Nehemiah 12 — Shan

1ယိတ်ႈပရေႃးႁဵၵ်ႈတင်းလၢႆ ဢိၵ်ႇတင်းၵူၼ်းမဵဝ်း လေႇဝီႉ တင်းလၢႆ ဢၼ်ၸွမ်း ၸေႇရူႉပႃႉပေႇလႃႉ လုၵ်ႈၸၢႆး သႃႇလႃႉသေးလႃႉ ဢိၵ်ႇတင်း ယေႃးသူႉ ၼၼ်ႉမႃးၸိူဝ်းၼၼ်ႉၸမ်ႉ၊ မီး ၸရႃႇယႃႉ၊ ယေႇရမီႉ၊ ဢေးၸရႃႉ ၊-

7သႃႇလူႉ၊ ဢႃႇမွၵ်ႉ၊ ႁီႉလၶီႉ၊ ယေႇတႃႇယႃႉ ၸိူဝ်းၼၼ်ႉဢေႃႈ။ ၶဝ်ၸိူဝ်းၼႆႉၸမ်ႉ၊ ပဵၼ်ၵေႃႉဢၼ်ပဵၼ်ငဝ်ႈပဵၼ်ႁူဝ်ယိတ်ႈပရေႃးႁဵၵ်ႈတင်းလၢႆ ဢိၵ်ႇတင်းပီႈၶဝ်ၼွင်ႉၶဝ် ၼႂ်းၸူဝ်ႈပၢၼ် ယေႃးသူႉ ၼၼ်ႉဢေႃႈ။

8ၵူၼ်းမဵဝ်း လေႇဝီႉ ၸမ်ႉ၊ မီး ယေႃးသူႉ၊ ပီႉၼုၺ်ႇ၊ ၵႃႇတမေႇလႃႉ၊ သေႇရၽီႉ၊ ယူႉတႃႉ တင်း မတ်ႉတၼီႉ ၵေႃႉဢၼ်ဢုပ်ႉဢမူႉ တၢင်းဢၼ်ယွင်ႈယေႃးၵျေးၸူးၸဝ်ႈၼၼ်ႉ ဢိၵ်ႇလူၺ်ႈၵၼ်တင်းပီႈမၼ်းၼွင်ႉမၼ်းတင်းလၢႆဢေႃႈ။-

9ပႃႇၵပူႇၵီႉ တင်း ဢုၼ်ႇၼီႉ ဢၼ်ပဵၼ်ပီႈၶဝ်ၼွင်ႉၶဝ်ၼၼ်ႉ လႆႈဢွၼ်ၵၼ်ဢုပ်ႉၵႃႈၼိူဝ် ၶဝ်ၸိူဝ်းဢၼ်ပဵၼ်မုၵ်ႉပဵၼ်ၸိူဝ်းသေလႄႈ ပႂ်ႉၵၢင်ၼၼ်ႉဢေႃႈ။

10ယေႃးသူႉ မီးလုၵ်ႈၸၢႆး ယေႃးယၵိမ်း၊ ယေႃးယၵိမ်း မီးလုၵ်ႈၸၢႆး ဢေးလျႃႇသိပ်ႉ၊ ဢေးလျႃႇသိပ်ႉ မီးလုၵ်ႈၸၢႆး ယေႃးယတႃႉ ၊-

11ယေႃးယတႃႉ မီးလုၵ်ႈၸၢႆး ယေႃးၼသၼ်ႇ၊ ယေႃးၼသၼ်ႇ မီးလုၵ်ႈၸၢႆး ယႃႇတႂႃႇ ဢေႃႈ။-

12ယိတ်ႈပရေႃးႁဵၵ်ႈဢၼ်ပဵၼ်ငဝ်ႈပဵၼ်ႁူဝ် မဵဝ်းပူႇမဵဝ်းပေႃႈၶဝ်ၼႂ်းၸူဝ်ႈပၢၼ် ယေႃးယၵိမ်း ၼၼ်ႉၸမ်ႉ၊ ပဵၼ် မေႇရႃႇယႃႉ လုၵ်ႈၸၢႆး ၸရႃႇယႃႉ၊ ႁႃႇၼၼီႉ လုၵ်ႈၸၢႆး ယေႇရမီႉ ၊-

