Genesis 3

Tswana 1890 (Bibela ea Boitsépho 1890 (Sechuana Tlhaping - Moffatt Bible))

← Chapter 2 Jump to: Chapter 4 →

1MI yana noga ea bo e le boherehere bogolu go cotle tse ri tserileñ tsa naga, tse Yehova Morimo o li rihileñ. Mi ea raea mosari, A rure Morimo o lo oa re, Lo si ye ga tlare tsa tsimo?

2Mi mosari a raea noga, Re ka ya ga louñuo loa tlare tsa tsimo:

3Mi louñuo loa setlare se se ha gare ga tsimo, Morimo o rile, Lo si yeñ ga lona, le esiñ go lo ama, gore lo si shue.

4Mi noga ea raea mosari, Rure ga lo kitla lo shua:

5Gone Morimo oa itse, tsatsiñ lo yañ ga lona, maitlo a lona a tla buruloga, mi lo tla cuana le Morimo, lo itse molemo le boshula.

6Mi eare mosari a bona setlare se le molemo go na liyo, mi se le thatego mo maitloñ, e le setlare se se eletsegañ go tlalehisa, a tsaea louñuo loa shona, mi a lo ya, mi le gona a lo naea monona oa gague eo o nañ nae; mi a lo ya.

7Eriha gona maitlo a bona a burulogañ, mi ba lemoga ha ba sa ikatega; mi ba rokaganya makakaba a mofeige, ba itihela licualo ka aona.

8Mi ba utlua koru ea ga Yehova Morimo a tsamaea mo tsimoñ ka pheho ea motsegare, mi Adame le mosari oa gague ba icuba mo tlaren tsa tsimo go coa ha pele ga Yehova Morimo.

9¶ Mi Yehova Morimo a bitsa Adame, mi a mo raea, U ha kae?

10Mi a re, Ki utluile koru ea gago mo tsimoñ, mi ka boiha gone ga kia ikatega; ki gona ki icubileñ.

11Mi a re, U bulelecoe e mañ, a re, Ga ua ikatega? A u yele ga setlare se ki se gu iritseñ, ka re, U si ye ga shona?

12Mi Adame a re, Mosari eo u mo ’nneileñ go na molekane oa me, ki ena eo o ’nneileñ ga setlare, mi ka ya.

13Mi Yehova Morimo a raea mosari, Eñ se u se rihileñ? mi mosari a re, Ki tsiericoe ki noga, mi ka ya.

14Mi Yehova Morimo a raea noga, Ka e le uena eo o rihileñ yalo, u rogiloe bogolu mo khomuñ cotle, le lipholoholo cotle tsa naga; u tla tsamaea ka empa, mi u tla ya lorole ka malatsi aotle a botselo yoa gago:

15Mi ki tla baea kilo gare ga gago le mosari, le gare ga losika loa gago le losika loa gague; lo tla khoba tlogo ea gago, mi u tla khoba serethe sa lona.

16Mi a raea mosari, Ki tla gu intsihaletsa lithekisho segolu mo ithualoñ ea gago; u tla bona bana ka thekisego; mi keleco ea gago e tla na go monona oa gago, mi o tla gu laola.

17Mi a raea Adame, Ere ka u reritse koru ea mosari oa gago, mi u yele ga tlare se ki se gu iritseñ, ka re, U si ye ga shona, ombu o rogiloe ka ntla ea gago: mi u tla ya ga ona ka thekisego ka malatsi aotle a botselo yoa gago;

18O tla gu uñuela mitlua le ma-shaue, mi u tla ya morogo oa naga;

19Mi u tla ya liyo ka mohuhuco oa sehatlogo sa gago, e tla e tsamaea u boela ombuñ, o u entsicoeñ go ona: gone u lorole, mi u tla ba u boela loroleñ.

20Mi Adame a bitsa leina ya mosari oa gague Eve, gone e le ena ma batseri botle.

21Mi Yehova Morimo a rihela Adame le mosari oa gague liaparo tsa matlalo, mi a ba apesa.

22¶ Mi Yehova Morimo a re, Bonañ, mothu o rihegile yaka moñue oa rona, go itse molemo le boshula:

23Ki gona Yehova Morimo a mo entsa mo tsimoñ ea Edena, go ea go lema ombu o o entsicoeñ go ona, gore a si entse atla sa gague go tsaea le shona setlare sa botselo go se ya, le go tsela ka bosakhutlen.

24Mi a khoromeletsa mothu kua eintle; mi a baea Likeruba kua Iseta ga tsimo ea Edena, le caka ea khabu e e menogelañ eintleñ cotle, go buluka tsela e e eañ tlareñ sa botselo.

← Chapter 2 Jump to: Chapter 4 →