2 Corinthians 2

Shona (Baiberi Magwaro Matȿene aMŋari 1949 (Doke)

← Chapter 1 Jump to: Chapter 3 →

1Asi ndakati mumŋoyo maŋgu, kuti handiɗi kuʋuya ɀe kwamuri nokucema.

2Nokuti kana ndicikucemedzai, ndianiko ucandifadza, kana asiri iye wakacemedzwa neni?

3Ɀino ndakanyora cinhu ici kuti kana ndaȿika, ndirege kucemedzwa naiʋo ʋaifanira kundifadza; ndicikutendai mose, kuti kufara kwaŋgu ndokwenyu mose.

4Nokuti ndakakunyorerai nemisodzi mizhinji pakutambudzika kukuru nenhamo yomŋoyo; ndisiŋgati mucemedzwe, asi kuti muziʋe ruɗo rukuru rwandinokuɗai narwo.

5Ɀino kana mumŋe akacemedza hake, haana‐kundicemedza ini, asi ndiŋgati ɀimŋe‐ndirege kunyanyisa — imi mose.

6Kuroʋa uku kwaʋanhu ʋazhinji kunoriŋgana munhu wakaɗai.

7Naiɀoɀo ɀirinani kuti mumukaŋganwire nokumunyaradza, kuti arege kuʋodzwa mŋoyo kwaɀo neshuŋgu huru.

8Naiɀoɀo ndinokumbira ɀikuru kwamuri kuti musimbise ruɗo rwenyu kwaari.

9Nokuti ndakanyora ʋo iɀi, kuti ndikuidzei, ndiziʋe kana munoterera paɀinhu ɀose.

10Ɀino iye wamunokaŋganwira, neni ndinomukaŋganwira ʋo; nokuti iɀo ɀandakaŋganwira ini, kana ndineŋge ndakakaŋganwira cinhu, ndakaɀiita nokuɗa kwenyu pamberi paKristu;

11kuti tirege kunyeŋgerwa naSatani; nokuti mano ake tinoaziʋa.

12Ɀino, ndakati ndiciȿika paTroasi kuparidza Evaŋgeri yaKristu, ndicizarurirwa mukoʋa munaKristu,

13ndakaŋga ndisinezororo pamŋeya waŋgu, nokuti handina‐kuwana’po Tito, hama yaŋgu; asi ndakawonekana naʋo, ndikaenda Makedonia.

14Asi Mŋari ŋgaaʋoŋgwe, unotikundisa ŋguʋa dzose munaKristu, unoratidza nesu kwose‐kwose bgema bgokuziʋa kwake.

15Nokuti isu tiri bgema bgakanaka bgaKristu kunaMŋari, pakati paiʋo ʋanoponeswa naʋanoparara.

16Kunaʋamŋe tiri bgema bgorufu bgunoisa kurufu; kunaʋamŋe bgema bgoʋupenyu bgunoisa kuʋupenyu. Ɀino ndianiko uŋgakwanisa ɀinhu ɀakaɗai?

17Nokuti hatifanani naʋamŋe ʋazhinji ʋanokaŋganisa shoko raMŋari; asi tinotaura munaKristu neɀokwaɗi, seɀinobva kunaMŋari, pamberi paMŋari.

← Chapter 1 Jump to: Chapter 3 →