13မေႇသူႉလမ်ႇ လုၵ်ႈၸၢႆး ဢေးၸရႃႉ၊ ယေႃးႁၼၼ်ႇ လုၵ်ႈၸၢႆး ဢႃႇမရီႉ ၊-

14ယေႃးၼသၼ်ႇ လုၵ်ႈၸၢႆး မႃႇလုၵ်ႉ၊ ယူဝ်းသႅပ်ႈ လုၵ်ႈၸၢႆး သေးပၼီႉ ၊-

15ဢႃႇတၼႃႉ လုၵ်ႈၸၢႆး ႁႃႇရိမ်း၊ ႁေႇလၵေး လုၵ်ႈၸၢႆး မရႃႇယုတ်ႉ ၊-

16ၸႃႇၶရီႉ လုၵ်ႈၸၢႆး ဢီႉတေႃႇ၊ မေႇသူႉလမ်ႇ လုၵ်ႈၸၢႆး ၵိၼ်ႇၼေႇသုၼ်ႇ ၊-

17ၸီႉၶရီႉ လုၵ်ႈၸၢႆး ဢၽီႉယႃႉ၊ ပီႉလတေႇ လုၵ်ႈၸၢႆး မႃႇတျႃႇ ၊ လုၵ်ႈၸၢႆး မိၼ်ႇၺႃႇမိၼ်ႇ ၊-

18သမႂႃႇ လုၵ်ႈၸၢႆး ပီႉလၵႃႉ၊ ယေႇႁေႃးၼသၼ်ႇ လုၵ်ႈၸၢႆး သေႇမႃႇယႃႉ ၊-

19မတ်ႉတေၼေႇ လုၵ်ႈၸၢႆး ယေႃးယရိပ်ႉ၊ ဢေႃႇၸီႉ လုၵ်ႈၸၢႆး ယေႇတႃႇယႃႉ ၊-

20ၵႃႇလေး လုၵ်ႈၸၢႆး သႃႇလႆႇ၊ ဢေႇပႃႇ လုၵ်ႈၸၢႆး ဢႃႇမွၵ်ႉ ၊-

21ႁႃႇသပီႉ လုၵ်ႈၸၢႆး ႁီႉလၶီႉ၊ ၼႃႇသၼေႇလႃႉ လုၵ်ႈၸၢႆး ယေႇတႃႇယႃႉ ၸိူဝ်းၼၼ်ႉဢေႃႈ။

22ၵူၼ်းမဵဝ်း လေႇဝီႉ တင်းလၢႆ လႆႈၶၢမ်ႇတၢင်းဢၼ်မၢတ်ႈမၢႆတႅမ်ႈဢဝ် ၶဝ်ၸိူဝ်းဢၼ်ပဵၼ်ငဝ်ႈပဵၼ်ႁူဝ် မဵဝ်းပူႇမဵဝ်းပေႃႈၶဝ်ၼၼ်ႉဝႆႉ ၼႂ်းၸူဝ်ႈပၢၼ် ဢေးလျႃႇသိပ်ႉ၊ ယေႃးယတႃႉ၊ ယေႃးႁၼၼ်ႇ၊ ယႃႇတႂႃႇ ၸိူဝ်းၼၼ်ႉလႄႈ၊ ယိတ်ႈပရေႃးႁဵၵ်ႈတင်းလၢႆၵေႃႈ လႆႈၶၢမ်ႇတၢင်းဢၼ်မၢတ်ႈမၢႆတႅမ်ႈဢဝ်ၼႂ်းၸူဝ်ႈပၢၼ် တႃႇရီႉ ၶုၼ်လူင် ပေႇရသီႉ ၼၼ်ႉဝႆႉဢေႃႈ။-

