႃးႁဵၵ်ႈဢေႃႈ။-

65ၶုၼ်ဢၼ်ဢုပ်ႉၵႃႈၼိူဝ်မိူင်းၼၼ်ႉ ၸီႇယၢင်ႇလႄႈဝႃႈ၊ ၸူဝ်ႈဢၼ်ယိတ်ႈပရေႃးႁဵၵ်ႈဢၼ်ပႃး ဢူႉရိမ်း တင်း ထူႉမိမ်း ၼၼ်ႉ ဢမ်ႇပႆႇပေႃႇမႃးၼၼ်ႉၸိုင်၊ ၶဝ်ၼၼ်ႉဢမ်ႇလႆႈၵိၼ်ၶိူင်ႈပိူင် ဢၼ်မူတ်းၸၢင်ႇၼႃႇလူင်လၢင်ၼၼ်ႉ၊ ဝႃႈၼင်ႇၼႆဢေႃႈ။

66ပရဵၵ်ႈသၢတ်ႈတင်းသဵင်ႈတင်းလူင် ၼပ်ႉပွင်းၵၼ်ၸမ်ႉ၊ မီးသီႇမိုၼ်ႇသွင်ႁဵင်သၢမ်ပၢၵ်ႇပၢႆႁူၵ်းသိပ်းဢေႃႈ။-

67လိူဝ်သေၼၼ်ႉ ၶႃႈၵူၼ်းၸၢႆးၶဝ်၊ ၶႃႈၵူၼ်းယိင်းၶဝ် ၼပ်ႉပွင်းၵၼ် မီးၸဵတ်းႁဵင်သၢမ်ပၢၵ်ႇသၢမ်သိပ်းပၢႆၸဵတ်းၵေႃႉဢေႃႈ။ မေႃႁဵတ်းၵႂၢမ်းၵူၼ်းၸၢႆး မေႃႁဵတ်းၵႂၢမ်းၵူၼ်းယိင်း ၼပ်ႉပွင်းၵၼ် မီးသွင်ပၢၵ်ႇသီႇသိပ်းပၢႆႁႃႈၵေႃႉဢေႃႈ။-

68မႃႉၶဝ် ၼပ်ႉပွင်းၵၼ် မီးၸဵတ်းပၢၵ်ႇပၢႆသၢမ်သိပ်းပၢႆႁူၵ်းတူဝ်ဢေႃႈ။ လေႃႈၶဝ်လႃးၶဝ်ၼပ်ႉပွင်းၵၼ် မီးသွင်ပၢၵ်ႇသီႇသိပ်းပၢႆႁႃႈတူဝ်ဢေႃႈ။-

69ၵလႃးဢုၵ်ႉၶဝ်ၼပ်ႉပွင်းၵၼ် မီးသီႇပၢၵ်ႇသၢမ်သိပ်းပၢႆႁႃႈတူဝ်ဢေႃႈ။ လီႈၶဝ်ၼပ်ႉပွင်းၵၼ်မီးႁူၵ်းႁဵင်ၸဵတ်းပၢၵ်ႇပၢႆသၢဝ်းတူဝ်ဢေႃႈ။

70ၶဝ်ၸိူဝ်းဢၼ်ပဵၼ်ငဝ်ႈပဵၼ်ႁူဝ် မဵဝ်းပူႇမဵဝ်းပေႃႈၶဝ်ၵမ်ႈၽွင်ႈၼၼ်ႉ ဢွၼ်ၵၼ်လူႇတၢၼ်းပုၼ်ႈဢၼ်တၵ်းၵိုတ်ႉႁၢပ်ႇဢမူႉၸဝ်ႈဢေႃႈ။ ၶုၼ်ဢၼ်ဢုပ်ႉၵႃႈၼိူဝ်မိူင်းၼၼ်ႉၵေႃႈ၊ ဢဝ်တႅင်းၵႃး ၶမ်း တရႅၵ်ႉ ႁဵင်ၼိုင်ႈ၊ ဝၢၼ်ႇႁႃႈသိပ်းလုၵ်ႈ၊ ၶူဝ်းၼုင်ႈၶူဝ်းမႆယိတ်ႈပရေႃးႁဵၵ်ႈ ႁႃႈပၢၵ်ႇပၢႆသၢမ်သိပ်းၸုမ်ႇ လူႇတၢၼ်းလႄႈ သႂၢင်းၶဝ်ႈၵႃႈၼႂ်းတိူၵ်ႈၽၼ်ႇတႃႇၸဝ်ႈဢေႃႈ။-

71ၶဝ်ၸိူဝ်းဢၼ်ပဵၼ်ငဝ်ႈပဵၼ်ႁူဝ် မဵဝ်းပူႇမဵဝ်းပေႃႈၶဝ်ၵမ်ႈၽွင်ႈၼၼ်ႉ ဢွၼ်ၵၼ်ဢဝ်တႅင်းၵႃးၶမ်း တရႅၵ်ႉ သွင်မိုၼ်ႇ တင်းငိုၼ်းသွင်ႁဵင်ပၢႆသွင်ပၢၵ်ႇၸွႆႉ လူႇတၢၼ်းလႄႈသႂၢင်းၶဝ်ႈၵႃႈၼႂ်းတိူၵ်ႈၽၼ်ႇတႃႇၸဝ်ႈဢေႃႈ။-

72ၵူၼ်းတင်းလၢႆ ဢၼ်ယင်းၵိုတ်းယင်းၵျၢၼ်ႇၸိူဝ်းၼၼ်ႉၵေႃႈ၊ ဢွၼ်ၵၼ်ဢဝ်တႅင်းၵႃးၶမ်း တရႅၵ်ႉ သွင်မိုၼ်ႇ၊ ငိုၼ်းသွင်ႁဵင်ၸွႆႉ တင်းၶူဝ်းၼုင်ႈၶူဝ်းမႆ ယိတ်ႈပရေႃးႁဵၵ်ႈ ႁူၵ်းသိပ်းပၢႆၸဵတ်းၸုမ်ႇ လူႇတၢၼ်းဢေႃႈ။-

73ၼင်ႇၼၼ်လႄႈ ယိတ်ႈပရေႃးႁဵၵ်ႈလႂ်၊ ၵူၼ်းမဵဝ်း လေႇဝီႉ လႂ်၊ ၶဝ်ၸိူဝ်းဢၼ်ပႂ်ႉၽၵ်းတူလႂ်၊ မေႃႁဵတ်းၵႂၢမ်းလႂ်၊ ၶဝ်ၸိူဝ်းဢၼ်ၸိုဝ်ႈဢမ်ႇပေႃးဢွၵ်ႇ သဵင်ဢမ်ႇပေႃးဢွၵ်ႇၵမ်ႈၽွင်ႈလႂ်၊ ၶႃႈၽြႃးလႂ် ဢိၵ်ႇတင်းၵူၼ်းဝၢၼ်ႈၵူၼ်းမိူင်း ဢီႉသရေႇလႃႉ တင်းသဵင်ႈတင်းလူင်ၼၼ်ႉ ဢွၼ်ၵၼ်တူၵ်းတီႈတူၵ်းလႅၼ်ယူႇ ၵႃႈတီႈဝၢၼ်ႈဝဵင်းတီႈယူႇၶဝ်ဢေႃႈ။