2 Corinthians 11

Shona (Baiberi Magwaro Matȿene aMŋari 1949 (Doke)

← Chapter 10 Jump to: Chapter 12 →

1Ƌai mucindiitira mŋoyo murefu paɗuku paʋupenzi bgaŋgu; asi munondiitira henyu mŋoyo murefu.

2Nokuti ndinegoɗo pamsoro penyu negoɗo raMŋari; nokuti ndakakuwanisai nomurume mumŋe, kuti ndikuisei kunaKristu semhandara yakacena.

3Asi ndinotya kuti, senyoka yakanyeŋgera Eva namano ayo, ɀimŋe saiɀoɀo ndaŋgariro dzenyu dziŋgaȿiɓiswa, dzitsauke pakururama nokucena kwomŋoyo kuri kunaKristu.

4Nokuti kana mumŋe aciʋuya unoparidza mumŋe Jesu, watisina‐kumboparidza isu, kana ɀimŋe mucigamucira mumŋe mŋeya, wamusina‐kumbogamucira, kana imŋe evaŋgeri, yamusina‐kumbotenda, ɀino mo mu itira mŋoyo murefu kwaɀo.

5Nokuti ndinoti handizi muɗuku napaɗuku‐ɗuku kuʋaapostora ʋanopfuʋura ʋamŋe ʋose.

6Ɀino kunyaŋge ndisiŋganatsi pakutaura, handina‐kuɗaro pakuziʋa; asi paɀinhu ɀose takaratidza iɀoɀo kwamuri pamberi paʋose.

7Ndakatadza here ɀandakaɀininipisa kuti imi mukudzwe, ɀandakakuparidzirai Evaŋgeri yaMŋari ndisiŋgapiwi muɓairo?

8Dzimŋe kereke ndakadzitorera, ndicireʋa muɓairo, kuti ndikushumirei imi.

9Ʋuye, paŋguʋa yandakaŋga ndiri kwamuri, ndicishaiwa, handinakuremedza munhu; nokuti ɀandakashaiwa ndakapiwa nehama dzaibva Makedonia; paɀinhu ɀose ndakacenjera kuti ndirege kukuremedzai, ʋuye ndicaramba ndicicenjera.

10Ɀokwaɗi yaKristu iri mandiri, ndinoti kuɀirumbidza uku hakuŋgandidziʋisirwi kunyika dzeAkaya.

11Nemhaka yeiko? Nokuti handikuɗiyi here? Mŋari unoziʋa.

12Asi cinhu ici candinoita, ndinociita, kuti ndishaise nzira iʋo ʋanotȿaka nzira; kuti ʋawanikwe ʋakaita sesu paɀinhu iɀoɀo ɀaʋanoɀirumbidza naɀo.

13Nokuti ʋakaɗaro ʋaapostora ʋenhema, ʋanoɓata nokunyeŋgera, ʋanoɀishandura ʋaciɀiita ʋaapostora ʋaKristu.

14Na iɀoɀi haɀishamisi; nokuti kunyaŋge naSatani ʋo unoɀishandura, aciɀiita somutumŋa weciedza.

15Naiɀoɀo hacizi cinhu cikuru, kana ʋashumiri ʋake ʋaciɀishandura ʋo, ʋaciɀiita saʋashumiri ʋokururama; kuguma kwaʋo kucaʋa seɀaʋakaɓata.

16Ndinopamhidza, ndiciti: Ŋgakurege kuʋa nomunhu unoti ndiri ɓenzi; asi kana muciɗaro henyu, ndigamucirei seɓenzi, kuti ndiɀirumbidze haŋgu ɀishoma ʋo.

17Ɀandinotaura, handiɀitauri seɀinobva kunaShe, asi sapaʋupenzi bgaŋgu, pakuɀitenda uku kwatinoɀirumbidza nako.

18Ʋazhinji ɀaʋanoɀirumbidza panyama, neni ʋo ndicaɀirumbidza.

19Nokuti munoitira mapenzi mŋoyo murefu nomufaro, imi muri ʋakacenjera;

20nokuti munoita nomŋoyo murefu kana munhu acikuitai ʋaranda, kana acikuparadzai, kana acikutapai, kana aciɀikudza, kana acikuroʋai kumeso.

21Ndinoreʋa ndici ɀis hoʋora, ndiciti takaŋga tisinesimba kuɗaro. Ɀino kana kunomunhu unotsuŋga, (ndinotaura seɓenzi), neni ndinotsuŋga ʋo.

22Iʋo ʋaHeberu here? Neni ʋo. Iʋo ʋaIsraeri here? Neni ʋo. Iʋo ʋana ʋaAbrahama here? Neni ʋo.

23Iʋo ʋashumiri ʋaKristu here? (Ndinotaura somunhu unopeŋga), ɀikuru ini; pamaɓasa ndinoʋapfuʋura, pakusuŋgwa patoroŋgo ndinoʋapfuʋura, pakurobga ɀikuru‐kuru, parufu kazhinji.

24Ndakarobga naʋaJuda kashanu, shamhu dzinamakumi matatu nepfumbamŋe.

25Katatu ndakarobga netȿimbo, kamŋe ndakatakwa namabge, katatu ndakaputsikirwa necikepe, ʋusiku bgumŋe namasikati ndakaŋga ndiri muguŋgwa;

26panzendo kazhinji, panjodzi dzenzizi, panjodzi dzamakororo, panjodzi dzoʋorudzi rwaŋgu, panjodzi dzaʋahedeni, panjodzi muguta, panjodzi murenje, panjodzi muguŋgwa, panjodzi pakati pehama dzenhema;

27pakuɓata napakutambura, pakuʋata kazhinji takarindira, panzara nenyota, pakuɀinyima ɀokudya kazhinji, pacando napakushaiwa ɀokufuka.

28Kunze kwaiɀoɀi, ndinoremedzwa zuʋa rimŋe nerimŋe nokuraŋgarira kereke dzose.

29Ndianiko usinesimba, neni ndikasaʋa nesimba? Ndianiko unogumburwa, neni ndikasatȿa?

30Kana ndikafanira kuɀirumbidza, ndicaɀirumbidza neɀinhu ɀoʋutera bgaŋgu.

31Mŋari, Ƃaɓa ʋaShe Jesu, unokudzwa nokusiŋgaperi, unoziʋa kuti handireʋi nhema.

32paDamasko muɓati pasi pamambo Areta wakarinda guta raʋeDamasko, acitȿaka kundiɓata;

33ndikaɓuruswa ndiri muɗeŋgu napawindi paruȿiŋgo, ndikatiza pamaʋoko ake.

← Chapter 10 Jump to: Chapter 12 →