23ၵူၼ်းမဵဝ်း လေႇဝီႉ ဢၼ်ပဵၼ်ငဝ်ႈပဵၼ်ႁူဝ် မဵဝ်းပူႇမဵဝ်းပေႃႈၶဝ်ၼၼ်ႉ လႆႈၶၢမ်ႇတၢင်းဢၼ်မၢတ်ႈမၢႆတႅမ်ႈသႂ်ႇဝႆႉ ၵႃႈၼႂ်းလိၵ်ႈရႃႇၸဝၢင်ႇၶိူဝ်းၶုၼ်တေႃႇထိုင်ႁွတ်ႈၸူဝ်ႈပၢၼ် ယေႃးႁၼၼ်ႇ လုၵ်ႈၸၢႆး ဢေးလျႃႇသိပ်ႉ ၼၼ်ႉဢေႃႈ။-

24ၶဝ်ၸိူဝ်းဢၼ်ပဵၼ်ငဝ်ႈပဵၼ်ႁူဝ်ၵူၼ်းမဵဝ်း လေႇဝီႉ ၼၼ်ႉၸမ်ႉ၊ ပဵၼ် ႁႃႇသၽီႉ၊ သေႇရၽီႉ တင်း ယေႃးသူႉ လုၵ်ႈၸၢႆး ၵႃႇတမေႇလႃႉ ဢိၵ်ႇတင်းပီႈၶဝ်ၼွင်ႉၶဝ် ဢၼ်ၽွမ်ႉႁူမ်ႈလူၺ်ႈၵၼ်တင်းၶဝ် ႁႂ်ႈလႆႈပႂ်ႉဢမူႉတၢင်းဢၼ်ယွင်ႈယေႃးမုၼ်ၸဝ်ႈလႄႈ ႁပ်ႉတုင်းဢဝ်ၵျေးၸူးၸဝ်ႈ ပဵၼ်လႄႉပဵၼ်ၵမ်းၸွမ်းၵႃႈၼင်ႇဢၼ် တႃႇဝိတ်ႈ ၵူၼ်းၽြႃးပဵၼ်ၸဝ်ႈ ၸီႇယၢင်ႇဝႆႉၼၼ်ႉဢေႃႈ။-

25မတ်ႉတၼီႉ၊ ပႃႇၵပူႇၵီႉ၊ ဢေႃးပတီႉ၊ မေႇသူႉလမ်ႇ၊ တႃႇလမုၼ်ႇ၊ ဢၵ်ႉၵုပ်ႉ ၸိူဝ်းၼၼ်ႉၵေႃႈ လႆႈဢွၼ်ၵၼ်ပဵၼ်ၵူၼ်းပႂ်ႉၽၵ်းတူ ဢၼ်လႆႈပႂ်ႉယူႇၵႃႈတီႈတိူၵ်ႈၽၼ်ႇတႃႇၵႃႈတီႈႁိမ်းၽၵ်းတူဢေႃႈ။-

26ၶဝ်ၼၼ်ႉမီးၼႂ်းၸူဝ်ႈပၢၼ် ယေႃးယၵိမ်း လုၵ်ႈၸၢႆး ယေႃးသူႉ ၊ လုၵ်ႈၸၢႆး ယေႃးၸတၵ်ႉ ဢိၵ်ႇတင်းၸူဝ်ႈပၢၼ်မဵဝ်ႉဝုၼ်ႇ ၼေႇႁမီႉ တင်းၸူဝ်ႈပၢၼ်ယိတ်ႈပရေႃးႁဵၵ်ႈ ဢေးၸရႃႉ သြႃႇမေႃႁဵတ်းၵျၢမ်းၼၼ်ႉၸိူဝ်းၼၼ်ႉဢေႃႈ။

27မိူဝ်ႈဢၼ်ႁဵတ်းဢၼူႉမေႃးတၼႃႇလမ်းဝဵင်းၼၼ်ႉၸိုင်၊ ၶဝ်ဢွၼ်ၵၼ်ႁႃဢဝ်ၵူၼ်းမဵဝ်း လေႇဝီႉ တင်းလၢႆလႄႈ ႁွင်ႉဢဝ်ၶဝ်ဢွၵ်ႇသေၵႃႈၼႂ်းတီႈဢၼ် ၶဝ်ယူႇၶဝ်သဝ်းၵူႈတီႈၵူႈလႅၼ်ၼၼ်ႉမႃး ႁႂ်ႈလႆႈပႃးဢဝ်ၵွင်၊ သႅင်ႇ၊ တိင်ႇ၊ တရေႃးယူႇ ႁဵတ်းတၢင်းဢၼ်ယွင်ႈယေႃးၵျေးၸူးၸဝ်ႈ ဢိၵ်ႇတင်းတၢင်းဢၼ်ႁဵတ်းၵႂၢမ်းယူႇသေလႄႈ မီးတၢင်းဢၼ်ၸူမ်းသိူဝ်းမူၼ်ႈပျေႃႇႁဵတ်းဢၼူႉမေႃးတၼႃႇဢေႃႈ။-

28ၵူၼ်းမဵဝ်းဢၼ်ၸၢင်ႈမေႃႁဵတ်းၵႂၢမ်းထမ်ႇမႃႉၸိူဝ်းၼၼ်ႉ ဢွၼ်ၵၼ်လုၵ်ႉသေၵႃႈတီႈပၢင်ႇပဵင်း ဢၼ်လဵပ်ႈႁွပ်ႈဝဵင်း ယေႇရူႉသလႅမ်ႇ ဢိၵ်ႇတင်းဝၢၼ်ႈ ၼေႇတေႃႇၽႃႇသီႉ တင်းလၢႆ တင်းဢိူင်ႇဝဵင်း ၵီႉလႃႉၵႃႇလႃႉ တင်းဝၢၼ်ႈၼွၵ်ႈၼႃးပၢင်ႇ ၵေႇပႃႉ တင်း ဢႃႇၸမႃႇဝိတ်ႉ ၸိူဝ်းၼၼ်ႉမႃးလႄႈ ၸူႉၵၼ်တုမ်ၵၼ်ဢေႃႈ။-

29လွင်ႈမၼ်းၸမ်ႉ ၶဝ်ၸိူဝ်းဢၼ်မေႃႁဵတ်းၵႂၢမ်းၼၼ်ႉ ဢွၼ်ၵၼ်တႄႇႁဵတ်းဝၢၼ်ႈႁဵတ်းဝဵင်းသေလႄႈ ယူႇၵႃႈတီႈလဵပ်ႈႁွပ်ႈဝဵင်း ယေႇရူႉသလႅမ်ႇ ၼၼ်ႉဢေႃႈ။-

30ယိတ်ႈပရေႃးႁဵၵ်ႈတင်းလၢႆ ဢိၵ်ႇတင်းၵူၼ်းမဵဝ်း လေႇဝီႉ တင်းလၢႆၵေႃႈ ဢွၼ်ၵၼ်ႁႂ်ႈတူဝ်ၸဝ်ႈၵဝ်ႇမူတ်းၸၢင်ႇသေလႄႈ ႁႂ်ႈၵူၼ်းတင်းလၢႆ၊ ၽၵ်းတူဝဵင်း၊ လမ်းဝဵင်းၸိူဝ်းၼၼ်ႉမူတ်းၸၢင်ႇဢေႃႈ။-

31မိူဝ်ႈၼၼ်ႉ ၵဝ်ႁွင်ႉဢဝ်ၶုၼ် ယူႉတႃႉ တင်းလၢႆမႃး ၵႃႈတီႈၼိူဝ်လမ်းဝဵင်းလႄႈ ၶၢၼ်းႁဵတ်းမုၵ်ႉလူင်ၸိူဝ်းလူင် ဢၼ်လႆႈႁဵတ်းၵႂၢမ်းယွင်ႈယေႃးၼၼ်ႉဝႆႉသွင်မုၵ်ႉသွင်ၸိူဝ်းဢေႃႈ။ မုၵ်ႉၸိူဝ်းၼိုင်ႈၸမ်ႉ ဢွၼ်ၵၼ်လဵပ်ႈၽၢႆႇတၢင်းၶႂႃလႄႈ တႆႇၸွမ်းၵႃႈၼိူဝ်လမ်းဝဵင်းၸူးၵႃႈတီႈၽၵ်းတူၶီႈဝူဝ်းဢေႃႈ။-

32လိုၼ်းလင်ၶဝ်ၼၼ်ႉ ႁေႃးသႃႇယႃႉ ဢိၵ်ႇတင်းၶုၼ် ယူႉတႃႉ ၶိုင်ႈၼိုင်ႈ၊-

33ဢႃႇၸရီႉ၊ ဢေးၸရႃႉ၊ မေႇသူႉလမ်ႇ ၊-

34ယူႉတႃႉ၊ ပိၼ်ႇယႃႇမိၼ်ႇ၊ သေႇမႃႇယႃႉ၊ ယေႇရမီႉ ၊-

35ၵူၼ်းမဵဝ်းယိတ်ႈပရေႃးႁဵၵ်ႈ ဢၼ်ယိပ်းၵမ်ၼႄးၶရႃႇၼၼ်ႉၵမ်ႈၽွင်ႈ၊ ၸႃႇၶရီႉ ဢၼ်ပဵၼ်လုၵ်ႈၸၢႆး ယေႃးၼသၼ်ႇ ၊ လုၵ်ႈၸၢႆး သေႇမႃႇယႃႉ ၊ လုၵ်ႈၸၢႆး မတ်ႉတၼီႉ ၊ လုၵ်ႈၸၢႆး မိၵ်ႉၶယႃႉ ၊ လုၵ်ႈၸၢႆး ၸၵ်ႉၵူႉရႃႉ ၊ လုၵ်ႈၸၢႆး ဢႃႇသပ်ႉ ၼၼ်ႉ၊-

36ဢိၵ်ႇတင်းၼွင်ႉၸၢႆးမၼ်း သေႇမႃႇယႃႉ၊ ဢႃႇၸရေႇလႃႉ၊ မီႉလလေႇ၊ ၵီႉလလေႇ၊ မႃႇဢီႉ၊ ၼႃႇသၼေႇလႃႉ၊ ယူႉတႃႉ၊ ႁႃႇၼၼီႉ ၸိူဝ်းၼၼ်ႉ ဢွၼ်ၵၼ်ယိပ်းၵမ်ဢဝ်မဵဝ်းတူႇရီႉယႃႇ တႃႇဝိတ်ႈ ၵူၼ်းၽြႃးပဵၼ်ၸဝ်ႈၼၼ်ႉယူႇသေလႄႈၸွမ်းဢေႃႈ။ ဢေးၸရႃႉ သြႃႇမေႃၵျၢမ်းၼၼ်ႉ ဢွၼ်ႁူဝ်ၶဝ်ၵႂႃႇဢေႃႈ။-

37ၶဝ်တႆႇၸွမ်းၵႃႈတီႈႁိမ်းၽၵ်းတူၼမ်ႉဢွၵ်ႇႁူးလႄႈ ၵႂႃႇသိုဝ်ႈၼႃႈၶဝ်တိၵ်းတိၵ်းသေယဝ်ႉ၊ ဢွၼ်ၵၼ်ၶိုၼ်ႈၸွမ်းၶၼ်ႈလႆဝဵင်း တႃႇဝိတ်ႈ တီႈဢၼ်လမ်းဝဵင်းၶိုၼ်ႈၵႂႃႇၸူး ၵႃႈတီႈၽၢႆႇၼိူဝ်ႁေႃ တႃႇဝိတ်ႈ ဢၼ်ဝႃႈၵႃႈတီႈၽၵ်းတူၼမ်ႉ ၽၢႆႇၼႃႈဝၼ်းဢွၵ်ႇၼၼ်ႉဢေႃႈ။-

38မုၵ်ႉၸိူဝ်းၼိုင်ႈ ဢၼ်လႆႈႁဵတ်းၵႂၢမ်းယွင်ႈယေႃးၼၼ်ႉၸမ်ႉ၊ လဵပ်ႈၵႂႃႇၽၢႆႇၼိုင်ႈ ႁႂ်ႈလႆႈႁူပ်ႉၵၼ်ၶွပ်ႈၵၼ်တင်းၶဝ်ၼၼ်ႉလႄႈ ၵဝ်ဢိၵ်ႇလူၺ်ႈၵၼ်တင်းၵူၼ်းတင်းလၢႆၶိုင်ႈၼိုင်ႈ ဢွၼ်ၵၼ်တႆႇၸွမ်းၵႃႈၼိူဝ်လမ်းဝဵင်း ဢဝ်ၵႃႈတီႈၽၢႆႇၼိူဝ်လၢင်းၸီးၽီးၽႆး တေႃႇထိုင်ႁွတ်ႈ လမ်းဝဵင်းဢၼ်ၵႂၢင်ႈ၊-

39ဢိၵ်ႇတင်းၵႃႈၼိူဝ်ၽၵ်းတူ ဢေႇၽရိမ်ႇ ၊ ၽၵ်းတူဢၼ်ၵဝ်ႇ၊ ၽၵ်းတူပႃ၊ လၢင်းၸီး ႁႃႇၼၼေႇလႃႉ ၊ လၢင်းၸီး မေႇဢႃႇ တေႃႇထိုင်ႁွတ်ႈၽၵ်းတူသူဝ်းသေယဝ်ႉ၊ ဢွၼ်ၵၼ်ၸုၵ်းယူႇၵႃႈတီႈႁူးၽၵ်းတူထွင်ႇဢေႃႈ။-

40ၼင်ႇၼၼ်လႄႈမုၵ်ႉၸိူဝ်းဢၼ်လႆႈႁဵတ်းၵႂၢမ်းယွင်ႈယေႃး ၵႃႈၼႂ်းႁိူၼ်းၽြႃးပဵၼ်ၸဝ်ႈသွင်မုၵ်ႉသွင်ၸိူဝ်းၼၼ်ႉ ဢွၼ်ၵၼ်ၸုၵ်းယူႇသေလႄႈ ၵဝ်ဢိၵ်ႇတင်းၶုၼ်ဢၼ်မီးဢရႃႇၸိူဝ်းၼၼ်ႉၶိုင်ႈၼိုင်ႈ ဢၼ်ပႃးလူၺ်ႈၵၼ်တင်းၵဝ်၊-

41ဢိၵ်ႇတင်းယိတ်ႈပရေႃးႁဵၵ်ႈ ဢေးလျႃႇၵိမ်ႇ၊ မႃႇသေႇယႃႉ၊ မိၼ်ႇယႃႇမိၼ်ႇ၊ မိၵ်ႉၶယႃႉ၊ ဢေးလီႉဢေႃးၼေႇ၊ ၸႃႇၶရီႉ၊ ႁႃႇၼၼီႉ ဢၼ်ယိပ်းၵမ်ၼႄးၶရႃႇၸိူဝ်းၼၼ်ႉ၊-

42တင်း မႃႇသေႇယႃႉ၊ သေႇမႃႇယႃႉ၊ ဢေးလႃႇၸႃႇ၊ ဢေႃႇၸီႉ၊ ယေႃးႁၼၼ်ႇ၊ မႃႇလၶီႉယႃႉ၊ ဢေႇလမ်ႇ၊ ဢေးၸႃႇ ၸိူဝ်းၼၼ်ႉၵေႃႈ မီးယူႇဢေႃႈ။ ၶဝ်ၸိူဝ်းဢၼ်မေႃႁဵတ်းၵႂၢမ်းၼၼ်ႉ ဢွၼ်ၵၼ်ႁွင်ႉႁဵတ်းၵႂၢမ်းလူၺ်ႈၵၼ်တင်းသြႃႇၶဝ် ယေႇၸရႃႇႁီႉ ၼၼ်ႉဢေႃႈ။-

43ၼႂ်းဝၼ်းၼၼ်ႉ ၶဝ်ဢွၼ်ၵၼ်ပုၵ်ႈၸေႃႇယိတ်ႈၼမ်ၼႃႇလႄႈ မီးတၢင်းဢၼ်ၸူမ်းသိူဝ်းမူၼ်ႈပျေႃႇ ၵွပ်ႈပိူဝ်ႈဢၼ် ၽြႃးပဵၼ်ၸဝ်ႈပၼ်ဢၶႂၢင်ႉဢၼ်ၶဝ်လႆႈၸူမ်းသိူဝ်းမူၼ်ႈပျေႃႇၼႃႇလူင်လၢင်ၼၼ်ႉဢေႃႈ။ မႄႈယိင်းဢိၵ်ႇတင်း လုၵ်ႈလၢင်းတင်းလၢႆၵေႃႈ ဢွၼ်ၵၼ်မီးတၢင်းဢၼ်ၸူမ်းသိူဝ်းမူၼ်ႈပျေႃႇလႄႈ သဵင်တၢင်းဢၼ်ၸူမ်းသိူဝ်းမူၼ်ႈပျေႃႇဝဵင်း ယေႇရူႉသလႅမ်ႇ ၼၼ်ႉထၼ်ႈပေႃးငိၼ်းၵႂႃႇတေႃႇထိုင်ႁွတ်ႈတီႈဢၼ်ၵႆၼႃႇဢေႃႈ။

44ၼႂ်းဝၼ်းၼၼ်ႉ ၵွပ်ႈပိူဝ်ႈဢၼ်ၵူၼ်းမဵဝ်း ယူႉတႃႉ တင်းလၢႆ ဢွၼ်ၵၼ်မီးတၢင်းဢၼ်ၸူမ်းသိူဝ်းမူၼ်ႈပျေႃႇ ၵွပ်ႈပိူဝ်ႈယိတ်ႈပရေႃးႁဵၵ်ႈတင်း ၵူၼ်းမဵဝ်း လေႇဝီႉ ဢၼ်လႆႈပႂ်ႉဢမူႉၸဝ်ႈၸိူဝ်းၼၼ်ႉလႄႈ ၶဝ်ဢွၼ်ၵၼ်ၶၢၼ်းၵူၼ်းၵမ်ႈၽွင်ႈဝႆႉ ၵႃႈၼိူဝ်လုၵ်းတိူၵ်ႈၽၼ်ႇတႃႇတင်းလၢႆ ပုၼ်ႈၽၼ်ႇတႃႇလႂ်၊ ၶိူင်ႈပုၵ်ႈၸေႃႇဢၼ်ယုၵ်ႉယွင်ႈလႂ်၊ မၢၵ်ႇဢၼ်မၢၵ်ႇဢွၼ်တၢင်းလႂ်၊ သိပ်းပုၼ်ႈပုၼ်ႈၼိုင်ႈလႂ်ၸိူဝ်းၼၼ်ႉ ႁႂ်ႈလႆႈၸွမ်းလူၺ်ႈၼမ်ႉလိၼ်ဝၢၼ်ႈၼွၵ်ႈၼႃးပၢင်ႇသေလႄႈ သိမ်းဢဝ်ပုၼ်ႈဢဝ်တႃႇဢၼ်တြႃးၸဝ်ႈၸီႇယၢင်ႇဝႆႉ ပုၼ်ႈဢၼ်ယိတ်ႈပရေႃးႁဵၵ်ႈတင်းလၢႆ ဢိၵ်ႇတင်းၵူၼ်း လေႇဝီႉ တင်းလၢႆၸိူဝ်းၼၼ်ႉ ထုၵ်ႇၶၢမ်ႇထုၵ်ႇဢဝ်ၼၼ်ႉမႃးဢေႃႈ။-

45ၶဝ်ၸိူဝ်းဢၼ်မေႃႁဵတ်းၵႂၢမ်း ဢိၵ်ႇတင်းၶဝ်ၸိူဝ်းဢၼ်ပႂ်ႉၽၵ်းတူၼၼ်ႉၵေႃႈ ဢွၼ်ၵၼ်ပႂ်ႉၵမ်ပႂ်ႉၸွမ်းဢမူႉၽြႃးပဵၼ်ၸဝ်ႈၶဝ် ဢိၵ်ႇတင်းဢမူႉတၢင်းဢၼ်မူတ်းသႂ်ယူႇ ၸွမ်းၵႃႈၼင်ႇဢၼ် တႃႇဝိတ်ႈ တင်းလုၵ်ႈၸၢႆးၸဝ်ႈ သေႃးလမုၼ်ႇ ဢၼ်မေႃႁဵတ်းၵႂၢမ်း ဢိၵ်ႇတင်းၶဝ်ၸိူဝ်းဢၼ်ပႂ်ႉၽၵ်းတူၼၼ်ႉၵေႃႈ ဢွၼ်ၵၼ်ပႂ်ႉၵမ်ပႂ်ႉၸွမ်းဢမူႉၽြႃးပဵၼ်ၸဝ်ႈၶဝ် ဢိၵ်ႇတင်းဢမူႉတၢင်းဢၼ်မူတ်းသႂ်ယူႇ ၸွမ်းၵႃႈၼင်ႇဢၼ် တႃႇဝိတ်ႈ တင်းလုၵ်ႈၸၢႆးၸဝ်ႈ သေႃးလမုၼ်ႇ ၸီႇယၢင်ႇဝႆႉၼၼ်ႉဢေႃႈ။-

46မိူဝ်ႈဢွၼ်ၼႆႉ ၼႂ်းၸူဝ်ႈပၢၼ် တႃႇဝိတ်ႈ တင်း ဢႃႇသပ်ႉ ၼၼ်ႉမီးၵေႃႉဢၼ်ပဵၼ်ငဝ်ႈပဵၼ်ႁူဝ် ၼႂ်းၶဝ်ၸိူဝ်းဢၼ်ႁဵတ်းၵႂၢမ်းၼၼ်ႉ ဢိၵ်ႇတင်းတၢင်းဢၼ်ႁဵတ်းၵႂၢမ်းဢၼ်ယွင်ႈယေႃး၊ ၵႂၢမ်းဢၼ်ႁပ်ႉတုင်းဢဝ်ၵျေးၸူးၸဝ်ႈၼၼ်ႉ တီႈၽြႃးပဵၼ်ၸဝ်ႈဢေႃႈ။-

47ၼႂ်းၸူဝ်ႈပၢၼ် ၸေႇရူႉပႃႉပေႇလႃႉ ဢိၵ်ႇတင်းၸူဝ်ႈပၢၼ် ၼေႇႁမီႉ ၵေႃႈ ၵူၼ်းမဵဝ်း ဢီႉသရေႇလႃႉ တင်းသဵင်ႈတင်းလူင် ဢွၼ်ၵၼ်ဢဝ်ပုၼ်ႈဢဝ်တႃႇ ဢၼ်ၶဝ်ၸိူဝ်းဢၼ် မေႃႁဵတ်းၵႂၢမ်း ဢိၵ်ႇတင်းၶဝ်ၸိူဝ်းဢၼ်ပႂ်ႉၽၵ်းတူၼၼ်ႉထုၵ်ႇၶၢမ်ႇထုၵ်ႇဢဝ်ၸိူဝ်းၼၼ်ႉ ပၼ်ၸွမ်းၵႃႈၼင်ႇဢၼ်မိုဝ်ႉဝၼ်းၸႅၼ်ႇတၢမ်းၵၼ်လႄႈ ႁႂ်ႈမူတ်းၸၢင်ႇပုၼ်ႈၵူၼ်းမဵဝ်း လေႇဝီႉ တင်းလၢႆဢေႃႈ။ ၵူၼ်းမဵဝ်း လေႇဝီႉ ၸိူဝ်းၼၼ်ႉၵေႃႈ သမ်ႉဢဝ်ႁႂ်ႈမူတ်းၸၢင်ႇပုၼ်ႈၵူၼ်းမဵဝ်း ဢႃႇရုၼ်ႇ တင်းလၢႆဢေႃႈ။